Morgunblaðið - 08.02.2002, Blaðsíða 24
LISTIR/KVIKMYNDIR
24 FÖSTUDAGUR 8. FEBRÚAR 2002 MORGUNBLAÐIÐ
VEL þekktur geðlæknir í New York,
dr. Nathan Conrad, sem hefur átt
velgengni að fagna í starfi, á fallega
eiginkonu og aðlaðandi dóttur, er að
búa sig til heimferðar til að eiga með
fjölskyldunni friðsæla þakkargjörð-
arhátíð þegar starfsbróðir gerir boð
eftir honum til að skoða skjólstæð-
ing, unga konu að nafni Elisabeth
Burrows, sem segir sögu af óútskýr-
anlegu ofbeldi og slóð misheppnaðra
meðferða. Í stuttu máli er Elisabeth
dæmi um manneskju, sem Nathan
var vanur að fást við áður en hann fór
að vinna á meðal broddborgaranna.
Elisabeth er á síðasta snúning og
verður nú að reiða sig á Nathan ef
hún ætlar sér ekki að verða innilokuð
á stofnun.
Þar sem Nathan býr yfir miklu
innsæi ákveður hann að taka málin í
sínar hendur og forvitni hans minnk-
ar ekki þegar Elisabeth talar fyrst
við hann og af vörum hennar koma
hin leyndardómsfullu orð: „Þú vilt
það sem þeir vilja fá, er það ekki…?
Ég mun aldrei segja frá.“ En Nathan
grunar ekki að þessi dularfullu skila-
boð eru tengd hættu, sem þrengir
stöðugt að honum og fjölskyldu hans.
Dótturinni er rænt og sér til mikillar
skelfingar kemst hann að því að
lausnargjald ræningjanna er að hann
geti fengið geðklofa sjúklinginn til að
leysa frá skjóðunni um leynistað
verðmæts demants. Að öðrum kosti
fái hann ekki að sjá dóttur sína aftur.
Hvorki samræður né samningar
duga. Á meðan fangaverðir dóttur-
innar fylgjast með hverju skrefi föð-
urins lifir Nathan í martröð atburða-
rásar.
Þetta er söguþráður spennumynd-
arinnar „Don’t Say a Word“, sem
frumsýnd verður í dag, en hún er
byggð á samnefndri verðlaunabók
eftir Andrew Klavan. Framleiðendur
eru Arnold og Anne Kopelson sem
voru fljót að krækja sér í kvikmynda-
réttinn eftir að Klavan hafði lokið við
síðasta kafla bókarinnar. Leikstjóri
er Gary Fleder, sem m.a. hefur leik-
stýrt „Things to do in Denver when
you’re dead“, „Kiss the Girls“ og
„Double Jeopardy“. Auk Douglas
eru aðalleikarar Sean Bean, Brittany
Murphy, Guy Torry, Jennifer Espo-
sito, Famke Janssen, Oliver Platt,
Skye McCole Bartusiak og Conrad
Goode.
Framleiðendurnir segja að það
hafi verið nokkrum annmörkum háð
hvernig koma ætti efni bókarinnar
sem best á hvíta tjaldið og því hafi
verið brugðið á það ráð að fá tvo
handritshöfunda til að vinna verkið í
sitthvoru lagi, þá Anthony Peckham
og Patrick Smith Kelly, en báðir
skrifuðu aðalhlutverkið fyrir Michael
Douglas sem hafði sjálfur sóst eftir
því. „„Don’t Say a Word“ er spennu-
mynd í sígildum stíl. Styrkur mynd-
arinnar liggur í óútreiknanlegum
persónum sögunnar. Til dæmis virð-
ist sem Nathan Conrad sé maður
sem hefur allt til alls. Allt í einu er
það sem hann elskar mest tekið í
burtu frá honum og hann berst við
tifandi tímasprengju um að fá dóttur
sína til baka og verður Nathan að
grannskoða heim geðveikinnar til
þess,“ segir Douglas.
