Morgunblaðið - 08.02.2002, Blaðsíða 12

HÖFUÐBORGARSVÆÐIÐ
12 FÖSTUDAGUR 8. FEBRÚAR 2002 MORGUNBLAÐIÐ
SNJÓRINN sem féll á höf-
uðborgarsvæðinu á dögunum
hafði lítið að segja fyrir opn-
un skíðasvæðisins í Bláfjöll-
um að sögn umsjónarmanns-
ins þar og brekkurnar því
enn um sinn lokaðar almenn-
ingi. Opið er í byrjenda-
brekkunni á æfingasvæði
Víkings í Sleggjubeinsskarði
á Hengilssvæðinu fyrir ofan
Kolviðarhól.
„Ég mældi 17 sentímetra
jafnfallinn snjó á planinu í
Laugardal en það voru ein-
hverjir sex til sjö millímetrar
uppi í Bláfjöllum. Þetta
sleikti bara ströndina og fór
eiginlega ekkert í fjöllin en
það hefur aðeins verið að
skafa þarna þannig að þetta
er aðeins í áttina,“ segir
Grétar Þórisson, umsjón-
armaður skíðasvæðisins í
Bláfjöllum. Hann segir þó
enn vanta töluvert upp á að
hægt sé að opna byrj-
endalyftur. Hins vegar sé Ár-
mannslyftan opin fyrir skíða-
æfingar en það sé einungis
fyrir lokaða hópa frá íþrótta-
félögunum.
Gönguskíðamenn þurfa þó
ekki að örvænta því Grétar
segir alveg hægt að rekja sig
um hraunið á gönguskíðum
þótt ekki hafi verið hægt að
troða brautir. Að gefnu til-
efni bendir hann á að bannað
er að vera á vélsleðum og
jeppum á gönguskíðasvæð-
inu en töluvert sé um það.
Hvað varðar önnur skíða-
svæði bendir hann á að opið
erfyrir almenning á Víkings-
svæðinu þar sem búið sé að
framleiða snjó í eina byrj-
endabrekku.
Gunnar Guðmundsson,
sem ljósmyndari Morgun-
blaðsins rakst á í gær, lætur
snjóleysið í Bláfjöllum hins
vegar ekkert aftra sér frá því
að skella sér á skíði enda
ágætis færi fyrir skíðagöng-
ur í höfuðborginni.
Morgunblaðið/Þorkell
Brekkurnar lok-
aðar enn um sinn
Bláfjöll
ATHUGASEMDIR frá 15
aðilum bárust Bæjarskipu-
lagi Kópavogs þegar athuga-
semdafrestur rann út klukk-
an þrjú í gærdag. Sam-
kvæmt upplýsingum frá
Bæjarskipulagi komu at-
hugasemdirnar fyrst og
fremst frá einstaklingum
varðandi einstök mál eða
eignir. Þá bárust athuga-
semdir frá íbúum við Vatns-
enda sem hópur fólks stend-
ur að.
Í fréttatilkynningu frá
Sveit í borg, sem eru hverf-
issamtök íbúa við Vatnsenda,
segir að athugasemdunum
fylgi undirskriftalisti sem
íbúar svæðisins hafi undirrit-
að til að mótmæla fyrirhug-
aðri byggð á svæðinu.
Í texta undirskriftalistans
segir að mótmælt sé fyrir-
hugaðri 5.000 manna byggð í
Vatnsendahverfi, sem muni
verða þéttari en meðalþétt-
leiki íbúðarbyggðar er áætl-
aður í Kópavogi öllum í lok
skipulagstímabilsins.
Þá er mótmælt fyrirhug-
aðri legu Elliðavatnsvegar,
þar sem hann muni kljúfa
íbúðarbyggðina og skapa þar
með óþarfa hættu vegfar-
enda. Bent er á að mikil um-
ferð muni verða um veginn
og því eigi hann ekki erindi
inn í íbúðarhverfið.
Loks er bent á að skipu-
lagið muni rýra eignir
margra íbúa til muna.
Athugasemdafrestur vegna
aðalskipulags rann út í gær
Fimmtán
athugasemd-
ir bárust
Kópavogur
UMSÆKJANDI um stöðu
skólastjóra í Mosfellsbæ
hefur krafist skaðabóta
vegna þeirrar ákvörðunar
bæjaryfirvalda að falla frá
því að ráða hann til starf-
ans. Segir lögmaður manns-
ins að bæjarráð hafi látið
óstaðfestar sögusagnir um
að maðurinn tengdist
barnaverndarmáli á Vest-
fjörðum hafa áhrif á ákvörð-
un sína.
Bréf frá lögmanni manns-
ins var lagt fram í bæjarráði
í síðustu viku. Greinir hann
svo frá málsatvikum að í
mars í fyrra hafi bæjarráð
ákveðið að ráða umbjóðanda
hans til starfsins. Viku síðar
hafi bæjarráð hins vegar
fallið frá þeirri ætlan sinni
að ráða manninn.
Segir lögmaðurinn í bréf-
inu að komið hafi fram við
vitnaleiðslur að í millitíðinni
hafi fyrrverandi formaður
barnaverndarnefndar Vest-
urbyggðar verið í heimsókn
í Mosfellsbæ.
„Hún mun þá hafa heyrt
að búið væri að ráða um-
bjóðanda minn í starfið.
