Morgunblaðið - 25.01.2002, Blaðsíða 6

FRÉTTIR
6 FÖSTUDAGUR 25. JANÚAR 2002 MORGUNBLAÐIÐ
GERA má ráð fyrir að flugfélag sem
flýgur hingað til lands geti þurft að
greiða a.m.k. um 2.000 kr. fyrir
hvern farþega sem kemur hingað
með flugvélum félagsins. Þá hafa
verið tekin saman afgreiðslugjöld
sem renna til þess aðila sem þjón-
ustar flugvélina hér á landi, lending-
argjöld og vopnaleitargjald sem
flugmálastjórn á Keflavíkurflugvelli
fær í sinn hlut, en síðarnefnda gjald-
ið hækkaði verulega nú um áramót-
in, og innritunargjald sem rennur til
flugstöðvar Leifs Eiríkssonar.
Breska flugfélagið Go hefur til-
kynnt að það muni ekki fljúga hing-
að til lands í sumar eins og það hef-
ur gert tvö undangengin sumur og
er hár kostnaður á Keflavíkurflug-
velli helsta ástæða þessarar ákvörð-
unar samkvæmt upplýsingum fé-
lagsins.
Það flækir útreikninga í þessum
efnum að gjöldin eru innheimt af
ólíkum stofni. Þannig miðast lend-
ingargjöldin við þunga flugvélar,
innritunar- og vopnaleitargjaldið við
fjölda farþega og þjónustugjaldið
við stærð flugvélar og bera skoða
neðangreindan útreikning í því ljósi.
Þau gjöld sem greiða þarf vegna
lendingar flugvéla á Keflavíkurflug-
velli og flugfélög greiða skiptast
þannig að í lendingargjald þarf að
greiða 7,05 Bandaríkjadali eða um
700 krónur fyrir hvert lendingar-
tonn og hefur það gjald verið
óbreytt frá árinu 1989. Gera má ráð
fyrir að meðalfarþegaflugvél sé 60–
70 tonn að þyngd og að gjald vegna
lendingar hennar geti því numið 40–
50 þúsund kr.
Vopnaleitargjald meira
en tvöfaldast
Vopnaleitargjald er nú 300 kr.
fyrir fullorðna og 150 kr. fyrir börn.
Það hækkaði verulega um áramótin,
en það var áður 65 kr. fyrir börn og
1.255 kr. fyrir fullorðna. Björn Ingi
Knútsson, flugvallarstjóri á Kefla-
víkurflugvelli, segir að ástæðan fyrir
hækkuninni séu stórauknar örygg-
iskröfur og kostnaður því samfara.
Ofangreind gjöld renna til flug-
málastjórnar á Keflavíkurflugvelli
og standa undir rekstrarkostnaði
vallarins.
Áætlaðar tekjur af lendingar-
gjöldum í ár eru 510 milljónir króna
og dragast saman um 40 milljónir
frá árinu 2001 vegna minni flugum-
ferðar, en tekjur af vopnaleitar-
gjöldum hækka úr 70 milljónum kr.
í fyrra í 137 milljónir kr. í ár sam-
kvæmt áætlunum, að sögn Björns
Inga.
Undanfarin ár hefur verið afgang-
ur á rekstri vallarins. Rekstraraf-
gangurinn nam 22 milljónum kr. ár-
ið 2000 og 27 milljónum kr. á árinu
1999, en niðurstaða varðandi árið í
ár liggur ekki fyrir. Að sögn Björns
Inga hefur rekstrarafgangurinn
verið notaður til ýmissa nauðsyn-
legra endurbóta á vellinum.
Til viðbótar er síðan greitt innrit-
unargjald af hverjum farþega og
rennur það til flugstöðvar Leifs Ei-
ríkssonar. Það nemur fimm Banda-
ríkjadölum á hvern farþega eða um
500 kr.
Loks þurfa flugvélar að greiða af-
greiðslugjald til þess aðila sem þjón-
ustar flugvélarnar sem hér lenda og
sér um að koma flugvélunum að og
frá flugstöðinni, taka á móti farþeg-
um, afferma vélarnar, koma far-
angri til farþega og þrífa þær ef um
það er að ræða. Slíkur kostnaður
gæti numið um 200 þúsund krónum
til viðbótar fyrir hverja lendingu
fyrir farþegaflugvél af meðalstærð,
samkvæmt upplýsingum Morgun-
blaðsins. Sá kostnaður er óháður
fjölda farþega.
Samantekt á gjöldum vegna lendinga flugvéla á Keflavíkurflugvelli
Kostnaður gæti numið um 2.000
krónum á hvern farþega
INNNES ehf. hefur lækkað heild-
söluverð á Pascual-jógúrt um 5,3%.
Magnús Óli Ólafsson hjá Innnes
segir að lækkun þessi sé vegna hag-
stæðari innkaupa á vörunni. Frá því
að Innnes ehf. hóf innflutning á Pasc-
ual-jógúrt 1999 hafi heildsöluverð á
Pascual-jógúrt hækkað um 12,6%, á
meðan gengi evru hafi hækkað um
20,5%. Á sama tíma hafi íslensk jóg-
úrt og sambærilegar mjólkurvörur
hækkað í verði á bilinu 22%–24 %. Þá
sé ástæða til þess að nefna að miðað
við meðaltal smásöluverðs Pascual-
jógúrtar taki ríkið til sín um það bil
55 krónur af hverri einingu í formi
hárra tolla og virðisaukaskatts.
Lækka verð á
Pascual-jógúrt
DRÍFA Hjartardóttir, fyrsti þing-
maður Sunnlendinga, og Guðjón
Hjörleifsson, bæjarstjóri í Vest-
mannaeyjum, eiga í dag fund með
Sturlu Böðvarssyni samgönguráð-
herra vegna óánægju Eyjamanna
með að engin bílferja á að koma í
stað Herjólfs í maí þegar skipið fer í
slipp heldur hvalaskoðunarbáturinn
Brimrún.
Drífa sagðist í samtali við Morg-
unblaðið hafa kynnt sér málið og
rætt m.a. við Vegagerðina og Sam-
skip, sem reka Herjólf. Hún sagði að
finna þyrfti einhverja lausn á málinu.
„Ég skil hvað Vestmannaeyingar
eru óánægðir með sín samgöngumál.
Þau hafa verið í erfiðum farvegi nú
síðastliðið ár. Fólk er hvorki ánægt
með fjölda ferða né hve fáir bílar
komast til Eyja yfir sumartímann. Í
raun finnst mér fráleitt að Herjólfur
skuli fara í slipp í maímánuði, þegar
ferðamannatíminn er að byrja, en
