Morgunblaðið - 13.06.2002, Blaðsíða 1
137. TBL. 90. ÁRG. FIMMTUDAGUR 13. JÚNÍ 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 13. JÚNÍ 2002
LÖGREGLUMAÐUR fylgist með
hópi iðkenda Falun Gong sem efndi
til mótmæla á torgi í miðborg
Hong Kong í gær. Yfir hundrað
Falun Gong-menn söfnuðust þar
saman og gengu að skrifstofum
stjórnarinnar í Hong Kong til að
skora á hana að hjálpa tveimur íbú-
um eyjunnar sem yfirvöld á kín-
verska meginlandinu handtóku í
borginni Shenzhen í maí þegar
bækur um Falun Gong fundust í
fórum þeirra. Fjölskyldu annars
mannanna var sagt að hann hefði
verið handtekinn vegna gruns um
að hann hefði útbreitt kenningar
Falun Gong í Kína.
AP
Iðkendur
Falun Gong
mótmæla í
Hong Kong
DONALD Rumsfeld, varnarmála-
ráðherra Bandaríkjanna, sagði í
gær að fram hefðu komið vísbend-
ingar um að liðsmenn al-Qaeda,
hryðjuverkasamtaka Osama bin
Ladens, störfuðu í Kasmír.
Rumsfeld fór til Pakistans í gær
eftir að hafa rætt við stjórnvöld á
Indlandi til að reyna að afstýra því
að nýtt stríð blossaði upp milli
ríkjanna vegna deilunnar um
Kasmír.
„Ég hef séð vísbendingar um að
liðsmenn al-Qaeda starfi á svæðum
við landamærin,“ sagði Rumsfeld
en kvaðst ekki vita hversu margir
þeir væru. Hann sagði ekkert um
hvort al-Qaeda-mennirnir væru
meðal skæruliða á yfirráðasvæði
Pakistana eða í indverska hluta
Kasmír.
Bandarísk stjórnvöld hafa hing-
að til sagt að ekkert bendi til þess
að liðsmenn al-Qaeda hafi farið frá
Afganistan til Kasmír í gegnum
Pakistan. Þegar varnarmálaráð-
herra Indlands, George Fernan-
des, hélt því fram í fyrra mánuði
að hundruð al-Qaeda-manna væru
á meðal skæruliða á yfirráðasvæði
Pakistans sögðu embættismenn
bandaríska utanríkisráðuneytisins
ekkert benda til þess að svo væri.
Bandarískur hátæknibúnaður
notaður við eftirlitið?
Háttsettur herforingi á Indlandi
sagði í gær að hópur útlendinga,
sem töluðu arabísku, hefði sést í
indverska hluta Kasmír í vikunni
sem leið og grunur léki á að þeir
væru í al-Qaeda. Talið er að lík-
urnar á stríði milli Indverja og
Pakistana aukist taki al-Qaeda
þátt í árásum íslamskra skæruliða
á indversku landsvæði frá Pak-
istan.
Háttsettur embættismaður í
föruneyti Rumsfelds sagði ráð-
herrann hafa rætt við indverska
ráðamenn um möguleikann á því
að bandarískur hátæknibúnaður
yrði notaður til að fylgjast með því
hvort skæruliðar laumuðust yfir
landamærin til að gera árásir á
Indlandi. Embættismaðurinn sagði
að bandarískir hermenn myndu
ekki taka þátt í eftirlitinu.
Vísbendingar um að al-
Qaeda starfi í Kasmír
Nýju-Delhí. AP.
Rumsfeld reynir að afstýra stríði
milli Indverja og Pakistana
AP
Slökkviliðsmenn dæla hér vatni
á hús í grennd við bæinn Deckers
til að verja það.
YFIRVÖLD í Colorado óskuðu í
gær eftir aðstoð slökkviliðsmanna
frá öðrum ríkjum við að hefta út-
breiðslu skógarelda sem ógna
bæjum í grennd við Denver. Eru
þetta mestu skógareldar í sögu
Colorado og höfðu um 36.000
hektarar brunnið í gær. 21 hús
hefur brunnið til kaldra kola og
2.500 voru talin í hættu.
Skógareldar ógna bæjum
RÚSSAR þurfa að læra að verja
stöðu sína í heiminum sem stórveldi
með glæsta sögu þótt þeir leiti eftir
sáttum við forna
fjendur, sagði
Vladímír Pútín
Rússlandsforseti í
ræðu sem hann
flutti í gær í tilefni
af því að tólf ár
eru liðin frá því að
þing landsins lýsti
yfir sjálfstæði frá
Sovétríkjunum.
