Morgunblaðið - 08.02.2002, Blaðsíða 44
KIRKJUSTARF
44 FÖSTUDAGUR 8. FEBRÚAR 2002 MORGUNBLAÐIÐ
Háteigskirkja. Samverustund eldri
borgara kl. 13 í umsjón Þórdísar þjón-
ustufulltrúa.
Laugarneskirkja. Morgunbænir kl.
6.45–7.05 alla virka daga nema mánu-
daga. Mömmumorgunn kl. 10–12 í
umsjá Hrundar Þórarinsdóttur djákna.
Kaffispjall fyrir mæður, góð upplifun fyr-
ir börn. (Sjá síðu 650 í Textavarpi.)
Kirkjuskólinn í Mýrdal. Samvera á
morgun laugardag kl. 11.15 í Víkur-
skóla.
Lágafellskirkja. Kirkjukrakkafundur í
Varmárskóla kl. 13.15–14.30.
Boðunarkirkjan, Hlíðarsmára 9. Sam-
komur alla laugardaga kl. 11–12.30.
Lofgjörð, barnasaga, prédikun og bibl-
íufræðsla. Barna- og unglingadeildir á
laugardögum. Létt hressing eftir sam-
komuna. Allir velkomnir. Biblíufræðsla
alla virka daga kl. 10, 13 og 22 á FM
105,5.
Sjöundadags aðventistar á Íslandi:
Aðventkirkjan, Ingólfsstræti: Biblíu-
fræðsla kl. 10. Guðsþjónusta kl. 11.
Ræðumaður Maxwell Ditta.
Safnaðarheimili aðventista, Blika-
braut 2, Keflavík: Biblíufræðsla kl. 10.
Guðsþjónusta kl. 11. Ræðumaður
Brynjar Ólafsson.
Safnaðarheimili aðventista, Gagn-
heiði 40, Selfossi: Biblíufræðsla kl.
10. Guðsþjónusta kl. 11. Ræðumaður
Eric Guðmundsson. Samlestrar og
bænastund á mánudagskvöldum kl.
20. Allir hjartanlega velkomnir.
Aðventkirkjan, Brekastíg 17, Vest-
mannaeyjum: Biblíufræðsla kl. 10.
Samlestrar og bænastund í safnaðar-
heimilinu á fimmtudögum kl. 17. Allir
hjartanlega velkomnir.
Loftsalurinn, Hólshrauni 3, Hafnarfirði:
Guðsþjónusta/biblíufræðsla kl. 11.
Ræðumaður Gavin Anthony. Biblíurann-
sókn/bænastund á miðvikudagskvöld-
um kl. 20. Allir hjartanlega velkomnir.
Safnaðarstarf
Safnaðarstarf
Í byrjun þorra kom upp sú
hugmynd í vinnuhópi um starf
fyrir eldri borgara innan Frí-
kirkjusafnaðarins í Reykjavík
að bjóða upp á bingó í safn-
aðarheimili safnaðarins á
Laufásvegi 13. Við höfum valið
mánudaginn 11. febrúar
(bolludag) sem sérstakan
bingó-dag.
Bingóið hefst klukkan 13:00.
Okkur til aðstoðar verður
bingóstjórnandinn Árni Norð-
fjörð. Á meðan við spilum og
reynum að ná réttum tölum og
vinningum munu tónlistar-
stjórarnir okkar, þau Carl
Möller og Anna Sigríður
Helgadóttir, flytja okkur eða
öllu heldur leiða okkur í fjölda-
söng. Veitingar verða að sjálf-
sögðu tengdar bolludeginum.
Allir eru velkomnir og er að-
gangur ókeypis.
Þó er nauðsynlegt að skrá
sig, til þess að við pöntum næg-
ar veitingar. Skráningarsímar
eru: 552 7270 og 896 8936
Sjáumst öll hress í
bingó-stuði.
Safnaðarstarf Fríkirkjunnar
í Reykjavík.