Leikarar: Michael Douglas (One flew
over the Cuckoo’s nest, The China Synd-
rome, Fatal Attraction, Romancing the
Stone, Wonder Boys, Basic Instinct,
Made in America, Disclosure); Sean
Bean (Patriot Games, Ronin, Goldeneye,
Stormy Monday, The Dield); Brittany
Murphy (Girl interrupted, Trixie, Clue-
less, Summer Catch, Cherry Falls, Drop
dead gorgeous); Guy Torry (American
History X, Life, Trippin, Pearl Harbor,
The Animal); Jennifer Esposito (Summer
of Sam, I still know what you did last
summer, No looking back, A brother’s
kiss); Famke Janssen (Made, X-men,
Love and sex, House on haunted hill,
The faculty); Oliver Platt (Dr. Doolittle,
Simon Birch); Skye McCole Bartusiak
(Riding in cars with boys, The patriot);
Conrad Goode (Tomcats, Highway, New
Guy). Leikstjóri: Gary Fleder.
Michael Douglas og Famke Janssen í kvikmyndinni Don’t Say a Word.
Spenna í heimi
geðveikinnar
Smárabíó, Regnboginn, Laugarásbíó og
Borgarbíó á Akureyri frumsýna Don’t
Say a Word með Michael Douglas, Sean
Bean, Brittany Murphy, Guy Torry,
Jennifer Esposito, Famke Janssen, Oli-
ver Platt, Skye McCole Bartusiak og
Conrad Goode.
SAMVINNA Pixar Animation Stud-
ios Film og Walt Disney Pictures hef-
ur skilað sér í Monsters Inc. með góð-
um árangri sé tekið mið af þeirri
staðreynd að myndin hefur slegið öll
aðsóknarmet í Bandaríkjunum og þar
með toppað Toy Story, sem lengi vel
vermdi efsta sæti vinsældarlistans.
Stórfyrirtæki vestanhafs virðast um
þessar mundir binda miklar vonir við
teiknimyndir gerðar með stafrænni
tölvutækni.
Það eru höfundar stórmyndarinnar
Toy Story, sem frumsýnd var árið
1995, sem eiga jafnframt heiðurinn af
Monsters, en allt frá því að þeir upp-
lifðu þá velgengni, sem fylgdi Toy
Story hafa þeir unnið að því að koma
með nýja afurð í svipuðum stíl þar
sem opnaðar eru dyr inn í fyndinn
ævintýraheim skrímsla og annarra
óvætta. Þetta hnyttna og hugmynda-
ríka nýja tölvuteiknaða ævintýri er
nýjasta afurðin frá Disney/Pixar og
siglir í kjölfar Toy Story, A Bug’s Life
og Toy Story 2 og er önnur myndin í
fimm mynda röð sem fyrirtækin tvö
standa sameiginlega að.
Leikstjórn Monsters Inc. var í
höndum þess þaulreynda leikstjóra
Pete Docter, sem jafnframt var í
verðlaunaliði Toy Story. Listrænn
stjórnandi var John Lasseter, sem
leikstýrði báðum Toy Story-myndun-
um og A Bug’s Life. Um tónlist sá
Randy Newman, en eins og nærri má
geta kom her manns nálægt mynd af
þessu tagi, tölvu- og tæknifólk jafnt
sem fagfólk í kvikmyndaiðnaði.
Framleiðendur myndarinnar fóru
af stað með þann þankagang, sem
flestir fullorðnir eflaust þekkja úr
barnæskunni, að skrímsli hlytu að
leynast í hverju horni, inni í skápum
og undir rúmum, eftir að ljósin eru
slökkt á kvöldin. Heill skrímslabær
hefur því í myndinni fengið nafnið
Monstropolis og þar nærast íbúarnir
á sem háværustum öskrum frá mann-
fólkinu, sem meðhöndlað er í sér-
stakri verksmiðju í bænum sem heitir
einmitt Monsters, Inc. Hópur
skrímsla er því gerður út í mann-
heima á næturnar til að hræða börn
og safna saman sem flestum ópum.
Aftur á móti gerir það skrímslunum
erfiðara fyrir að þau trúa því að börn
séu eitruð og að bein snerting við þau
geti haft alvarlegar afleiðingar.
