Morgunblaðið - 23.04.2002, Qupperneq 55

FRÉTTIR
MORGUNBLAÐIÐ ÞRIÐJUDAGUR 23. APRÍL 2002 55
LAUGARDAGINN 20. apríl var ek-
ið á vinstra afturhorn bifreiðarinnar
KH 016 þar sem hún stóð á bifreiða-
stæðinu við Eiðistorg. Tjónvaldur
fór á brott af vettvangi. Atvikið gerð-
ist á milli kl. 16.30 og 17.00.
Bifreiðin sem ekið var á er fólks-
bifreið af tegundinni Toyota Corolla
árgerð 1994, ljósgrá að lit. Þeir sem
geta gefið upplýsingar um atvikið
eru beðnir um að hafa samband við
lögregluna í Reykjavík.
Lýst eftir vitnum
FORELDRAVERÐLAUN Heimila
og skóla voru afhent á foreldra-
þingi landssamtaka samtakanna,
sem haldið var í Ársal Hótels Sögu
síðastliðinn laugardag. Verðlaunin
hlutu að þessu sinni Dagný Annas-
dóttir, Borgarskóla, Húsavík, en
verkefni hennar ber yfirskriftina:
Er hægt að efla lífsleikni fjöl-
skyldna í gegnum upplýsingatækni?
Ljósmynd/Jón Svavarsson
Foreldraverðlaunin 2002, fremri röð frá vinstri: Kristjana Magnúsdótt-
ir, Dagný Annasdóttir og Guðný Helga Árnadóttir. Aftari röð: Ásgeir
Sigmarsson, Sigríður Ólafsdóttir, Guðrún K. Hafsteinsdóttir, Erna Stef-
ánsdóttir, Arnar Þorsteinsson, Margrét Annie Guðbergsdóttir, Sigurlín
Sveinbjarnardóttir og Sigurður Lyngdal.
Foreldraverðlaun
Heimila og skóla
FREMUR fámennt var
í miðbænum á föstu-
dagskvöldi og hafði lög-
regla ekki mikil afskipti
af borgurum. Kona datt af svölum
veitingastaðar en meiddist ekki al-
varlega þrátt fyrir nokkurra metra
fall. Fíkniefni og varnarúði fundust á
einum manni og tvær stúlkur voru
stöðvaðir þegar þær framvísuðu föls-
uðum skilríkjum. Þá stöðvaði lög-
regla skemmtun sem haldin var án
tilskilinna leyfa í húsi á Grandanum.
Húsnæðið uppfyllir meðal annars
ekki eldvarnarskilyrði en þarna voru
um 200 manns að skemmta sér.
Í eftirlitsmyndavélum sást stúlka
ráðast á vegfarendur. Stúlkan, sem
er 19 ára, var handtekinn skömmu
síðar eftir að hún sparkaði í lögreglu-
mann.
Karlmaður var fluttur á slysadeild
á föstudag eftir að hafa ekið reiðhjóli
sínu á bifreið í Skipholti.
Síðla laugardagsnætur var lög-
reglu tilkynnt um fáklætt par á Bú-
staðavegi á umferðareyju. Ekki er
vitað hvað fólkinu gekk til en þau
voru farin er lögreglan kom.
Ökumaður missti stjórn á bifreið
sinni á Hringbraut síðdegis á laug-
ardag með þeim afleiðingum að bif-
reiðin lenti á grindverki sem skilur
að akreinar og hafnaði loks á kyrr-
stæðri bifreið. Ökumaður er grun-
aður um ölvun við akstur, hann var
einnig fluttur á slysadeild vegna
áverka. Hann hafði ekki notað ör-
yggisbelti við aksturinn. Annar öku-
maður, sem einnig er grunaður um
ölvun við akstur, missti vald á bifreið
sinni á laugardag á Sæbraut með
með afleiðingum að hún valt út fyrir
veg og lenti á kyrrstæðum sendibíl.
Aðfaranótt sunnudags var karl-
maður handtekinn eftir að hafa
dregið upp hníf á veitingastað í mið-
borginni.
Lögreglumenn komu að kyrr-
stæðri bifreið í Öskjuhlíð aðfaranótt
laugardags. Greinilegt varð að fíkni-
efna hafði verið neytt í bílnum sem
farþegar og ökumaður gátu ekki gef-
ið skýringar á.
Úr dagbók lögreglunnar, 19.–22. apríl
200 manns á óleyfi-
legri skemmtun
NÁMSTEFNAN Hönnun fyrir alla
verður haldin hjá Endurmenntun HÍ
föstudaginn 26. apríl kl. 9 -1 6. Hún er
ætluð öllum sem koma að hönnun ný-
bygginga og endurhönnun eldri húsa.
Fjallað verður um aðgengilegt um-
hverfi utanhúss sem innan og hvernig
megi á skipulags- og hönnunarstigi
taka tillit til sérþarfa fatlaðra.
