Morgunblaðið - 30.06.2002, Blaðsíða 16
16 SUNNUDAGUR 30. JÚNÍ 2002 MORGUNBLAÐIÐ
Fyrir rúmu ári hefðu fæstir þor-að að spá því að brasilíska
landsliðið í knattspyrnu myndi ná
svo langt. Liðið hafði átt í miklu
basli í undankeppni heimsmeist-
aramótsins og brasilíska knatt-
spyrnusambandið hafði skipt
þrisvar um þjálfara og Luiz Felipe
Scolari var nýtekinn við landslið-
inu.
Þrátt fyrir að Scolari hafi mætt
miklum mótbyr í upphafi, þar sem
liðið tapaði m.a. fyrsta leiknum
undir hans stjórn fyrir Úrúgvæ,
tókst honum með naumindum að
stýra liðinu inn á heimsmeistara-
mótið. Frammistaðan í undan-
keppninni gaf hinni knattspyrnu-
elskandi þjóð þó litla ástæðu til
þess að vera bjartsýn fyrir heims-
meistaramótið og brasilískir fjöl-
miðlar gagnrýndu Scolari fyrir að
velja ekki hinn gamalreynda sókn-
armann Romario í landslið sitt fyr-
ir keppnina, en hann hafði leikið
einkar vel með liði sínu Vasco da
Gama.
„Fyrstu þrír mánuðirnir voru
mjög erfiðir því ég var ekki tilbú-
inn og það var hreinasta helvíti
þegar við töpuðum fyrir Úrúgvæ,“
segir Scolari þegar hann lítur eitt
ár aftur í tímann.
Liðið hefur hins vegar sprungið
út á heimsmeistaramótinu og leik-
ið liða best og á nú möguleika á að
bæta fimmta heimsmeistaratitlin-
um í safnið. Scolari segir að liðið
hafi þegar sannað sig á mótinu.
„Jafnvel þótt við vinnum ekki á
sunnudaginn verða strákarnir
meistarar í mínum augum því ég
veit einn hvað þeir hafa þurft að
ganga í gegnum til þess að ná svo
langt á mótinu,“ segir Scolari.
Hann er hæfilega bjartsýnn fyr-
ir leikinn. „Þjóðverjar eru með vel
skipulagt lið og við berum mikla
virðingu fyrir þeim. Ég vil að mín-
ir leikmenn verði eins ákveðnir og
Þjóðverjar í baráttunni um bolt-
ann því þá geta einstakir leikmenn
skapað eitthvað óvænt,“ segir
Scolari.
Liðið endurheimtir einn besta
mann keppninnar, miðjumanninn
Ronaldinho, fyrir úrslitaleikinn en
hann tók út leikbann gegn
Tyrkjum í undanúrslitum. Hið
hættulega sóknartríó Ronaldo,
Rivaldo og Ronaldinho hefur því
sameinast aftur og er til alls lík-
legt, en leikmennirnir þrír hafa
skorað 13 af 16 mörkum liðsins á
mótinu.
Þeim til trausts og halds verða
m.a. hinir sókndjörfu bakverðir,
Roberto Carlos og Cafu, fyrirliði
liðsins. Cafu mun setja nýtt met í
leiknum því hann verður fyrsti
leikmaðurinn sem tekur þátt í
þremur úrslitaleikjum á heims-
meistaramóti. Hann kom inn á
sem varamaður þegar Brasilíu-
menn lögðu Ítali íúrslitaleiknum
árið 1994 og fyrir fjórum árum lék
hann allan leikinn þegar liðið tap-
aði fyrir Frakkalandi á heimavelli
Frakka.
Cafu segir mikilvægt að leik-
menn haldi einbeitingu í úrslita-
leiknum. „Það væri sorglegt ef við
misstum einbeitingu nú þegar við
höfum lagt svo mikið á okkur til
þess að komast svona langt í
keppninni. Við verðum að ljúka
verkefninu af sömu fagmennsku
og við höfum sýnt hingað til,“ seg-
ir Cafu.
Brasilíski snillingurinn Rivaldo
hefur loks náð sér á strik með
landsliðinu, en hann hefur oft ver-
ið gagnrýndur í heimalandinu fyrir
að leggja sig ekki fram í leikjum
liðsins. Rivaldo á möguleika á að
verða markahæsti maður keppn-
innar því hann hefur skorað fimm
mörk til þessa, einu færra en sam-
herji hans Ronaldo sem er marka-
hæstur. En hann stefnir að fleiri
titlum á mótinu. „Ég vil helst af
öllu vinna heimsmeistaratitilinn og
ef ég yrði valinn besti leikmaður
mótsins yrði það líka mikill heiður
fyrir mig,“ segir Rivaldo.
