Morgunblaðið - 03.03.2002, Síða 41

bara í aðra nösina. En hann blikkaði
ekki auga, tók ekki einu sinni út úr
sér vindilinn á meðan. Það gerði
hann hins vegar rétt á meðan hann
saup á sterku, sennilega vegna eld-
hættu! En þeir sem voru vínsárir
buðu Svanlaugi ekki í tvígang, því
veitandinn stóð oftast eftir með tómt
glerið! Þiggjandinn roðnaði kannski
örlítið í smástund. Svo ók hann um á
amerískum gljáfægðum Chevrolet
með stórri talstöðvarstöng á aftur-
stuðaranum og tveggja stafa núm-
eri; A 82. Það voru ekki margir með
tveggja stafa númer á Akureyri í þá
daga; þeir voru vel innan við hundr-
aðið. Þar að auki var Svanlaugur
konungur dyravarðanna, sá um
gættir gamla Alþýðuhússins. Þetta
var sko maður með mönnum í mín-
um augum í þá daga; ofurmenni, það
var ekki hægt að komast öllu lengra
að mínu viti. Ég stóðst inntökuprófið
og eftir það var mér borgið. Það var
sama hvaða „bommertur“ ég gerði í
vinnunni, Allanum eða hvar sem var,
alltaf var Svanlaugur tilbúinn að
bjarga mér að landi. Þegar kom að
sveinsprófinu var dregið um verk-
efni. Svanlaugur var prófdómari við
þriðja mann.
Það sem ég ótttaðist mest var að
lenda í rafkerfinu, þar sem ég var
ekki sterkur.
Ég dró miða, hafði ekki kjark til
að lesa hvað á honum stóð, enda
mátti ég ekki vita um efnið fyrr en í
verklega prófinu daginn eftir. Ég
rétti því blaðið til Svanlaugs, sem
tróð því óðar í tösku. Ég svaf illa um
nóttina, en þegar kom að prófinu
daginn eftir dró Svanlaugur miðann
úr töskunni og las skörulega: „Þú átt
að gera upp gírkassa, lagfæra stýri-
vél og stilla ljós. Byrjaðu strax,“
sagði ofurmennið án þess að bregða
svip. Ég lyftist allur upp, þetta var
nú auðvelt. Að loknu prófinu var
haldin mikil veisla. Þar tók Svan-
laugur mig tali og hvíslaði í eyra
mér: Það var lán að meðdómendur
mínir lásu ekki miðann, drengur
minn, þú áttir nefnilega að teikna
upp rafkerfi, en ég vildi ekki verða af
veislunni, svo ég breytti því í ljósa-
stillingu.“ Svo hló hann ógurlega.
Líkt átti sér stað í meiraprófinu,
þar sem heimanámið fór nú stundum
fyrir lítið.
Það var svolítið lágskýjað hjá mér
í skriflega prófinu, sem var að hluta
krossapróf. Laugi kom að borðinu
hjá mér, þótti rétt að fara yfir spurn-
ingarnar með mér, þannig að víst
væri að ég áttaði mig á því, um hvað
væri verið að spyrja. En fyrir ein-
hverja slysni stoppaði fingur Svan-
laugs alltaf lengst við þann reit, sem
hafði rétta svarið. Fyrir einhverja
tilviljun setti ég krossinn þar og
flaug í gegn um prófið.
Þetta var vinátta.
Svanlaugur Ólafsson gat verið
hrjúfur við fyrstu kynni, en hann
hafði stórt hjarta undir skelinni. Það
fengu vinir hans að reyna. Síðustu
árin voru honum erfið vegna park-
inson-sjúkdóms, en hann barðist á
meðan hann gat. Hann var hjá BSA
á meðan kraftar leyfðu, en eftir að
sjúkdómurinn hafði af honum bíl-
prófið var Bleik brugðið. En hann
ætlaði ekki að gefast upp þrátt fyrir
það. Hins vegar var Svanlaugur
ferðbúinn þegar kallið kom; hefur
sennilega átt inni greiða hjá almætt-
inu. Hann snaraðist upp í farskjót-
ann sem forðum. Ég sé hann fyrir
mér glaðbeittan við stýrið kominn á
fulla ferð á vit nýrra ævintýra. Ég
skal sjá um kveðjusönginn, þú átt
það margfalt inni hjá mér.