ekki yfir vetrarmánuðina. Ekki veit
ég ástæðuna en sem leikmaður
finnst mér þetta ótækt. Ég hef feng-
ið þau svör hjá Samskipum að fyr-
irtækið sé að reyna að finna ein-
hverja lausn í málinu,“ sagði Drífa.
Þingmaður
og bæjarstjóri
funda með
ráðherra
KONA um sextugt var flutt á slysa-
deild Landspítalans í Fossvogi í
gærmorgun með áverka á fæti eftir
að hafa lent undir afturhjóli stræt-
isvagns á mótum Höfðabakka og
Vesturhóla. Meiðsl konunnar reynd-
ust ekki alvarleg og mun hún ekki
hafa beinbrotnað samkvæmt upplýs-
ingum frá slysadeild. Samkvæmt
lögreglu var konan á hlaupum á eftir
vagninum þegar henni skrikaði fótur
og rann undir vagninn með þeim af-
leiðingum að annað afturhjól hans ók
yfir fót hennar þegar vagninn ók af
stað. Farþegar í vagninum hlúðu að
hinni slösuðu á meðan beðið var
sjúkraliðs og læknis.
Lenti með fót
undir afturhjóli
strætisvagns
FYRIRTÆKI í Reykjavík hefur
borist tölvupóstur frá erlendum
manni sem fer fram á að fyrirtæk-
ið aðstoði sig við að koma undan
peningasjóðum, sem sendandi
bréfsins segir að Slobodan [Milos-
evich, fyrrverandi Júgóslavíufor-
seti] og bróðir sendandans hafi
komið sér upp. Maðurinn, sem
nefnir sig Milanovic, býður fyrir-
tækinu 15% hlutdeild ef það að-
stoði við að koma þessu fé úr landi
og inn á bankareikninga. Í bréfinu
segir að bróðir sendandans, Vlajko
Stojiljkovic, sæti nú ákæru stríðs-
glæpadómstóls SÞ í Haag. Hann
hafi ásamt Slobodan safnað alls
200 milljónum dala í sjóði í evr-
ópskum gjaldmiðlum en nú þegar
heimaland þeirra hafi snúist gegn
þeim beri brýna nauðsyn til að
koma peningunum í öruggt skjól.
Á undanförnum árum hafa ís-
lenskum fyrirtækjum og einstak-
lingum í síauknum mæli borist
vafasöm bréf frá nígerískum fyr-
irtækjum með gylliboðum um
skjótfenginn gróða ef þau aðstoða
við peningaþvætti. Skv. upplýsing-
um sem fengust hjá Birgi Ár-
mannssyni, aðstoðarframkvæmda-
stjóra Verslunarráðs Íslands,
hefur færst í vöxt á síðustu árum
að bréf af þessu tagi berist frá Afr-
íkuríkjum, en ekki hafa áður borist
fregnir um slík erindi frá Evrópu.
Verslunarráð hefur ítrekað varað
menn við að taka mark á innihaldi
slíkra bréfa þar sem reynt er, oft
með útsmognum hætti, að svíkja út
úr þeim fé.
Fyrirtæki berst tölvu-
póstur frá Júgóslavíu
Beðið um að-
stoð við að
koma sjóð-
um undan
ALÞJÓÐADAGURINN var haldinn
hátíðlegur í Aðalbyggingu Háskóla
Íslands í gær. Alþjóðadagurinn er
samvinnuverkefni Stúdentaráðs
HÍ, Alþjóðaskrifstofu háskólastigs-
ins, Rannsóknarþjónustu Háskól-
ans, Atvinnumiðstöðvar stúdenta
og Landsskrifstofu Leonardo. Dag-
urinn er haldinn árlega og var vel
sóttur í þetta sinn sem og undan-
farin ár að sögn Þyríar Höllu Stein-
grímsdóttur, alþjóðafulltrúa Stúd-
entaráðs HÍ.
Um 300 erlendir nemar við HÍ
Dagskrá Alþjóðadagsins fór fram
í hátíðarsal Háskólans. Þar kynntu
erlendir nemar við HÍ heimalönd
sín og háskóla með ýmsum hætti og
svöruðu spurningum gesta. Að
sögn Þyríar Höllu eru um 300 er-
lendir nemendur í HÍ. Óskar Egg-
ert Óskarsson frá Alþjóðaskrifstofu
háskólastigsins kynnti möguleika
kennara á háskólastigi á að fá
styrki til að stunda kennslu erlend-
is. Einnig kynntu fulltrúar frá Al-
þjóðaskrifstofunni og Atvinnu-
miðstöð stúdenta stúdentaskipti og
starfsþjálfun erlendis.
Morgunblaðið/Sverrir
Erlendir stúdentar við Háskóla Íslands kynntu heimalönd sín og háskóla á Alþjóðadeginum.
Alþjóðadagur Háskóla Íslands
AFURÐIR íslenskra kúa júkust um
rúmlega 5% á síðasta ári. Meðalkýr-
in mjólkaði 4.894 kíló, en árið á und-
an voru meðalafurðirnar 4.664 kíló.
Afurðaaukningin hefur orðið mjög
hröð á síðustu árum, en ekki eru
nema fimm ár síðan meðalkýrin
mjólkaði tæplega 4.200 kíló. Aukn-
ingin á síðustu fimm árum er um
17%.
Jafnhliða þessari miklu afurða-
aukningu á síðasta ári hækkar einnig
próteinhlutfall mjólkurinnar og
mælist að meðaltali 3,36%.
Uppgjöri á afurðaskýrsluhaldi
nautgriparæktarfélaganna fyrir árið
2001 er lokið. Á búum sem halda af-
urðaskýrslur fara fram á milli 80 og
90% af allri mjólkurframleiðslu í
landinu.
Samtals fjögur bú, þar sem eru
fleiri en 10 kýr, eru með meðalaf-
urðir eftir hverja kú yfir 7.000 kg af
mjólk. Efst er kúabú Eggerts Páls-
sonar og Páls Eggertssonar á
Kirkjulæk í Fljótshlíð með 7.136 kg
af mjólk eftir kúna, en næst á eftir
koma búin í Birtingaholti I í Hruna-
mannahreppi með 7.129 kg, Miðhjá-
leigu í Austur-Landeyjum með 7.112
kg og Litlu-Tungu II í Holtum með
7.075 kg af mjólk.
Sex kýr í landinu mjólkuðu yfir 10
tonn af mjólk á árinu. Þar trónir á
toppnum Skræpa 252 í Stóru-Hild-
isey 2 í Austur-Landeyjum sem
mjólkaði 12.038 kg. Ef afurðir eru
mældar í kg verðefna, mjólkurpró-
teini og mjólkurfitu, er Sletta 219 á
Fossi í Hrunamannahreppi með
mestar afurðir eða 955 kg og er það
meira en dæmi eru um áður hér á
landi.
Afurðir íslensku kýrinnar aukast

