Morgunblaðið - 08.02.2002, Blaðsíða 23
LISTIR
MORGUNBLAÐIÐ FÖSTUDAGUR 8. FEBRÚAR 2002 23
TILBOÐS-
DAGAR
HORFÐU TIL FRAMTÍÐAR
Hugsaðu um húðina í dag
URBAN ACTIVE
VINNUR Á
1. MERKJUM ÖLDRUNAR
Hentar frá 25 ára aldri
Einstakir kaupaukar* fylgja ofantöldum HR kremum.
Með FACE SCULPTOR fylgir t.d. taska, 15 ml
næturkrem, 3 ml augnkrem og 3 ml varakrem að
verðmæti 4.300 kr.
*G
ild
ir
m
eð
an
b
irg
ði
r
en
da
st
COLLAGENIST
ÁHRIF KOLLAGENS
ÁN SPRAUTUNNAR
FACE SCULPTOR
LYFTING
ÁN SKURÐAÐGERÐAR
Útsölustaðir: Reykjavík og nágrenni: Ársól snyrtistofa-verslun Grímsbæ,
Snyrtivöruverslunin Glæsibæ, Gullbrá Nóatúni, Hygea Kringlunni, Hygea Laugavegi
23, Libia Mjódd, Mist Spönginni 23, Sara Bankastræti 8, Sigurboginn Laugavegi 80,
Andorra Strandgötu Hafnarfirði, Bylgjan Hamraborg Kópavogi,
Fína Háholti 14 Mosfellsbæ, Hygea Smáralind Kópavogi.
Landið: Bjarg Stillholti 14 Akranesi, Hilma Garðarsbraut 18 Húsavík,
Hjá Maríu Hafnarstræti Akureyri, Konur og Menn Aðalstræti 9 Ísafirði,
Miðbær Vestmannaeyjum, Myrra Austurvegi 4 Selfossi.
EF einhver skyldi ekki vita það
þá er Stoppleikhúsið lítill leikhópur
sem hefur það að markmiði að setja
upp farandsýningar í grunnskólum
landsins, ýmist fyrir yngri eða eldri
nemendur, og hafa sýningarnar oft-
ar en ekki einhvern boðskap eða
fræðslu fram að færa. Sem dæmi
um viðfangsefni hópsins frá undan-
förnum árum má nefna umferðar-
mál, misnotkun vímuefna, kynlíf og
vináttu. Sýningar þessa litla leik-
hóps hafa ætíð verið hugvitssamlega
unnar og fjörugar og markmið
þeirra er að ná til hinna ungu áhorf-
enda á þeirra eigin forsendum sem
hefur yfirleitt tekist með ágætum.
Það var barn í dalnum … er ní-
unda verkefni hópsins og að þessu
sinni hefur hann fengið Þorvald
Þorsteinsson til að semja fyrir sig
verk sem að mörgu leyti er frá-
brugðið fyrri viðfangsefnum hóps-
ins. Þorvaldur er kunnur sem höf-
undur bókanna um Blíðfinn og
leikritsins Skilaboðaskjóðunnar og
því ljóst að hér er um úrvals höfund
barnaefnis að ræða. Hann bregst
heldur ekki vonum aðdáenda sinna
með þessu litla en vandaða verki því
hér er um að ræða mjög vel samið
og skemmtilegt leikverk þar sem
fortíð og nútíð er fléttað saman af
hugvitssemi og frumleika.
Leikritið segir frá unglingunum
Barða (Eggert Kaaber) og Rúnu
(Katrín Þorkelsdóttir) sem í byrjun
verksins eru stödd í tónlistartíma í
skólanum en með einhverjum dul-
arfullum hætti sogast þau aftur til
fortíðar þar sem þau tengjast sögu
forfeðra sinna og renna saman við
persónur sem áttu sér örlagaríka og
átakamikla sögu sem hefur að
geyma bæði ástríður og harmleik.
