Morgunblaðið - 22.02.2002, Blaðsíða 30

LISTIR
30 FÖSTUDAGUR 22. FEBRÚAR 2002 MORGUNBLAÐIÐ
OWEN Wilson fer með hlutverk
Chris Burnett, bandarísks orrustu-
flugmanns, sem skotinn er niður yfir
Bosníu eftir að hafa tekið myndir af
fjöldagröfum. Hann neyðist til að
nauðlenda inni á óvinasvæði og berst
síðan við að halda sér á lífi meðal óvin-
anna á meðan hann bíður björgunar.
Gene Hackman leikur yfirmann hans,
Reigart, sem þarf að ná honum lifandi
út úr Bosníu.
Þetta er söguþráður „Behind
Enemy Lines“ sem frumsýnd verður
í dag. Handritið skrifuðu David Veloz
og Zak Pen upp úr sögu James
Thomas & Johns Thomas. Framleið-
andinn John Davis segir að fyrst og
fremst hafi vakað fyrir sér að gera
njósnaspennumynd í nútíma búningi.
Í bland við tæknibrellur, bardaga og
stjórnmál væri mannlega þættinum
gert hátt undir höfði til þess að freista
þess að reyna að koma því til skila
hvaða áhrif nútíma stríðsátök kunna
að hafa á menn og konur, sem eru að
þjóna landi sínu og þjóð, að sögn leik-
stjóra myndarinnar Johns Moores,
sem er hér að leikstýra sinni fyrstu
mynd í fullri lengd. Í þessu fælist auð-
vitað ákveðin ögrun og áskorun á að-
standendur myndarinnar, sem fram-
leidd er af Davis Entertainment
Company.
John Davis segir að Owen Wilson
hafi fengið aðalhlutverk myndarinnar
eftir þó nokkra yfirlegu og komi mjög
á óvart í þessu hlutverki stríðshetju
þar sem Wilson er einna best þekktur
sem gamanleikari í myndum á borð
við Meet the Parents, Bottle Rocket
og The Royal Tenenbaums. „Owen
veldur svo sannarlega ekki vonbrigð-
um í hlutverki Burnetts. Hann hrífur
áhorfendur með sér, er mjög
skemmtilegur og leikur þar að auki
mjög vel. Leikur Owens verður mjög
eðlilegur og sannfærandi og minnir
gjarnan á þá Jimmy Stewart, Gary
Cooper og Steve McQueen þegar þeir
voru upp á sitt besta.“ Wilson segist á
hinn bóginn sjálfur vera hamingju-
samastur með að hafa fengið tækifæri
til að leika á móti Gene Hackman,
sem lengi hafi verið eins konar fyr-
irmynd í bransanum. „Maður ólst upp
með myndum eins og „The French
Connection“ og „Hoosiers“ með
Hackman í aðalhlutverkum,“ segir
Wilson, en geta má þess að þeirra
samstarfi lauk ekki aldeilis með
Behind Enemy Lines, heldur er von á
annarri mynd í íslensku kvikmynda-
húsin von bráðar þar sem þeir félagar
fara með aðalhlutverkin. Það er gam-
anmyndin „The Royal Tenenbaums“.
Leikarar: Gene Hackman (The French
Connection, Unforgiven, Bonnie and
Clyde, I Never Sang for my Father, Miss-
issippi Burning); Owen Wilson (Zoo-
lander, Meet the Parents, Shanghai
Noon, Armageddon, Breeakfast of
Champions); Joaquim de Almeida (The
Mask of Zorro, Desperado, Clear and
Present Danger); David Keith (An Officer
and a Gentleman, Men of Honor, The Two
Jakes); Olek Krupa (Thirteen Days, Home
Alone 3, Eraser). Leikstjóri: John Moore.
Björgun
í Bosníu
Owen Wilson í hlutverki Chris Burnett, bandarísks orrustuflugmanns, í
kvikmyndinni Behind Enemy Lines.
Smárabíó, Laugarásbíó og Borgarbíó
Akureyri frumsýna Behind Enemy Lines
með Gene Hackman, Owen Wilson,
Joaquim de Almeida, David Keith og
Olek Krupa.
Unglingasálfræðingurinn Nathan
Conrad (Douglas) er beðinn um að
taka að sér unglingsstúlkuna El-
isabeth (Murphy) sem hefur ekki
náð sér eftir að hún sá lest keyra
yfir pabba sinn fyrir tíu árum. Um
leið er dóttur hans Conrad rænt, en
það er þá glæpahyski sem vill endi-
lega ná sex stafa tölu úr ringlaða
hausnum hennar Elisabeth. Og eins
gott fyrir sála að veiða tölurnar upp
sem fyrst, því hann fær átta
klukkustundir til að leysa verkið af
hendi, annars verður dóttir hans
drepin.