Góða ferð, gamli vin.
Óskar Pétursson.
Látinn er á Akureyri aldavinur
minn, Svanlaugur Ólafsson. Leiðir
okkar lágu fyrst saman á ferð á bíla-
sýningu í London fyrir um það bil 30
árum. Tókust þá með okkur bestu
kynni. Við störfuðum saman í for-
ystusveit Bílgreinasambandsins um
árabil. Það var sérstaklega ánægju-
legur tími. Eftirfarandi saga lýsir
því einkar vel hvern mann Svanlaug-
ur hafði að geyma. Þannig lágu atvik
til að þeir félagarnir á verkstæðinu
fóru jafnan saman í veiðitúr að sumri
til og var það hápunktur sumarsins
hjá þeim. Eitt sinn er fara átti í
veiðitúr og Svanlaugur var einn eftir
á verkstæðinu og var á leið út að þar
bar að bíl úr Reykjavík. Var þar
komin fjölskylda á biluðum bíl.
Svanlaugur brást þegar við að að-
stoða fólkið og tók það lengri tíma en
hann hafði búist við í upphafi. Þegar
langt var komið fram yfir þann tíma
er menn áttu að hittast til veiðiferð-
ar var farið að grennslast fyrir um
hvað dveldi Svanlaug. Þegar hann
var spurður hvers vegna hann væri
ekki kominn þá sagði hann frá því að
eitt sinn er hann lá erfiða sjúkdóms-
legu á Landspítalanum andvaka um
miðja nótt hafi komið til hans stúlka
á vakt og spurt hann um líðan og
hvort hægt væri að gera eitthvað
fyrir hann. Hann hafði þá sagt henni
að hann langaði óskaplega í kalda
kók. Hún brást þegar við, dúðaði sig
og kafaði snjóinn á Umferðarmið-
stöðina og fékk handa honum kókið.
Þarna var sama konan komin og var
Svanlaugi ljúft að koma henni og
fjölskyldu hennar til hjálpar þótt
veiðiferð stæði fyrir dyrum. Svan-
laugur mætti síðan í morgunsárið í
veiðitúrinn í félagahópinn glaður í
bragði. Þessi litla saga þykir mér
lýsa Svanlaugi vini mínum einkar
vel. Eftir stendur minningin um góð-
an dreng.
Eiginkonu Svanlaugs, Freyju, og
fjölskyldu hans sendi ég samúðar-
kveðjur.
Gísli Guðmundsson.
MINNINGAR
MORGUNBLAÐIÐ SUNNUDAGUR 3. MARS 2002 41
KIRKJUSTARF
Hallgrímskirkja. Æskulýðsfélagið Örk
mánudagskvöld kl. 20.
Háteigskirkja. Félagsvist fyrir eldri borg-
ara í Setrinu á neðri hæð safnaðarheimilis
mánudag kl. 13. TTT-klúbburinn kl. 17. Lif-
andi og fjölbreytt starf fyrir börn úr 4.-6.
bekk í umsjón Andra, Gunnfríðar, Guðrún-
ar Þóru og Jóhönnu. Öll börn velkomin og
alltaf hægt að bætast í hópinn.
Laugarneskirkja. Kvenfélag Laugarnes-
kirkju fundar mánudagskvöld kl. 20 í safn-
aðarheimilinu. 12 spora hópar koma sam-
an mánudag kl. 20 í kirkjunni. Margrét
Scheving sálgæsluþjónn er við stjórnvöl-
inn. (Sjá síðu 650 í Textavarpi.)
Neskirkja. 6 ára starf mánudag kl. 14. Öll
börn í 1. bekk velkomin. TTT-starf (10-12
ára) mánudag kl. 16.30. Öll börn í 4. og 5.
bekk velkomin. Litli kórinn, kór eldri borg-
ara, þriðjudag kl. 16.30. Stjórnandi Inga J.