Bollubingó í Fríkirkj-
unni í Reykjavík
Morgunblaðið/Sigurður Jökull
NÚ er komið að því að segja frá
þeim jóla-, líknar og styrktarmerkj-
um, sem gefin voru út fyrir síðustu jól
og mér er kunnugt um. Eins og jafn-
an áður hefur Bolli Davíðsson í Frí-
merkjahúsinu látið þættinum flest
þessara merkja í té og eins ýmsar
upplýsingar um þau. Færi ég honum
þakkir fyrir hvort tveggja. Rétt er
einnig að þakka nokkrum útgefend-
um jóla- og líknarmerkja, sem hafa
orðið við beiðni minni í fyrri þáttum
að senda mér eintak af merkjum sín-
um ásamt nákvæmum upplýsingum
um þau og tilgang þeirra. Að slíkum
upplýsingum er einmitt verulegur
fengur fyrir þá, sem safna þessum
merkjum, og þá um leið að fá vitn-
eskju um tilgang merkjanna og hönn-
uði þeirra og skýringar á myndefni
þeirra. Að vísu hugkvæmdist mér í
þetta sinn að fá vitneskju um flest
þessara merkja hjá Mbl., þar sem
þeirra mun yfirleitt getið vikurnar
fyrir jólin. Þá hef ég orðið þess var, að
söfnurum þessara merkja þykir feng-
ur í að fá sem gleggstar upplýsingar
um þau á einum stað í frímerkjaþætti
Morgunblaðsins. Þar eiga þeir þá
greiðan aðgang að öllu því, sem varð-
ar þau sérstaklega. Rétt er að geta
þess í upphafi, að Félag MS sjúklinga
gaf ekki út styrktarmerki fyrir þessi
jól.
Þá hef ég í þetta skipti leitað eftir
meiri fróðleik en áður um jóla- og
styrktarmerki og hver sé tilgangur
þeirra félaga, sem standa á bak við
þau.
Vænti ég þess, að þeir, sem safna
þeim, þyki einmitt fengur í vitneskju
um það og væntanlega í eitt skipti
fyrir öll.
Fyrst verður að sjálfsögðu fyrir
„nestor“ íslenzkra jólamerkja, jóla-
merki Barnauppeldissjóðs Thorvald-
sensfélagsins, sem fyrst kom á mark-
að árið 1913, svo sem alkunna er
meðal safnara. Hönnuður merkisins
að þessu sinni er Daði Guðbjörnsson,
og heitir myndefnið Jólakettir. -
Ágóði af sölu merkjanna rennur að
þessu sinni til Barnadeildar Land-
spítalans í Fossvogi og Barna- og
unglingadeildar Landspítalans við
Hringbraut. Merki félagsins eru til
sölu hjá félagskonum og að sjálfsögðu
í Thorvaldsensbasarnum í Reykjavík.
Svo hafa þau um fjölmörg ár verið til
sölu á öllum pósthúsum landsins fyrir
hver jól. Þá má panta þau og eins
eldri merki á netfangi félagsins thor-
valdsens@isl.is.
Næst í aldursröðinni er jólamerki
Framtíðarinnar á Akureyri. Er
Framtíðin nú deild innan Félags eldri
borgara á Akureyri. Áður hafði Kven-
félagið Framtíðin, sem stofnað var
1894, gefið út jólamerki frá árinu
1935. Félagið hefur nú verið lagt nið-
ur, en hins vegar var ákveðið að halda
áfram útgáfu jólamerkja og minning-
arkorta til stuðnings öldruðum, eins
og kvenfélagið hafði áður gert um
áraraðir. Kristín Pálsdóttir á Akur-
eyri teiknaði mynd merkisins. Er það
í annað sinn, sem hún leggur til mynd
á merki félagsins.
Þriðja merkið er gefið út af Rot-
aryklúbbi Hafnarfjarðar. Samkv.
upplýsingum frá Skúla Þórssyni
hannaði einn félaganna, Níels Árna-
son, jólamerki klúbbsins. Þá teiknaði
Þóra Dal Þorsteinsdóttir merki
klúbbsins árið 2000. Um það vissi ég
ekki í fyrra og læt þær upplýsingar
því fylgja með að þessu sinni.
Fjórða merkið er á vegum Líkn-
arsjóðs Lionsklúbbsins Þórs. Er það í
35. skiptið, en klúbburinn var stofn-
aður 6. jan. 1956 og hefur frá upphafi
lagt sitt af mörkum til líknarmála.
Hefur líknarsjóður Þórs um árabil
styrkt Tjaldanesheimilið í Mosfells-
dal og barnadeildir sjúkrahúsanna í
Reykjavík o. fl. Á merkinu, sem er
hannað af Þórhildi Jónsdóttur aug-
lýsingateiknara, er mynd af Skál-
holtskirkju.
Ungmennasamband Borgarfjarðar
gefur út jólamerki 15. árið í röð og nú
með teikningu af nýju kirkjunni í
Reykholti. Guðmundur Sigurðsson
hannaði merkið eins og öll fyrri merki
sambandsins. Ekki kemur fram í til-
kynningu þess, hvert ágóði af sölu
merkisins rennur, en ætla verður, að
það sé til einhverra líknarmála um
Borgarfjörð og Mýrar. Merkin eru
fáanleg bæði tökkuð og ótökkuð. Ég
hef áður látið þá skoðun í ljós, að mér
finnist tæplega viðeigandi að gefa
líknarmerki út á þennan hátt, jafnvel
þótt slíkt sé gert til styrktar ákveðnu
málefni.