Þessi mynd er byggð alveg á
spennuformúlunni þótt hún eigi
nokkra frumlega punkta. Sagan er
áhugaverð og góðir leikarar gera
hana sannfærandi. Þannig byrjar
myndin nokkuð vel, en það sem
hins vegar þjakar hana þegar á líð-
ur, eru þó nokkrar fléttugloppur og
nokkuð slök spenna. Hvað varð t.d.
um hinn áhugaverða geðlækni dr.
Sachs? Mann langaði að vita meira
um þann mann, og hvað þá örlög
hans, en hann bara gufaði upp!
Einnig er Jennifer Esposito þarna í
hlutverki rannsóknarlöggu, en
hennar saga tengist svo lítið að-
alsögunni, að bæði er hún óþörf (og
hennar auma leikframmistaða!),
auk þess sem maður verður svekkt-
ur að hennar saga leiðir ekki til
neins.
Mér fannst samt nokkuð gaman
að horfa á þessa mynd, og lét mér
annt um fólkið og örlög þess. Eig-
inkona Conrad (Famke Janssen) er
í óhuggulegri aðstöðu, stelpan er al-
gjört krútt, Sachs er furðulegur,
Elisabeth áhugaverð, en Conrad er
svo fullkominn heimilisfaðir að
hann verður svolítið óþolandi.
Það herðist á spennunni undir
lokin, sérstaklega þar sem uppgjör-
ið fer fram á býsna óhuggulegum
stað, á Hart Island út fyrir New
York sem er ein endalaus fjölda-
gröf. Endirinn er samt alltof mikil
klisja og „flash-backið“ kórónar
hana alveg.
Frumleiki
í klisjunni
KVIKMYNDIR
Regnboginn og Smárabíó
Leikstj: Gary Fleder. Handrit: Anthony
Peckham og Patrick Smith kelly eftir
skáldsögu Andrew Klavan. Kvikm.t: Amir
M. Mokri. Aðalhlutverk: Michael Dougl-
as, Sean Bean, Brittany Murphy, Skye
McCole Bartusiak, Famke Janssen,
Jennifer Esposito og Oliver Platt. USA
113 mín. 20th Century Fox 2001.
DON’T SAY A WORD Hildur Loftsdóttir
ROBERT Altman vekur alltaf at-
hygli þegar hann sendir frá sér nýj-
ar myndir, segir í einni erlendri
gagnrýni um myndina Gosford
Park, sem frumsýnd verður í Laug-
arásbíó í dag og tilnefnd er til sjö
Óskarsverðlauna, en Altman er ein-
mitt leikstjóri myndarinnar og
handritshöfundur ásamt Bob Balab-
an. Frá annars venjubundinni form-
úlu, sem Altman hefur skapað sér í
gegnum tíðina, víkur hann í tveimur
veigamiklum atriðum frá hefð-
bundnum stíl sínum. Í þetta sinn
kallar hann til breska leikara í stað
þekktra Hollywood-stjarna auk þess
sem morðgátan í myndinni virðist nú
fljótt á litið liggja í augum uppi í stað
flókins ráðabruggs þar sem nánast
allar persónur geta legið undir grun.
Kvikmyndaferill Altmans er orð-
inn langur, en hann er fæddur árið
1925 í Kansas í Bandaríkjunum.
Meðal leikstjórnarverka hans má
m.a. nefna hina geysivinsælu sjón-
varpsþætti um MASH auk fjölda
kvikmynda á borð við A Perfect
Couple, Streamers, Secret Honor,
Beyond Therapy, Cookie’s Fortune,
Kansas City, The Player og Vincent
& Theo.
Gosford Park minnir um margt á
sögu Agötu Christie um Tíu litla ind-
íána þar sem morðgátan sjálf hrífur
með sér áhorfendurna, en í þetta
sinn gengur Altman aðeins lengra
og notar morðgátuna sem tæki til að
draga athygli áhorfenda að mann-
legum tilfinningum og stéttamis-
skiptingu. Eitt af því besta við
myndina er hversu vel hún endur-
speglar stéttamun og minnir í leið-
inni á að oft vilji sú hárfína lína, sem
dregin sé á milli húsbænda og hjúa,
yfirmanna og undirmanna, víxlast,
segir ennfremur í fyrrnefndri gagn-
rýni.
