Morgunblaðið - 03.03.2002, Qupperneq 14

14 SUNNUDAGUR 3. MARS 2002 MORGUNBLAÐIÐ
GREININ í Daily Mail errituð af Andrew Jenn-ings, margverðlaunuð-um rannsóknarblaða-manni, en það var
einmitt hann sem svipti hulunni af
spillingarmálum innan Alþjóðaól-
ympíuhreyfingarinnar ekki alls fyrir
löngu. Aðalheimildarmaður Jennings
er Farah Addo, forseti knattspyrnu-
sambands Sómalíu og varaforseti
Knattspyrnusambands Afríku.
Jennings segir að Havelange hafi
valið Blatter sem eftirmann sinn til
þess að ekki kæmist upp um fjármála-
spillingu Brasilíumannsins sem var
samfleytt í 24 ár í embætti. Undir
stjórn Havelanges breyttist FIFA úr
fjárvana hreyfingu í voldugasta
íþróttasérsamband heims með nánast
stjarnfræðilega fjármagnsveltu.
Bauð mér 100 þúsund
dollara fyrir atkvæðið
Farah Addo sagði við Daily Mail að
þegar leið að kjöri forseta FIFA árið
1998 hafi öll atkvæði Afríku, 51 að
tölu, verið lofuð Lennart Johansson,
hinum sænska forseta Knattspyrnu-
sambands Evrópu, UEFA. Á loka-
sprettinum hafi hinsvegar eitt og ann-
að gerst.
„Ég fékk símhringingu frá sendi-
herra Sómalíu í einu af Persaflóaríkj-
unum. Hann sagðist eiga vin sem vildi
bjóða mér 100 þúsund dollara (10
milljónir króna) fyrir að kjósa Blatter.
Helminginn í reiðufé og helminginn í
íþróttavörum. Ég fengi féð sent, eða
þá að ég kæmi til Persaflóaríkisins og
sækti það sjálfur.“
Addo kvaðst hafa hafnað tilboðinu,
en þegar hann mætti til leiks á þing
FIFA í París komst hann að því, sér
til mikillar furðu, að hann hafði ekki
atkvæðisrétt í forsetakjörinu, en í
staðinn var kominn annar Sómali sem
hafði ákveðið að kjósa Blatter. Jo-
hansson og Issa Hayatou, forseti
Knattspyrnusambands Afríku, beittu
sér fyrir því að þetta væri leiðrétt og
Addo fengi að kjósa.
Tveimur mánuðum síðar, á auka-
þingi sómalska knattspyrnusam-
bandsins, viðurkenndu tveir stjórnar-
menn þess að hafa þegið um eina
milljón króna fyrir að falsa kjörbréf
til að útiloka Addo frá því að kjósa.
Addo sagði að greiðslan hefði komið
frá Mohammad Bin Hamman frá Qat-
ar, sem á sæti í framkvæmdastjórn
FIFA, og hann hefði greitt ferða-
kostnað, hótelreikninga og dagpen-
inga fyrir fjóra meðlimi sómalska
sambandsins.
Söfnuðust saman til að
taka við greiðslunum
Addo kvaðst hafa séð með eigin
augum þegar fulltrúar frá Afríku
söfnuðust saman á Le Meridien-hót-
elinu í París, kvöldið fyrir forsetakjör
FIFA, til að taka við greiðslum fyrir
atkvæði sín. „Ég horfði á þetta og
nokkrir þessara manna sögðu mér að
þeir hefðu fengið 5 þúsund dollara
(hálfa milljón króna) fyrirfram og
sömu upphæð daginn eftir, að kjörinu
loknu. Ég rannsakaði málið upp á eig-
in spýtur og komst að því að 18
fulltrúar Afríku höfðu hætt við að
styðja Johansson og kusu Blatter,“
sagði Addo sem kvaðst viss um að
Blatter hefði vitað allt um það sem
fram fór.
Forsetakjörinu lauk á þá leið að
Blatter fékk 111 atkvæði en Johans-
son 80. Ef þessir 18 hefðu kosið Jo-
hansson hefði hann hlotið 98 atkvæði
gegn 93 atkvæðum Blatters og verið
kjörinn forseti FIFA.
Jennings segir í grein sinni að
Havelange hafi unnið hörðum hönd-
um að því að Blatter yrði kjörinn og
meðal annars sent Knattspyrnusam-
bandi Austur-Afríku bréf þar sem
hann hefði lofað því 50 þúsund doll-
urum, 5 milljónum króna, fyrir stuðn-
ing við Blatter. „Vinsamlegast sendið
FIFA númerið á bankareikningi ykk-
ar,“ segir Jennings að hafi staðið í
bréfinu.
