Morgunblaðið - 08.02.2002, Blaðsíða 16

LANDIÐ
16 FÖSTUDAGUR 8. FEBRÚAR 2002 MORGUNBLAÐIÐ
Ármúla 21,
sími 533 2020
Fagmennirnir þekkja Müpro
Rörafestingar
og upphengi
Allar stærðir og gerðir
rörafestinga og
upphengja
HEILSALA - SMÁSALA
EINHVER fjölmennasti borgara-
fundur sem haldinn hefur verið í
Vestmannaeyjum var haldinn sl.
föstudagskvöld í Höllinni er Sturla
Böðvarsson samgöngumálaráðherra
hélt almennan fund um samgöngu-
mál. Talið er að um 400 manns hafi
tekið þátt í fundinum, sem var bæði
fjörugur og upplýsandi.
Samgönguráðherra, Sturla Böðv-
arsson, flutti framsögu um Vest-
mannaeyjar á nýrri öld og fór hann
þar yfir þá málaflokka sem tilheyra
hans ráðuneyti. Ferðamál, sam-
skiptamál, flugmál, hafnar- og vega-
mál.
Fram kom í máli ráðherrans að
vilji er til þess í samgönguráðuneyt-
inu að fjölga ferðum ferjunnar
Herjólfs, einkum á álagstímum. Þá
kom fram hjá ráðherranum að efla
þurfi rannsóknir við Bakkafjöru, en
hún liggur austast í Landeyjum, um
tólf sjómílur norðan við Vestmanna-
eyjar. Athugað verður hvort hægt
er að byggja þar ferjulægi, eða að-
stöðu fyrir svifnökkva, en slíkur far-
kostur væri einungis um tíu mín-
útur að sigla milli lands og Eyja og
myndi bæta samgöngur mikið við
Eyjarnar. Sturla upplýsti að á
næstu dögum yrði skipaður vinnu-
hópur sem fara mun yfir þessi mál
og mun hópurinn fjalla um sam-
göngur á sjó og rannsóknir á
Bakkafjöru.
Ráðherrann fjallaði um flugmál
og fram kom að fækkun farþega
með flugi til Eyja á sl. ári var tölu-
verð, en aukning á farþegum á
Bakkaflugvöll er í takt við það sem
hefur verið að gerast síðustu ár.
Sturla fjallaði einnig um útboð á
rekstri strandstöðva, en Póstur og
sími hefur séð um rekstur loft-
skeytastöðvar í Vestmannaeyjum í
80 ár. Ráðherrann gerði ráð fyrir
því að rekstur strandstöðvar í Vest-
mannaeyjum yrði áfram með svip-
uðu sniði og verið hefur undanfarin
ár með þjónustu við báta- og skipa-
flotann.
Fjöldi manns tók til máls á fund-
inum, sem var líflegur og málefna-
legur að mestu leyti. Fundinum var
sjónvarpað beint af Fjölsýn í Vest-
mannaeyjum. Í lokaorðum Sturlu
kom fram að hann vill beita sér fyrir
fjölgun ferða Herjólfs, sem er besta
viðbótin eins og staðan er í dag.
Fundarstjóri var Arnar Sigur-
mundsson.
Fjölmennur borgarafundur Sturlu
Böðvarssonar samgönguráðherra í Eyjum
Aðstaða fyrir
svifnökkva könn-
uð á Bakkafjöru
Morgunblaðið/Sigurgeir
Samgönguráðherra í Vest-
mannaeyjum á fundi í Höllinni.
Vestmannaeyjar
UM þessar mundir er að hefjast
fræðsluátak í Húnaþingi fyrir alla
kennara leik- og grunnskóla
svæðisins. Markmið námskeiðsins
er, eins og nafnið ber með sér,
„aukin færni“, að gera kennara
betur í stakk búna að mæta mis-
jöfnum þörfum nemenda, bæði
námslega og hegðunarlega. Nám-
skeiðið mun vara allt vormisserið
og er byggt upp af fyrirlestrum,
lestri fræðirita og verkefnavinnu.
