Morgunblaðið - 19.05.2002, Qupperneq 48

48 SUNNUDAGUR 19. MAÍ 2002 MORGUNBLAÐIÐ






 
 




   

  
  
 

  

  

 
 BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
LIÐINN vetur hefur verið við-
burðaríkur hjá skíðafólki á Akur-
eyri. Helgina 10. og 11. maí var
haldið Skíðaþing
Íslands 2002 að
Hrafnagili í
Eyjafirði sem
tókst með mikl-
um ágætum. Í
apríl voru að
venju haldnir
Andrésar Andar-
leikarnir sem
eiga sér fastan
sess hjá mörg
hundruð ungum skíðakrökkum um
allt land. Þá voru hér haldin alþjóð-
leg mót, s.n. FIS-mót, bikarmót
Skíðasambandsins og síðast en ekki
síst Unglingameistaramót Íslands.
Í fyrra vetur, þ.e. árið 2001, var
haldið hér Skíðamót Íslands, lands-
mótið á skíðum og það mun einnig
verða haldið á Akureyri næsta vet-
ur, 2003. Það sem öðru fremur hef-
ur gert Hlíðarfjall eftirsóknarvert
fyrir þessa viðburði er sú aðstaða
sem við getum boðið upp á, sem
með fullri sanngirni á ekki sér ekki
samjöfnuð annars staðar á landinu.
Á það bæði við um skíðasvæðið
sjálft, þ.e. náttúrulegar aðstæður,
hæð skíðasvæðisins og fjölbreytni,
en einnig og ekki síður þau mann-
virki sem byggð hafa verið upp á
svæðinu á undanförnum árum, ný
þjónustumiðstöð (Strýta) og ný
stólalyfta (Fjarkinn).
En uppbyggingin í Hlíðarfjalli
kemur ekki einungis keppnisfólki á
skíðum til góða. Hér er einnig um
að ræða gífurlega lyftistöng fyrir
ferðaþjónustu á Eyjafjarðarsvæð-
inu. Á fundi sem skíðafólk í sam-
starfi við ferðaþjónustuaðila o.fl.
héldu veturinn 2001 um framtíðar-
uppbyggingu í Hlíðarfjalli kom
fram að mars- og aprílmánuðir það
ár voru á við bestu sumarleyfism-
ánuðina í nýtingu og þar átti fólk
sem hingað kom á skíði stærstan
hlutann. Þessir sömu gestir okkar
nýta ekki eingöngu þjónustu skíða-
svæðisins og gististaða. Þeir njóta
matar og drykkjar, kaupa ýmsar
vörur tengdar skíðum, njóta menn-
ingarviðburða o.s.frv. Margfeldis-
áhrifin eru miklu meiri en margir
gera sér grein fyrir. Þetta samspil
sem hér um ræðir í afþreyingu er
mikilvægt að hafa í huga og í því
sambandi þarf sérstaklega að hafa í
huga að vetraríþrótt eins og skíða-
mennska er mikil fjölskylduíþrótt
og þarf ekki að skoða margar
myndir úr Hlíðarfjalli á góðum degi
til þess að sjá það. Þetta þurfum við
að hafa í huga varðandi framtíð-
aruppbyggingu svæðisins og þeirr-
ar þjónustu sem þar er veitt. Sem
dæmi um þetta má nefna gott og
öflugt framtak Hlíðarfjalls í vetur
þar sem mjög markvisst var boðið
upp á skíðaskóla og þar með sér-
stakan barnaskíðaskóla sem naut
mikilla vinsælda. Til þess að bæta
þessa þjónustu enn frekar þarf að
koma upp skíðafæriböndum, feiri
leiktækjum og búnaði fyrir leikja-
og þrautabrautir o.s.frv. Önnur at-
riði, sem eru brýn og þarf að hefja
undirbúning að, eru að efla troð-
arakost til mikilla muna og bæta við
nýrri stólalyftu sem nær frá enda-
stöð núverandi stólalyftu upp á
brún Hlíðarfjalls. Með því getum
við aukið fjölbreytni skíðasvæðisins
enn frekar þannig að það verður á
við þau bestu í Evrópu af þessari
stærð. Þá þarf að taka til sérstakr-
ar skoðunar markaðssetningu Hlíð-
arfjalls og Glerárdals yfir sumar-
tímann til þess að nýta fjár-
festinguna enn betur og þar með að
kynna náttúruperluna Glerárdal og
nágrenni með þeim fjölmörgu
gönguleiðum sem þar eru.
Verkefnin eru sem fyrr mörg
sem bíða okkar, en mikilvægt er
engu að síður að þakka það sem vel
hefur verið gert. Með sanni má
segja að tími hafi verið kominn á að
endurnýja húskost þjónustumið-
stöðvarinnar Strýtu og þá ekki síð-
ur að endurnýja stólalyftuna. Þessi
uppbyggingi hefur skotið traustari
stoðum undir ferðaþjónustu á Ak-
ureyri og það sem meira er um vert
fyrir okkur skíðafólk en styrkari
stoðum undir Vetraríþróttamiðstöð
Íslands, þjóðarleikvang Íslands í
vetraríþróttum.
BALDUR DÝRFJÖRÐ,
formaður fræðslu- og útbreiðslu-
nefndar Skíðafélags Akureyrar.
Það er aðstaðan sem hefur gert Hlíðarfjall eftirsóknarvert.
Hlíðarfjall – upp-
bygging í allra þágu
Frá Baldri Dýrfjörð:
Baldur
Dýrfjörð