Erindi halda: Bjarne Kenning,
danskur sérfræðingur um aðgengi,
Anne Grethe Hansen iðjuþjálfi, Sig-
urður Thoroddsen arkitekt, Helga
Guðmundsdóttir arkitekt, Ólafur
Stefánsson tæknifræðingur, Ragnar
Frank Kristjánsson þjóðgarðsvörð-
ur, Magnús Skúlason arkitekt, Hall-
dór Gíslason, Jón Ólafur Ólafsson
arkitekt, Jón Sigurðsson líffræðing-
ur, Ögmundur Skarphéðinsson arki-
tekt og Sigurður Harðarson arkitekt.
Umsjón með námstefnunni hefur Jón
Ólafur Ólafsson arkitekt.
Einnig er dagskrá námstefnunnar
á vefsíðunni www.endurmenntun.is,
segir í fréttatilkynningu.
Námstefna um hönnun
ANNA-Lind Pétursdóttir, sálfræð-
ingur við ráðgjafar- og sálfræðideild
Leikskóla Reykjavíkur, heldur mál-
stofu á vegum Rannsóknarstofnunar
KHÍ miðvikudaginn 24. apríl kl.
16:15. Málstofan verður haldin í sal
Sjómannaskóla Íslands við Háteigs-
veg og er öllum opin.
Málstofan byggist á rannsókn
sem var lokaverkefni Önnu-Lindar í
cand. psych. námi við HÍ sl. vor og
unnin undir handleiðslu dr. Z. Gabr-
ielu Sigurðardóttur. Þar voru athug-
uð áhrif þjálfunar starfsfólks leik-
skóla í kennslutækni byggðri á
hagnýtri atferlisgreiningu, á færni
ungra barna með þroskahömlun.
Kennslutæknin hefur hér á landi
einkum verið notuð í atferlismeðferð
fyrir börn með einhverfu.
Niðurstöður rannsóknarinnar
benda til þess að kennslutækni
byggð á hagnýtri atferlisgreiningu
sé talsvert frábrugðin hefðbundinni
sérkennslu, en að hægt sé að þjálfa
starfsfólk í afmörkuðum þáttum
hennar á tiltölulega stuttum tíma.
Þegar þátttakendur náðu tökum á
kennslutækninni, fjölgaði námsein-
ingum úr 0,03 í 2,4 á mínútu að með-
altali og færni barnanna jókst á
þeim sviðum sem kennslan beindist
að. Þátttakendur lærðu að beita
kennslutækninni við einstaklings-
kennslu en gátu að lokinni þjálfun
einnig notað hana við hópaðstæður.
Í athugunum eftir einn mánuð og
fjóra mánuði reyndist starfsfólkið
enn fært um að beita kennslu-
tækninni, jafnvel við kennslu færni á
nýju sviði sem þjálfun hafði ekki
beinst að.
Fyrirlestur
um kennslu-
tækni
VINSTRIHREYFINGIN – grænt
framboð í Sveitarfélaginu Skagafirði
hefur ákveðið framboðslista sinn fyrir
sveitarstjórnarkosningarnar 25. maí
2002.
Ársæll Guðmundsson, aðstoðar-
skólameistari FNV á Sauðárkróki
skipar fyrsta sætið á listanum og er
hann jafnframt sveitarstjóraefni
framboðsins. Í öðru sæti er Bjarni
Jónsson, fiskifræðingur á Hólum, for-
stöðumaður Norðurlandsdeildar
Veiðimálastofnunar og í þriðja sæti er
Harpa Kristinsdóttir, leiðbeinandi á
Hofsósi. Í fjórða sæti listans er Gísli
Árnason, rafvirkjameistari og fram-
haldsskólakennari á Sauðárkróki og í
því fimmta er Valgerður Inga Kjart-
ansdóttir, bóndi á Hóli. Önnur sæti á
listanum eru þannig skipuð:
6. Þorgrímur Ómar Unason, skip-
stjóri, Sauðárkróki
7. Guðbjörg Bjarnadóttir, fram-
haldsskólakennari, Sauðárkróki
8. Úlfar Sveinsson, bóndi, Ingveld-
arstöðum
9. Guðrún Sigurbjörg Guðmunds-
dóttir, geislafræðingur, Sauðár-
króki
10. Sigurður Sigfússon, bóndi, Vík
11. Hafdís Skúladóttir, fulltrúi, Sauð-
árkróki
12. Ólafur Þ. Hallgrímsson, sóknar-
prestur, Mælifelli
13. Guðrún Hanna Halldórsdóttir, að-
stoðarskólastjóri, Helgustöðum
14. Rúnar Páll Stefánsson, nemi,
Grindum
15. Sigurlaug Kr. Konráðsdóttir, leik-
skólakennari, Sauðárkróki
16. Grétar Þór Steinþórsson, nemi,
Sauðárkróki
17. Jórunn Árnadóttir, starfsmaður
öldrunarþjónustu, Ásgeirsbrekku
18. Helga Bjarnadóttir, fyrrverandi
skólastjóri, Varmahlíð
Listi VG í Skagafirði kynntur
Sauðárkróki. Morgunblaðið.
♦ ♦ ♦