Námskeiðið er undirbúið og
rekið í samvinnu allra skólanna á
svæðinu, skólamálastjóra og hér-
aðsnefndar.
Kennarar
í Húna-
þingi auka
færni sína
Húnaþing
SPARISJÓÐUR Þórshafnar og
nágrennis opnaði afgreiðslu í hús-
næði Íslandspósts, Bakkagötu 2 á
Kópaskeri, miðvikudaginn 6. febr-
úar. Mun íbúum Kópaskers og
nærsveita verða veitt öll almenn
bankaþjónusta alla virka daga frá
kl. 12–16. Póstafgreiðsla verður í
höndum sparisjóðsins samkvæmt
samningi við Íslandspóst og mun
hún verða með óbreyttu sniði
gagnvart viðskiptavinum. Í af-
greiðslunni verða þrír starfsmenn
en afgreiðslustjóri er Guðfinna R.
Sigurbjörnsdóttir.
Í tilefni opnunarinnar buðu
sparisjóðurinn og Íslandspóstur
viðskiptavinum kaffi og meðlæti á
opnunardaginn.
Afgreiðsla opn-
uð á Kópaskeri
Þórshöfn
Sparisjóður Þórshafnar
SUÐURNES
TVEIR frambjóðendur í prófkjöri
Samfylkingarinnar í Reykjanesbæ,
Guðbrandur Einarsson og Skúli
Thoroddsen, sækjast eftir einu af
efstu sætum listans en þar er fyrir
Jóhann Geirdal sem sækist eftir
áframhaldandi umboði til að vera í
fyrsta sæti listans. Aðrir frambjóð-
endur sem hafa boðið sig fram stefna
að öðru sætinu eða sætum neðar á
listanum. Tólf gáfu kost á sér í próf-
kjöri Samfylkingarinnar vegna bæj-
arstjórnarkosninganna í vor en próf-
kjörið fer fram laugardaginn 23.
febrúar næstkomandi.
Frambjóðendurnir eru: Agnar
Breiðfjörð Þorkelsson verkstjóri,
Andrea Gunnarsdóttir, starfsmaður
Flugleiða, Brynjar Harðarson bóka-
vörður, Guðbrandur Einarsson, for-
maður Verslunarmannafélags Suð-
urnesja og varabæjarfulltrúi, Ey-
steinn Eyjólfsson leiðbeinandi, Frið-
rik Ragnarsson, húsasmiður og
körfuknattleiksþjálfari, Jóhann
Geirdal, kennari og bæjarfulltrúi,
Jóhann Rúnar Kristjánsson, starfs-
maður Verkalýðs- og sjómanna-
félags Keflavíkur, Ólafur Thorder-
sen, framkvæmdastjóri og bæjar-
fulltrúi, Sigríður Aðalsteinsdóttir,
óperusöngvari og stuðningsfulltrúi,
Skúli Thoroddsen forstöðumaður og
Sveindís Valdimarsdóttir, kennari
og varabæjarfulltrúi.
Jóhann Geirdal sækist eftir því að
vera í fyrsta sæti listans áfram. Að
honum virðast sækja Guðbrandur
Einarsson og Skúli Thoroddsen sem
gefið hafa út opinberar yfirlýsingar
um að þeir sækist eftir einu af efstu
sætum listans. Ólafur Thordersen
sækist eftir stuðningi í annað sæti
listans og ekki er annað vitað en aðr-
ir frambjóðendur stefni að því sæti
eða næstu sætum þar fyrir neðan.
Prófkjör Samfylkingarinnar 23. febrúar
Samkeppni
um efstu sætin
Reykjanesbær
YNGRI börnin í Holtaskóla í Kefla-
vík hafa verið að boða vináttu á
þemadögum og eldri börnin að
rannsaka tónlistina í bænum. Auk
þess fá þau þjálfun í að vinna saman
að verkefnum.
