Morgunblaðið - 22.02.2002, Blaðsíða 20

LANDIÐ
20 FÖSTUDAGUR 22. FEBRÚAR 2002 MORGUNBLAÐIÐ
LOKIÐ er tengingu hitaveitu við 6
býli af 7 en hitaveitan Kolviðarnes sf.
var stofnað 1999 af eigendum 7 jarða
í Eyjahreppi hinum forna. Snemma í
maí 2001 var borað eftir heitu vatni í
landi Kolviðarness. Skáborað var í
hitasprungu sem liggur eftir göml-
um vatnsbotni og var áformað að
skera sprunguna í um 260 m dýpi.
Það gekk eftir og gaf holan greini-
lega verulegt vatnsmagn sem var um
60 gr. Þar sem uppstreymi úr
sprungunni var um 69 gr. var ákveð-
ið að bora 45 gr. skáholu og skera
sprunguna í um 56 m dýpi. Sú hola er
notuð nú og gefur um 65 gráðu heitt
vatn með 1 m niðurdrætti þegar dælt
er um 4 seklr. Reiknað er með að
dýpri holan muni hitna með dælingu
og verður hún prufudæld næsta
sumar. Lokið er lagningu veitunnar
sem er um 12 km löng. Það verk önn-
uðust þrír félaganna. Heildarkostn-
aður við borun og lagningu er um
21.000.000 og skiptist stofnkostnað-
ur og rekstrarkostnaður jafnt milli
félaga (lögbýla). Við hönnun veitunn-
ar er gert ráð fyrir að hvert lögbýli
fái sem svarar 30 kw orku og eru
margar hugmyndir á lofti um nýt-
ingu orkunnar en aðstaða býlanna er
mjög misjöfn til þess nú. Rafmagn til
dælingar veitunnar er áætlað um 5,5
til 6,5 kw þegar hún verður komin í
fullan rekstur. Innan veitunnar eru 5
íbúðarhús sem notið hafa niður-
greidds rafmagns til húshitunar.
Undanfarin ár hefur hver hitaveit-
an á fætur annarri fengið sem stofn-
styrk 5 ára niðurgreiðslur frá við-
skiptaráðuneytinu. Að sögn Höllu
Guðmundsdóttur oddvita sótti Kol-
viðarnes sf. um þetta, en þrátt fyrir
ítrekaðar umsóknir, símtöl og eftir-
grennslan er engin hreyfing á mál-
inu í ráðuneytinu og bréfum ekki
svarað. Finnst henni að umsóknar-
ferlið og afgreiðsla þessara stofn-
styrkja sé með fádæmum, en vænt-
anlega yrði styrkurinn að fara í
gegnum sveitarfélagið til sameignar-
félagsins.
Búið að tengja
síðasta bæinn
Eyja- og Miklaholtshreppur
STOFNFUNDUR félags áhuga-
manna um sauðfjársetur á Strönd-
um var haldinn í félagsheimilinu
Sævangi í Kirkjubólshreppi sunnu-
daginn 10. þessa mánaðar.
„Ég er bjartsýnn á að þetta
gangi upp og menn virðast taka
vel í verkefnið,“ sagði Jón Jónsson
á Kirkjubóli, einn forgöngumanna
um stofnun sauðfjársetursins en
þrjátíu manns gengu í félagið á
fundinum. „Atvinnuþróunarfélag
Vestfjarða ætlar að aðstoða okkur
við undirbúning og áætlanagerð
fyrir heilsársvinnustað sem við
vonum að geti orðið í framtíð-
inni.“
Hlutverk sauðfjársetursins er
meðal annars að skapa atvinnu á
svæðinu og treysta byggð, styrkja
menningarlíf og mannlíf, auk þess
að vinna markvisst að
jákvæðri kynningu á
sauðfjárbúskap. Þá
verði félaginu heimilt
að hafa samstarf við
einstaklinga, fyr-
irtæki, félög, stofn-
anir, sveitarfélög og
ríki.