Bæði á fortíðar- og nútíðarsviði leik-
ritsins er verið að fjalla um sterkar
tilfinningar og mikilvæga þætti
mannlífsins en það er gert á mjög
tempraðan hátt, meira er gefið í
skyn en sagt og áhorfandinn hefur
mikið rými fyrir eigin vangaveltur
og túlkanir.
Tónlist skipar stóran sess í sýn-
ingunni og hér er einnig fléttað sam-
an gömlu og nýju og sérlega
skemmtilegt að heyra hið kunna
Ókindarkvæði rappað. Kannski
verður það til þess að opna augu
unglinga enn fremur fyrir þeim
möguleikum sem búa í íslenskri
kvæða- og rímnahefð, en rímurnar
t.d. ættu margar hverjar að falla af-
ar vel að rapptónlist. Það er Pálmi
Sigurhjartarson sem á heiðurinn af
hljóðmynd verksins sem er
skemmtilega unnin og að auki tekur
Pálmi þátt í leiknum sem tónlistar-
kennarinn/tónlistarskrattinn.
Eggerti og Katrínu hefur alltaf
látið mjög vel að leika unglinga og
þessi sýning er engin undantekning
á því. Þau skapa hvort um sig sann-
færandi persónur sem eru mjög
ólíkar. Rúna er framhleypin og kot-
roskin, virðist ánægð með sig, mont-
in og snobbuð en í ljós kemur að
framkoma hennar er kannski fyrst
og fremst hennar leið til að brynja
sig og breiða yfir sársauka og óör-
yggi. Barði er andstæðan við Rúnu,
hefur fengið á sig „lúserastimpil“ en
reynist ráðagóður á raunastund. Í
gegnum persónulýsingu hans verð-
ur nemendum/áhorfendum (von-
andi) ljóst hversu varasamt er að
dæma aðra að ókönnuðu máli.
Farandsýningar af því tagi sem
Stoppleikhúsið sýnir bjóða ekki upp
á mikla og flókna sviðsmynd en
óneitanlega er þetta verk þess eðlis
að það hefði notið sín enn betur með
viðeigandi umgjörð og leikmynd.
Ósjálfrátt verður áhorfandanum
hugsað til þess hversu vel verkið
myndi njóta sín, t.d. í formi kvik-
myndar, og mætti leikhópurinn
gjarna velta því fyrir sér hvort ekki
mætti gera meira með þetta frá-
bæra efni því þótt leikritið sé stutt
þá býr það yfir mikilli sögu sem
gaman væri að vinna meira með.
Jón St. Kristjánsson leikstjóri hefur
unnið vel úr þessum fína efnivið
Þorvaldar Þorsteinssonar en ljóst er
að verkið býður upp á miklu flóknari
úrvinnslu en farandleikhús getur
boðið upp á.
Ástir og örlög
í fortíð og nútíð
LEIKLIST
Stoppleikhúsið
Höfundur: Þorvaldur Þorsteinsson. Leik-
stjóri: Jón Stefán Kristjánsson. Leikarar:
Eggert Kaaber, Katrín Þorkelsdóttir og
Pálmi Sigurhjartarson. Hljóðmynd og tón-
list: Pálmi Sigurhjartarson. Breiðholts-
skóli 5. febrúar
ÞAÐ VAR BARN Í DALNUM...
Soffía Auður Birgisdóttir
Morgunblaðið/Þorkell
„Hér er um að ræða mjög vel samið og skemmtilegt leikverk þar sem
fortíð og nútíð er fléttað saman af hugvitssemi og frumleika.“
Staðbundin
stjórnmál er eftir
Gunnar Helga
Kristinsson. Bók-
in er fyrsta al-
menna fræðiritið
sem birtist á ís-
lensku um sveit-
arstjórnarmál. Í
bókinni rann-
sakar höfund-
urinn árangur sveitarfélaga með
hliðsjón af valddreifingu, þátttöku
og hagkvæmni.
