Morgunblaðið - 02.07.2002, Qupperneq 17

SUÐURNES
MORGUNBLAÐIÐ ÞRIÐJUDAGUR 2. JÚLÍ 2002 17
ÞRÍR ráðherrar munu á morgun
opna Brú milli heimsálfa sem komið
hefur verið upp á gjá við veginn milli
Hafna og Reykjanesvita. Opna þeir
brúna með því að ganga frá „Evr-
ópu“ til „Ameríku“ og til baka.
Göngubrúin er táknræn brú milli
meginlandsflekanna sem mætast á
Íslandi. Klukkan 15 á morgun mun
Hjálmar Árnason alþingismaður,
formaður verkefnisnefndar á vegum
Markaðs- og atvinnumálaskrifstofu
Reykjanesbæjar, afhenda Árna Sig-
fússyni bæjarstjóra Reykjanesbæj-
ar brúna við athöfn á staðnum. Davíð
Oddsson forsætisráðherra, Halldór
Ásgrímsson utanríkisráðherra og
Sturla Böðvarsson samgönguráð-
herra verða viðstaddir og opna
brúna með því að ganga yfir hana.
Athöfnin er opin þeim sem hana
vilja sækja. Johan D. Jónsson ferða-
málafulltrúi segir að framtakið hafi
vakið athygli, meðal annars hafi
fjöldi fólks skoðað brúna um helgina.
Þrír ráð-
herrar
ganga yfir
Reykjanes
SJÚKRAFLUTNINGAMENN hjá
Brunavörnum Suðurnesja voru kall-
aðir út nítján sinnum á dag- og næt-
urvakt síðastliðins miðvikudags. Er
þetta óvenjulega mikið, sérstaklega
þegar tekið er tillit til þess að venju-
lega er um það bil helmingur sjúkra-
flutninga liðsins til Reykjavíkur.
Að sögn Jóns Guðlaugssonar vara-
slökkviliðsstjóra hjá Brunavörnum
Suðurnesja hefur verið lítið að gera
að undanförnu, fyrir utan þennan
annasama miðvikudag. Þannig voru í
síðustu viku aðeins 10 sjúkraflutn-
ingar, til viðbótar þeim 19 sem voru á
miðvikudag, og tvö brunaútköll að
auki en bæði vegna minniháttar
bruna.
Nítján flutn-
ingar á einum
sólarhring
Reykjanesbær/Garður/Vogar
YFIRMAÐUR flotastöðvar varn-
arliðsins á Keflavíkurflugvelli,
Dean M. Kiyohara kafteinn, afhenti
nýlega starfsmönnum varnarliðsins
viðurkenningar vinnueftirlitsins á
Keflavíkurflugvelli fyrir slysalaust
ár. