Morgunblaðið - 03.03.2002, Page 6

FRÉTTIR
6 SUNNUDAGUR 3. MARS 2002 MORGUNBLAÐIÐ
VIKAN23/2 –2/3
ERLENT
INNLENT

HÉRAÐSDÓMUR
Reykjavíkur dæmdi á
föstudag Sigurð Guð-
mundsson til að sæta
þriggja ára fangelsi fyrir
manndráp af gáleysi. Var
hann fundinn sekur um
að hafa hrist níu mánaða
gamlan dreng, sem hann
var með í daggæslu, með
þeim afleiðingum að
drengurinn lést.

FYLGI R-listans mæld-
ist 57,8% og fylgi Sjálf-
stæðisflokksins 39,9% í
nýrri könnun sem Gallup
gerði meðal kjósenda í
Reykjavík vegna sveit-
arstjórnarkosninganna í
vor.

DAGVINNULAUN
grunnskólakennara hækk-
uðu um 51% að meðaltali
frá september 2000 til
sama mánaðar árið 2001.

YFIRSTJÓRN leitar og
björgunar á hafinu og við
strendur Íslands hefur
óskað eftir því við sam-
gönguráðherra að farið
verði yfir reglur og frá-
gang svokallaðs STK-
neyðarbúnaðar í kjölfar
þess að Bjarmi VE fórst á
laugardagsmorgun.

HÁTT í 200 fjár af
bænum Höfða í Þver-
árhlíð í Borgarfirði var
lógað í sláturhúsinu í
Borgarnesi á föstudag í
kjölfar ítarlegrar vett-
vangsaðgerðar sem fram
fór á bænum vegna gruns
um illa meðferð á búfén-
aði.

VETRARHÁTÍÐIN
Ljós í myrkri var sett í
Reykjavík á miðvikudag
en hún stendur til 3.
mars.
Nýr menntamála-
ráðherra
TÓMAS Ingi Olrich, alþingismaður
Sjálfstæðisflokksins í Norðurlands-
kjördæmi eystra, er nýr menntamála-
ráðherra landsins en Björn Bjarnason
lét af störfum í gær.
Olíufélagið vill
samvinnu
OLÍUFÉLAGIÐ hf. hefur óskað eftir
samvinnu við Samkeppnisstofnun um
að upplýsa meint brot félagsins á sam-
keppnislögum. Segir stjórn félagsins
að fram hafi komið vísbendingar um
að ákveðnir þættir í starfsemi fyrir-
tækisins stangist á við ákvæði sam-
keppnislaga, s.s. samreknar bensín-
stöðvar, sameiginlegt eignarhald
þjónustufyrirtækja og samstarf um
sölu á eldsneyti til erlendra skipa.
Hætt við sölu
Landssímans
STJÓRNVÖLD hafa ákveðið að binda
enda á einkavæðingarferli Landssím-
ans en selja átti umtalsverðan hlut rík-
isins til kjölfestufjárfestis. Hefur við-
ræðum einkavæðingarnefndar og
danska símafélagsins TDC í þá átt
verið formlega slitið. Kostnaður rík-
isins vegna einkavæðingarferlisins er
yfir 100 milljónir króna.
Frumvarp um
veiðigjald lagt fram
GERT er ráð fyrir að lagt verði 9,5%
veiðigjald á handhafa aflaheimilda í
frumvarpi sem sjávarútvegsráðherra
lagði fram á Alþingi í vikunni. Hefði
gjaldið orðið samtals um 21 milljarður
króna á yfirstandandi ári sé miðað við
áætlaðan afla. Samtök sjómanna og
útvegsmanna hafa lýst sig andvíg
frumvarpi ráðherra.
Óttast trúarbragða-
stríð á Indlandi
STJÓRN Indlands sendi hersveitir
til borga í indverska sambandsrík-
inu Gujarat á föstudag til að reyna
að binda enda á átök milli hindúa og
múslíma sem hafa kostað 295 manns
lífið. Óttast var að átökin breiddust
út til annarra ríkja á Indlandi og
allsherjar trúarbragðastyrjöld væri
í uppsiglingu.
Átökin hófust á miðvikudag þegar
hópur múslíma réðst á farþegalest
og kveikti í henni. 58 hindúar, þeirra
á meðal fjórtán börn, brunnu inni.
Hópar hindúa gengu berserks-
gang eftir lestarbrunann og urðu að
minnsta kosti 237 manns að bana.
Hóparnir réðust á múslíma með
byssum og hnífum og kveiktu í íbúð-
arhúsum, verslunum og veitingahús-
um í eigu múslíma. Að minnsta kosti
30 manns brunnu t.a.m. inni þegar
herskáir hindúar kveiktu í íbúar-
húsum í þorpinu Pandarvada.
Fjölmennt herlið var á götum
borgarinnar Ahmadabad vegna blóð-
ugra óeirða. Að minnsta kosti 1.200
manns höfðu verið handteknir.
70.000 lögreglumenn voru á göt-
um Nýju Delhí til að koma í veg fyr-
ir óeirðir og yfirvöld voru með mik-
inn viðbúnað í öðrum borgum.
Þeir sem létu lífið í lestarbrun-
anum á miðvikudag voru á leið til
bæjarins Ayodhya þar sem tugir
þúsunda hindúa hafa safnast saman
til að krefjast þess að reist verði hof
á stað þar sem öfgamenn úr röðum
hindúa rifu niður mosku í desember
1992.
Um 2.000 manns biðu bana í átök-
um milli hindúa og múslíma eftir að
moskan var eyðilögð.
Hreyfingin Heimsráð hindúa seg-
ist ætla að hefjast handa við að reisa
hof á staðnum eftir tvær vikur þótt
dómstóll hafi bannað það. Stjórn
Indlands hvatti hreyfinguna til að
fresta því að reisa hofið.

