Morgunblaðið - 16.12.2001, Blaðsíða 19
FRÉTTIR
MORGUNBLAÐIÐ SUNNUDAGUR 16. DESEMBER 2001 19
FLUGLEIÐIR opnuðu á föstudag
nýtt fræðslusetur á Suðurlands-
braut 12, í bakhúsi. Fræðslusetrið
er miðstöð starfsþjálfunar og
kennslustarfsemi fyrir starfsfólk
Flugleiða og verður jafnframt til
útleigu.
Kennslustarf Flugleiða var til
margra ára á annarri hæð Hótel
Esju, sem nú er verið að end-
urbyggja. Nýja húsnæðið á Suður-
landsbraut 12 er um 900 fermetrar
að stærð og skiptist í þrjár stórar
kennslustofur og fjórar minni, auk
tækjasalar þar sem m.a. er unnt
að kenna meðferð björgunarbáta
og annars búnaðar. Þá er í
fræðslusetrinu kaffistofa og önnur
aðstaða fyrir nemendur og kenn-
ara.
Flugleiðir leggja áherslu á þjálf-
un starfsmanna og símenntun.
Ákveðnir starfshópar innan Flug-
leiða fá lögbundna þjálfun áður en
þeir hefja störf og síðan með
ákveðnu millibili þann tíma sem
þeir starfa hjá félaginu.
Önnur þjálfun en sú sem er lög-
bundin er t.d. nýliðaþjálfun, sí- og
endurmenntun starfshópa, einkum
í tölvunotkun, stjórnendaþjálfun
og utanaðkomandi námskeið.
Þessu til viðbótar reka Flugleiðir
ferðaskóla þar sem boðið er upp á
þjálfun fyrir störf við ferðasölu,
segir í frétt frá Flugleiðum.
Morgunblaðið/Kristinn Ingvarsson
Baldur Jónsson verktaki, Sigurður Helgason, forstjóri Flugleiða, Guðmundur Pálsson, framkvæmdastjóri flug-
rekstrarsviðs Flugleiða, og Haraldur Baldursson, deildarstjóri þjálfunardeildar Flugleiða.
Fræðslusetur
Flugleiða opnað
FÖSTUDAGINN 14. des. á
milli kl. 14.30 og 14.45 var ekið á
bifreiðina UH-993, sem er
Mitsubishi L-200 pallbifreið,
svört og grá að lit. Bifreiðin stóð
á bifreiðastæði við Skógarhlíð
12. Tjónvaldur, sem var á hvítri
sendiferðabifreið á rauðum
númerum, yfirgaf vettvang án
þess að tilkynna tjónið. Bifreiðin
UH-993 er skemmd á hægra
framhorni. Bifreið tjónvalds er
hugsanlega skemmd á vinstra
afturhorni. Sá eða þeir, sem
geta gefið upplýsingar um mál-
ið, eru beðnir um að hafa sam-
band við lögregluna í Reykjavík.
Lýst eftir
vitnum