Í kynningu segir m.a.: „Sveit-
arfélögin gleymast oft þegar rætt er
um stjórnmál á Íslandi. Ýmsum
finnast sveitarstjórnarmál varla
pólitísk í eðli sínu heldur snúast
um rekstur og verklegar fram-
kvæmdir. Þetta er harla takmörkuð
sýn þótt sveitarfélögin fáist vissu-
lega við margháttaða þjónustu. En
sérstaða þeirra, samanborið við
aðrar þjónustustofnanir, felst í hin-
um lýðræðislega grundvelli þeirra.
Ólíkt hinni staðbundnu stjórnsýslu
landsstjórnarinnar eru sveit-
arfélögin þátttökustofnanir og mik-
ilvæg undirstaða lýðræðis í land-
inu.“
Gunnar Helgi Kristinsson er pró-
fessor í stjórnmálafræði við Há-
skóla Íslands og höfundur fjölda
bóka, bókarkafla og tímaritsgreina
um stjórnmálafræði.
Útgefandi er Háskólaútgáfan.
Bókin er 200 bls., kilja. Verð:
2.690 kr.
Stjórnmál
HEILSUHRINGURINN
VILT ÞÚ FRÆÐAST?
Tímarit um holla næringu og
heilbrigða lífshætti.
Áskriftarsími 568 9933
Síðumúla 27 • 108 Rvík
Veffang: http:www.simnet.is/heilsuhringurinn/
Freemans - Bæjarhrauni 14 -
s: 565 3900 - www.freemans.is
Nýi Freemanslistinn kominn út
Þjóðarbókhlaðan, Kvenna-
sögusafnið Sýning á verkum eftir
Gerlu verður opnuð kl. 12.
Gerla hefur haldið nokkrar einka-
sýningar og tekið þátt í fjölda sam-
sýninga myndlistarmanna. Hún hef-
ur verið með gjörninga,
innsetningar, unnið textílverk og er
höfundur leikmynda og búninga um
það bil þrjátíu leikverka á sviði og í
sjónvarpi.
Sýningin er sú áttunda í sýning-
arröðinni Fellingar sem er sam-
starfsverkefni Kvennasögusafnsins,
Landsbókasafns Íslands – Háskóla-
bókasafns og þrettán starfandi
myndlistarkvenna.
Hver sýning stendur í einn mánuð
og er henni skipt í tvennt: annars
vegar er sýnt á Kvennasögusafninu
sem er til húsa á fjórðu hæð í Þjóð-
arbókhlöðunni og hins vegar í and-
dyri hússins.
Afgreiðslutími Kvennasögusafnsins
er kl. 9–16 alla virka daga.
Félagsstarf Gerðubergs Myndlist-
arsýning Braga Þórs Guðjóns-
sonar verður opnuð kl. 16. Bragi er
fæddur árið 1927 í Vestmanna-
eyjum. Hann hefur lagt stund á
myndlistarnám í frístundum, lengst
við Myndlistarskólann í Reykjavík.
Myndir Braga eru flestar unnar með
olíu á striga, en einnig nokkrar unn-
ar í gifs og tré. Þetta er fyrsta sýn-
ing Braga og stendur hún fram til 1.
apríl. Hún er opin mánudaga til
föstudaga kl. 10–17.
Við opnunina munu félagar úr Tón-
horninu og Gerðubergskórinn
syngja og leika.
Listaháskóli Íslands, Laug-
arnesvegi 91 Sýning á verkum
annars árs nemenda myndlist-
ardeildar verður í Kælinum, sýning-
arrými skólans, kl. 12–16. Á sýning-
unni eru ljósmyndir sem unnar eru
út frá hugmyndum þeirra um rými
eða herbergi sem þau hafa búið til og
ljósmyndað.
Leitast hefur verið við að fanga í
ljósmyndunum stemningu og per-
sónuleika hvers rýmis, tengsl þess
við ólíka hugarheima og hugsanleg
tengsl rýmisins við umhverfið.
Í DAG
Sjá einnig Staður og stund á mbl.is