Morgunblaðið - 08.02.2002, Blaðsíða 34

UMRÆÐAN
34 FÖSTUDAGUR 8. FEBRÚAR 2002 MORGUNBLAÐIÐ
Þ
eim sem fylgjast
nokkuð með störfum
Alþingis er löngu
orðið ljóst að á þingi
sitja menn sem
mættu hafa mun tímafrekari
áhugamál. Ólíkt því sem sumir
þeirra, sem ekki fylgjast með
þingstörfum, halda eru þing-
menn nefnilega yfirleitt lúsiðnir
og fellur sjaldan verk úr hendi.
Gallinn er bara sá að verkin
væru oft og tíðum betur látin
óunnin.
Nú eru nokkrar þingannir eins
og gengur á þessum árstíma og
með því að líta á nokkur af þeim
málum sem rædd hafa verið á
þingi allra síðustu daga má sjá
hvers vegna auknar tómstundir
væru til bóta. Nefna má sem
dæmi þingsályktunartillögu um
rekstur al-
mennings-
sam-
göngukerfis í
Eyjafirði sem
ríkið myndi
niðurgreiða. Í
greinargerð
með tillögunni kemur fram
hvaða leiðir skuli eknar og á
hvaða tímum og færðar eru fram
nokkrar röksemdir um hagræði
þessa fyrir íbúa svæðisins. Þá
segir að kostnaður hafi verið
áætlaður 34–37 milljónir króna,
en tekjur öllu minni og óvissari.
Tvennt kann að koma nokkuð á
óvart varðandi þessa brýnu til-
lögu. Annað er það að flutnings-
maðurinn er þingmaður Norður-
landskjördæmis eystra og hitt að
ekki skuli vera minnst á hags-
muni skattgreiðenda í grein-
argerðinni.
Önnur ekki síðri tillaga til
þingsályktunar fjallar um vöru-
verð og rekstrar- og samkeppn-
isstöðu atvinnufyrirtækja á
landsbyggðinni. Ef marka má
greinargerð tillögunnar hafa
tillöguflytjendur af því áhyggjur
að mönnum hér á landi sé mis-
munað eftir búsetu. Af þeirri
ástæðu vilja þeir breyta reglum
um þungaskatt og jafna með því
móti rekstrarstöðu fyrirtækja á
landinu, enda komi þungaskatt-
urinn misjafnlega niður eftir því
hvar fyrirtæki eru. Ef til vill
furðar sig einhver á því að fyrsti
flutningsmaður tillögunnar skuli
vera af landsbyggðinni. Og ann-
ar undrast sennilega að í rök-
semdum með tillögunni skuli
staðreyndum snúið á haus. Svo
virðist þó vera. Því er haldið
fram að í því felist mismunun að
þeir sem aki lengri vegalengd
greiði hærri þungaskatt og að
meira jafnræði væri með íbúum
landsins ef afsláttur væri veittur
af þungaskatti í þágu ákveðinna
landsvæða. Nú má út af fyrir sig
færa fyrir því rök að allur skatt-
ur sé ranglátur. Þá má einnig
færa fyrir því rök að eini réttláti
skatturinn sé nefskattur. Loks
má færa rök fyrir því að skatt-
kerfi sem tekur jafnt hlutfall af
neyslu og tekjum allra manna sé
sanngjarnt. Engin sanngjörn rök
eru hins vegar fyrir því að
breyta skattkerfinu á þann hátt
að það hygli sumum á kostnað
annarra eins og tillagan gerir
ráð fyrir. Steininn tekur úr þeg-
ar slíkar hugmyndir eru settar
fram í nafni baráttunnar gegn
mismunun og rangsleitni í ver-
öldinni.
Ein nýleg tillaga til þings-
ályktunar sýnir glöggt að enda-
laust má setja á fót ný embætti
og ráða meiri mannafla til hins
opinbera og má segja að hún hafi
með því þann óvænta kost að slá
á ótta manna við hugsanlegt at-
vinnuleysi. Þessi tillaga kveður á
um að skipaður verði sérstakur
talsmaður útlendinga hér á
landi. Í tillögunni segir að fjöldi
útlendinga sé hér mikill og mik-
ilvægt sé að unnið sé að málum
þeirra „heildstætt svo að góð yf-
irsýn fáist“. Þá er sagt áríðandi
að hið nýja embætti sé „staðsett
miðlægt, t.d. í fyrirhuguðu al-
þjóðahúsi sem er væntanlegt
samstarfsverkefni sveitarfélaga
á höfuðborgarsvæðinu, en tals-
maður mundi jafnframt vinna af-
ar náið með væntanlegum lands-
hlutamiðstöðvum.“ Vitaskuld er
gríðarlega mikilvægt að talsmað-
urinn sé „staðsett miðlægt“ og
gott að fyrir því skuli hafa verið
hugsað frá upphafi. Þá er ekki
síður gleðilegt að með tillögunni
skuli minnt á alþjóðahúsið fyr-
irhugaða og landshlutamiðstöðv-
arnar. Í þeim felast, ekki síður
en í embætti talsmannsins, mikl-
ir vaxtarbroddar í atvinnumálum
frumbyggja landsins. Og hver
veit nema þar kunni með tím-
anum einnig að skapast störf
fyrir svokallaða nýbúa.
