Morgunblaðið - 02.07.2002, Side 12

HÖFUÐBORGARSVÆÐIÐ
12 ÞRIÐJUDAGUR 2. JÚLÍ 2002 MORGUNBLAÐIÐ
FRAMKVÆMDIR við útivist-
arsvæði í Fossvogsdalnum
eru vel á veg komnar en þar
hafa nú verið myndaðar
tjarnir og lækir þar sem ætl-
unin er að nýta regnfrá-
rennsli, endurheimta vot-
lendi, bæta aðgengi um
svæðið með stígum og brúm
og skapa aðlaðandi umhverfi
og áhugaverða áningarstaði.
Harald Alfreðsson, verk-
fræðingur hjá Gatna-
málastofu, segir stefnt að því
að ljúka framkvæmdum nú í
júlí en eftir er að sá í þau
svæði er liggja að tjörnunum
og lækjunum.
Verktaki við framkvæmd-
irnar er Fleygtak en það eru
Reykjavíkurborg og Kópa-
vogsbær sem standa að þeim.
Heildarkostnaður verkefn-
isins er um 70-100 milljónir
króna sem skiptist jafnt á
milli sveitarfélaganna.
Tjarnir og lækir taka á sig mynd
Fossvogsdalur
Morgunblaðið/Þorkell
FJÖLMENNI var við opnun
Sögusafnsins síðastliðinn
laugardag en safnið er til
húsa í einum af hitaveitu-
tönkunum í Perlunni.
Það var borgarstjórinn í
Reykjavík, Ingibjörg Sólrún
Gísladóttir, sem opnaði safn-
ið og bauð velkominn fyrsta
gest þess, Ólaf Ragnar
Grímsson forseta Íslands.
Á myndinni eru auk Ingi-
bjargar og Ólafs hjónin
Ágústa Hreinsdóttir og
Ernst Backman sem hafa veg
og vanda af safninu. Í því
gefur að líta ýmsar sögu-
frægar persónur og stór-
viðburði Íslandssögunnar
auk þess sem gestir eiga þess
kost að hlýða á frásögn af því
sem fyrir augu ber. Eru
brúðurnar á safninu 30 tals-
ins.
Safnið er opið alla daga
milli klukkan 10 og 18.
Morgunblaðið/Jón Svavarsson
Íslandssagan
í hitaveitutanki
Öskjuhlíð
EIGENDUR parhúss við
Rituhöfða í Mosfellsbæ hafa
tilkynnt bænum málshöfðun
vegna mistaka sem áttu sér
stað við skipulagningu lóðar-
innar sem hús þeirra stendur
á. Bærinn hefur áður hafnað
bótakröfu eigendanna.
Í álitsgerð verkfræðings og
lögfræðings vegna málsins
kemur fram að vegna mistaka
var parhúsið útsett á rangan
hátt á lóðinni miðað við skipu-
lag hennar. Eigendur hússins
keyptu það, þegar húsið var í
byggingu og ekki var búið að
ganga frá götunni.
Síðar kom í ljós að húsið var
ranglega staðsett miðað við
önnur hús í götunni. „Afleið-
ingar mistakanna voru þær,
að sýnt þótti, að ómögulegt
væri að leggja bíl við bílskúra
hússins,“ segir í álitsgerðinni.
Þá segir að þegar mistökin
hafi verið uppgötvuð hafi ver-
ið ákveðið að færa gangstétt-
ina við húsið út um tvo metra
og sleppa þremur gestabíla-
stæðum sem áttu að vera við
það en annar kostur hefði ver-
ið að rífa húsið og færa það
aftar í lóðina með tilheyrandi
kostnaði.
Skaðinn metinn á
tæpar þrjár milljónir
Eigendur hússins kröfðust
bóta vegna mistakanna og var
ákveðið á fundi þeirra með
bæjarstjóra að fá hlutlausa
aðila, fyrrnefndan verkfræð-
ing og lögfræðing, til að
leggja mat á kröfuna. Er það
mat þeirra að rétt sé að Mos-
fellsbær greiði bætur til eig-
endanna, samtals að fjárhæð
2.990.000 krónur. Kemur þó
fram í álitsgerðinni að mats-
mennirnir leggja til að bæt-
urnar verði greiddar án við-
urkenningar á bótaskyldu.
Í bréfi sem bæjaryfirvöld
sendu eigendunum í byrjun
maí segir að eftir yfirferð hafi
bæjarráð samþykkt að hafna
álitsgerðinni og bótakröfunni.
Á fundi bæjarráðs síðastlið-
inn fimmtudag var svo lagt
fram erindi lögmanns eig-
endanna þar sem tilkynnt er
að óskað verði eftir dóm-
kvaðningu matsmanna fyrir
Héraðsdómi Reykjavíkur og
að eigendurnir muni krefjast
fullra skaðabóta auk útlagðs
kostnaðar sem af málaferlum
muni hljótast. Segir í bréfinu
að eigendurnir séu reiðubúnir
til að sækja málið bæði fyrir
Héraðsdómi og Hæstarétti
gerist þess þörf.