TÓLF Palestínumenn
og einn Ísraeli biðu bana
og um 135 Palestínumenn
særðust, þar af tíu alvar-
lega, þegar ísraelskir
hermenn gerðu stórárás
á þrennar flóttamanna-
búðir á Vesturbakka
Jórdanar á fimmtudag.
Áður höfðu Sádi-Arabar
kynnt nýjar friðar-
tillögur, sem vöktu vonir
um að hægt yrði að binda
enda á ofbeldið, en árás-
irnar á flóttamannabúð-
irnar þóttu ekki boða
neitt gott fyrir fram-
haldið.

LEIÐTOGI stjórnar-
andstöðunnar í Zimb-
abwe, Morgan Tsvang-
irai, og tveir samstarfs-
menn hans voru ákærðir
á þriðjudag fyrir landráð
og samsæri um að myrða
Robert Mugabe, forseta
landsins. Verði þeir
fundnir sekir eiga þeir
dauðadóm yfir höfði sér.

SEÐLABANKI Banda-
ríkjanna spáir 2,5–3%
hagvexti í landinu í ár,
en hann var aðeins 0,2%
á síðasta ári. Bankinn
segir að efnahagslífið sé
að jafna sig á afleið-
ingum hryðjuverkanna
11. september.

Flóttamannahjálp
Sameinuðu þjóðanna
skýrði frá því á þriðjudag
að rannsókn hefði leitt í
ljós að margir starfs-
menn hjálparstofnana
hefðu gerst sekir um að
misnota ungar stúlkur í
flóttamannabúðum í Vest-
ur-Afríkuríkjunum Líb-
eríu, Sierra Leone og
Gíneu.
MIKIÐ hefur hefur gengið á við
brúna yfir Klifanda á þjóðvegi
eitt eftir að vegagerðarmenn
uppgötvuðu að sprunga væri
komin í einn steypta bitann sem
heldur brúargólfinu uppi.
Þessi brú er nú ein af fjórum
einbreiðum brúm á þjóðvegi eitt
á Suðurlandi og er hún kominn
nokkuð til ára sinna en hún var
byggð árið 1962 . Ekki er á áætl-
un hjá Vegagerðinni að endur-
nýja brúna fyrr en árið 2004. Hjá
Gylfa Júlíussyni vegaverkstjóra í
Vík fengust þær upplýsingar að
steypa ætti nýjan stöpul undir
brúna til að treysta undirstöður
hennar og bjarga henni þangað
til byggð verður ný brú. Að sögn
Gylfa er ekki nein hætta á ferð-
inni en þó mun nauðsynlegt að
laga hana áður en ástandið
versnar svo ekki þurfi að koma
til þungatakmarkana.
Starfsmenn Vegagerðarinnar vinna að því að styrkja undirstöður.
Morgunblaðið/Jónas Erlendsson
Sprunga var komin í einn
steypta bitann í brúnni.
Brúin á Klifanda að bila
Mýrdal. Morgunblaðið.
NÝ bygging Marels, sem nú er að
rísa við Austurhraun í Garðabæ, er
sérstaklega hönnuð og uppbyggð
með það fyrir augum að svokölluð
rafmengun valdi ekki vanlíðan
starfsfólks eða truflun í rafmagns-
kerfi. Er þetta í fyrsta sinn sem
slíkt er haft að leiðarljósi við bygg-
ingu húsa hérlendis.
Nýbyggingin er langt komin og
er stefnt að því að Marel flytji
starfsemi sína þangað í júní næst-
komandi. Að sögn Helga Geirharðs-
sonar, verkefnisstjóra Marels við
bygginguna, eru fjölmörg atriði
