Morgunblaðið - 08.02.2002, Blaðsíða 14
AKUREYRI
14 FÖSTUDAGUR 8. FEBRÚAR 2002 MORGUNBLAÐIÐ
Opið hús í Háskólanum á Akureyri
laugardaginn 9. febrúar 2002 kl. 11-16.30
Kennsludeildir háskólans og stoðþjónusta kynna starfsemi sína
Nýr vefur Háskólans á Akureyri opnaður formlega
Nýtt nám við auðlindadeild kynnt
Tónlist og veitingarAL
LIR VELKO
MNIR
Akureyrarbær
Umsóknir um styrki
Auglýst er eftir umsóknum um styrki hjá nefndum innan Félagssviðs
Akureyrarbæjar. Um er að ræða styrki á vegum félagsmálaráðs,
íþrótta- og tómstundaráðs og úr Menningarsjóði og Húsverndarsjóði.
Félagsmálaráð veitir m.a. styrki til félagasamtaka, sem starfa á sviði
félags- og mannúðarmála.
Íþrótta- og tómstundaráð veitir rekstrarstyrki til íþrótta- og æskulýðs-
félaga.
Úr Menningarsjóði Akureyrar eru veittir styrkir til verkefna á menning-
arsviði á vegum félaga, stofnana, listamanna og fræðimanna. Úr Hús-
verndarsjóði Akureyrar eru veittir styrkir vegna framkvæmda við friðuð
hús og hús með varðveislugildi.
Umsóknir skulu berast á þar til gerðum eyðublöðum. sem liggja
frammi í Upplýsingaanddyri Akureyrarbæjar, Geislagötu 9, og hjá við-
komandi deildum í Glerárgötu 26. Einnig er hægt að nálgast eyðu-
blöðin á vefsíðu Akureyrarbæjar, www.akureyri.is. Á eyðublöðunum
kemur fram hvaða upplýsingar er beðið um að fylgi styrkbeiðnum.
Styrkjum er að mestu leyti úthlutað einu sinni á ári hjá hverri nefnd. Úr
Menningarsjóði er þó úthlutað þrisvar á hverju ári, þ.e.a.s. í febrúar,
júní og september og þar er umsóknarfrestur til næstu mánaðamóta á
undan.
Umsóknarfrestur er til 20. febrúar nk., nema umsóknarfrestur um
framlög úr Húsverndarsjóði er til loka febrúar.
Umsóknum skal skila til Upplýsingaanddyris, Geislagötu 9, eða til
skrifstofu viðkomandi deilda í Glerárgötu 26.
Sviðsstjóri Félagssviðs
VINNU við nýja byggðaáætlun
fyrir árin 2002–2005 lýkur á næstu
dögum og verður hún þá lögð fyrir
Alþingi. Áætluninni er skipt niður
í 12 áherslusvið sem taka á flestum
þeim þáttum sem snerta líf og
störf fólks á landsbyggðinni. Meðal
þess sem fram kemur í áætluninni
er að efla á Akureyri sem byggð-
arkjarna við Eyjafjörð. Þetta kom
fram í máli Valgerðar Sverrisdótt-
ur iðnaðar- og viðskiptaráðherra á
fundi um landsbyggðarmál sem
Samtök fyrirtækja á Norðurlandi
efndu til á Hótel KEA á Akureyri í
gær.
Valgerður sagði að í áætluninni
kæmi fram vilji til þess að styrkja
byggð við Eyjafjörð og væri stefnt
að því að fólki á svæðinu myndi
fjölga um 2–3% á ári. Nefndi ráð-
herra að fjölmörg tækifæri væru
til staðar,m.a. á sviði ferðaþjón-
ustu, líftækni, fiskeldi og þá nefndi
Valgerður að sérstök áhersla yrði
lögð á sjávarlíffræði. Í hinni nýju
byggðaáætlun verður einnig lögð
áhersla á að öflugt þróunarstarf í
öllum landshlutum.
Nýr vegur myndi stytta
leiðina milli Akureyrar og
Reykjavíkur um 85 kílómetra
Halldór Blöndal kynnti á fund-
inum hugmynd um nýjan veg milli
Reykjavíkur og Akureyrar, en
hann gæti stytt leiðina um allt að
85 kílómetra. Núverandi vegalengd
er 389 kílómetrar, en hún gæti
orðið 304 kílómetrar verði byggður
upp nýr vegur. Um er að ræða veg
um Hvalfjarðargöng, Hvítarsíðu,
Arnarvatnsheiði, sunnan Blöndu-
lóns, niður Gilhagadal, yfir Hér-
aðsvötn hjá Villinganesi, á Hring-
vegi við Kjálká og síðan um
Öxnadalsheiði. Slíkur vegur yrði
334 kílómetrar, en ef farið yrði um
Þingvallaveg og Kaldadal upp á
Arnarvatnsheiði og síðan sömu leið
og að ofan stytti það leiðina enn
meira eða um 85 kílómetra og yrði
þannig í heild 304 kílómetrar. Gróf
kostnaðaráætlun gerir ráð fyrir að
slíkur vegur myndi kosta um 7
milljarðar króna. Halldór sagði að
þennan veg mætti byggja upp
gagngert fyrir þungaflutninga.