Á fundinum var bæjar-
stjóra falið að kanna hvort vá-
tryggingavernd Mosfellsbæj-
ar næði yfir atvikið. Að sögn
Ragnheiðar Ríkharðsdóttur,
bæjarstjóra Mosfellsbæjar,
er sú athugun í gangi og er
vonast eftir niðurstöðu henn-
ar sem fyrst. „Þetta er á leið-
inni til dómstóla og þá er eins
gott að allir hlutir séu klárir.
Það er ljóst að það er tjón en
það er spurning hver er bóta-
skyldur.“
Hún bendir á að álitsgerðin
hafi gert ráð fyrir að bærinn
greiddi ákveðna upphæð án
viðurkenningar á bótaskyldu.
„Það hefur ákveðið fordæm-
isgildi að ákveða að greiða
eitthvað án þess að viður-
kenna að maður sé bótaskyld-
ur og þess vegna er best að
ganga úr skugga um hver er
staða bæjarins gagnvart
þessu máli.“
Krefjast skaðabóta vegna
mistaka við útmælingu
Mosfellsbær
EKKI er biðlisti eftir leik-
skólaplássi á Seltjarnar-
nesi að því er fram kemur
í fréttatilkynningu frá
bænum. Segir þar að öll
börn, sem verði tveggja
ára á árinu, hafi fengið út-
hlutað leikskólaplássi fyr-
ir haustið.
Allt niður í 18 mánaða
Í fréttatilkynningunni
kemur fram að hægt hafi
verið að veita þessum hópi
pláss þar sem nýr hópur
barna hefji skólagöngu í
sumar og á haustmánuð-
um. Þá hafi nokkrum hópi
barna yngri en tveggja
ára og allt niður í 18 mán-
aða verið úthlutað leik-
skólaplássi.
Seltjarnarnesbær rekur
tvo leikskóla, Mána-
brekku og Sólbrekku, og
eru þar rými fyrir rúm-
lega 200 börn. Þá er fyr-
irhugað að byggja nýjan
leikskóla á kjörtímabilinu.
„Samhliða byggingu hans
verða m.a. kannaðir
möguleikar á að lækka
inntökualdur barna í leik-
skólum á Seltjarnarnesi á
næstu árum,“ segir í
fréttatilkynningunni.
Engir leik-
skólabiðlistar
Seltjarnarnes
KYLFINGAR í Garðabæ og
Kópavogi fögnuðu stórum
áfanga á föstudag er 18 holu
golfvöllur Golfklúbbs Kópa-
vogs og Garðabæjar við Víf-
ilsstaði var formlega opnaður.
Unnið hefur verið við fram-
kvæmdir á vellinum frá árinu
1993 en byrjað var að stunda
golf á þessum stað árið 1990.
Fyrri hluti vallarins var
opnaður árið 1996 og síðan
hefur verið unnið að því að
koma vellinum í það horf sem
hann er nú í þannig að hægt
væri að leika völlinn í 18 hol-
um samkvæmt vallarteikn-
ingunni frá 1993.
Það var Gunnlaugur Sig-
urðsson, formaður GKG, sem
opnaði völlinn en að því loknu
kepptu unglingar úr klúbbn-
um um að hitta sem næst
holu á 9. og 18. braut vall-
arins. Var fjöldi golfara
mættur til að taka þátt í há-
tíðarhöldum í tilefni af opn-
uninni.
Morgunblaðið/Golli
Gunnar Birgisson, formaður bæjarráðs Kópavogs, Sigur-
rós Þorgrímsdóttir, bæjarstjórnarfulltrúi í Kópavogi,
Laufey Jóhannsdóttir, forseti bæjarstjórnar Garðabæjar,
Guðmundur Ólafsson, gjaldkeri GKG, og Gunnlaugur Sig-
urðsson, formaður klúbbsins.
Formleg opnun
18 holu golfvallar
Garðabær/Kópavogur
VISTMENN og starfsfólk
Droplaugarstaða hélt upp á
tuttugu ára afmæli heimilis-
ins á föstudaginn og var
margt um að vera í tilefni
dagsins.
Að sögn Guðrúnar Karls-
dóttur, starfsmanns Drop-
laugarstaða, var grillað og há-
tíðarmatur var í boði. Veðrið
setti strik í reikninginn, þar
sem það var ausandi rigning
og náðist því aðeins að grilla
pylsur, en kjötið var matreitt
inni á hefðbundinn máta.
Börnin í leikskólanum Sól-
hlíð sungu fyrir vistmenn og
vakti það mikla ánægju
þeirra á meðal. Síðan kom
Músíkbandið í Gerðubergi,
sem er söngflokkur eldri
borgara, og tók það einnig
lagið.
Guðrún segir að vistmenn
hafi verið mjög ánægðir með
daginn og var þetta heilmikil
tilbreyting frá daglegu
amstri. Að hennar sögn eru
68 vistmenn á Droplaugar-
stöðum á tveimur hæðum.
Báðar deildirnar eru hjúkr-
unardeildir, en áður var vist-
deild á neðstu hæð. Margir
íbúanna eru komnir yfir ní-
rætt og þurfa mikla umönn-
un.
Morgunblaðið/Árni Sæberg
Börnin í leikskólanum Sólhlíð sungu fyrir íbúa á Droplaugarstöðum í tilefni afmælisins.
Ungir sem aldnir á tuttugu
ára afmæli Droplaugarstaða
Austurbær