„Í fyrsta sinn í
marga áratugi – ef ekki aldir – eigum
við ekki í baráttu eða átökum við ann-
aðhvort allan heiminn eða einstök
ríki,“ sagði Pútín í veislu í Kreml í til-
efni af hátíðisdeginum. „En við verð-
um að læra að verja stöðu okkar og
sigra í þeirri hörðu samkeppni sem
ríkir í heiminum, fyrst og fremst á
heimsmörkuðunum. Við erum að
byggja upp lýðræðisþjóðfélag og vilj-
um vera virkir þátttakendur í fjölpóla
og lýðræðislegri heimsskipan.“
Pútín hefur lagt kapp á að rétta
efnahag Rússlands við og hefur það
borið þann árangur að Bandaríkin og
Evrópusambandið hafa viðurkennt
landið sem markaðshagkerfi. Pútín
hefur þó ekki náð meginmarkmiði
sínu: inngöngu í Heimsviðskipta-
stofnunina, WTO.
George W. Bush Bandaríkjaforseti
sagði á fundi sínum með Pútín í
Moskvu í maí að hann styddi aðild
Rússlands að WTO en stofnunin ætti
ekki að víkja frá reglum sínum til að
landið fengi inngöngu. Í ræðu sinni
lagði Pútín áherslu á að Rússar krefð-
ust ekki neinnar „sérleiðar“ inn í
WTO en gerðu kröfu til þess að komið
yrði fram við þá á alþjóðavettvangi „í
samræmi við glæsta sögu Rússlands,
sköpunarmátt þjóðarinnar og víðáttu
okkar mikla lands“.
Rússar verji
stöðu sína
Moskvu. AP.
Vladímír Pútín
SJÖ milljónir bænda í Afríku hafa
dáið úr alnæmi á síðustu tveimur ára-
tugum og framleiðnin hefur minnkað
um allt að 50% af þeim sökum, að
sögn fulltrúa alnæmisstofnunar Sam-
einuðu þjóðanna á matvælaráðstefnu
samtakanna í Róm í gær.
Marika Fahlen, fulltrúi UNAIDS,
benti á að matvælaskorturinn í sunn-
anverðri Afríku – þar sem hungurs-
neyð er talin vofa yfir allt að 12,8
milljónum manna – er í löndum þar
sem útbreiðsla alnæmis er mikil.
„Tvenns konar hörmungar hafa
gengið yfir Afríku sunnan Sahara,“
sagði Fahlen. „Þar sem skorturinn á
matvælum er mestur er útbreiðsla al-
næmis skelfilega mikil.“
Í lokayfirlýsingu matvælaráð-
stefnunnar í Róm verður það viður-
kennt sérstaklega að alnæmisfarald-
urinn geti dregið stórlega úr
matvælaframboði í þróunarlöndun-
um. Fahlen sagði að þótt yfirlýsingin
væri skref í rétta átt þyrfti að leggja
meiri áherslu á ráðstafanir til að
stöðva útbreiðslu alnæmis. „Vegna
alnæmis hefur landbúnaðarkunnátta
glatast, þjónustunni við landbúnað-
inn hefur hnignað, getan til að rækta
landið hefur minnkað og tekjur heim-
ilanna dragast saman en kostnaður-
inn við umönnun sjúkra rýkur upp úr
öllu valdi.“
Alnæmi
ýtir undir
matvæla-
skort
Róm. AP.
FLESTAR útivinnandi konur í
Bretlandi telja, að daður sé gott
fyrir heilsuna og sjálfsálitið og
ein af hverjum 10 hefur átt í ein-
hverju ástarsambandi við yfir-
mann sinn. Kemur þetta fram í
könnun, sem birt verður í dag.
Könnunin var gerð á vegum
tímaritsins Top Sante og heilsu-
ræktarsamtakanna BUPA og
náði til 5.000 kvenna. 75% þeirra
sögðust hafa daðrað við eða tek-
ið undir daður vinnufélaga síns
og 25% átt í ástarsambandi við
hann.
61% kvennanna taldi daður
hið besta mál og meira en 80%
sögðust líka það vel þegar sam-
starfsmaður, yfirmaður eða við-
skiptavinur sýndi þeim áhuga.
Þær myndu þá bara eyða því
með brosi á vör en 13% kváðust
mundu bera fram kvörtun.
Aðeins 11% þeirra kvenna,
sem eiga í sambandi við yfir-
manninn, giftast honum en 12%
fá stöðuhækkun. Raunar kváð-
ust 5% kvennanna vera tilbúnar
til að gera ýmislegt fyrir yfir-
manninn í því skyni einu.
Næstum allar konurnar eða
níu af hverjum tíu sögðust vera
að kikna undir kröfunum í
vinnunni og á heimilinu og alveg
sérstaklega þær, sem voru
komnar aftur til vinnu eftir
barnsburð.
Konunum
líkar
daðrið vel
London. AFP.