Nemendur í 5. til 10. bekk Holta-
skóla tóku fyrir tónlist í Reykja-
nesbæ á þemadögunum. Skiptu þau
sér upp í hópa, blandaða eftir aldri,
og tóku fyrir ýmsa þætti málsins.
Jónína Guðmundsdóttir aðstoð-
arskólastjóri segir að tilgangurinn
með verkefninu sé að gera nem-
endur sér meira meðvitaða um tón-
listarhefðina í bænum, gefa þeim
tækifæri til að vinna saman og
draga fram í dagsljósið tónlist-
arfólk innan skólans.
Nemendur og kennarar sem
blaðamaður ræddi við voru ánægð
með árangurinn. Þau hafa aflað
upplýsinga með ýmsum hætti. Hafa
meðal annars sett sig í samband við
tónlistarmenn og fjölskyldur
þeirra, Rúnar Júlíusson og Heiða í
Unun komu í heimsókn í skólann og
gögn Poppminjasafnsins voru skoð-
uð. Þá kom í ljós að tvær hljóm-
sveitir voru í skólanum.
Blaðahópur fékk það hlutverk
meðal annars að taka viðtöl við
aðra nemendur og koma upplýs-
ingum um verkefnið á veggspjöld
sem sett eru upp á göngum skólans.
Nemendur úr blaðahópnum segja
að ýmislegt hafi komið í ljós við
þessa vinnu. „Ég vissi að hér hefur
verið töluvert um tónlist en ekki
hversu mikið,“ segir Freyr Berg-
mann. Íris Hrönn Rúnarsdóttir tel-
ur merkilegast að upplifa það
hversu íbúar Reykjanesbæjar séu
og hafi alltaf verið duglegir í tón-
listinni. Freyr, Íris Hrönn og Ævar
Örn Ármannsson segjast hafa feng-
ið upplýsingar um ýmsar þekktar
hljómsveitir úr Reykjanesbæ sem
þau vissu ekki um áður og nefna
Kolrössu krókríðandi og Pandoru
sem dæmi um það.
Morgunblaðið/Helgi Bjarnason
Hópar nemenda úr 1.–4. bekk Holtaskóla fóru um bæinn til að útbreiða boðskap sinn, vináttuna. Hópur sem
Gísli Gunnarsson kennari fylgdi kom meðal annars við á Bókasafninu þar sem Svanhildur Eiríksdóttir las fyrir
þau kafla úr Risanum eigingjarna og börnin sungu fyrir hana í staðinn.
Boða vináttu og
rannsaka tónlist
Íris Hrönn Rúnarsdóttir, Freyr
Bergmann og Ævar Örn Ár-
mannsson eru í blaðahópnum á
þemadögum Holtaskóla.
Keflavík
HREPPSNEFND Gerða-
hrepps hefur ákveðið að aft-
urkalla hækkun á gjaldskrá
Íþróttamiðstöðvar og hækka
ekki gjaldskrá leikskólans
Gefnarborgar eins og staðið
hefur til.
Verkalýðsfélögin á Suður-
nesjum óskuðu eftir því við
Gerðahrepp, eins og aðrar
sveitarstjórnir á svæðinu, að
dregnar yrðu til baka hækk-
anir á gjaldskrám í þeim til-
gangi að stuðla að stöðugleika
verðlags. Gjaldskrá Íþrótta-
miðstöðvarinnar í Garði hækk-
aði um 7–10% um áramót og
komið var að ákvörðun um
hækkun leikskólagjalda á
Gefnarborg.
Að tillögu fulltrúa F-listans
var samþykkt samhljóða í
hreppsnefnd í vikunni að draga
til baka hækkun í íþróttamið-
stöðinni og hækka ekki leik-
skólagjöldin. Í greinargerð
með tillögunni er vakin athygli
á því að gjaldskrá Íþróttamið-
stöðvar sé lág, miðað við aðra
staði á svæðinu, og þurft hefði
að hækka leikskólagjöldin um
10% svo þau yrðu sambærileg
og í öðrum leikskólum.
Hækkun
gjaldskrár
íþrótta dreg-
in til baka
Garður