Rivaldo notaði tækifærið á
blaðamannafundi fyrir leikinn og
svaraði gagnrýnisröddum heima
fyrir sem ekki höfðu trú á liðinu
fyrir mótið. „Margir töldu fyrir að
við værum ekki sigurstranglegir
en við þögðum og einbeittum okk-
ur að því að bæta leik okkar. Enn
einu sinni erum við komnir í úr-
slitaleikinn og við hyggjumst
hampa heimsbikarnum,“ sagði
Rivaldo.
Líkleg byrjunarlið eru þannig –
nöfn, félagslið, aldur og landsleik-
ir:
Brasilía 3-5-2
Marcos, Palmeiras 28/22
Lucio, Leverkusen 24/22
Edmilson, Lyon 25/18
Roque Junior, AC Milan 25/23
Cafu, Roma 32/110
Kleberson, Paranaense 23/10
Gilberto Silva, Mineiro 25/13
Rivaldo, Barcelona 29/65
R. Carlos, Real Madrid 29/90
Ronaldinho, París SG 22/29
Ronaldo, Inter 25/63
Þýskaland 3-5-2
Kahn, Bayern 33/51
Linke, Bayern 32/40
Ramelow, Leverkusen 28/29
Metzelder, Dortmund 21/12
Frings, Werder Bremen 25/14
Hamann, Liverpool 28/45
Schneider, Leverkusen 28/15
Jeremies, Bayern 28/39
Bode, Werder Bremen 32/39
Klose, Kaiserslautern 24/18
Neuville, Leverkusen 29/35
Brasilíumenn stefna á fimmta heimsmeistaratitilinn
Reuters
Luiz Felipe Scolari, þjálfari
Brasilíumanna, ræðir hér
við markahrókana Ronald-
inho, Rivaldo og Ronaldo á
æfingu í gær. Umræðuefnið
hefur örugglega ekki verið
Romario, sem Scolari skildi
eftir heima, þrátt fyrir mik-
inn þrýsting.
Þrautagang-
an á enda?
ÞRÁTT fyrir að það sé ekki óvenjuleg sjón að sjá Brasilíumenn leika
til úrslita um heimsmeistaratitilinn í knattspyrnu kemur það eflaust
fjölmörgum á óvart að liðið skuli leika við Þjóðverja – en það voru
ekki margir sem reiknuðu með að þýska liðið kæmist alla leið á HM,
þar sem fyrir keppnina heltust margir af sterkustu leikmönnum
Þýskalands úr lestinni vegna meiðsla. Þau hafa verið þung skrefin
hjá brasilíska liðinu undanfarið ár vegna brösótts gengis liðsins, en
búast má við að þau verði öllu léttari er leikmenn ganga inn á Yoko-
hama-leikvanginn í Japan í dag.
NÝR Íslandsmeistari í holukeppni
karla verður krýndur í dag því sig-
urvegari sl. árs, Haraldur H. Heim-
isson úr GR, tapaði í 16-manna úrslit-
um keppninnar í gær. Guðmundur I.
Einarsson lagði Harald, 2:1.
BRASILÍSKI lansdliðsþjálfarinn
Luis Felipe Scolari ætlar að hætta
þjálfun liðsins að loknu HM en hann
stýrir liði sínu í úrslitum keppninnar
í dag gegn Þjóðverjum. Scolari til-
kynnti leikmönnum sínum ákvörðun
sína í gær.
ÁKVÖRÐUN Scolaris kemur
mjög á óvart og hefur formaður
knattspyrnusambands Brasilíu, Ric-
ardo Teixera, sagt að allt verði gert
til þess að Scolari haldi áfram sem
þjálfari liðsins. Tímasetning ákvörð-
unar Scolaris þykir vægast sagt und-
arleg þar sem liðið leikur til úrslita í
dag á HM.
FORRÁÐMENN enska úrvals-
deildarliðsins Leeds segja að sam-
band verði haft við sex aðila sem
komi til greina sem næstu knatt-
spyrnustjórar liðsins. David O’Leary
var sagt upp störfum á dögunum og
telja enskir fjölmiðlar líklegast að
Martin O’Neill sem stýrir nú Celtic í
Skotlandi en var áður hjá Leicester
taki við Leeds.
SEPP Blatter, formaður FIFA,
sagði í gær að of mörg lið væru í
bestu deildum Evrópu og það þyrfti
að fækka leikjum í deildarkeppnum
víðsvegar um Evrópu. Blatter sagði
að álagið á leikmenn væri of mikið og
því þyrftu forsvarsmenn deildana að
skoða sín mál gaumgæfilega á næstu
misserum. Blatter sagði ennfremur
að FIFA myndi grípa inní ef ekkert
yrði gert á þessum vettfangi.
FÓLK