Ekki eru öll þingstörf þó svo
óþörf sem þetta. Má í því sam-
bandi nefna tillögu til þings-
ályktunar um „endurheimt
Drekkingarhyls í Almannagjá“,
en flutningsmaður saknar hins
forna svips hylsins góða sem tók
fljótt og vel við þeim konum sem
mættu honum íklæddar hæru-
sekk eftir að hafa verið fundnar
sekar um óhæfu og for-
dæðuskap. Er þess getið sér-
staklega að þeim sem höfðu unn-
ið til þessarar refsingar hafi
sennilega verið kastað í hylinn
austanmegin af klettunum og
iðuköst hafi séð til þess að
dauðastríðið hafi tekið fljótt af.
Eðlilegt er að flutningsmönnum
þyki heillandi hugmynd að end-
urskapa þennan hyl í sinni fornu
mynd og enn eðlilegra að þeir
skuli láta algerlega undir höfuð
leggjast að áætla upphæð þess
reiknings sem skattgreiðendum
yðri réttur í þeim tilgangi.
Sem betur fer eru þó ekki öll
mál sem flutt eru á Alþingi til
þess fallin að íþyngja almenn-
ingi. Margflutt frumvarp um af-
nám banns við að stunda hér
ólympíska hnefaleika, eða
áhugamannahnefaleika eins og
þeir heita víst í nýjustu gerð
frumvarpsins, er dæmi um að
stundum snúast þingstörf um að
auka frelsi fólks. Frumvarp um
breytingu á lögum um verslun
með áfengi og tóbak er af sama
meiði. Þar er gert ráð fyrir að
Áfengis- og tóbaksverslun rík-
isins framselji einkaleyfi sitt til
smásölu áfengis. Fyrir því eru að
vísu ákveðin skilyrði, en sam-
þykkt frumvarpsins yrði engu að
síður til mikilla bóta fyrir al-
menning, ekki síst á landsbyggð-
inni þar sem sums staðar er
langt í næstu áfengisútsölu.
Önnum
kafnir
„Engin sanngjörn rök eru hins vegar
fyrir því að breyta skattkerfinu á þann
hátt að það hygli sumum á kostnað ann-
arra eins og tillagan gerir ráð fyrir.“
VIÐHORF
Eftir Harald
Johannessen
haraldurj-
@mbl.is
NÚ um næstu helgi stendur fyrir
dyrum prófkjör sjálfstæðismanna í
Mosfellsbæ. Að venju sækjast margir
eftir umboði til setu á
framboðslistanum.
Þeirra á meðal er
kona sem vert er að
gefa góðan gaum.
Undirritaður hefur
borið gæfu til að
starfa náið með Her-
dísi Sigurjónsdóttur
að málefnum sem
tengjast almannavörnum, hópslysa-
viðbrögðum og almannaheill. Í þessu
starfi hefur komið greinilega í ljós
hvílíkur forkur hún er til vinnu og
hversu vel og skipulega hún starfar.
Hér er klárlega um að ræða stjórn-
anda í fyrsta flokki, manneskju sem
hefur lag á að stjórna öðrum á jafn-
réttisgrundvelli og með hógværð.
Þannig nær Herdís að virkja það
besta í samstarfsfólki sínu. Það er
einmitt fólk þessum kostum búið sem
veljast þarf til forystu. Herdís er
ábyrgðarfull, orkumikil, glaðvær og
góður félagi í samstarfi.
Mosfellingar ég hvet ykkur til að
velja Herdísi Sigurjónsdóttur til for-
ystu sjálfstæðismanna í prófkjörinu.
Skilaboð til íbúa
Mosfellsbæjar
Hallgrímur Sigurðsson, formaður
íbúasamtaka Grafarvogs, skrifar:
Hallgrímur
Sigurðsson
HALLA Halldórsdóttir bæj-
arfulltrúi tekur þátt í prófkjöri
Sjálfstæðisflokksins í Kópavogi.