Sagan snýst um McCordle fjöl-
skylduna og gerist upp úr 1930 á
ensku sveitasetri þar sem húsráð-
endurnir hafa boðið gestum til helg-
ardvalar. Húsbóndinn hefur í gegn-
um árin skapað sér það orðspor að
hafa verið velgjörðarmaður margra
vina og ættingja, en þegar á líður
dvölina, koma ýmis leyndarmál, sem
hafa verið vel falin fram að þessu,
fram í dagsljósið. Allar persónur
sögunnar, háttsettir sem lægra sett-
ir, gætu vel þegið eitthvað af auð-
æfum húsbóndans, en spurningin er,
hversu langt menn væru tilbúnir til
að ganga í þeim efnum.
Leikarar: Michael Gambon (Christmas
Carol, Boswell for the Defense, High
Heels and Low Lifes, Dead on Time);
Kristin Scott Thomas (Life as a House,
Play, The Horse Whisperer, The English
Patient); Camilla Rutherford (Picture
Claire, Stardom, Je t’aime John
Wayne); Maggie Smith (Harry Potter,
The Last September, The First Wifes
Club, The Secret Garden); Charles
Dance (Dark Blue World, Don’t go
breaking my heart, What Rats won’t
do); Geraldine Somerville (Harry Potter,
Jilting Joe, True Blue, Haunted). Leik-
stjóri: Robert Altman.
Bob Balaban, Ryan Phillippe og
Jeremy Northam í kvikmynd-
inni Gosford Park.
Morðgáta
á sveita-
setri
Laugarásbíó frumsýnir Gosford Park
með Michael Gambon, Kristin Scott
Thomas, Camilla Rutherford, Maggie
Smith, Charles Dance og Geraldine
Somerville.
SAGA Alexandres Dumas um
Greifann af Monte Cristo er um-
fjöllunarefni samnefndrar spennu-
myndar, sem Kringlubíó frumsýnir
í dag, en Greifinn af Monte Cristo
eða The Count of Monte Cristo,
eins og hún heitir á frummálinu, er
líklega með frægari bókmennta-
verkum. Sagan fjallar um heiðar-
legan ungan mann að nafni Ed-
mond Dantes (Jim Caviezel) sem
áformar að giftast hinni fögru
Mercedes (Dagmara Dominczyk).
Hann varar sig hins vegar ekki á
grimmd annarra og svo fer að hans
besti vinur, Fernand (Guy Pearce),
svíkur hann þar sem hann ætlar
sjálfum sér Mercedes.
Afleiðingarnar verða þær að Ed-
mond er dæmdur í ævilangt fang-
elsi. Hann stendur uppi allslaus og
unnustan, hin fagra Mercedes,
lendir í klóm skúrksins Mondegos
(Guy Pearce). Edmond situr lengi í
fangelsi á hinni illræmdri fangaeyju
Chateau D’If og það líða heil þrett-
án ár þangað til honum tekst með
aðstoð annars fanga langþráð ætl-
unarverk sitt; að flýja og koma
fram hefndum, dulbúinn sem hinn
leyndardómsfulli og auðugi greifi af
Monte Cristo sem jafnvel Mercedes
þekkir ekki á ný þegar þau loks
hittast eftir langan aðskilnað.
Þetta er langt í frá að vera í
fyrsta sinn sem sagan um greifann
af Monte Cristo lendir á hvíta tjald-
inu, en hins vegar fullyrða framleið-
endur að hér sé á ferðinni ný nálg-
un. „Þessi mynd er frábrugðin
öðrum vegna þess að við tökum
meira mið af bókinni en áður hefur
verið gert auk þess sem við gefum
persónunum mun meiri dýpt,“ segir
Gary Barber, sem ásamt Roger
Birnbaum og Jonathan Glickman
stóð að framleiðslu myndarinnar.
Kvikmyndahandritið skrifaði Jay
Wolpert. Leikstjóri myndarinnar,
Kevin Reynolds, er einna þekkt-
astur fyrir að hafa leikstýrt kvik-
myndinni um Hróa hött auk þess
sem hann stóð ásamt Kevin Costn-
er að gerð kvikmyndarinnar Wat-
erworld.
Leikarar: Jim Caviezel (High Crimes,
Angel Eyes, Pay it Forward,
Frequency, Ride with the Devil); Guy
Pearce (Till Human Voices Wake Us,
Rules of Engagement, A Slipping-Down
Life); Dagmara Dominczyk (Rock Star,
They); Richard Harris (Gladiator, Patr-
iot Games, Unforgiven, The Bible).
Leikstjóri: Kevin Reynolds.
Svikinn og sviptur frelsi
Dagmara Dominczyk, James
Caviezel, Henry Cavill og Luis
Guzmán í kvikmyndinni Greif-
inn af Monte Cristo.