Hún hafi þess vegna mánu-
daginn 5. mars, 2001, sett
sig í samband við bæjar-
stjóra og greint honum frá
því að umbj. minn hefði ver-
ið viðriðinn barnaverndar-
mál er hann starfaði á Vest-
fjörðum. Þannig viðurkenn-
ir bæjarstjóri að viðkom-
andi hafi hringt til þess að
vara hann við að ráða um-
bjóðanda minn,“ segir í
bréfinu.
Annar beðinn að end-
urnýja umsókn sína
Segir lögmaðurinn einnig
hafa komið fram að eftir
þetta símtal hafi bæjarstjóri
farið á fund Birgis Einars-
sonar, sem síðar var ráðinn,
og óskað eftir því að hann
endurnýjaði umsókn sína en
hann hafði dregið hana til
baka áður en bæjarráð tók
upphaflegu ákvörðun sína.
Að mati lögmannsins er
ljóst að bæjarráð Mosfells-
bæjar hafi sem stjórnvald
látið óstaðfestar sögusagnir
vera ástæðu þeirrar ákvörð-
unar sinnar að hætta við að
ráða umbjóðanda hans.
Þannig hafi það brotið
grundvallarreglur stjórn-
sýsluréttar um rannsóknar-
skyldu og andmælarétt um-
bjóðandans.
Er óskað eftir viðræðum
við bæjaryfirvöld um
greiðslu skaðabóta til um-
sækjandans vegna málsins
og krafist 6,4 milljóna króna
sem er fjögurra ára mis-
munur núverandi launa
mannsins og þeirra sem
hann hefði haft hefði hann
fengið starfið eins og upp-
haflega var áætlað.
Á fundi bæjarráðs í síð-
ustu viku var erindið tekið
fyrir og var samþykkt að
fela bæjarstjóra að leita
lögfræðiálits á réttmæti
kröfunnar.
Umsækjandi um stöðu skólastjóra telur ákvörðun bæjarráðs
um ráðningu brjóta í bága við stjórnsýslureglur
Krefur bæ-
inn um
skaðabætur
Mosfellsbær
BÆJARSTJÓRI Hafnar-
fjarðar telur ekki óeðlilegt að
tekin hafi verið ákvörðun um
að efna til lokaðrar arkitekta-
samkeppni um skipulag á
Norðurbakkanum án samráðs
við bæjarráð og bæjarstjórn.
Minnihlutinn segir þessi
vinnubrögð dæmalaus.
Skipulagsmál á Norður-
bakkanum voru til umræðu í
bæjarstjórn í vikunni þar sem
fulltrúar Samfylkingarinnar
gagnrýndu framgöngu bæjar-
stjóra. Segir í bókun þeirra að
hann hafi án umræðu eða
samþykkis bæjarráðs eða
bæjarstjórnar ákveðið sem
stjórnarformaður Norður-
bakka ehf. að velja þrjú fyr-
irtæki til að vinna tillögur að
skipulagi Norðurbakka og
jafnframt skipað sjálfan sig
ásamt öðrum stjórnarmönn-
um í dómnefnd samkeppninn-
ar. „Þessi vinnubrögð eru
dæmalaus en í fullu samræmi
við fyrri framgöngu bæjar-
stjóra og meirihluta bæjar-
stjórnar varðandi skipulag á
Norðurbakkanum,“ segir í
bókuninni.
Fá málið til umræðu síðar
Magnús Gunnarsson bæj-
arstjóri segir að um storm í
vatnsglasi sé að ræða. „Norð-
urbakki er einkahlutafélag
þar sem aðilar, sem eiga eign-
ir á bakkanum, eru að leggja
inn í félagið 600 milljónir. Fé-
lagið vinnur að ákveðinni þró-
un og hugmyndavinnu á bakk-
anum sem gæti þjónað
hagsmunum bæjarfélagsins
og eigendurnir eru eðlilega að
gera þetta til þess að það
verði eitthvað úr þeim verð-
mætum sem þeir eru að
leggja inn í þetta hlutafélag.
Þegar bæjarfélagið fær í
hendur niðurstöðu úr sam-
keppninni verða næstu skref
að sjálfsögðu þau að málið fari
fyrir skipulagsnefnd, bæjar-
ráð og bæjarstjórn til endan-
legrar samþykktar.“
Aðspurður hvort honum
þyki eðlilegt að ákvörðun um
samkeppni og skipan dóm-
nefndar hafi verið tekin án
samráðs við bæjarfulltrúa,
segir Magnús: „Mér finnst
ekkert óeðlilegt við það. Það
er verið að hefja ákveðna
vinnu og það eru hagsmuna-
aðilar sem eiga eignir á bakk-
anum sem leggja af stað með
hana. Það er ekki verið að
ganga gegn hagsmunum bæj-
arfélagsins. Við viljum að
þetta sé unnið hratt og vel og
teljum okkur afar heppna að
vera í samstarfi við Þyrpingu
og Jóna,“ en þessi fyrirtæki
eru aðrir hluthafar Norður-
bakka ehf.
Hann bætir því við að eftir
helgina muni þeir arkitektar,
sem hafa verið valdir til að
taka þátt í samkeppninni, eiga
viðræður við hafnarstjórn,
skipulagsnefnd og bæjarráð
þar sem fulltrúar í meiri- og
minnihluta geti komið fram
sínum sjónarmiðum á fram-
færi varðandi uppbyggingu
bakkans.
Bæjarstjóri um gagnrýni Samfylkingar varðandi arkitektasamkeppni fyrir Norðurbakka
Morgunblaðið/Þorkell
Frumhugmyndir að fyrirhuguðu bryggjuhverfi á Norðurbakkanum.
„Ekkert óeðlilegt“
Hafnarfjörður