Morgunblaðið - 25.01.2002, Blaðsíða 23

ERLENT
MORGUNBLAÐIÐ FÖSTUDAGUR 25. JANÚAR 2002 23
L a u g a rda g i n n 2 6 . j a n ú a r 2 0 0 2
í f é l a g s he i m i l i nu F ó l k v a ng i á K j a l a r ne s i
Á þinginu verða notaðar einfaldar og skemmtilegar vinnuaðferðir sem
nú verður beitt í fyrsta sinn í tengslum við skipulagsvinnu hér á landi.
Al l i r geta sett f ram sín s jónarmið
– þín skoðun skipt i r mál i !
Þú getur litið inn og tekið þátt í einum
eða fleiri vinnuhópum eða verið með allan daginn.
Allir velkomnir og er aðgangur ókeypis. Hægt er
að sitja allt þingið eða líta við. Boðið verður
upp á kaffiveitingar og barnapössun á meðan
þing stendur yfir. Þetta er þitt tækifæri til að
taka þátt í skipulagningu vistvænnar byggðar á
Kjalarnesi, ekki láta það fram hjá þér fara.
Fyr r i h lu t i :
Kl. 10:00 Setning, Ingibjörg Sólrún Gísladóttir, borgarstjóri
V innuhópar :
Kl. 10:15 Umhverfi og útivist
- Vistvæn byggð - möguleikar á Kjalarnesi.
- Hvernig viljum við nýta útivistarmöguleikana?
Samgöngur
- Má bæta samgöngur á Kjalarnesi?
- Vistvænar samgöngur og umferðaröryggi.
Kl. 11:45 Hópar kynna niðurstöður. Einnig kynna nemendur
Klébergsskóla hugmyndir um vistvæna byggð
og það sem betur má fara á Kjalarnesi
Kl. 12:30 Hádegismatur seldur á kostnaðarverði
V innuhópar :
Kl. 13:15 Atvinnumál á vistvænum forsendum
- Sóknarfæri fyrir núverandi atvinnustarfsemi?
- Ný atvinnutækifæri.
Vistvæn byggð og mannlíf
- Hvað er vistvæn byggð?
- Hvernig getur Grundahverfi vaxið sem vistvæn byggð?
- Umhverfisvitund og gott mannlíf.
Kl. 14:30 Kaffihlé og hópar kynna niðurstöður
Sk ipu lagshópar :
Kl. 15:00 Skipulagsvinna
Meðal viðfangsefna er: Vistvæn byggð í
Grundahverfi og á Álfsnesi, skógarbyggð, vistvæn
heimili og lifnaðarhættir og framtíðarsýn fyrir
byggð undir Esjunni.
Kl. 16:30 Kaffihlé og hópar kynna niðurstöður
Kl. 17:00 Næstu skref – allir taka þátt
Kl. 18:00 Þingslit
Se inn i h lu t i :
Í Fólkvangi þriðjudaginn 29. janúar kl. 20:00
verða niðurstöður þingsins kynntar.
ÁHYGGJUR fara nú vaxandi um að
afstaða stjórnar Silvio Berlusconis á
Ítalíu til dómstóla geti haft þau
áhrif að sjálfstæði réttarkerfis
landsins lendi í háska. Ítalskir sak-
sóknarar efndu í liðnum mánuði til
mótmæla um allt landið en þeir
segja að stjórnvöld reyni að hefta
frjálsræði þeirra og skipti sér af
réttarhöldum til að vernda forsætis-
ráðherrann. Aðalsaksóknarinn í
Mílanó, Francesco Saverio Borrelli,
réðst þá harkalega á ríkisstjórnina
og sagði hana reyna að sverta dóm-
stóla og sagði að umbætur hennar á
réttarkerfinu væru máttlausar og
jafnvel hættulegar.
Borrelli var saksóknari í mikilli
herferð gegn spillingu er nefnd var
Hreinar hendur og efnt var til fyrir
nokkrum árum. Hún olli meðal ann-
ars því að flokkur Kristilegra demó-
krata, sem hafði ráðið mestu í land-
inu í nær hálfa öld, sundraðist.
Nokkrir af valdamestu stjórnmála-
leiðtogum landsins voru dregnir fyr-
ir rétt eða flúðu land.
Hægrimaðurinn Berlusconi er
umsvifamesti fjármálamaður lands-
ins, hann á auk þess fyrirtæki utan
Ítalíu og hefur verið sakaður um
mútur og margvísleg önnur afbrot
en sjálfur segir hann að um ofsóknir
vinstrisinnaðra saksóknara sé að
ræða. Markmið þeirra sé að draga
úr trausti á honum sem stjórnmála-
manni. Hann hefur einnig verið
ákærður á Spáni fyrir fjármálamis-
ferli. Andstaða hans við að sam-
þykkja ný, sameiginleg lög aðild-
arríkja Evrópusambandsins um
gagnkvæmt framsal meintra af-
brotamanna hefur verið talin stafa
af hagsmunaárekstri, Berlusconi
vilji reyna að komast hjá því að
verða yfirheyrður á Spáni.
Malasíumaðurinn Param Cum-
araswamy er sérfræðingur Mann-
réttindastofnunar Sameinuðu þjóð-
anna og fylgist með því hvort
sjálfstæði dómstóla í aðildarríkjun-
um sé tryggt. Hann hvatti í gær
ítölsku stjórnina til að forðast öll
óeðlileg afskipti af starfi dómstóla
og tryggja sjálfstæði þeirra.
„Árekstrar af þessu tagi geta grafið
undan réttarríkinu á Ítalíu,“ sagði
Cumaraswami. Talsmaður Berlusc-
onis sagði að stjórnin myndi ekki
svara áskoruninni að svo komnu
máli.
Eftirlitsstofnun
vegna Berlusconis?
Ítölsk þingnefnd ræðir nú hvort
stofna beri sérstaka eftirlitsstofnun
til að rannsaka mál þar sem talið er
að um hagsmunaárekstra geti verið
að ræða og ljóst að tilefnið er mál-
efni forsætisráðherrans. Berlusconi
ræður yfir meirihlutanum af einka-
reknum sjónvarpsstöðvum Ítalíu og
þykir því ljóst að hagsmunir hans
og ríkissjónvarpsins hljóti að rekast
á.
Nýr sendiherra Bandaríkjanna á
Ítalíu, kaupsýslumaðurinn Mel
Sembler, sagði í gær að leysa yrði
deilur stjórnvalda við saksóknara.
Hann sagðist sjálfur hafa reynst
vanhæfur til að taka við tilboði
George W. Bush forseta um að
verða yfirmaður bandaríska Ex-
port-Import-bankans vegna þess að
hans eigin fyrirtæki myndu þurfa að
fá lán hjá bankanum. Í staðinn varð
hann sendiherra á Ítalíu.
SÞ hafa áhyggjur
af ítölsku réttarfari
Stjórn Berlusconis í stríði við saksóknara
Sameinuðu þjóðunum, Róm. AP, AFP.
NIÐURSTÖÐUR tveggja nýrra
rannsókna ættu að vera mið-
aldra karlmönnum gleðiefni, en
þær benda annars vegar til þess
að fjörugt kynlíf verndi þá fyrir
hjartaáfalli og hins vegar að
nokkrir áfengir drykkir á dag
dragi úr líkunum á elliglöpum.
Vísindamenn við læknadeild
Erasmus-háskólans í Rotterdam
rannsökuðu tengslin milli áfeng-
isneyslu og elliglapa hjá nær
8.000 manns yfir 55 ára aldri. Á
sex ára tímabili varð elliglapa
vart hjá 197 þeirra, í flestum
tilvikum Alzheimer-sjúkdóms-
ins. Í ljós kom að 42% minni lík-
ur voru á að elliglöp kæmu
fram hjá þeim sem neyttu
áfengis í hófi, það er að segja
eins til þriggja áfengra drykkja
á dag, en hjá bindindisfólki. Átti
það bæði við um konur og
karla. Mikil áfengisdrykkja, það
er að segja yfir fjórir áfengir
drykkir á dag, reyndist þó ekki
hafa þennan ávinning í för með
sér fyrir karla.
Rannsóknin leiddi einnig í ljós
að hófdrykkja kunni að draga
úr hættu á æðaþrengslum, en
engar vísbendingar komu fram
um að ákveðnar tegundir áfeng-
is virkuðu betur en aðrar að
þessu leyti.
Í rannsókninni var tekið mið
af þáttum eins og sykursýki,
blóðþrýstingi, reykingum og
menntun, en niðurstöður hennar
verða birtar í næsta tölublaði
breska læknablaðsins The Lanc-
et.
Reglulegt kynlíf
gott fyrir hjartað
Þá bendir ný rannsókn til
þess að virkt kynlíf hafi ekki í
för með sér aukna hættu á
hjartaáföllum fyrir miðaldra
karlmenn. Þvert á móti geti það
haft fyrirbyggjandi áhrif að
hafa samfarir nokkrum sinnum
í viku.
Rannsóknin var gerð af vís-
indamönnum við Bristol-háskóla
og voru niðurstöður hennar
birtar í síðustu viku í tímaritinu
Journal of Epidemiology and
Community Health, sem bresku
læknasamtökin gefa út.
Lyklar að langlífi
Kynlíf og áfengi sýnast draga úr
hjartaáföllum og elliglöpum
París. AFP.
Reuters
Ný rannsókn bendir til þess að hófdrykkja dragi úr líkum á elliglöpum.
FRANSKI félagsfræðingurinn
Pierre Bourdieu lést af krabba-
meini á sjúkrahúsi í París í gær,
að því er samstarfsmenn hans
greindu frá. Hann var 71 árs.
Bourdieu var forseti fé-
lagsfræði-
deildar hins
virta skóla
College de
France og
var vel
þekktur
baráttu-
maður fyrir
félagsleg-
um umbót-
um.
Bourdieu
var af mörgum álitinn einn
helsti frumkvöðullinn í hreyf-
ingu baráttufólks gegn hnatt-
væðingu nú á síðustu árum.
Hann var höfundur bókarinnar
La Misere du Monde (Eymd
heimsins), sem kom út 1993, um
félagslega misskiptingu, og
undanfarið hafði hann haldið
uppi harðri gagnrýni á fjöl-
miðla. Franskir menntamenn
og leiðtogar mátu mikils ná-
kvæmni hans og staðfestu.
Pierre
Bourdieu
látinn
París. AFP.
Pierre
Bourdieu