Nefndi hann að um helming kostn-
aðarins mætti fjármagna með
einkafjármagni og hægt væri að
hugsa sér að umferðin stæði undir
um helmingi kostnaðar með
veggjaldi. Taldi Halldór að ferlið
tæki um 7 ár, þ.e. undirbúningur,
hönnun, umhverfismat og lagning
vegarins. „Slíkur vegur myndi
gjörbreyta allri aðstöðu á Norður-
landi,“ sagði Halldór.
Flutningskostnaður íþyngir
fyrirtækjum á landsbyggðinni
Svanfríður Jónasdóttir, Sam-
fylkingu, ræddi um stofnstyrki í
atvinnulífinu og sagði eðlilegt að
skoða hvort taka ætti upp slíka
styrki til fyrirtækja á landsbyggð-
inni. „Ég tel að við eigum hiklaust
að fara þá leið ef hún er fær,“
sagði Svanfríður, en hún benti á að
Norðmenn hefðu byggt upp öfluga
sjóði sem veittu styrki til upp-
byggingar í atvinnulífinu og árang-
urinn verið góður.
Kristján L. Möller, Samfylkingu,
fjallaði m.a. um þungaskatt og
flutningskostnað sem hann sagði
verulega íþyngjandi fyrir fyrirtæki
á landsbyggðinni. Þungaskatt
sagði hann hafa hækkað um allt að
50% frá árinu 1998. „Þetta er það
mál sem hvað brýnast er að taka á
varðandi fyrirtækjareksturinn á
landsbyggðinni,“ sagði Kristján.
Árni Steinar Jóhannsson,
Vinstri hreyfingunni – grænu
framboði, kvaðst fagna því að í
nýrri byggðaáætlun kæmu fram
nýjar tillögur. „En það vantar
aldrei hugmyndir, það sem vantar
núna eru aðgerðir og því miður
sýnist mér ekki vera sérstakur
vilji til þess að spýta í varðandi
þessi mál,“ sagði hann.
Áætlun um uppbyggingu
fjarvinnslu gengu ekki eftir
Í umræðum að framsögum lokn-
um kom fram í svari iðnaðarráð-
herra við fyrirspurn að margt
hefði gengið eftir í fyrri byggða-
áætlun, en vissulega hefðu þar
einnig verið markmið sem ekki
náðu fram. Nefndi hún í því sam-
bandi flutning opinberra starfa út
á landsbyggðina og þá hefði lítið
orðið úr stórhuga áætlunum um
fjarvinnslu. „Þar náðist ekki sá ár-
angur sem stefnt var að. Kannski
var of bratt farið af stað,“ sagði
hún. Svanfríður Jónasdóttir sagði
að ef til vill væri orsakanna á því
að leita til þess að ráðamenn hefðu
ekki vald yfir þessum málum þeg-
ar til ætti að taka. Hún sagði mik-
ilvægt að landsbyggðin hefði að-
gang að slíkum störfum enda
þyrfti sífellt færra fólk til að vinna
hin hefðbundnu störf sem þar
hefðu í eina tíða verið unnin.
Fjölsóttur fundur með þingmönnum um málefni landsbyggðar
Efla á Akur-
eyri sem
byggðarkjarna
við Eyjafjörð
Morgunblaðið/Kristján
Alþingismennirnir Halldór Blöndal, Kristján L. Möller, Svanfríður Jón-
asdóttir og Tómas Ingi Olrich hlýða á framsögu á fundinum.
ÁÆTLUNARFLUG til og frá Akur-
eyri raskaðist í gær, annan daginn í
röð, vegna yfirvinnubanns flugum-
ferðarstjóra. Flugumferðarstjóri sem
átti að vera á vakt frá kl. 7-15 boðaði
forföll og var því ekki hægt að veita
almenna þjónustu í flugturninum á
Akureyri á því tímabili.
