Morgunblaðið - 30.06.2002, Blaðsíða 27
LISTIR
MORGUNBLAÐIÐ SUNNUDAGUR 30. JÚNÍ 2002 27
Heimsferðir kynna nú haustferðir
sínar til Kanaríeyja, þann 23.
október og 24. nóvember, en
Kanaríeyjar eru tvímælalaust
vinsælasti vetraráfangastaður Ís-
lendinga í dag. Við bjóðum nú
betri gistivalkosti en nokkru
sinni fyrr í hjarta ensku strand-
arinnar og að sjálfsögðu njóta
farþegar okkar rómaðrar þjónustu fararstjóra
Heimsferða allan tímann. Sigurður Guðmunds-
son verður að vanda með fjölbreytta skemmti- og
íþróttadagskrá, leikfimi og kvöldvökur til að
tryggja það að þú fáir sem mest út úr fríinu.
Skógarhlíð 18, sími 595 1000. www.heimsferdir.is
Fyrstu 50 sætin á sértilboði
Kanarí-
veisla
Heimsferða
í haust
frá kr. 56.165
Roque Nublo
Brottför
· 23. okt. - 32 nótt
· 24. nóv. - 23 nætur
Gististaðir Heimsferða
· Roque Nublo
· Los Tilos
· Los Volcanes
· Paraiso Maspalomas
· Tanife
· Dorotea23 nætur
Verð frá 56.165
24. nóvember, m.v. hjón með 2
börn á Tanife, 23 nætur.
Verð kr. 78.750
24. nóvember, m.v. 2 í íbúð,
Tanife, 23 nætur.
5. vikur
(32 nætur)
Vinsælasta ferðin
– tæpar 5 vikur á
frábæru verði
Verð frá 64.965
23. okt., m.v. hjón með 2 börn
á Tanife, 32 nætur.
Verð kr. 89.550
23. okt., m.v. 2 í íbúð, Tanife,
32 nætur.
Sumarútsala
40-50%
afsláttur
Laugavegi 71, sími 551 0424
Seyma
HIN árlega þjóðlagahátíð á Siglu-
firði hefst næstkomandi mánudag,
1. júlí, og stendur til 7. júlí.
Á opnunardegi kl. 21 í Siglu-
fjarðarkirkju flytur Kammerkór
Kópavogs útsetningar Þorkels
Atlasonar og Nuno Corte-Real á
þjóðlögum. Stjórnandi er hinn
portúgalski Paulo Lorenço.
Annan dag hátíðarinnar, þriðju-
daginn 2. júlí, kl. 20 leikur ástr-
alski frumbygginn Francis Fire-
brace á didgeridoo og þylur
sagnaþulur í Grána.
Klukkan 21.30 sama dag heldur
Danska þjóðlagadúóið söngva-
dagskrá.
Miðvikudaginn 3. júlí kl. 20 í
Grána verða flutt íslensk og ensk
þjóðlög af þeim Báru Grímsdóttur
söngkonu og Chris Foster gít-
arleikara.
21.30 kemur síðan jazztríóið Flís
fram í Siglufjarðarkirkju.
Fimmtudag, 4. júlí, verður flutn-
ingur á þjóðlagasafni séra Bjarna í
Siglufjarðarkirkju kl. 20 í útsetn-
ingu Hildigunnar Rúnarsdóttur og
í flutningi Mörtu G. Halldórsdóttur
sópran og Örns Magnússonar
píanóleikara.
Í Grána kl. 21.30 verða leikin
þjóðlög, spuni og ljóðleikur af
Nínu Björk Elíasson söngkonu,
Minnu Raskinen Kantele og Krist-
ínu Bjarnadóttur ljóðskáldi.
Föstudaginn 5. júlí í Nýja bíói kl.
20 verður söngleikurinn Kolrassa
eftir Þórunni Guðmundsdóttur
fluttur. Áhugamannaleikfélagið
Hugleikur flytur ásamt hljómsveit.
Á sama stað kl. 23 koma fram
Sturm und Drang frá Noregi.
