Morgunblaðið - 27.02.2002, Side 18

VIÐSKIPTI/ATHAFNALÍF
18 MIÐVIKUDAGUR 27. FEBRÚAR 2002 MORGUNBLAÐIÐ
HAGNAÐUR Skeljungs hf. og dótt-
urfélaga á síðasta ári nam 519 millj-
ónum króna en árið áður var sam-
stæðan rekin með 208 milljóna króna
tapi. Spár markaðsaðila gerðu ráð
fyrir um 600 milljóna króna hagnaði
hjá Skeljungi en afkoman reyndist
ívið lægri.
Kristinn Björnsson, forstjóri Skelj-
ungs hf., segir í samtali við Morgun-
blaðið að hagnaður félagsins stafi
fyrst og fremst af því að tekist hafi að
halda niðri kostnaði og starfsfólki hafi
ekki fjölgað. „Ég vil þakka þetta því
að okkur hefur tekist að reka fyrir-
tækið betur með því að gæta allra
kostnaðarliða og gæta aðhalds í dreif-
ingu og birgðum. Við höldum líka
góðri hlutdeild af markaðnum á með-
an hann hefur verið að dragast sam-
an, og það skiptir auðvitað máli.“
Tap ársins 2000 skýrist af því að þá
var ákveðið að færa til gjalda í einu
lagi 523 milljónir króna yfirverð sem
varð til við kaup félagsins á Hans Pet-
ersen hf. og á hlut í Bensínorkunni
ehf., að því er fram kemur í tilkynn-
ingu frá Skeljungi. Alls starfa um 340
manns hjá Skeljungi og dótturfélög-
um.
Eldsneytissala og
markaðshlutdeild aukast
Eldsneytissala Skeljungs hf. á
liðnu ári jókst um 0,9% og nam tæp-
lega 341 milljón lítra. Áætluð hlut-
deild félagsins á íslenska eldsneytis-
markaðinum hækkaði úr röskum 37%
árið 2000 í tæp 40% á síðasta ári.
„Samkvæmt því var Skeljungur hf.
með mesta markaðshlutdeild ís-
lensku olíufélaganna í seldu eldsneyti
árið 2001, annað árið í röð,“ segir í til-
kynningu Skeljungs.
Hluthafalisti var einnig birtur í
gær. Kaupþing á nú 14,21% í Skelj-
ungi og er annar stærsti hluthafi á
eftir Shell Petroleum Co. sem á
20,69%. Kaupþing hefur undanfarið
aukið hlut sinn í Skeljungi. Í byrjun
febrúar jók Kaupþing t.d. hlut sinn í
Skeljungi úr 7,94% í 12,45%. Burðar-
ás er þriðji stærsti hluthafi með
10,54% og Sjóvá-Almennar koma þar
næst með 10,24% eignarhlut.
Hækkanir að ganga til baka
„Rekstrarskilyrði á síðasta ári
voru um margt erfið. Hátt olíuverð
lengst af árinu, lækkandi gengi ís-
lensku krónunnar og háir vextir
leiddu til þess að fjármagnskostnaður
hélt áfram að hækka. Sex vikna sjó-
mannaverkfall á fyrri hluta árs dró úr
sölu eldsneytis til útgerðar og hryðju-
verkaárásin á Bandaríkin í septem-
ber hafði hamlandi áhrif á alþjóðlega
flugstarfsemi. Sala flugeldsneytis
minnkaði á síðustu mánuðum ársins
og má búast við að samdráttar í sölu
þess muni gæta áfram á yfirstand-
andi ári. Á hinn bóginn hefur elds-
neytisverð á alþjóðlegum mörkuðum
verið fremur hagstætt á fyrstu mán-
uðum 2002 og ýmislegt bendir til að
þær miklu hækkanir, sem urðu á olíu
á heimsmarkaði í upphafi árs 1999 og
sem náðu hámarki um mitt ár 2000,
séu nú að ganga tilbaka. Viðleitni sem
stjórnvöld og aðilar vinnumarkaðar-
ins hafa sýnt til að veita viðnám gegn
verðbólgu eykur mönnum von um að
takast muni að varðveita stöðugleika í
efnahagslífinu. Lækkun tekjuskatts-
hlutfalls fyrirtækja úr 30% í 18% er
sömuleiðis veigamikið innlegg sem
bætir rekstrarumhverfi atvinnulífs-
ins. Ef ekki verða óvæntar breyting-
ar á ytri skilyrðum eru horfur á að af-
koma Skeljungs hf. verði áfram
viðunandi,“ segir í tilkynningunni.
Aðalfundur Skeljungs hf. verður
haldinn 7. mars nk. Fyrir fundinn
verður lögð fram tillaga um 17% arð
til hluthafa á árinu 2001.
Úr tapi í 519 milljóna kr.
hagnað hjá Skeljungi
4 

 

5 








 

 

4 



 


  

 



    
&  



 
  







!






" !

