Morgunblaðið - 08.02.2002, Blaðsíða 18
VIÐSKIPTI/ATHAFNALÍF
18 FÖSTUDAGUR 8. FEBRÚAR 2002 MORGUNBLAÐIÐ
HAGNAÐUR af reglulegri starfsemi
Össurar hf. á síðasta ári nam samtals
844 milljónum króna, samanborið við
409 milljónir árið 2000 og hefur því
aukist um 106%. Tekjur félagsins á
árinu voru 6.565 milljónir króna og
jukust um 87% á milli ára. Hagnaður
fyrir afskriftir, vexti og skatta var
1.268 milljónir og jókst um 80%.
Hagnaður af reglulegri starfsemi á
hlut tvöfaldaðist, fór úr 1,25 kr. á hlut
í 2,57 kr.
Við samanburð milli áranna 2001
og 2000 þarf að hafa í huga að vegna
kaupa á fyrirtækjum var samsetning
samstæðunnar á rekstrartímabilinu
ekki sambærileg. Samstæða Össurar
hf. samanstendur af Össuri hf. á Ís-
landi, samstæðu Össur Holdings Inc.
í USA, samstæðu Össur Holding AB
í Svíþjóð, auk einstakra félaga á Ís-
landi, í Lúxemborg, Hollandi og víð-
ar. Einnig þarf að gæta að því að
gengi bandaríkjadals gagnvart ís-
lenskri krónu hækkaði um tæp 22%
frá ársbyrjun til ársloka 2001, en það
hefur veruleg áhrif á rekstrar- og
efnahagsstærðir í samstæðuuppgjöri
félagsins.
Jón Sigurðsson, forstjóri Össurar
hf., segir að rekstur félagsins sé nán-
ast samkvæmt áætlunum. Samein-
ingarferli fyrirtækja hafi gengið
mjög vel á síðasta ári, tekist hafi að
samhæfa og endurskipuleggja rekst-
urinn. „Við fórum í gagngera endur-
skipulagningu og uppstokkun á öll-
um okkar fyrirtækjum. Á sama tíma
tókst okkur að halda viðunandi af-
komu.“
Áætla að setja á annan
tug nýrra vara á markað
Reikningsskil og rekstraráætlanir
fyrir félagið verða alfarið í banda-
ríkjadollurum á árinu 2002. Sam-
kvæmt rekstraráætlun 2002, sem
birt var 29. janúar, er ársvelta á árinu
2002 áætluð 78–86 milljónir dollara,
hagnaður fyrir vexti, afskriftir og
skatta 15,6–17,2 milljónir dollara og
hagnaður ársins 9,5–11,5 milljónir
dollara. Áætlað er að á árinu 2002
verði markaðssettar á annan tug
nýrra vara sem þróaðar verða hjá fé-
laginu. Til samanburðar voru settar á
markað þrettán nýjar vörur á árinu
2001. „Við álítum að sölukerfi okkar
sé þegar farið að skila árangri í
Bandaríkjunum en það er enn nokk-
uð að bíða í Evrópu. Við erum því
nokkuð bjartsýn á reksturinn á þessu
ári, jafnvel þó að ytri aðstæður séu
ekki beinlínis hagstæðar. Hinsvegar
störfum við í grein sem er ekki eins
háð hagsveiflum og margar aðrar
greinar,“ segir Jón.
Sigurður Erlingsson, sérfræðing-
ur í greiningardeild Landsbankans-
Landsbréfa, segir afkomu Össurar í
takt við væntingar markaðarins.
„Það er jákvætt að sjá framlegð fyrir
afskriftir batna nokkuð á síðasta
hluta ársins en hafa ber í huga að
veiking krónunnar skýrir það að
hluta. Hagnaður fyrir afskriftir á
móti tekjum, eða EBITDA framlegð-
arhlutfall Össurar, er í efri kantinum
í atvinnugreininni. Almennt gefur
uppgjörið til kynna að vel hafi tekist í
rekstri samstæðunnar og að sam-
legðaráhrifa sé þegar farið að gæta.