Backman. Nýir félagar velkomnir. For-
eldramorgunn miðvikudaga kl. 10-12.
Kaffi og spjall. Umsjón Elínborg Lárusdótt-
ir.
Reykjavíkurprófastsdæmin. Hádegis-
verðarfundur presta í Bústaðakirkju mánu-
dag kl. 12.
Árbæjarkirkja. Sunnudagur: Æskulýðs-
fundur kl. 20. Mánudagur: TTT-klúbburinn
frá kl. 17-18.
Fella- og Hólakirkja. Mánudagur: Fjöl-
skyldumorgnar (mömmumorgnar) mánu-
dag í safnaðarheimili kirkjunnar kl. 10-12.
Heitt á könnunni og eitthvað hollt og gott
fyrir börnin. Starf fyrir 11-12 ára stúlkur kl.
17-18. Starf fyrir 9-10 ára drengi kl. 17-
18. Unglingastarf á mánudagskvöldum kl.
20.30.
Grafarvogskirkja. Sunnudagur: Bæna-
hópur kl. 20. Tekið er við bænarefnum alla
virka daga frá kl. 9-17 í síma 587-9070.
Mánudagur: KFUK fyrir stúlkur 9-12 ára kl.
17.30-18.30. KFUM yngri deild í Borga-
skóla kl. 17-18. Kirkjukrakkar fyrir 7-9 ára
kl. 17.30-18.30. TTT (10-12 ára) kl.
18.30-19.30 í Korpuskóla.
Hjallakirkja. Mánudagur: Æskulýðsfélag
fyrir unglinga 13-15 ára kl. 20. Þriðjudag-
ur: Prédikunarklúbbur presta í Reykjavík-
urprófastsdæmi eystra er í Hjallakirkju kl.
9.15-10.30. Umsjón Sigurjón Árni Eyjólfs-
son.
Seljakirkja. Mánudagur: KFUK fundur fyrir
stelpur á aldrinum 9-12 ára kl. 17.15 í
kirkjunni. Fjölbreytt fundarefni. Allar stelp-
ur velkomnar.
Vídalínskirkja. Fjölbreytt kristilegt starf
fyrir 9-12 ára drengi í Kirkjuhvoli á mánu-
dögum kl. 17.30 í umsjón KFUM.
Fríkirkjan í Hafnarfirði. Mánudagskvöld
kl. 20-22 eldri félagar.
Lágafellskirkja. Mánudagur: Al-Anon-
fundur í kirkjunni kl. 21. Bænahópur á
mánudagskvöldum í Lágafellskirkju kl.
20. Kirkjukrakkafundur í Varmárskóla kl.
13.15-14.30. TTT-fundir í safnaðarheimili
kl. 16-17. Fundir í æskulýðsfélaginu Sánd
kl. 17-18.
Keflavíkurkirkja. Samvera í Kirkjulundi kl.
11. Æskufólk fjölmennir til kirkju, leikur á
hljóðfæri og sýnir dans og leikþátt. Rúnar
Júlíusson tekur lagið og organistinn, Há-
kon Leifsson, leikur á gítar og síðan verða
léttar veitingar.
Þorlákskirkja. TTT-starf í kvöld, sunnu-
dag, kl. 19.30.
Hvammstangakirkja. KFUM&K starf kirkj-
unnar í Hrakhólum mánudag kl. 17.30.
Krossinn. Almenn samkoma að Hlíða-
smára 5 kl. 16.30. Allir velkomnir.
Landakirkja, Vestmannaeyjum. Mánu-
dagur: Kl. 17.30 æskulýðsstarf fatlaðra,
eldri hópur.
Fíladelfía. Brauðsbrotning kl. 11. Ræðu-
maður Ester Jacobsen. Almenn samkoma
kl. 16.30. Lofgjörðarhópur Fíladelfíu leiðir
söng. Ræðumaður Vörður L. Traustason.
Allir hjartanlega velkomnir.
KEFAS, Vatnsendavegi 601. Sunnudag-
ur: Samkoma kl. 16.30. Ræðumaður
Helga R. Ármannsdóttir. Bænastund fyrir
samkomu kl. 16. Lofgjörð og fyrirbænir.
Tvískipt barnastarf fyrir börn frá eins árs
aldri. Þriðjud.: Bænastund kl. 20.30.
Miðvikud.: Samverustund unga fólksins
kl. 20.30. Mikil lofgjörð og orð guðs rætt.
Allt ungt fólk hjartanlega velkomið.
Vegurinn. Fjölskyldusamkoma kl. 11.
Léttur hádegisverður að samkomu lok-
inni. Bænastund kl. 19. Samkoma kl. 20.
Ragna Björk Þorvaldsdóttir prédikar.
Brotning brauðsins. Lofgjörð og fyrirbænir.
Kristskirkja í Landakoti. Mánudaginn 4.
mars flytur enski Daminikaninn Edward
Booth frá Cambridge erindi um efnið Jes-
ús í eyðimörkinni – Hvað getum við lært af
fundi hans við Satan? Fyrirlesturinn verður
haldinn í safnaðarheimilinu í Landakoti og
hefst kl. 20. Aðgangur er ókeypis en að-
eins er farið fram á lítið framlag vegna
kaffiveitinga. Sr. Booth heldur fyrirlestur
sinn á ensku en íslensk þýðing hans liggur
frammi.
Akureyrarkirkja. Upphaf kirkjuviku. Opn-
un heimasíðu kirkjunnar kl. 12 í safnaðar-
heimili. Fundur í Æskulýðsfélagi kirkjunn-
ar kl. 17. Mánudagur: Tónleikar í
safnaðarheimili og kirkju kl. 20.30. Andr-
ea Gylfadóttir syngur við undirleik Kjartans
Valdimarssonar djasspíanista.
Safnaðarfélag Grafarvogskirkju heldur fé-
lagsfund í kirkjunni mánudaginn 4. mars
kl. 20. Fundarefni: Hafdís Sigurðardóttir,
blómaskreytir og leiðbeinandi hjá Mími.
Tómstundaskólinn verður með sýni-
kennslu í gjafainnpökkun. Sýnikennsla og
kaffi kr. 1.000. Allir velkomnir. Stjórnin.
Safnaðarstarf
Í DAG, sunnudag, verður mikið
um að vera í Hafnarfjarðarkirkju í
tilefni af æskulýðsdegi þjóðkirkj-
unnar. Dagurinn hefst með fjöl-
skylduguðsþjónustu kl. 11 og
munu báðir sunnudagaskólarnir
sem Hafnarfjarðarkirkja rekur,
koma saman í kirkjunni. Að venju
mun barnakór kirkjunnar syngja
fjörug og lifandi lög. Leiðtogar
sunnudagaskólanna hafa sett sam-
an popphljómsveit og hljómsveitin
leikur undir almennum söng. Svo
verður glærusaga dagsins sögð,
farið í leiki og margt, margt fleira
sér til gleði og ánægju gert. Prest-
ar eru sr. Þórhildur Ólafs og sr.
Þórhallur Heimisson. Eftir fjöl-
skylduguðsþjónustuna er boðið
upp á góðgæti í safnaðarheimilinu
áður en haldið er heim á leið. Rúta
sunnudagaskólans ekur eins og
venjulega. Auk þess mun rúta fara
frá Hvaleyrarskóla kl. 10.55 og
heim aftur rúmlega 12.
Um kvöldið heldur síðan hátíð
æskulýðsdagsins áfram. Popp-
messa byrjar í kirkjunni kl. 20.30.
Poppmessan er öll í umsjón Æsku-
lýðsfélags Hafnarfjarðarkirkju.
