Morgunblaðið - 03.03.2002, Side 24

24 SUNNUDAGUR 3. MARS 2002 MORGUNBLAÐIÐ
ÞAÐ er allt á fullu í bún-ingsherbergjum í Íþrótta-húsinu Fram þar sem Ís-landsmeistarakeppniTónabæjar í frjálsum
dönsum er í þann mund að hefjast.
„Hvar er glimmer-spreyið?“ heyrist
kallað og uppábúin stúlka þeysist
framhjá. „Er einhver með hár-
busta?“ kallar önnur og „já!“ heyrist
svarað úr öðrum enda búningsher-
bergisins.
Mér finnst skyndilega eins og ég
sé numin fimmtán ár aftur í tímann
og minnist keppninnar í gamla
Tónabæ við Skaftahlíð. Keppninni
var sjónvarpað að mig minnir fyrstu
árin, en þegar því var hætt var
skyldumæting á keppnina, þ.e.a.s. ef
maður vildi geta tjáð sig um aðal-
umræðefnið dagana þar á eftir. Í
gamla Tónabæ var þröng á þingi.
Húsið var ávallt troðfullt og and-
rúmsloftið var þrungið spennu, hita
og svita. Þá þurfti reglulega að
rýma dansgólfið sem minnkaði með
hverjum hálftímanum. Margir fyrr-
verandi keppendur eru nú þekktir í
þjóðfélaginu og oft fyrir allt annað
en dans.
Áhuginn á þessari árlegu dans-
keppni, sem haldin var um síðustu
helgi í 21. sinn, virðist ekkert hafa
breyst og er alltaf jafn mikill. Um
150 stúlkur á aldrinum 13-17 ára
hafa nú komið alls staðar af landinu
til þess að keppa í Freestyle 2002.
Akranes, Hellissandur, Vestmanna-
eyjar, Bolungarvík, Keflavík, Sauð-
árkrókur, höfuðborgarsvæðið og
Hrísey eiga öll fulltrúa í keppninni.
Ótrúlega gaman að dansa
Það er ekki á hverjum degi sem
kraftmiklir Hríseyingar taka þátt í
þessari keppni svo fulltrúar þeirra í
keppninni vöktu strax athygli blaða-
manns. Þær eru fimm, á aldrinum
13-15 ára, og þar með er helmingur
stúlkna frá Hrísey á þeim aldri
kominn til að keppa. Þær segjast
aldrei hafa lært að dansa en þeim
finnist það svo gaman að þær hafi
ákveðið að koma suður og keppa.
„Við komum í bæinn í gær og fór-
um beint í Kringluna að kaupa bún-
inga. Við fórum í hverja einustu búð
og fengum loks þessa boli. Við vor-
um bara með 1.500 kall sem dugði
skammt því allt var svo dýrt. Fólkið
í búðinni gaf okkur hins vegar af-
slátt af því að við vorum að fara að
keppa í Freestyle, svo við fengum
bolina á 1.500 kall í stað 2.400,“
segja þær Ólína, Huldís, Ásrún,
Birna og Aldís hver ofan í aðra.
Hvaðan fengu þær hugmyndina
að dansinum? „Sko ... hvorki Popp-
tíví né Skjár einn nást í Hrísey svo
við notuðum hugmyndaflugið og
sömdum sporin alveg sjálfar,“ segja
þær og brosa út að eyrum. Þær ætla
að hafa gaman af keppninni í kvöld,
takmarkið er að vera með í þeirra
huga fremur en að sigra og er ekki
annað að sjá en þær skemmti sér
mjög vel nú þegar.
Æft ballett frá þriggja ára aldri
Hópurinn Íquer frá Reykjavík
verður næst á vegi okkar. Þær stöll-
ur virðast ótrúlega rólegar og segj-
ast ekki vera neitt stressaðar, jafn-
vel þótt aðeins hálftími sé í að þær
stígi á svið. Kemur kannski ekki á
óvart, þegar við komumst að því að
flestar hafa þær æft ballett frá
þriggja ára aldri og stundi nú nám
við Listdansskóla Íslands. Þær eru
sem sagt ýmsu vanar.
Nú styttist í að keppnin hefjist og
keppendur leggja lokahönd á bún-
ingana og æfa sporin í síðasta sinn
áður en þeir stíga á sviðið. Salurinn
er orðinn fullur af fólki á öllum aldri
og stemmningin magnast upp.
Morgunblaðið/Árni Sæberg
Stelpurnar í hópnum HANS taka á móti verðlaununum árið
1990. Þarna má meðal annars sjá Selmu Björnsdóttur söng-
konu, en keppendur í Freestyle eru í dag þekktir fyrir ýmislegt.
Morgunblaðið/Árni Sæberg
Búningar í Freestyle-keppninni hafa verið með ýmsum hætti og í
gegnum árin hefur mátt greina ákveðna tísku. Hér dansa Íslands-
meistararnir í hópnum Blitz sigurdansinn árið 1987.
Morgunblaðið/Árni Sæberg
Hópurinn Djásn sigraði í Íslandsmeistarakeppninni árið 1992. Þær
voru úr Garðabæ og höfðu mikla reynslu í bransanum, en þær
höfðu sigrað margoft í yngri keppninni, fyrir 10–12 ára.
Morgunblaðið/Sverrir
Hópurinn Aim frá Akranesi hreppti FRÆ-bikarinn í keppninni að þessu sinni, en hann er veittur keppendum sem koma
frá landsbyggðinni. Þær urðu einnig í 3. sæti og geta því vel við unað, enda má sjá einbeitinguna skína úr hverju andliti.
Glimmer
og gleði í
Tónabæ
Í 21 ár hafa unglingar alls staðar af landinu
streymt í Tónabæ til að taka þátt í árlegri Íslands-
meistarakeppni í frjálsum dönsum. Í gegnum árin
hefur verið lögð mikil vinna í að semja og æfa
dansana og þar er engin breyting á í ár. Taugarnar
fara að segja til sín þegar á hólminn er komið en
flestir komast klakklaust frá sínu. Ragna Sara
Jónsdóttir tók púlsinn á keppendum í keppninni
sem haldin var fyrir viku og rifjar upp gamla tíma.
Morgunblaðið/Sverrir
Stelpurnar í hópnum Eldmóði komu, sáu og sigruðu í ár. Þær eru þó engir nýgræðingar á þessu sviði því þær hafa sigrað
þrisvar í yngri keppninni, fyrir 10–12 ára. Þær stunda allar dansnám í Dansskóla Birnu Björnsdóttur.
flísar
Stórhöfða 21, við Gullinbrú,
sími 545 5500.
www.flis.is
netfang: flis@flis.isMEISTARINN.IS
Yoga Studio – Halur og sprund ehf., Auðbrekku 14, Kópavogi.
Sími 544 5560 og 864 1445. Netfang: yoga@yogastudio.is
Umboðsaðili fyrir Custom Craftworks nuddbekki og Oshadhi ilmkjarnaolíur
www.yogastudio.is
Jóga gegn kvíða með Ásmundi Gunnlaugssyni
hefst þriðjudaginn 5. mars – Þri. og fim. kl. 20.00
Uppbyggjandi námskeið fyrir þá sem eiga við streitu, kvíða og fælni að stríða og/eða eru að ganga í
gegnum miklar breytingar í lífinu. Kenndar verða leiðir til þess að slaka á og öðlast aukið frelsi og lífsgleði.
Engin reynsla eða þekking á jóga nauðsynleg. Ásmundur, sem m.a. byggir námskeiðið á sinni eigin reynslu
af kvíða, tekur fyrir þætti eins og jógastöður, öndunaræfingar, slökun og andleg lögmál sem stuðla að
velgengni, jafnvægi og heilsu. Traust námskeið frá árinu 1994 – byggt á reynslu.
Ásmundur