Morgunblaðið - 08.02.2002, Blaðsíða 6
FRÉTTIR
6 FÖSTUDAGUR 8. FEBRÚAR 2002 MORGUNBLAÐIÐ
Nýir
sýslu-
menn
DÓMSMÁLARÁÐHERRA
skipaði í gær Bjarna Stefáns-
son, sýslumann á Hólmavík, til
þess að vera sýslumaður á
Blönduósi og Sigríði Björk
Guðjónsdóttur, skattstjóra
Vestfjarðaumdæmis, til þess að
vera sýslumaður á Ísafirði.
Skipanirnar taka gildi 15.
febrúar nk, segir í frétt frá
dóms- og kirkjumálráðuneyt-
inu.
SJÁLFSTÆÐISMENN í Kópavogi
halda prófkjör til undirbúnings
sveitarstjórnarkosninganna á morg-
un, laugardag. Prófkjörið fer fram í
Félagsheimili Kópavogs og stendur
yfir frá kl. 10 til 22.
Kosningin verður rafræn en þátt-
takendum gefst þó einnig kostur á að
kjósa á gamla mátann, skv. upplýs-
ingum sem fengust á skrifstofu
Sjálfstæðisflokksins í Kópavogi.
Þátttakendur í prófkjörinu eiga að
raða frambjóðendum í átta sæti á
framboðslistanum svo atkvæðið telj-
ist gilt.
14 manns gefa kost á sér í próf-
kjörinu þ.á m. eru allir sitjandi bæj-
arfulltrúar og fyrstu varamenn
þeirra. Í framboði eru Jóhanna
Thorsteinson leikskólastjóri, Ár-
mann Kr. Ólafsson, aðstoðarmaður
sjávarútvegsráðherra, Ásdís Ólafs-
dóttir íþróttakennari, Gunnsteinn
Sigurðsson skólastjóri, Gísli Rúnar
Gíslason lögfræðingur, Margrét
Björnsdóttir bókari, Björn Ólafsson
matreiðslumeistari, Sigrún
Tryggvadóttir hjúkrunarfræðingur,
dr. Gunnar Birgisson verkfræðing-
ur, Sigurrós Þorgrímsdóttir stjórn-
sýslufræðingur, Ingimundur K.
Guðmundsson kerfisfræðingur,
Halla Halldórsdóttir ljósmóðir, Pét-
ur M. Birgisson og Bragi Michaels-
son eftirlitsmaður.
Ef mikill meirihluti þátttakenda í
prófkjörinu kýs í rafræna kosninga-
kerfinu er búist við að niðurstöður
talningar geti legið fyrir fljótlega eða
innan klukkustundar eftir að kjör-
fundi lýkur á laugardagskvöldið.
Þá halda sjálfstæðismenn í Mos-
fellsbæ prófkjör á morgun í Varm-
árskóla milli klukkan 10 og 19. Alls
gefa 13 kost á sér í prófkjörinu. Þeir
eru: Bjarki Sigurðsson, Bryndís
Haraldsdóttir, Guðmundur S. Pét-
ursson, Gylfi Guðjónsson, Hafdís
Rut Rúdólfsdóttir, Hafsteinn Páls-
son, Haraldur H. Guðjónsson, Har-
aldur Sverrisson, Herdís Sigurjóns-
dóttir, Klara Sigurðardóttir, Ólafur
Matthíasson, Pétur Berg Matthías-
son og Ragnheiður Ríkharðsdóttir.
Valdir verða sex þátttakendur á
lista sjálfstæðismanna og verða úr-
slit kynnt á þorrablóti Sjálfstæðis-
félags Mosfellinga annað kvöld.
Prófkjör sjálfstæðismanna í Kópavogi fer fram á morgun
14 manns gefa
kost á sér í kjörinu
VEGGSKREYTING eftir Vetur-
liða Gunnarsson, sem var í sal í
Árbæjarskóla í Reykjavík, var rif-
in niður og eyðilögð fyrir um
tveimur árum þegar hafist var
handa um að stækka skólann
vegna einsetningar. Málið kom til
umræðu á borgarstjórnarfundi í
gær og kvað Ingibjörg Sólrún
Gísladóttir borgarstjóri þetta vera
yfirsjón sem hún harmaði og bæri
fulla ábyrgð á.
Inga Jóna Þórðardóttir, oddviti
sjálfstæðismanna í borgarstjórn,
tók málið upp í framhaldi af fyr-
irspurn sjálfstæðismanna á fundi
borgarráðs 29. janúar. Fyrirspurn-
inni var svarað á fundi borgarráðs
5. febrúar með minnisblaði frá for-
stöðumanni Fasteignastofu borg-
arinnar. Þar kemur fram að lista-
verkið, veggskreyting sem límd
var á steyptan 20 cm burðarvegg
og var 2,5 m hátt og 8 m langt,
hafi þurft að víkja þegar salurinn
var rifinn vegna stækkunar skól-
ans. Haft hafi verið samband við
skólastjóra, forstöðumann Kjar-
valsstaða, sem lagt hafi til að verk-
ið yrði myndað, borgarlögmann og
leitað eftir sambandi við lista-
manninn. Segir forstöðumaðurinn
að sér hafi verið tjáð að hann væri
ekki til viðtals vegna veikinda.
Ákvörðun um að varðveita ekki
veggskreytinguna hafi verið tekin
í samráði við skólastjóra Árbæj-
arskóla.
Sagði vinnubrögðin til vansa
Inga Jóna lýsti furðu sinni á því
að borgarstjóri skyldi ekki svara
með öðru en áðurnefndu bréfi
forstöðumanns Fasteignastofu.
Spurði hún um ábyrgð borgar-
stjóra í málinu og hvort eignarhald
borgarinnar á verkinu réttlætti
eyðileggingu verksins. Kvað hún
þessi vinnubrögð til vansa.
Ingibjörg Sólrún Gísladóttir
kvaðst ekki geta varist þeirri
hugsun að Inga Jóna væri svo ill-
skeytt að hún ætlaði mönnum að
vera svo illa innrættir að vilja
eyðileggja listaverk. Borgarstjóri
sagði þetta yfirsjón, rétt hefði ver-
ið að gera borgaryfirvöldum við-
vart um listaverkið og að borg-
arráð hefði átt að fjalla um málið.
Sagði hún engum hafa gengið illt
til með þessu, þetta væri yfirsjón
sem hún kvaðst bera ábyrgð á og
baðst afsökunar á.
Yfirsjón að rífa lista-
verk í Árbæjarskóla
STOFNUÐ verður staða lektors
við Háskóla Íslands sem hefur
með höndum rannsóknir og
kennslu á sviði sjálfboðastarfa og
þjónustu félagasamtaka. Páll
Skúlason rektor Háskóla Íslands
og Ómar H. Kristmundsson for-
maður Reykjavíkurdeildar Rauða
kross Íslands skrifuðu undir sam-
komulag þessa efnis í gær. Sig-
urveig H. Sigurðardóttir fram-
kvæmdastjóri Reykjavíkurdeildar
og Ólafur Þ. Harðarson forseti
félagsvísindadeildar skrifuðu
einnig undir.
„Við fögnuðum ári sjálfboðalið-
ans á síðasta ári og þá kom í ljós
að það er full ástæða til að rann-
saka þjóðhagslegt mikilvægi
sjálfboðastarfs í íslensku sam-
félagi,“ sagði Ómar H. Krist-
mundsson við undirritunina.
Samkvæmt samkomulaginu
verður á næstunni ráðið í fullt
starf lektors til þriggja ára.
Reykjavíkurdeild Rauða kross Ís-
lands greiðir laun og launatengd
gjöld, en hluti af starfsskyldu
lektorsins verður að gera rann-
sóknir á málum sem eru á verk-
sviði Rauða krossins.
„Þessi geiri þjóðfélagsins hefur
orðið útundan í rannsóknum og í
þessu samstarfi eru sett metn-
aðarfull markmið í rannsókn-
arstarfi,“ sagði Ólafur Þ. Harð-
arson við undirritunina í gær.
„Ég sé mikla möguleika á að
þróa þetta frekar.“
Á ráðstefnu sem Rauði kross
Íslands hélt á síðasta ári vegna
alþjóðlegs árs sjálfboðaliðans
2001 kom meðal annars fram að
framlag sjálfboðaliða, í löndum
þar sem það hefur verið metið til
fjár, skilar sér áttfalt í störfum
til samfélagsins miðað við þann
kostnað sem til fellur.
Ólafur Þ. Harðarson prófessor, Páll Skúlason, rektor Háskóla Íslands, Ómar H. Kristmundsson og Sigurveig H.
Sigurðardóttir, Rauða krossi Íslands, við undirritun samkomulagsins í gær.
Stofnuð lektorsstaða til rann-
sóknar á starfi sjálfboðaliða
KJÖRNEFND Sjálfstæðisflokksins í
Reykjavík hafa borist uppástungur
um tæplega 200 manns sem fulltrúa-
ráðsmenn flokksins vilja sjá ofarlega
á framboðslista fyrir borgarstjórnar-
kosningarnar í vor. Könnunin fór
fram meðal 1.400 fulltrúaráðsmanna
sem voru beðnir um að stinga upp á 2
til 4 nöfnum sem þeir vilja sjá ofar-
lega á lista flokksins í vor. Þau nöfn
máttu ekki koma úr hópi sex núver-
andi borgarfulltrúa flokksins.
Frestur til að skila inn uppástung-
um rann út kl. 17 sl. miðvikudag en í
gær voru enn að berast ábendingar
sem höfðu verið póstlagðar áður en
frestur rann út og endanleg tala lá því
ekki fyrir yfir vænlega frambjóðend-
ur að mati fulltrúaráðsmanna.
Niðurstaða könnunar er ekki bind-
andi fyrir kjörnefndina en verður
höfð til hliðsjónar við uppstillingu á
framboðslistann.
Sveinn H. Skúlason, formaður
kjörnefndar, segir ljóst að könnunin
hafi tekist mjög vel og sé í samræmi
við þær vonir sem kjörnefndarmenn
höfðu gert sér. Hann sagði að þessar
uppástungur myndu létta kjörnefnd
mjög störfin. Ekki eru veittar upplýs-
ingar um einstök nöfn sem stungið
var upp á eða hverjir fengu flestar til-
nefningar en Sveinn sagði að um væri
að ræða skemmtilega blöndu bæði
kvenna og karla, m.a. ábendingar um
ungt og menntað fólk. Hann sagði
greinilegt að fulltrúaráðsmenn hefðu
lagt sig fram um vandaðar og rök-
studdar uppástungur.
Gerir hann ráð fyrir að niðurstöður
kjörnefndar muni liggja fyrir um
miðjan febrúar.
Könnun meðal sjálfstæðismanna
Stungið uppá 200
frambjóðendum
FYRIRHUGUÐ Sundabraut, veg-
tenging milli Vogahverfis og Gufu-
ness yfir Kleppsvík og áfram norður
fyrir Geldinganes, var rædd á fundi
borgarstjórnar í gær. Gagnrýndu
nokkrir borgarfulltrúar Sjálfstæðis-
flokksins Reykjavíkurlistann fyrir að
vilja falla frá fyrri hugmyndum um að
hraða sem mest framkvæmdum, eins
og þeir hefðu lýst í aðdraganda síð-
ustu borgarstjórnarkosninga.
Inga Jóna Þórðardóttir, borgar-
fulltrúi Sjálfstæðisflokksins, kvaðst
telja það til tíðinda að borgarfulltrúar
Reykjavíkurlistans hefðu breytt
stefnu sinni varðandi Sundabraut.
Fram hefði komið í borgarráði 29.
janúar í tengslum við umræðu um
matsáætlun fyrir Sundabraut að for-
sendur og arðsemi fyrir henni hefðu
raskast. Fyrir síðustu kosningar hefði
verið á stefnuskrá Reykjavíkurlistans
að Sundabraut hefði forgang, m.a. til
að tengja betur Reykjavík við sam-
einaða byggð á Kjalarnesi. Hefði
Kjalnesingum verið lofað þessu og
spurði borgarfulltrúinn hvort þeim
hefði verið gerð grein fyrir því á ný-
legu íbúaþingi þar, að hætt hefði verið
að leggja áherslu á Sundabraut.
Vilhjálmur Þ. Vilhjálmsson, borg-
arfulltrúi Sjálfstæðisflokksins, sagði
að í nærri fjögur ár hefði ekkert gerst
af hálfu meirihlutans annað en
skýrslugerðir og athuganir varðandi
Sundabraut. Þrátt fyrir stór orð og
mikil áform í síðustu kosningabaráttu
væri ljóst að borgarfulltrúar Reykja-
víkurlistans hefðu engan áhuga á
Sundabraut. Sagði hann brýnt að
hraða gerð Sundabrautar m.a. til að
létta á umferðarþunga um Ártúns-
holtið.
Telur málflutning
Vilhjálms lýðskrum
Ingibjörg Sólrún Gísladóttir borg-
arstjóri sagði sér ekki vera kunnugt
um sérstök pólitísk tíðindi af Sunda-
braut. Borgaryfirvöld vildu leggja
brautina utar en samgönguyfirvöld og
sá kostur væri dýrari. Framkvæmdin
yrði greidd af ríkinu og ekki undarlegt
að það stæði í yfirvöldum að ráðast í
þessa dýrari leið. Sagði borgarstjóri að
fram hefði komið við vinnu við svæð-
isskipulag höfuðborgarsvæðisins, að
byggð myndi ekki rísa í Álfsnesi fyrr
en við lok skipulagstímabilsins 2024 og
þar af leiðandi væri það hæpið að gera
þá kröfu að ráðist yrði í gerð Sunda-
brautar.
Borgarstjóri taldi málflutning Vil-
hjálms lýðskrum. Ekki væri hægt að
tala þannig um gerð Sundabrautar að
aðeins þyrfti að sækja fjármagnið í
ríkissjóð. Sagði hún framlög til vega-
mála ekki vera auðsótt, jafnvel þótt
þau hefðu verið á vegaáætlun hefðu
þau iðulega verið skorin niður við af-
greiðslu fjárlaga. Borgarstjóri sagði
14 milljarða króna framkvæmd
Sundabrautar ekki talda með í þeim
60 milljörðum sem talin væri þörf á til
vegaframkvæmda á tíma svæðis-
skipulags höfuðborgarsvæðisins.
Árni Þór Sigurðsson, borgarfulltrúi
Reykjavíkurlistans, sagði furðulegt að
gagnrýna meirihlutann fyrir að Sunda-
braut skyldi ekki komin á áætlun, þar
væri ekki við Reykjavíkurlistann að
sakast heldur samgönguyfirvöld.
Minnihlutinn vill hraða Sundabraut
Telja meirihlut-
ann hafa breytt
afstöðu sinni