sem hugað hefur verið að í þessu
sambandi. „Til dæmis hafa allir
lampar, sem eiga að koma í húsið,
verið sérstaklega prófaðir út frá
þeirri rafmengun sem þeir skapa.
Eins höfum við fengið fyrirtæki til
að hanna sérstaklega allar jarð-
bindingar og allar lagnaleiðir þann-
ig að það myndist ekki óæskileg
segulsvið í húsinu. Síðast en ekki
síst höfum við gert miklar ráðstaf-
anir til að búa til mjög góða jarð-
tengingu fyrir húsið þannig að öll
rafmagnsmengun eigi góða leið nið-
ur í jörð,“ segir hann og undir-
strikar að trúar- eða töfrabrögð
komi þarna hvergi nærri heldur sé
um hreina og klára rafmagnsfræði
að ræða.
Hver lampi prófaður
sérstaklega
Hann segir rafmagnsmengunina
geta valdið bæði vanlíðan hjá fólki
til lengri tíma sem það eigi kannski
erfitt með að útskýra. Því hafi verið
ákveðið að leggja sérstaka áherslu
á þetta atriði í byggingu hússins.
„Við vitum um dæmi þar sem menn
hafa ekki gert það og lent í alls
konar vandræðum, bæði hvað varð-
ar vanlíðan starfsfólks og rekstur á
tölvukerfum.“ Það er ekki síst lýs-
ingin í húsinu sem sérstaklega er
hugað að í þessu sambandi. „Lamp-
arnir eru sérinnfluttir frá Ítalíu.
Framleiðandinn, iGuzzini, gerði til-
lögu að lýsingu í húsinu og í fram-
haldinu fengum við hann til að
senda okkur sýnishorn af öllum
þeim lömpum sem hann stakk upp
á.
Brynjólfur Snorrason, sem er
með fyrirtækið Lífafl á Akureyri,
fékk svo þessa lampa og mældi
hvaða áhrif hver lampi um sig hafði
á rafkerfið og hvernig hann meng-
aði út frá sér í nánasta umhverfi.
Út frá þeim upplýsingum þurftum
við síðan að hafna nokkrum lömp-
um sem olli því að þessi framleið-
andi kom með nýjar lausnir.“ Sem
dæmi um þetta nefnir hann lýs-
inguna í vinnusal nýja hússins sem
byggist á nýrri tækni sem ekki hef-
ur verið til í heiminum áður og
Marel því fyrsti aðilinn sem taka
hana í notkun.
Helgi segir þessa hugsun á bak
við uppbyggingu hússins nýmæli
hér á landi því þetta sé í fyrsta sinn
sem hús er sérhannað að þessu
leyti. „Í Ameríku eru menn kannski
komnir lengra í að skoða í rafmagn
í svona húsum heldur en t.d. í Evr-
ópu. Við höfum heyrt að þær kröfur
sem við erum að setja séu sambæri-
legar og menn gera varðandi dýra-
garða annars vegar og hjá banda-
ríska hernum hins vegar.“
Byggingaraðilar hússins eru
Friðjón og Viðar ehf. auk undir-
verktaka en arkitekt að húsinu er
Ingimundur Sveinsson.
Hannað til að koma í
veg fyrir rafmengun
Morgunblaðið/Kristinn
Helgi Geirharðsson fyrir utan nýbyggingu Marels í Garðabæ.
Marel hyggst flytja í nýbyggingu í Garðabæ í júní