Morgunblaðið - 13.06.2002, Blaðsíða 28

LISTIR
28 FIMMTUDAGUR 13. JÚNÍ 2002 MORGUNBLAÐIÐ
DAGANA 13.-16. JÚNÍ VERÐUR
HÚLLUMHÆ Í BOMMSUKLÚBBNUM
20% AFSLÁTTUR AF PRIMIGI
OG ROCKSTONE BARNASKÓM
SMÁ GLAÐNINGUR, BLÖÐRUR OG GOTTERÍ..
HALLÓ
KRAK
KAR
- ÉG H
EITI
BOMM
SI
ÞEIR SEM FÁ FRÍA SKÓ FRÁ VIKING
Í ÞETTA SINN ERU SKÍRTEINI:
26, 128, 202, 414 OG 781.
TRÍÓ REYKJAVÍKUR býður nú í
sjötta sinn til tónlistarhátíðarinnar
Bjartra sumarnátta í Hveragerði.
Þrennir tónleikar verða á hátíðinni; á
föstudagskvöld kl. 20.30, á laugardag
kl. 17.00 og á sunnudagskvöld kl.
20.30. Eins og venjulega býður tríóið
fimm gestum að leika og syngja með
sér á hátíðinni, og að þessu sinni eru
það Sólrún Bragadóttir sópransöng-
kona, Sif Tulinius fiðluleikari, Guð-
mundur Kristmundsson víóluleikari,
Bryndís Halla Gylfadóttir sellóleikari
og Miklós Dalmay píanóleikari. Tríó
Reykjavíkur er skipað þeim Pétri
Máté píanóleikara, Guðnýju
Guðmundsdóttur fiðluleikara og
Gunnari Kvaran sellóleikara.
Gunnar segir að dagskrá tón-
leikanna verði fjölbreytt.
„Við erum yfirleitt alltaf með eitt
veigamikið kammerverk á hverjum
tónleikum og svo smærri verk og
söngverk. Söngur er nú einu sinni
mjög vinsæll á Íslandi og ég segi oft í
gríni að ef maður ætlar út á land að
spila þyrfti maður helst að hafa kór
með sér í farteskinu til að vera örugg-
ur um góða aðsókn, eða góðan ein-
söngvara sem allir elska og þekkja.
Það er engin tilviljun að söngur
blómstrar á Íslandi, það er svo mikill
söngur í íslensku þjóðinni.
En það sem mér finnst hvað mest
heillandi við það sem við erum að gera
er þessi samvera okkar – að dvelja
hér í Hveragerði alla vikuna á undan
með þessu yndislega fólki. Og þótt
þetta sé fólk sem manni finnst maður
þekkja kynnist maður því enn betur
þegar við erum saman allan daginn,
alla vikuna. Við hristumst vel saman
og það myndast mjög yndisleg
stemmning í hópnum og gott and-
rúmsloft. Ég tala nú ekki um þegar
veðrið leikur svona við okkur eins og
það gerir núna.
Það er vel að okkur búið hér í
Hveragerði, með húsnæði og fæði, og
svo höfum við þessa fínu kirkju. Það
er nýbúið að breyta henni, taka út
teppin og setja flísar á gólfin í staðinn.
Hljómburðurinn er orðinn ennþá
betri og skýrari en hann var, og auk
þess er kirkjan bæði falleg og er af
þægilegri og góðri stærð fyrir tón-
leika af þessu tagi. Þótt maður sitji
aftast finnur maður samt nálægð í
kirkjunni. Þetta eru ákjósanlegustu
aðstæður og ég vona bara að við
stöndum undir þessu, og hef ekki trú
á öðru en að við gerum það. Það hefur
alltaf verið mjög ánægjulegt að koma
hingað og halda þessa tónleika.“
Ný lög eftir Atla Heimi
Sólrún Bragadóttir sópransöng-
kona er búsett í Danmörku, en kemur
til að syngja á hátíðinni.
„Ég syng lög eftir Schubert á
fyrstu tónleikunum, aríur á öðrum
tónleikunum og kammerverk eftir
Chausson fyrir sópran og píanókvin-
tett, og á þeim þriðju er komið að ís-
lensku sönglögunum. Þar frumflytj-
um við tvö lög eftir Atla Heimi
Sveinsson við ljóð eftir Ástu Sigurð-
ardóttur.“ Meðal íslensku laganna
eru tvö eftir Stefán Árna Kristjáns-
son. „Stefán er lítið þekkt tónskáld,
en þó hefur verið gefinn út geisladisk-
ur með sönglögum hans. Stefán bjó
fyrir norðan og er afi Ólafs F. Magn-
ússonar borgarfulltrúa. Ólafur er ná-
granni minn hér heima, og bankaði
einu sinni upp á með nótur og geisla-
disk með þessum lögum afa síns.“ Sól-
rún segir mjög gaman að syngja í
kammermúsík. „Það er gaman að
vinna á sviði, og gaman að vinna einn
með píanóleikara, en þetta er bara
önnur deild og mjög skemmtileg. Það
er líka algjör paradís að fá að vera hér
í Hveragerði þar sem aðstaðan er
svona góð. Hér höfum við allan dag-
inn til að vinna og æfa okkur, og mað-
ur getur alveg gleymt gluggapóstin-
um og svoleiðis löguðu. Þetta finnst
mér algjört æði, enda held ég að út-
koman hljóti að verða góð þegar það
er dekrað svona við mann. Svo er líka
fallegt hérna og veðrið svo yndislegt,
að þetta gæti ekki verið betra.“
Miklós Dalmay er líka einn af gest-
um Tríós Reykjavíkur á hátíðinni.