Vélar Flugfélags Íslands þurftu því
að lenda tvívegis á Aðaldalsflugvelli í
nágrenni Húsavíkur í gær. Þaðan var
ekið með farþegana til Akureyrar og
einnig var farþegum á suðurleið ekið í
Aðaldalinn. Sami háttur var hafður á
vegna morgunflugsins á miðvikudag
en ferð um hádegisbil til Akureyrar
þann dag var felld niður. Þá varð
klukkustundar seinkun á miðdegis-
vélinni í gær og gat hún því lent á Ak-
ureyri, eftir að annar flugumferðar-
stjóri kom á vakt kl. 15.00.
Um 70 farþegar komu um Aðal-
dalsflugvöll til Akureyrar í þessum
tveimur ferðum í gær og um 50 far-
þegar fóru sömu leið suður til
Reykjavíkur. Ferðalagið í gegnum
Aðaldalinn til og frá Akureyri tekur
nálægt fjórum klukkustundum, þar
af er um einnar klukkustundar rútu-
ferð milli Akureyrar og Aðaldalsflug-
vallar. Flug milli Akureyrar og
Reykjavíkur tekur hins vegar rúma
klukkustund, miðað við að farþegar
mæti 15-30 mínútum fyrir brottför.
Vegna ástandsins hefur verið eitt-
hvað um afbókanir í fluginu og dæmi
eru um að fólk hafi frekar farið ak-
andi á milli Akureyrar og Reykjavík-
ur.
Fullt í allar vélar
til Akureyrar í dag
Rúnar Kristjánsson starfsmaður
Flugfélags Íslands á Akureyrarflug-
velli sagði í samtali við Morgunblaðið
í gær, að farþegarnir sem þurftu að
fara lengri leiðina væru alls ekki sátt-
ir með stöðu mála. Þeir hafi þó verið
þokkalega yfirvegaðir og ekki látið
óánægju sína bitna á starfsmönnum
FÍ. Rúnar sagði að fullt væri í allar
vélar frá Reykjavík til Akureyrar á
morgun [í dag, föstudag] en alls verða
farnar sjö ferðir yfir daginn. Hann
sagðist vonast til að aðgerðir flugum-
ferðarstjóra hefðu þar ekki áhrif.
„Það er mikið hringt vegna föstu-
dagsins en það er mjög erfitt fyrir
okkur að gefa einhver afgerandi svör
og þetta ástand er alveg hundleiðin-
legt,“ sagði Rúnar.
Steinþór Ólafsson framkvæmda-
stjóri Sæplasts á Dalvík flýgur á milli
Akureyrar og Reykjavíkur að
minnsta kosti vikulega. Hann kom til
Akureyrar í gegnum Aðaldalinn í gær
og var alls ekki sáttur við stöðu mála.
„Þetta er alveg skelfilegt ástand og
það getur ekki gengið til lengdar.
Mér finnst þessar aðgerðir flugum-
ferðarstjóra fáránlegar og þær trufla
m.a. starfsemi fyrirtækja.“
Enn röskun á áætlun-
arflugi til Akureyrar
XXX Rottweilerhundar koma
fram í KA-heimilinu í kvöld,
föstudagskvöldið 8. febrúar.
Skytturnar og DJ Lilja hita
upp, en húsið verður opnað kl.
23. Aldurstakmark er 16 ár.
Forsala aðgöngumiða er í
Pennanum á Glerártorgi, en
miðar eru einnig seldir við inn-
ganginn.
XXX Rott-
weiler-
hundar í KA-
heimilinu
VAL á íþróttamanni Þórs fyr-
ir árið 2001 verður kunngjört
í hófi í Hamri, félagsheimili
Þórs, laugardaginn 9. febrúar
nk. kl. 14. Við sama tækifæri
verður kunngjört val á bestu
íþróttamönnum einstakra
deilda innan félagsins.
Alls hlutu átta íþróttamenn
félagsins tilnefningu að þessu
sinni, þ.e. tveir frá hverri
deild. Þau sem fengu tilnefn-
ingu eru; Ásta Árnadóttir
knattspyrna, Einar Örn Að-
alsteinsson körfubolti, Hafþór
Einarsson handbolti, Helgi
Þór Leifsson taekwondo, Orri
Freyr Óskarsson knatt-
spyrna, Óðinn Ásgeirsson
körfubolti, Páll Viðar Gíslason
handbolti og Þórdís Úlfars-
dóttir taekwondo.
Þórsarar og aðrir velunn-
arar félagsins á öllum aldri
eru hvattir til að mæta í Ham-
ar á laugardag, fylgjast með
útnefningunni og þiggja kaffi-
veitingar að henni lokinni.
Íþrótta-
maður
Þórs út-
nefndur