Kringlubíó frumsýnir kvikmyndina
Greifinn af Monte Cristo með Jim Cav-
iezel, Guy Pearce, Richard Harris og
Dagmara Dominczyk.
SPY GAME byrjar með tilþrifum,
loforðum um æsispennandi afþrey-
ingu af gamla skólanum. Við fylgj-
umst með mislukkaðri flóttatilraun
manns, sem síðar reynist vera leyni-
þjónustumaðurinn Tom Bishop
(Brad Pitt), úr kínversku fangelsi.
Sögunni víkur til höfuðstöðva CIA,
Bandarísku leyniþjónustunnar.
Verið er að pumpa gamlan og marg-
reyndan starfsmann hennar, Nat-
han Muir (Robert Redford), um
samstarf hans og persónuleg kynni
af Bishop. Myndin gerist uppúr
1990, verið er að koma á stjórnmála-
og viðskiptasamböndum á milli Kína
og Bandaríkjanna, mál Bishops er
óþægilegur ljár í þúfu, Kínverjar
vita að hann er leyniþjónustumaður
og mikilir hagsmunir í húfi. Muir er
á sínum síðasta vinnudegi fyrir
þjónustuna og gerir sér grein fyrir
að líf Bishops hangir á bláþræði.
CIA er að finna veikan blett á ferli
Bishops, hann er greinilega ekki
ómissandi. Þótt andað hafi köldu á
milli mannana tveggja síðustu árin,
eru gömlu vináttuböndin sterkari,
Muir nýtir alla sína kunnáttu til að
bjarga Bishop frá aftöku í Kína, og
hefur til þess sólarhring.
Vönduð afþreying og áferðarfal-
leg fyrir augað, gerist nú að mestu í
afturhvörfum. Hefjast á því er Muir
nýtur fyrst aðstoðar Bishops við af-
töku á tímum Víetnam-stríðsins.
Síðan þjálfar hann Bishop og að-
stoðar við að ganga í leyniþjón-
ustuna. Þeir eru samstarfsmenn á
tímum kalda stríðsins í Berlín og
Líbanon. Þar kynnist Bishop hjúkr-
unarfræðing sem Muir hefur illan
bifur á og verður ástasambandið til
vinslita þeirra. Þessari sömu stúlku
er Bishop að reyna að bjarga úr
höndum Kínverjanna.
Siðferðilegi þátturinn í uppgjöri
Muirs við fortíðina er einsog flest
annað í Spy Game, rétt á yfirborð-
inu. Sagan er grunn og síknt og heil-
agt slitin í sundur af endurhvörfum,
persónuleg sambönd ná aldrei að
festa rætur: Mannlegi þátturinn
týnist mikið til í e.k. kattar- og mús-
leikaðferðum Muir við drjólana á
stofnuninni, í frásganarmáta Tonys
Scott sem hefur, sem fyrr, mestan
áhuga á skörpum fókus, flottum
sjónarhornum og hávaðasömum
fyrirgangi. Þannig er ástarævintýri
Bishops og hjúkrunarfræðingsins
(sem e.t.v. er njósnari), fljótfærnis-
legt og innantómt. Því miður er það
sem á að vera kjarni málsins, tengsl
lærimeistarans og nemandans sem
síðan verða nánir samstarfsmenn og
vinir, á sömu lund, grípa mann vett-
lingatökum. Annað talsvert pirrandi
eftir því sem á líður, er sú staðreynd
að þrátt fyrir að Spy Game gerist á
heilum 25 árum líta persónurnar
ætíð eins út. Redford jafnhálfsjö-
tugur í upphafi sem í enda mynd-
arinnar (ekkert að reyna að fela ald-
urinn, sem betur fer), en Pitt alltaf
jafnstrákslegur. Maður minnist
samvinnu þessara höfðingja í The
River Runs Through It, með ósvik-
inni virðingu, þessi fyrnist fljótt
þrátt fyrir fagmannlegt yfirbragð.
Vopnabræður
Sæbjörn Valdimarsson
KVIKMYNDIR
Sambíóin Reykjavík, Keflavík,
Akureyri
Leikstjóri: Tony Scott. Handritshöfundur:
Michael Frost Beckner. Kvikmyndatöku-
stjóri: Dan Midel. Tónlist: Harry Gregson-
Williams. Klipping Christian Wagner. Að-
alleikendur: Robert Redford, Brad Pitt,
Catherine McCormack, Stephen Dikk-
ane, Larry Briggman, Marianne Jean-
Babtiste. Sýningartími 115 mín. Banda-
ríkin. Universal 2001.
SPY GAME (NJÓSNALEIKIR)