„Ég spila með Sólrúnu, meðal ann-
ars lögin eftir Atla Heimi. Þau eru
mikil fingraleikfimi – ég varð bara að
æfa mig!… enginn blaðlestur þar.
Annars eru miklar andstæður í lög-
unum. Það fyrra er frekar rólegt og
ljóðið í þjóðvísustíl, en meðleikurinn á
píanóið er samt svolítið öðruvísi. Í
seinna laginu spila ég bara eins hratt
og ég get! Það er eins konar samtal
söngins og píanósins. Hin íslensku
lögin eru öll í þessum síðrómantíska
stíl – eftir Sveinbjörn Sveinbjörnsson,
Jón Þórarinsson og fleiri, allt mjög
skemmtileg lög. Aríurnar sem við
flytjum á laugardeginum eru stórar
og miklar; La traviata, La Wally,
Systir Angelica og fleiri slíkar, allar
frekar þekktar. En fyrir utan að spila
með Sólrúnu spila ég með í kvartett
eftir Schumann á föstudagskvöldið,
en hann er stórt og mikið kammer-
verk og ekki mjög oft spilað. Þetta er
fallegt verk og mjög flott.
Það er sérstakt fyrir mig að vinna
svona. Við erum auðvitað öll búin að
æfa okkur heima, en svo komum við
hingað í nokkra daga að vinna sam-
spilið frá núllpunkti. Allir verða því að
vera mjög skipulagðir og einbeittir og
vel undirbúnir. Þetta er mjög spenn-
andi og ég er mjög glaður að fá að
vera með í þessum hópi.“
Á tónleikunum á föstudagskvöld kl.
20.30 verða flutt Sónata fyrir tvær
fiðlur eftir Leclair, sönglög eftir
Schubert og Píanókvartett í Es-dúr
eftir Schumann. Á laugardag kl. 17.00
verður leikið Tríó WoO 39 eftir
Beethoven, Elegía eftir Jósef Suk,
Ítölsk serenaða eftir Hugo Wolf og
Chanson perpetuelle op. 37 eftir
Chaussen og eftir hlé kemur að óp-
eruaríunum. Á sunnudagskvöldinu kl.
20.30 verða íslensk sönglög á dagskrá
sem fyrr segir, en einnig Ævintýri
eftir Leos Janacek og loks Kvintett
fyrir píanó og strengi eftir Sjostako-
vitsj. Það eru Menningarmálanefnd
Hveragerðis og Tónlistarfélag
Hveragerðis og Ölfuss sem standa
fyrir tónlistarhátíðinni Björtum sum-
arnóttum í samvinnu við Tríó Reykja-
víkur.
Tónlistarhátíðin Bjartar sumarnætur haldin í sjötta sinn í Hveragerði um helgina
„Þetta eru ákjósan-
legustu aðstæður“
Morgunblaðið/Halldór Kolbeins
Guðmundur Kristmundsson, Miklós Dalmay, Sif Tulinius, Pétur Máté, Guðný Guðmundsdóttir, Sólrún Braga-
dóttir og Gunnar Kvaran. Á myndina vantar Bryndísi Höllu Gylfadóttur.
GYÐA Ölvisdóttir sýnir vatnslita-
og akrýlmyndir á kaffihúsinu Við
árbakkann á Blönduósi.
Gyða, sem er lærður hjúkrunar-
fræðingur, stundaði fjarnám við
Handmenntaskóla Íslands árið 1988
í teiknun og málun. Á árunum 1992
til 1994 var Gyða í námi hjá Hjör-
dísi Bergsdóttur myndlistarkenn-
ara en að öðru leyti er hún sjálf-
menntaður myndlistarmaður.
Gyða hefur haldið sjö samsýn-
ingar og er þetta hennar sjöunda
einkasýning. Sýningin stendur út
mánuðinn og er opin á afgreiðslu-
tíma kaffihússins.
Myndirnar eru til sölu.
Morgunblaðið/Jón Sigurðsson
Verk Gyðu
sýnd á
Blönduósi
SÝNING á vegum Landsbókasafns
Íslands – Háskólabókasafns á bók-
menntum Íslendinga í Vesturheimi
hefur verið opnuð í bókasal Þjóð-
menningarhússins við Hverfisgötu.
Á sýningunni er athyglin dregin
að nokkrum þekktustu skáldanna og
einnig að blaðaútgáfu. Til sýnis eru
eiginhandrit m.a. Stephans G.
Stephanssonar, Káins og Guttorms
J. Guttormssonar, bréf Júlíönu Jóns-
dóttur og Jakobínu Johnson, prent-
aðar bækur og blöð.
Sýningin stendur út ágúst og er
opin á venjulegum afgreiðslutíma
Þjóðmenningarhússins frá 11–17.
Sýning á bókmenntum
Íslendinga í Vesturheimi