Kaþólski söfnuðurinn gefur aftur
út fallegt merki, þar sem myndefnið
er hið sama og í fyrra, þ. e. María
guðsmóðir með barn sitt í fanginu, en
örlítið breytt. Fyrir ofan myndina
stendur CARITAS ÍSLAND og að
neðan JÓLIN 2001. Caritas á Íslandi
er hluti af Caritas Internationalis,
sem starfar innan rómversk-kaþ-
ólsku kirkjunnar og er umsvifamikil
hjálparstofnun. Caritas á Íslandi
stendur fyrir tveimur árlegum söfn-
unum, um jól og páska. Orðrétt segir
svo í tilkynningu um þennan fé-
lagsskap: „Meginhlutverk Caritas er
að styðja við bakið á þeim, sem minna
mega sín.
Caritas á Íslandi hefur m.a. styrkt
krabbameinssjúk börn, misþroska og
ofvirk börn, Alzheimer-sjúklinga,
bágstadda fyrir jólin í samstarfi við
Hjálparstarf kirkjunnar, Reykjalund,
Foreldrahús vímulausrar æsku og
aðstoð við Afganistan í samstarfi við
Hjálparstarf kirkjunnar. – Ágóði af
jólamerkjum Caritas rennur í hjálp-
arstarf innanlands.“ Hið íslenska
biblíufélag sendir í fjórða sinn jóla-
merki. „hverjum sem þau vilja og
ræður fólk hve mikið það gefur í söfn-
unina“, eins og segir í fréttatilkynn-
ingu. Söfnun sú, sem hér um ræðir, er
„til styrktar Biblíufélaginu í Úsbek-
istan sem vinnur að þýðingu Bibl-
íunnar í fyrsta sinn og að útgáfu
barnabiblíu sem dreift verður til
barna í skólum, barnaheimilum og
sumarbúðum.“ Hverju merkjanna
fylgir viðhengi með hluta af jólaguð-
spjallinu, alls átta. Allt er á einni örk,
sem í eru tíu merki, hvert með sínu
myndefni. Örkin er sem hinar fyrri
eigulegur safngripur sem heild og
með sama sniði og þær. Hér fylgja tvö
merki með viðhengi, þar sem stend-
ur: Hið íslenska Biblíufélag – Jólin
2001. Einnig er þar nafn listakonunn-
ar, sem heitir Ingrid Rosenfeldt.
Rauði kross Íslands bætir enn
heldur betur við safn jólamerkja, eins
og hann hefur gert fyrir undanfar-
andi tvenn jól. Hann sendi fé-
lagsmönnum sínum jólakveðju með
36 merkjum með sex mismunandi út-
færslum. Er þetta gjöf frá Freyju Ön-
undardóttur myndlistarkonu.
Þá er jólamerki Neistans, Styrkt-
arfélags hjartveikra barna. Er það
þriðja merki félagsins. Það prýðir fal-
leg mynd af Langholtskirkju í Með-
allandi í Vestur-Skaftafellssýslu. Hef-
ur dr. Nikulás Sigfússon læknir
málað hana.
Þá hafa Sunnuhlíðarsamtökin í
Kópavogi gefið út í annað sinn merki,
sem sker sig mjög frá öðrum jóla-
merkjum eins og á árinu á undan, því
að það er hringlaga og sjálflímandi
eins og innsiglismerki. Er þetta snot-
urt merki með svipuðum hvatningar-
orðum og áður: STÖNDUM SAMAN
– STYRKJUM SUNNUHLÍÐ. Að
auki stendur svo: Gleðileg jól 2001.
Ágóði af sölu þessa merkis er til
styrktar nýbyggingu við Sunnuhlíð,
hjúkrunarheimili aldraðra í Kópa-
vogi.
Öll þau félög, sem hér hafa verið
nefnd og hafa gefið út jóla- eða
styrktarmerki, hafa gert það til þess
að styrkja ýmis áhugamál sín og not-
að ágóðann til margvíslegra hluta.
Nú hefur aftur á móti orðið hér á
nokkur breyting, sem ég játa, að mér
finnst verulega á skjön við tilgang
margnefndra merkja. Er það útgáfa
míns gamla félags, Félags frímerkja-
safnara, og svo Myntsafnarafélags Ís-
lands.