Halla hefur verið
bæjarfulltrúi sl. átta
ár og auk þess
gegnt fjölmörgum
öðrum ábyrgðar- og
trúnaðarstörfum.
Kynni mín af Höllu
hafa sannfært mig
um að hún hefur
bæði getu og vilja
til að breyta því sem breyta þarf.
Halla er ljósmóðir og hjúkr-
unarfræðingur, og hefur sú mennt-
un nýst vel til að vinna að ýmsum
framfaramálum fyrir bæjarfélagið,
t.d. á sviði heilbrigðis-, félags- og
öldrunarmála. Hún situr í stjórn
Heilsugæslu Kópavogs og er for-
maður húsnæðisnefndar bæjarins.
Kjósum konu með reynslu í 2. sæt-
ið!
Höllu í 2. sætið!
Birna María Sigurðardóttir háskólanemi
skrifar:
Birna María
Sigurðardottir
VIÐ undirritaðir
skorum á unga
sjálfstæðismenn að
styðja Harald
Sverrisson í fyrsta
sæti í prófkjörinu
hinn 9. febrúar.
Hann er traustur
og reynslumikill
stjórnmálamaður,
sem við trúum að
muni leiða lista
sjálfstæðismanna
til sigurs í kosning-
unum í vor.
Ungir Mosfell-
ingar: Takið þátt í
prófkjörinu og
kjósið Harald
Sverrisson á
Hulduhólum í fyrsta sætið.
Harald Sverris-
son í 1. sæti
Þórarinn Örn Andrésson og Magnús Þór
Magnússon, ungir sjálfstæðismenn í
Mosfellsbæ, skrifa:
Þórarinn Örn
Andrésson
Magnús Þór
Magnússon
SJÁLFSTÆÐISMENN í Mos-
fellsbæ munu 9. febrúar nk. ganga
til prófkjörs til þess að velja fólk á
framboðslista
flokksins í komandi
sveitarstjórnarkosn-
ingum. Þrettán
menn og konur taka
þátt í prófkjörinu.
Mörgum verður
vandi á höndum við
að gera upp á milli
þessa fólks, en það
er ákaflega mikilvægt að vel takist
til við að velja forystumann listans.
Ég hef gert upp hug minn og mun
styðja Harald Sverrisson á Huldu-
hólum í fyrsta sætið. Haraldur er
viðskiptafræðingur og stundaði
framhaldsnám í fjármálum í Banda-
ríkjunum. Hann hefur öðlast mikla
starfs- og stjórnunarreynslu sem
rekstrarstjóri fjármálaráðuneytisins
auk þess sem hann hefur verið mjög
virkur í starfi bæjarmálaflokks sjálf-
stæðismanna í Mosfellsbæ. Þar að
auki hefur Haraldur verið virkur í
öðrum félagsstörfum og ber þar
hæst formennsku hans í Golf-
klúbbnum Kili.
Ég hvet sjálfstæðismenn í Mos-
fellsbæ til þess að velja Harald
Sverrisson í fyrsta sæti í prófkjörinu
9. febrúar nk.
Harald í 1. sæti
Guðmundur Bragason verslunarrekandi
skrifar:
Guðmundur
Bragason
MOSFELLSBÆR
er sjöunda fjölmenn-
asta sveitarfélag
landsins og gert er ráð
fyrir mikilli uppbygg-
ingu á næstu árum og
áratugum. Samhliða
uppbyggingunni verð-
ur að tryggja með
ábyrgri fjármálastjórn
og aga, að halda uppi
góðu þjónustustigi, án
þess að skuldsetja
íbúana meira en nú-
verandi meirihluti hef-
ur gert. Skuldir á
hvern íbúa eru með því
mesta sem gerist á
landinu og hefur
skuldastaðan versnað hratt í valda-
tíð núverandi meirihluta Framsókn-
ar og vinstri manna. Höfum við
sjálfstæðismenn í bæjarstjórn ítrek-
að varað við þróun mála. Er málum
nú svo fyrir komið að enn einu sinni
hefur eftirlitsnefnd með fjármálum
sveitarfélaga sent bréf og lýst yfir
áhyggjum sínum og óskað eftir að
gerð verði grein fyrir því hvernig
meirihlutinn hyggst bregðast við
fjárhagsvandanum. Það er því deg-
inum ljósara að á næsta kjörtímabili
verður að fara með gát í fjárfest-
ingar. Leggja þarf aukna vinnu í
áætlanagerð og sýna meiri fyrir-
hyggju í uppbyggingu en gert hefur
verið undanfarin ár.
Af hverju Mosfellsbær?