Í Siglufjarðarkirkju kl. 14 á
laugardeginum verða leiknir þrír
strengjakvartettar eftir Jón Ás-
geirsson, í flutningi Eþos-
kvartettsins.
Klukkan 16 verður, einnig í
Siglufjarðarkirkju, sungin og spil-
uð ensk þjóðlagatónlist af Julie
Murphy og hljómsveit.
Síðan verður haldin upp-
skeruhátið þjóðlagahátíðar í Nýja
bíói kl. 20.
Sunnudaginn 7. júlí kl. 11 verð-
ur helgistund í Skógræktinni í
Skarðdal þar sem listamenn verða
þátttakendur. Auk ofantalinnar
dagskrár verða haldin námskeið í
tengslum við hátíðina. Viðfangs-
efni námskeiðanna verða: Útsetn-
ingar og spuni út frá þjóðlögum.
rímnakveðskapur, barnagælur og
þulur, þjóðdansanámskeið, að
leika undir á gítar, áströlsk frum-
byggjamenning, silfursmíði I, silf-
ursmíði II, skreyting ullar með
roði og loks Siglufjörður – saga og
náttúra.
Einnig verða haldin barna-
námskeið, en þau eru: Þjóðdans-
anámskeið barna (9 ára og yngri),
leikjanámskeið (9 ára og yngri) og
leiklistarnámskeið (10 ára og
eldri)
Einnig munu listamenn hátíð-
arinnar halda erindi daglega kl. 10
til 12 dagana 2. til 5. júlí auk þess
sem haldið verður málþing laug-
ardaginn 6. júlí þar sem umfjöll-
unarefnið er Guðmundur dúllari.
Frummælendur á málfundinum
verða Þórarinn Eldjárn skáld,
Smári Ólason tónlistarmaður og
Rósa Þorsteinsdóttir fræðimaður
hjá Stofnun Árna Magnússonar.
Þjóðlagahátíð verður haldin á Siglufirði dagana 1. til 7. júlí.
Fjölbreytt dagskrá þjóðlagahátíðar
ÚT ER komin bók-
in Framtíðarsýn
innan heilsu-
gæsluhjúkrunar í
ritstjórn Herdísar
Sveinsdóttur og
Ara Nyysti.
Í bókinni er að
finna umfjöllun
hjúkrunarfræð-
inga og annarra um hjúkrun innan
heilsugæslunnar. Bókin byggir á er-
indum sem flutt voru á ráðstefnu
sem haldin var á vegum Rann-
sóknastofnunar í hjúkrunarfræði og
Heilsugæslunnar í Reykjavík.
Ráðstefnan var haldin haustið
2001 og var tileinkuð minningu dr.
Guðrúnar Marteinsdóttur, dósents í
hjúkrunarfræði. Í bókina hafa bæst
við kaflar sem ekki voru til umfjöll-
unar á ráðstefnunni. Bókin gefur,
skv. fréttatilkynningu, góða yfirsýn
yfir það fjölbreytilega starf sem
hjúkrunarfræðingar vinna innan
heilsugæslunnar í dag. Fjallað er
um ungbarnavernd, skólahjúkrun,
unglinga og þjónustu heilsugæsl-
unnar við þá, reykingavarnir, þjón-
ustu við foreldra, stefnumótun,
umönnun aldraðra og starfsánægju
hjúkrunarfræðinga svo fátt eitt sé
nefnt. Bókin er 256 blaðsíður og í
kiljuútgáfu.
Hjúkrun
HIN árlega Jazzhátíð á Egilsstöðum
verður haldin, undir leiðsögn Árna
Ísleifssonar, dagana 10. til 13. júlí.
Meðal þeirra sem koma fram eru
J.J. Soul Band, Húsavíkurdeild
Dudda Run, Hrafnaspark frá Akur-
eyri og Hans Kwaakernaat ásamt
tríói Björns Thoroddsens. Loks spil-
ar sænski baríton-saxófónleikarinn
Cecilia Wennerström.
Jazzhátíð á
Egilsstöðum
♦ ♦ ♦