Í greininni kemur ennfremur fram
að talið sé að Sádi-Arabar hafi ásamt
Qatarmönnum lagt fram fimm millj-
ónir dollara (500 milljónir króna) til að
fjármagna kosningabaráttu Blatters.
„Heimsknattspyrnan var þarna kom-
in á ósvífinn hátt í eigu olíufursta úr
Persaflóaríkjum, sem aldrei hafa sett
svip sinn á íþróttina sjálfa. FIFA er
að hrynja undan þunga eigin spilling-
ar,“ segir Jennings meðal annars í
uppgjöri sínu á stöðu mála.
Gífurlegt tap FIFA vegna
gjaldþrots ISL
Blatter kvaðst fyrir skömmu hafa
stuðning 112 ríkja af þeim 204 sem
eiga aðild að FIFA. Það var áður en
greinin í Daily Mail birtist, og hún er
ekki eina vandamálið sem forsetinn
þarf að glíma við þessa dagana. Ann-
að og ekki síðra er gjaldþrot mark-
aðsfyrirtækisins ISL, samstarfsaðila
FIFA, sem Blatter segir að muni
kosta sambandið um þrjá milljarða
króna. Aðrir fullyrða að hægt sé að
allt að því tífalda þá tölu. Ekki bætir
úr skák að nýi samstarfsaðilinn, Kirch
Group frá Þýskalandi, riðar líka til
falls en Blatter segir að Þjóðverjarnir
hafi þegar staðið skil á megninu af
sínum skuldbindingum gagnvart
FIFA vegna heimsmeistarakeppn-
innar í sumar.
Mike Lee, talsmaður UEFA, sagði
eftir að greinin birtist í Daily Mail að
þó ásakanir blaðsins væru alvarlegar
myndi Lennart Johansson einbeita
sér að ISL-málinu í undirbúningi sín-
um fyrir forsetakjörið í vor. Þar er
talið að Johansson muni styðja áður-
nefndan Issa Hayatou sem forseta-
efni.
„Johansson og margir félaga hans í
framkvæmdastjórn FIFA hafa tekið
skýrt fram að þeir vilji að rannsókn-
arnefnd verði skipuð til að skoða öll
fjármál og stjórnun FIFA á ítarlegan
hátt. Þar er mörgum spurningum
ósvarað,“ sagði Lee.
Rógsherferð á hendur mér,
segir Blatter
Blatter hefur sjálfur brugðist hart
við ásökunum um spillingu og fjár-
málaóreiðu og segir af og frá að hann
hafi náð völdum í FIFA með mútum.
„Ég er ekki hissa á því að þessar
ásakanir komi fram einmitt núna.
Þetta er allt liður í rógsherferð á
hendur mér sem hefur staðið í nokk-
urn tíma og FIFA hefur haft vitn-
eskju um að myndi blossa upp. Ég hef
tjáð mig um þessi mál nokkrum sinn-
um og gerði það mjög ítarlega þegar
sambærilegar ásakanir komu fram
eftir að ég var kjörinn í embættið árið
1998,“ sagði Blatter eftir að grein
Ásakanir um spillingu og yfirvofandi gjaldþrot Alþjóðaknattspyrnusambandsins
„Sannleikurinn mun alltaf
elta menn uppi að lokum“
Reuters
Sepp Blatter, forseti Alþjóðaknattspyrnusambandsins, FIFA, og Lennart Johansson, forseti Knattspyrnusambands Evrópu, UEFA.
’ Ég fékk símhring-ingu frá sendiherra
Sómalíu í einu af
Persaflóaríkjunum.
Hann sagðist eiga
vin sem vildi bjóða
mér 100 þúsund
dollara (10 milljónir
króna) fyrir að kjósa
Blatter ‘
Mörg spjót standa á Sepp
Blatter, forseta Alþjóða-
knattspyrnusambandsins,
FIFA, þessa dagana. Vanga-
veltur um spillingu og fjár-
málaóreiðu hjá sambandinu
hafa verið í gangi um skeið
en eftir að enska blaðið
Daily Mail birti á fimmtu-
dag ítarlega frétt um meint
atkvæðakaup Blatters fyrir
kjör hans í embætti árið
1998 hefur kastljósið held-
ur betur beinst að þessum
65 ára gamla Svisslendingi,
sem var framkvæmdastjóri
FIFA um árabil á meðan
Brasilíumaðurinn Joao
Havelange réð þar ríkjum.
Víðir Sigurðsson rekur
gang mála síðustu daga og
segir frá harðorðum grein-
um ensks blaðamanns sem
telur að Blatter eigi erfiðan
fund fyrir höndum í
vikunni.
Sepp Blatter og Joao Havelange, fyrrverandi forseti FIFA.