Miðað við þessa afkomu eru verð-
matskennitölur Össurar nokkuð hag-
stæðar í flestum samanburði. Mark-
aðsvirði í hlutfalli við hagnað, V/H
gildi, er 19,4 og markaðsvirði í hlut-
falli við hagnað fyrir afskriftir er
nokkuð hagstætt miðað við sambæri-
leg fyrirtæki, og getur tilefni til að
ætla að núverandi gengi félagsins sé
hagstætt í ljósi afkomu síðasta árs.
Einnig ber að hafa í huga að vöxtur
félagsins hefur verið mikill á undan-
förnum árum og búast má við áfram-
haldandi góðum vexti án þess að upp-
kaup fyrirtækja komi til,“ segir Sig-
urður.
(%
)
)
'%% *
#$&
+$
!$$
#
"#
#
!$
"&
+#$
$'"
&"(
%(
"
"
"
"
!!"
!"
!"
"
#"
"
"
$%
& '
& '
& '
$%
$%
Hagnaður Össurar 844 m.kr.
FYRIRTÆKIÐ Marel hf. hlaut í
gær Íslensku þekkingarverðlaunin
2002, sem Félag viðskiptafræðinga
og hagfræðinga veitir. Íslensku
þekkingarverðlaunin, sem veitt eru
árlega, voru afhent í lok ráðstefnu
sem haldin var í gær undir yfir-
skriftinni: „Þekkingu breytt í verð-
mæti.“
Forseti Íslands afhenti verðlaun-
in og veitti forstjóri Marel þeim
viðtöku, en áður greindi formaður
dómnefndar, Runólfur Smári Stein-
þórsson, frá vali nefndarinnar.
Hann sagði það hafa farið fram
með þeim hætti að félagsmenn og
forstjórar 100 stærstu fyrirtækja
landsins hefðu verið innt álits á því
hvaða fyrirtæki hefði skarað fram
úr á þessu sviði og fjögur fyrirtæki
hafi staðið upp úr, Bakkavör, Ís-
lensk erfðagreining, Marel og Öss-
ur. Runólfur Smári sagði að nefnd-
inni hafi verið mikill vandi á
höndum því öll hefðu fyrirtækin
verið vel að verðlaununum komin.
Svo hafi þó farið, meðal annars eft-
ir heimsókn til allra fyrirtækjanna,
að dómnefndarmenn hafi orðið ein-
huga um að veita Marel þessa við-
urkenningu nú. Hann sagði fyrir-
tækið hafa náð miklum árangri í
markaðssetningu og sölu og aldrei
hafa tapað viðskiptavini. Þá sagði
hann að í fyrirtækinu væri mikill
mannauður og einnig akademískur
metnaður, sem stafaði af uppruna
þess.
Vísindalegar aðferðir
við starfsmannaval
Fjöldi fyrirlesara kom fram á
ráðstefnunni og prófessor Ivan Ro-
bertson reið á vaðið og fjallaði um
vísindalegar aðferðir við starfs-
mannaval og framlag vinnusál-
fræðinnar.
Hilmar Ágústsson, ráðgjafi hjá
PricewaterhouseCoopers, ræddi
um mismunandi sýn á stefnumót-
unarferlið og lærdóm sem draga
mætti af þeim í erindi sínu: „Ert þú
að fara á mis við eitthvað?“ Hann
sagði m.a. að endurskoða þyrfti
stefnu og árangur reglulega,
byggja nauðsynlegan sveigjanleika
inn í fyrirtæki og síðast en ekki síst
þyrftu stjórnendur íslenskra fyr-
irtækja að reyna að læra af mistök-
um og velgengni annarra sem farið
hafa í gegnum breytingar. Hilmar
sagði reglulegt stefnumótunarferli,
sniðið að þörfum og eðli viðkom-
andi fyrirtækis, mikilvægan þátt í
velgengni fyrirtækisins.
Einar Þorsteinsson, fram-
kvæmdastjóri Íslandspósts, lýsti
reynslu sinni og fyrirtækisins af
stefnumótunarferli með utan-
aðkomandi ráðgjöf árin 1998 og
2000. Hann sagði ferlið hafa gert
fyrirtækinu gott og m.a. væru
markmið fyrirtækisins nú skýrari.
Einar sagði árangur af slíku
stefnumótunarferli byggjast á ut-
anaðkomandi verkstjórn, ferlinu
sjálfu frekar en skýrslu um stefnu-
mótun og því að endurtaka ferlið.