Mosfellsbær er einstakt sveitar-
félag, nálægðin við ósnortna nátt-
úru, fellin og sagan var
m.a. það sem varð til
þess að ég kaus að búa
hérna með fjölskyldu
minni. Í bænum hefur
alla tíð verið lögð rík
áhersla á að skapa góð
skilyrði til uppeldis og
menntunar og ber að
styðja vel við starf
þeirra góðu leik- og
grunnskóla sem hér
eru starfandi og auka
sjálfstæði stjórnenda.
Ýmsar brýnar fram-
kvæmdir liggja fyrir á
næstu árum og þarf að
byggja nýjan leikskóla,
ljúka við byggingu
Lágafellsskóla og bæta úr sund-
laugarmálum bæjarbúa svo eitthvað
sé nefnt.
Hjúkrunarheimili
Sorglegt er til þess að hugsa að
ekki sé neitt hjúkrunarheimili í
Mosfellsbæ og því engin úrræði í
bænum fyrir langlegusjúklinga og
aldraða sem ekki hafa tök á að vera
heima eða á dvalarheimili. Fólk þarf
að fara burt úr bæjarfélaginu til
vistunar í hjúkrunadeildum á öðrum
stöðum á höfuðborgarsvæðinu eða
úti á landi. Þegar af verður, mun
hjúkrunarheimilið rísa við núver-
andi byggingu á Hlaðhömrum og
verða í tengslum við dvalarheimilið
Hlaðhamra sem er ákjósanlegt
vegna þess að þá er hægt að sam-
nýta eldhús og fleira. Það eru sjálf-
sögð réttindi fyrir þennan hóp fólks
að hafa möguleika á að vera sem
lengst á sínum heimaslóðum og í ná-
grenni við ættingjana og því verður
að knýja á úrbætur frá ríkinu.
Stefnubreyting
Í dag eru spennandi tímar og
framundan eru fjölmörg tækifæri
fyrir okkur Mosfellinga til að taka
afstöðu um þróun mála. Ekki er
sama hvernig spilað er úr spilunum
og því hvet ég þig til að mæta í
Varmárskóla á morgun og taka þátt
í prófkjöri okkar sjálfstæðismanna
og velja sigurstranglegan lista fyrir
bæjarstjórnarkosningarnar næsta
vor.
Ágæti Mosfellingur, ég hef setið í
bæjarstjórn síðustu fjögur ár og
öðlast þekkingu á sveitarstjórnar-
málum og málefnum bæjarfélags-
ins. Ég býð mig fram í 1.sæti í próf-
kjöri sjálfstæðismanna og óska ég
eftir stuðningi þínum í það sæti.
Hvert stefnum við
Mosfellingar?
Herdís
Sigurjónsdóttir
Mosfellsbær
Með ábyrgri fjármála-
stjórn og aga telur
Herdís Sigurjónsdóttir
að hægt sé að halda uppi
góðu þjónustustigi.
Höfundur er bæjarfulltrúi og
þátttakandi í prófkjöri
sjálfstæðismanna í Mosfellsbæ.
http://www.simnet.is/herdis
VIÐ höfum séð ný vinnubrögð við
stjórn umhverfismála í Kópavogi
undanfarin misseri. Ný hugsun og ný
viðhorf hafa komist
að með áreynslulaus-
um hætti. Skyn-
samleg stefna í takt
við bestu leiðarvísa
alþjóðasamfélagsins
hefur verið sett í
framkvæmd í góðri
sátt bæjarstjórnar
og bæjarbúa. Mik-
ilvægasti leiðarsteinn mannkynsins í
umhverfismálum er Staðardagskrá
21, sem er vegvísir við stefnumótun í
umhverfismálum sveitarfélaga. Allt
of víða má sjá dæmi um að látið sé
reka á reiðanum í þessum mikilvæga
málaflokki, sem tekur til alls um-
hverfisins, skipulagsmála, útivist-
arsvæða, mannvirkjagerðar og einn-
ig aukins lýðræðis. Undir stjórn
Ásdísar Ólafsdóttur, formanns Um-
hverfisráðs Kópavogs, hefur Kópa-
vogsbær tekið myndarlega á þessum
málum. Ég hef þekkt Ásdísi lengi og
veit að hún er dugleg, heiðarleg og
sjálfri sér samkvæm. Við þurfum
sannarlega hennar líka í bæjarstjórn.
Kjósum Ásdísi í 2. sætið í prófkjöri
Sjálfstæðisflokksins í Kópavogi!
Ásdís fyrir
Kópavog
Ágúst Þorgeirsson, verkfræðingur og
umhverfisfræðingur, skrifar:
Ágúst
Þorgeirsson