Þessi félög hafa nú róið á sömu mið
með sameiginlegt myndefni, en í mis-
munandi lit. Eins hef ég öruggar
heimildir fyrir því, að einhver hluti
merkjanna sé ótakkaður. Þetta eru
falleg merki, en hönnuður þeirra er
Sigrún Ásta Gunnlaugsdóttir. Ekki
hef ég fengið gefið upp, hver sé til-
gangur með þessari sameiginlegu út-
gáfu eða hvort styrkja eigi eitthvert
ákveðið málefni með þeim. Raunar
hef ég grun um, að hér hafi stjórnir
téðra félaga einungis verið að gleðja
þá safnara innan sinna vébanda, sem
einnig safna jólamerkjum. En er ekki
of langt gengið? Ég held það. Jóla-
merki áttu í upphafi þeirra í Dan-
mörku 1904 og svo á Íslandi 1913 að
vera styrktarmerki manna í alls kon-
ar nauð og það eru þau enn í dag. Það
hafa þau vissulega verið lengst af og í
trausti þess keyptu menn þau og
settu á kort sín og bréf til vina og
vandamanna ásamt frímerkjum fyrir
burðargjaldi. En þegar þau urðu
safngripir til hliðs við sjálf frímerkin,
breyttist viðhorfið til þeirra. Á það
„spila“ svo útgefendur þeirra að ein-
hverju leyti í von um sem mestan
ágóða fyrir félög sín. En þegar félög
safnara eru sjálf farin að gefa út jóla-
merki án sérstakrar ástæðu – að því
er séð verður –, er mælirinn orðinn
fullur.
Jóla-, líknar- og
styrktarmerki 2001
FRÍMERKI
Jól 2001
Jólamerki Barnauppeldissjóðs Thorvald-
sensfélagsins, Framtíðarinnar á Ak-
ureyri, Rotaryklúbbs Hafnarfjarðar, Líkn-
arsjóðs Lionsklúbbsins Þórs,
Ungmennasambands Borgarfjarðar, Kaþ-
ólska safnaðarins, Neistans – styrkt-
arfélags hjartveikra barna, Rauða kross
Íslands, Hins íslenska biblíufélags,
Sunnuhlíðarsamtakanna í Kópavogi, Fé-
lags frímerkjasafnara og Myntsafn-
arafélags Íslands.
Jón Aðalsteinn Jónsson
Jóla-, líknar- og styrktarmerki 2001.
SUMAR- OG ORLOFSHÚS
Sumarhúsalóðir
Nokkrar lóðir til sölu í landi Vaðness.
Heitt og kalt vatn á svæðinu. Kjarrivaxið land.
Upplýsingar í síma 486 4448 eða 893 5248.
SMÁAUGLÝSINGAR
FÉLAGSLÍF
I.O.O.F. 1 182287 Þb.
I.O.O.F. 12 182288½ 9.0.
Sunnud. 10. feb. Undrin við
Kleifarvatn. Gengið í kringum
Kleifarvatn. Þetta er framhald á
göngu sem farin var fyrr í haust.
Fararstjóri Haukur Jóhannesson.
Verð kr. 1.500/1.800. Brottför frá
BSÍ kl. 10.30 með viðkomu í
Mörkinni 6 og austan við kirkju-
garðinn í Hafnarfirði. www.fi.is ,
Dagskrá F.Í. bls. 619 í textavarp-
inu. Góða ferð.
Myndasýning í F.Í.-salnum mið-
vikudaginn 13. febrúar kl. 20:30.
Allir velkomnir.
Í kvöld kl. 21 heldur Þórarinn Þór-
arinsson erindium Línur jarðar í
húsi félagsins, Ingólfsstræti 22.
Á laugardag kl. 15—17 er opið
hús með fræðslu og umræðum,
kl. 15.30 í umsjón Kristjáns Fr.
Guðmundssonar „Spjall um
yogaiðkun“.
Á sunnudögum kl. 17—18 er
hugleiðingarstund með leiðbein-
ingum fyrir almenning.
Hugræktarnámskeið Guð-
spekifélagsins verður fram-
haldið fimmtudaginn 14. febrúar
kl. 20.30 í umsjá Önnu S. Bjarna-
dóttur „Hugrækt”.
Á fimmtudögum kl. 16.30—
18.30 er bókaþjónustan opin
með miklu úrvali andlegra bók-
mennta.
Guðspekifélagið er 122 ára
alþjóðlegt félag um andleg mál,
hið fyrsta sem byggði á hug-
myndinni um algert frelsi, jafn-
rétti og bræðralagi meðal
mannkyns.
www.gudspekifelagid.is
RAÐAUGLÝSINGAR