    



    



   
   
 
  
   !"#  


 

FERÐASKRIFSTOFAN Heims-
ferðir mun í vor bjóða upp á beint
leiguflug til Búdapest, höfuðborgar
Ungverjalands. Ferðirnar verða
kynntar um helgina og í dag ætti að
vera hægt að lesa um þær á vefnum
www.heimsferdir.is. Verð er frá
46.600 krónum.
Í haust hyggst ferðaskrifstofan
standa fyrir reglubundnum flugferð-
um til borgarinnar og verður boðið
upp á tvær flugferðir í viku.
Heimsferðir
fljúga beint
til Búdapest
Í DESEMBER gengu alls 163 nem-
endur undir próf í almennri lögfræði
við Háskóla Íslands og af þeim náðu
29, eða 17,8%, tilskilinni lágmarks-
einkunn, sem er 7,0 en almennt er
lágmarkseinkunn 5,0 í námskeiðum
við HÍ. Samkvæmt niðurstöðum
prófa féllu því 82,2% nemenda í al-
mennri lögfræði í desember en
hæsta fallhlutfallið er frá jan-
úarprófum árið 1996 þegar 92,9%
nemenda féllu. Í desember árið 2000
þreyttu 155 nemendur próf í al-
mennri lögfræði og af þeim náðu 35
lágmarkseinkunn en 120 féllu.
Lægsta fallhlutfallið í er frá 1991 til
2001 var í upptökuprófi í ágúst 1996
þegar 65,2% nemenda féllu.
82% fall í al-
mennri lögfræði
♦ ♦ ♦
♦ ♦ ♦
♦ ♦ ♦
♦ ♦ ♦