Unglingar leiða bænir og söng og
predika með leiðtogum sínum,
þeim Stefáni og Guðmundu, en
tónlistina annast poppgrúppa und-
ir stjórn Emils. Eftir poppmessuna
bjóða fermingarbörn öllum kirkju-
gestum til veislu í safnaðarheim-
ilinu. Þar verður dekkað hlaðborð
af margs konar kræsingum sem
fermingarbörnin leggja til. Hefur
þetta kaffihlaðborð ferming-
arbarnanna hingað til verið eitt
hið flottasta sem menn hafa séð.
Sú verður efalaust líka raunin
núna. Allir eru velkomnir á hátíð
dagsins.
Hafnarfjarðarkirkja.
Æskulýðsdagurinn á
Akranesi
Í TILEFNI af æskulýðsdegi þjóð-
kirkjunnar verður boðið upp á
poppmessu í Akraneskirkju kl. 14.
Er hún haldin þriðja árið í röð á
þessum degi. Gospelkór Akraness
og hljómsveit sjá um söng og tón-
list. Flutt verða vinsæl, trúarleg
lög. Fyrri poppmessur slógu í
gegn! Allir eru velkomnir, ungir
sem aldnir, á meðan húsrúm leyfir.
Í kvöld kl. 20 verður síðan
kvöldvaka æskulýðsdagsins í Safn-
aðarheimilinu Vinaminni. Boðið
verður upp á fjölbreytta og
skemmtilega dagskrá. Gospelkór-
inn kemur aftur fram ásamt hljóm-
sveit og syngur nokkur lög. Börn
úr TTT-starfi kirkjunnar verða
með stutt atriði.
Gestir kvöldsins verða þeir Þor-
steinn Haukur Þorsteinsson toll-
gæslumaður og fíkniefnahund-
urinn Bassi. Þorsteinn Haukur
mun tala um fíknaefnavandann og
Bassi bregða á leik. Léttar veit-
ingar verða að samkomu lokinni.
Allir velkomnir.
Sóknarprestur.
Páll Rósinkrans
syngur í Grafar-
vogskirkju
Í DAG, sunnudag, verður æsku-
lýðsmessa í Grafarvogskirkju kl.
11. Um er að ræða barna- og fjöl-
skyldumessu þar sem ungt fólk
kemur fram, hugleiðir og syngur.
Ástríður Jónsdóttir æskulýðs-
fulltrúi flytur hugleiðingu. Æsku-
lýðsleiðtogar flytja ritningarorð
og bænir. Starfsfólk barnastarfs-
ins kemur í heimsókn með brúðu-
leikhúsið.
Nemar úr Tónlistarskóla Graf-
arvogs og nemar úr Tónlistarskóla
Hörpunnar flytja tónlist. Páll Rós-
inkrans syngur ásamt barna- og
unglingakór Grafarvogskirkju.
Stjórnandi er Oddný J. Þorsteins-
dóttir, Hörður Bragason organisti
leikur ásamt Birgi Bragasyni á
bassa og Hjörleifi Valssyni á fiðlu.
Prestar safnaðarins þjóna fyrir
altari.
Grafarvogskirkja.
Sálgæslunámskeið
SÁLGÆSLUNÁMSKEIÐ fyrir al-
menning verður haldið á vegum
Biblíuskólans við Holtaveg og Mið-
borgarstarfs KFUM&KFUK mið-
vikudaginn 6. mars kl. 17–21.
Námskeiðið verður haldið í að-
alstöðvum KFUM&KFUK á Holta-
vegi 28. Innritun fer fram í síma
588 8899.
Dagskrá: „Sorg og sorg-
arviðbrögð“: Sigurður Pálsson,
sóknarprestur í Hallgrímskirkju.
Eldri deild barnakórs Háteigs-
kirkju syngur. „Í fangelsi var ég“:
Hreinn Hákonarson fangaprestur.
„Í fjötrum fíkniefna“: Þórdís Sig-
urðardóttir, verkefnastjóri For-
eldrahússins.
Matur.
„Sorg barna“: Ragnheiður
Sverrisdóttir djákni. „Máttur bæn-
arinnar“: Helga Hróbjartsdóttir
kennari.