Nokkrir aðilar hafa
nú þegar ákveðið að
styrkja starfsemina,
þar á meðal eru land-
búnaðarráðuneytið,
héraðsnefnd Stranda-
sýslu og Kirkjubóls-
hreppur.
Anna Karlsdóttir,
lektor við Landbúnaðarháskólann
á Hvanneyri, hélt erindi og vakti
meðal annars athygli á því að vax-
andi áhugi væri á menningar-
tengdri ferðaþjónustu og að upp-
bygging menntunar í
dreifbýli væri mik-
ilvæg.
Stjórn félagsins
skipa: Jón Jónsson,
þjóðfræðingur á
Kirkjubóli, formaður
og meðstjórnendur
eru Matthías Lýðsson,
bóndi í Húsavík, og
Sverrir Guðbrandsson
á Hólmavík.
Stefnt er að því að
opna sýningu um
sauðfjárbúskap fyrr
og nú um miðjan júní
næstkomandi og er
áætlað að hafa sýn-
inguna opna að sumrinu. „Við höf-
um fengið Sævang til afnota fyrir
sýninguna næstu fimm sumur en
félagsheimilið er lítið nýtt á þeim
tíma árs,“ sagði Jón.
Morgunblaðið/Arnheiður Guðlaugsd.
Fjölmenni var á stofnfundinum um sauðfjársetur í félagsheimilinu Sævangi á sunnudaginn.
Matthías Lýðsson
Stofnfundur um sauðfjársetur
Strandir
ELDUR kviknaði í steikingarpotti í
íbúðarhúsi við Búhamar 68 í Vest-
mannaeyjum í hádeginu á miðviku-
dag. Að sögn lögreglunnar í Eyjum
mun húsmóðirin á heimilinu hafa
verið að hita feiti í potti og brugðið
sér aðeins frá. Hún heyrði síðan
brothljóð þegar eldhúsglugginn
brotnaði vegna hita og var þá eldur
búinn að læsa sig í innréttingar í eld-
húsinu. Húsmóðirin reyni að ráða
niðurlögum eldsins en brenndist við
það á höndum. Samkvæmt upplýs-
ingum Morgunblaðisin voru meiðsli
konunnar ekki mjög alvarleg.
Vegfarendur og nágrannar komu
með garðslöngu og náðu að halda
eldinum nokkuð í skefjum þar til
slökkvilið Vestmannaeyja kom á
staðinn. Það tók slökkviliðið skamm-
an tíma að ráða niðurlögum eldsins.
Að sögn lögreglunnar voru tölu-
verðar skemmdir af eldi í eldhúsinu
og einnig skemmdist íbúðin töluvert
að sóti og reyk.
Eldur í
steikingar-
potti
Vestmannaeyjar
VERIÐ er að byggja nýtt hús við
sundlaugina í Laugargerði, en það
gamla var komið til ára sinna og úr
sér gengið. Nýja húsið er 77,3 ferm.
og er teiknað af Hönnun hf., en
verktakafyrirtækið Akur sér um
byggingarframkvæmdir. Þegar
fréttaritara bar að garði var verið
að steypa gólfin og yfir ,,tímahylki“
sem látið var í grunninn. Í tíma-
hylkinu eru ýmsir hlutir sem nem-
endur og kennarar Laugargerðis-
skóla hafa látið í það, m.a. skrif,
bæði nafnlaus og undir nafni, um
það sem efst er á baugi núna,
ásamt fréttabréfum skólans. Hug-
myndin er að grafa hylkið upp á
100 ára afmæli skólans, sem verður
árið 2065. Hins vegar á nýbygg-
ingin að vera tilbúin í lok mars og
geta þá nemendur Laugargerðis-
skóla sem og aðrir íbúar í sveitinni
farið að stunda sund á ný.
Morgunblaðið/Guðrún Vala
Nýja sundlaugarhúsið í smíðum.
Nýbygg-
ing við
sundlaug
Eyja- og Miklaholtshreppur