 



6  
&

 





 


 
  
 



 



1( ()+
01. **.
' ,1+
/ '-/
$
0'*1
%
0)+1
%
011*

 
' +'(
, .*+
 
*.(
',2-3
*2-.3



%





 


 


 

" # " # " # 

 




  
 
!
 !
 !
 MJÓLKURSAMLAGINU á
Hvammstanga verður lokað í hag-
ræðingarskyni, samkvæmt
ákvörðun stjórnar Mjólkursamsöl-
unnar í Reykjavík. Ákveðið hefur
verið að Mjólkursamlagið í Búð-
ardal annist verkefni samlagsins
á Hvammstanga frá 1. september
næstkomandi.
Brynjólfur Gíslason, sveit-
arstjóri í Húnaþingi vestra, segir
í samtali við Morgunblaðið að
ákvörðunin komi ekki á óvart, að
þessu hafi stefnt allt frá því
Kaupfélagið seldi mjólkursam-
lagið Mjólkursamsölunni í
Reykjavík fyrir tveimur árum.
Byggðaráð fundaði í sveitarfé-
laginu í gær og sendi frá sér eft-
irfarandi ályktun: „Byggðaráð
Húnaþings vestra harmar þá
ákvörðun eiganda mjólkurstöðv-
arinnar á Hvammstanga, að
hætta rekstri hennar. Er þar með
lokið tæplega hálfrar aldar sögu
iðnaðar sem mjög er tengdur
landbúnaði, sem er og hefur verið
hornsteinn byggðar í sveitarfé-
laginu. Sú almenna þróun að
rekstrareiningar stækki til að
standast kröfu hagræðingar, hef-
ur leitt til fækkunar starfa vítt og
breitt um landið. Þannig fjarar
undan ýmissi starfsemi sem hefur
verið kjarni í búsetu í hinum
ýmsu þorpum og bæjum út um
landið, á sama tíma og nær öll
aukning þjónustustarfa á vegum
ríkisins verður á litlu svæði suður
við Sund.“
Sparnaður upp á 25–30 milljónir
Mjólkursamsalan í Reykjavík
keypti mjólkursamlagið á
Hvammstanga í ársbyrjun 2000
og frá þeim tíma hafa ýmsar
breytingar verið gerðar til þess
að bæta rekstur þess. „Þykir orð-
ið fullreynt að viðunandi afkoma
muni ekki nást með rekstri jafn-
lítillar einingar og hér um ræð-
ir,“ segir í fréttatilkynningu frá
Mjólkursamsölunni.
Gert er ráð fyrir að með þess-
um hagræðingaraðgerðum sparist
um 25–30 milljónir króna, „sem í
senn eflir samkeppnisstöðu mjólk-
uriðnaðarins og hag þeirra fjöl-
mörgu mjólkurframleiðenda sem
eru eigendur Mjólkursamsölunnar
í Reykjavík,“ segir ennfremur í
tilkynningunni frá Mjólkursam-
sölunni.
Eftir lokun samlagsins á
Hvammstanga verða mjólkurbúin
níu en voru fimmtán fyrir tíu ár-
um og í tilkynningunni kemur
fram að gera megi ráð fyrir að
áfram verði haldið að hagræða í
úrvinnsluiðnaði mjólkur á næstu
misserum og árum.
Mjólkursamlagið á Hvamms-
tanga hefur að undanförnu tekið
við mjólk frá 30 framleiðendum,
alls um 2,5 milljónum lítra, og
hafa sjö starfsmenn annast dag-
legan rekstur þess. „Með sérhæf-
ingu á sviði ostagerðar hefur þess
verið freistað að finna samlaginu
tilvistargrundvöll en óhagstæð
verðlagsþróun, óhjákvæmilegar
endurbætur á húsnæði og augljós
sparnaður af flutningi framleiðsl-
unnar yfir í stærri rekstrarein-
ingu veldur þeirri ákvörðun sem
nú hefur verið tekin um lokun
samlagsins,“ segir jafnframt í til-
kynningunni.
Mjólkur-
samlaginu
á Hvamms-
tanga lokað
VÆNTINGAVÍSITALA Gallup
hækkaði um 16,8 stig á milli janúar og
febrúar og stendur hún nú í 102,4.
Vísitalan hefur ekki mælst hærri síð-
an í apríl í fyrra og hefur ekki frá því
að mælingar hófust á henni í mars í
fyrra hækkað jafn mikið á milli mán-
aða. Vísitalan hækkar nú þriðja mán-
uðinn í röð og líkt og áður eru það
væntingar til næstu sex mánaða sem
eiga stærstan þátt í hækkuninni. Í
umfjöllun um væntingavísitöluna í
Morgunkorni Íslandsbanka í gær
kemur fram að vísitalan stendur nú
nálægt því sem hún mældist síðast-
liðið vor en þeir þættir sem skýra
stöðu hennar eru mjög ólíkir.
„Nú er tiltrú neytenda á núverandi
ástandi í efnahags- og atvinnumálum
minni en væntingar til stöðu sömu
þátta eftir sex mánuði meiri. Athygli
vekur að nú eru það talsvert fleiri sem
telja að atvinnumöguleikarnir verði
meiri eftir sex mánuði en þeir sem
telja að atvinnumöguleikarnir verði
minni. Neytendur kunna hér að vera
að gera ráð fyrir hefðbundinni árs-
tíðasveiflu í atvinnuleysi, en atvinnu-
ástandið er almennt best á sumrin,“
segir í Morgunkorni ÍSB.
Væntingavísitalan hækkar enn