Helsta hlutverkinu í Monsters-
verksmiðjunni gegnir James P. Sul-
livan eða Sulley, eins og hann er
gjarnan nefndur í myndinni, en það er
mjög hávaxið blágrænt skrímsli með
fjólubláum blettum hér og þar. Að-
stoðarmaður Sulley er Mike Waz-
owski, sítrónugrænt skrímsli með að-
eins eitt auga. Þessir tveir njóta
lífsins og eru auk þess bæði herberg-
isfélagar og bestu vinir.
Eina nóttina í öskurleit, hleypir
hann fyrir slysni ungri stúlku úr
mannheimum inn í sína skrímslaver-
öld, en minnugur þess að börn eru
eitruð, reynir Sulley eftir megni að
eyða með sér óttanum þrátt fyrir að
aðstæður hans fari nú síversnandi
með hverju skrefi sem hann stígur.
Sulley og Mike ákveða að fara með
stúlkubarnið, sem þeir nefna Boo,
heim og bíða átekta á meðan þeir eru
að hugsa hvað taka eigi næst til
bragðs. Daginn eftir dulbúa þeir Boo
sem skrímsli, fara með hana í verk-
smiðjuna í þeirri von að þeir nái að
skila henni af sér til síns heima. Mike
og Sulley hætta eigin öryggi á meðan
þeir keppast við að koma Boo í mann-
heima áður en einhver uppgötvar
hvað í raun og veru sé þarna á ferð-
inni. Óafvitandi standa þeir í vegi fyr-
ir framþróun í skrímslaheimi.
Talsetning: John Goodman, Billy Crystal,
James Coburn, Jennifer Tilly, Steve Busc-
emi, Mary Gibbs, John Ratzenberger, Bob
Peterson, Frank Oz og Bonnie Hunt.
Leikstjórn: Pete Docter.
Skrímsl í
ævintýraljóma
Úr myndinni Monsters Inc.
Sambíóin í Kringlunni, Álfabakka,
Snorrabraut, Keflavík, Akureyri og Há-
skólabíó frumsýna Monsters Inc. með
íslensku og ensku tali.
RÓMANTÍSKA spennumyndin
„Original Sin“ í leikstjórn Michael
Cristofer er frumsýningarmynd
Stjörnubíós í dag. Spænski leikarinn
Antonio Banderas fer með aðalhlut-
verkið í myndinni ásamt Angelina
Jolie, en í öðrum hlutverkum eru
Thomas Jane, Jack Thompson,
Pedro Armendáriz Jr., Gregory Itz-
in, James Haven, Allison Mackie, Jo-
an Pringle og Cordelia Richards.
Leikstjóri og handritshöfundur er
Michael Cristofer.
Myndin, sem kemur frá MGM, er
alls ekki laus við ofbeldi og kynlífs-
atriði, en hún er látin gerast á Kúbu
á síðari hluta 19. aldar og gerir út á
kynþokka, spennu og allt að því
hættulega og banvæna ást. Luis
Antonio Vargas, sem leikinn er af
Banderas, er auðugur kaffikaup-
maður á Kúbu sem ákveðið hefur að
eigna sér amerískt kvonfang. Þegar
hann svo hittir verðandi eiginkonu,
Juliu Russel, sem leikin er af Jolie,
uppgötvar hann að hún er ekki sú fá-
brotna kona, sem hann bjóst við.
Hamingjusöm hefja þau skötuhjúin
nýtt líf.
En ýmsar óvæntar uppákomur
verða á veginum sem eiga eftir að
draga dilk á eftir sér á afdrifaríkan
hátt.
Leikarar: Antonio Banderas (Spy Kids,
The Body, Play it to the Bone, The White
River Kid, The Mask of Zorro, Never talk
to Strangers); Angelina Jolie (Gone in
Sixty Seconds, Girl Interrupted, The
Bone Collector, Pushing Tin, Playing by
Heart, Hell’s Kitchen). Leikstjóri: Mich-
ael Cristofer.
Angelina Jolie og Antonio Banderas í kvikmyndinni Original Sin.