Hrannar Hólm frá KPMG fjallaði
um virðisstjórnun, sem hann sagði
aðferð til að meta rekstur og stýra
honum, en aðferðin væri upprunnin
frá fyrirtækinu Coca Cola í Banda-
ríkjunum. Hann sagði að aðalmark-
mið stjórnanda fyrirtækis ætti að
vera að ávaxta fé, en til að ná því
markmiði væri nauðsynlegt að líta
til annarra markmiða svo sem
ánægju starfsfólks og viðskipta-
vina, enda næðist árangur ekki að
öðrum kosti.
Hrannar sagði stjórnanda ekki
eiga að einblína á hlutabréfaverðið,
en líta þess í stað til raunhagnaðar,
sem sé hagnaðurinn eftir að litið
hafi verið til allra þátta, þar með
talið ávöxtunarkröfu til hluthafa.
Marel hlýtur
Íslensku þekking-
arverðlaunin 2002
Morgunblaðið/Kristinn
Forstjóri Marel hf. tekur við verðlaununum úr hendi forseta Íslands.
Morgunblaðið/Kristinn
Verðlaunagripurinn, Þekkingar-
brunnur, eftir Þórodd Bjarnason.
● SPARISJÓÐURINN í Keflavík var í
forsvari fyrir sambankalán upp á
tvær milljónir evra fyrir Bláa lónið ný-
verið eins og greint var frá í Morg-
unblaðinu 30. janúar sl.
Að sögn Geirmundar Kristinsson-
ar, sparisjóðsstjóra í Keflavík, er
þetta í fyrsta skipti sem Sparisjóður-
inn í Keflavík hefur umsjón með sam-
bankaláni en sjóðurinn hefur áður
tekið þátt í slíkri lánveitingu til Bláa
lónsins. Geirmundur segir að ekki sé
ósennilegt að Sparisjóðurinn haldi
áfram að taka þátt í slíkum lánum en
hjá sjóðnum hefur verið starfandi við-
skiptastofa um tveggja ára skeið og
hafði hún veg og vanda af lánasamn-
ingnum nú.
Sparisjóðurinn í
Keflavík í forsvari
● KAUPÞING banki hf. hefur keypt
hlutabréf í Skeljungi að nafnverði kr.
34.075.272 á genginu 9,2 og er
verðmætið því um 313,5 milljónir
króna. Samkvæmt heimildum Morg-
unblaðsins er seljandi bréfanna sjóð-
ur á vegum Búnaðarbanka Íslands.
Eignarhlutur Kaupþings banka hf. í
Skeljungi er nú 12,45% eða kr.
94.075.192 að nafnverði en var áð-
ur 7,94% eða kr. 59.999.920 að
nafnverði, þar af vegna framvirkra
kaupa, 30 milljónir að nafnverði.
Verðmæti 12,45% eignarhlutar
Kaupþings í Skeljungi miðað við
lokagengi bréfanna á Verðbréfaþingi
Íslands í gær er um 880 milljónir
króna en lokagengi bréfanna í gær
var 9,35 og hækkaði um 3,3% frá
fyrra degi. Mest viðskipti voru með
bréf Skeljungs á Verðbréfaþingi í gær
eða fyrir 323,7 milljónir króna.
Markaðsverðmæti Skeljungs er
miðað við lokagengið í gær um sjö
milljarðar. Gengi hlutabréfa Skelj-
ungs hefur hækkað um 8,7% frá ára-
mótum.
Kaupþing á nú
12,45% í Skeljungi
● VEGNA fréttar sem birtist í Morg-
unblaðinu í gær, 7. febrúar, varðandi
samning um sölu á Norton Antivirus
hugbúnaði, vill Nýherji að eftirfarandi
komi fram: Rangt var farið með í
fréttatilkynningu sem send var út frá
Nýherja þar sem minnst var á
menntamálaráðuneytið. „Mennta-
málaráðuneytið tengist ekki þessum
samningi, heldur er hann milli Nýherja
og Symantec, fyrirtækisins sem fram-
leiðir Norton Antivirus hugbúnaðinn.
Nýherji harmar þessi mistök, sem
byggðust á leiðinlegum misskilningi“
að því er fram kemur í yfirlýsingu frá
Nýherja.
Leiðrétting
frá Nýherja