Umsjón og stjórnun á nám-
skeiðinu er í höndum Jónu
Hrannar Bolladóttur miðborg-
arprests og Péturs Björgvins Þor-
steinssonar, fræðslufulltrúa í
Háteigskirkju.
Að horfast í augu
við starfslok
FUNDUR verður haldinn hjá
Geisla, félagi um sorg og sorg-
arviðbrögð, þriðjudaginn 5. mars
kl. 20 í safnaðarheimili Selfoss-
kirkju. Gestur fundarins verður sr.
Svavar Stefánsson. Erindi hans
mun fjalla um að horfast í augu við
starfslok og þá höfnun sem því
getur fylgt.
Að erindu loknu gefst tækifæri
fyrir umræður yfir kaffibolla.
Fundurinn er öllum opinn. Allir
hjartanlega velkomnir. Nánari
upplýsingar veitir formaður fé-
lagsins, Eygló J. Gunnarsdóttir.
Geisli.
Hafnarfjarðarkirkja
Æskulýðsdagur
þjóðkirkjunnar í
Hafnarfjarð-
arkirkju
leiddi slíkar þarfaflíkur allt árið til
að dreifa þeim síðan á jólum meðal
þurfandi.
Síðar, eftir að Sólveig var látin
og Pétur bróðir Ernu var hættur
störfum sem sendiherra og fluttur
heim til Íslands, voru þau systkin
ævinlega hjá foreldrum mínum á
aðfangadagskvöld ásamt yngri
systkinum mínum, mér og syni
mínum. Enn síðar þegar ég tók við
jólahaldinu voru þau einnig hjá
okkur hjónunum á aðfangadags-
kvöld. Síðustu fimm árin var Erna
bundin við hjólastól og því illger-
legt fyrir hana að komast upp á
þriðju hæð í lyftulausu húsi. Það
var ekki sársaukalaust að vera án
hennar á aðfangadagskvöldið. Ég
þakka þeim systkinunum hér með
þeirra þátt í því að gera jólin hátíð-
legri og minnisstæðari fyrir okkur
í fjölskyldunni.
Þegar sonur minn Árni var
skírður var það svo sjálfsagt að
Erna frænka fremur öðrum væri
beðin að verða guðmóðir hans, sem
hún gerði fúslega.
Ég minnist margra góðra stunda
með Ernu frænku eftir að ég varð
fullorðin. Við vorum í yndislegum
matar- og kaffiboðum hjá henni og
hún hjá okkur (það var hún sem
kenndi mér að gera heimalagaðan
ís og uppskriftin hennar að fisk-
suffle er hátíðarmatur á mínu
heimili). Margar gönguferðir úti í
náttúrunni áttum við saman, með
kaffi, brauð og sherry í nest-
iskörfu, Erna var mikið náttúru-
barn og það var gaman að njóta
gjafa Guðs með henni.
Á seinustu árum fórum við sam-
an á kaffihús og fengum okkur
kaffi og tertu, eða röltferðir með
Ernu í hjólastólnum út í góða veðr-
ið þegar tækifæri gafst. Eina slíka
ferð held ég mikið uppá í minning-
unni. Það var í fyrrasumar að við
Sigrún systir og Erna fórum í
glaðasólskini á sumardegi upp á
Hólatorg og lögðum undir okkur
bekk sem þar var. Við höfðum með
okkur staup og sherryflösku, sem
við glöddum okkur við. Frænka
hélt kannski að þetta væri full
sterkt fyrir sig, en drakk þó eitt
staup okkur til samlætis. Svo sung-
um við saman hvert ættjarðarlagið
á fætur öðru og Erna tók undir
þegar hún gat. Ég held líka að við
höfum glatt ýmsa gangandi vegfar-
endur sem áttu leið hjá.
Ég er full þakklætis til Ernu
frænku fyrir allar góðu stundirnar
sem hún auðgaði líf mitt með og
þakklát fyrir að Guð hefur nú tekið
hana til sín og leyst hana úr viðjum
þreytts líkama. Megi ljósið og kær-
leikurinn umvefja hana þar sem
hún er núna.
Elín Árnadóttir.