Ást og
átök
Stjörnubíó frumsýnir Original Sin með
Antonio Banderas, Angelina Jolie,
Thomas Jane, Jack Thompson, Gregory
Itzin og Allison Mackie.
PAR tékkar sig inn á hótelsvítu í Las
Vegas og úr fortíðinni fá áhorfendur
að kynnast þeim nánar. Maðurinn,
Richard Longman, er verkfræðingur
og nýtur velgengni í viðskiptalífinu
en á ekki jafnvel upp á pallborðið hjá
kvenþjóðinni enda hinn mesti klunni
hvernig sem á hann er litið. Hann er
niðurdreginn, ákveður að draga sig í
hlé og afturkallar fundi með fjárfest-
um. Konan, Florence, er nektardans-
mær í næturklúbbi. Hann falast eftir
sambandi við hana og býður henni
háa fjárhæð fyrir að eyða með sér
þremur nóttum á hóteli í Vegas. Hún
samþykkir með þeim skilyrðum þó að
hann fær aðeins fjóra klukkutíma á
nóttu í ástarleiki, en án samfara.
Þennan umsamda tíma nota þau bet-
ur til að kynnast, skemmta sér og
hitta vini og vinkonur hennar, en eft-
ir fyrstu nóttina fara hlutirnir að
verða ansi flóknir.
Þetta er umfjöllunarefni kvik-
myndarinnar „The Center of the
World“ sem Sambíóin í Álfabakka
frumsýna í dag. Með aðalhlutverkin
fara Peter Sarsgaard og Molly Park-
er, en aðrir leikarar eru: Mel Gor-
ham, Jason McCabe, Carla Gugino,
Balthazar Getty, Pat Morita og
Shane Edelman.
Leikstjóri og framleiðandi mynd-
arinnar er Wayne Wang, sem er son-
ur Johns Wayne, sem hvað þekktast-
ur er fyrir leik sinn í svokölluðum
vestrum á hvíta tjaldinu. Wang nam
kvikmyndafræði í Kaliforníu og sett-
ist svo að því loknu að í San Frans-
iskó. Með styrkjum tókst honum að
framleiða og leikstýra fyrstu mynd
sinni í fullri lengd, „Chan is missing“
árið 1982, en sú mynd ásamt „Dim
Sum: a little bit of heart“ frá árinu
1984 kom honum á sporið. Í kjölfarið
sigldu myndir á borð við
Slamdance, Eat a Bowl of
Tea, Toilet Paper is Expen-
sive, Smoke og The Joy
Luck Club, sem byggir sögu
sína á ágreiningi tveggja
kynslóða af kínversk-banda-
rískum ættum. Wang er
kvæntur leikkonunni Cora
Niao sem m.a. hefur leikið í
sumum mynda hans.
Gagnrýnandi vestanhafs
fann þessari nýjustu mynd
Wangs helst til foráttu að
einblínt væri um of á klám og
kynlíf og fjallaði hún í raun
og veru nánast einvörðungu
um það efni. Leikstjórinn
svaraði þessari gagnrýni á
eftirfarandi hátt: „Ég er
miður mín yfir því að svo
virðist sem enginn sé tilbú-
inn að fást við kynlíf í bíó-
myndum á opinskáan hátt. Á
sama tíma og klámiðnaður-
inn blómstrar og er sífellt að
verða villtari, láta alvöru framleið-
endur hjá liggja að fást við þá stað-
reynd.“
Leikarar: Peter Sarsgaard (Empire,
Kitchen Privileges, Boys don’t Cry,
Freak City, Another Day in Paradise,
Desert Blue, The Man in the Iron Mask);
Molly Parker (Men with Brooms, Rare
Birds, Last Wedding, The War Bride,
Waking the Dead); Mel Gorham (Wishful
Thinking, Cop Land, Curdled, Blue in the
Face, Smoke). Leikstjóri: Wayne Wang.
Maður kaupir konu
Sambíóin í Álfabakka frumsýna „The
Center of the World“ með Peter Sars-
gaard, Molly Parker, Mel Gorham, Jason
McCabe og Carla Gugino.
Aðalleikarar í The Center of the World:
Peter Sarsgaard og Molly Parker.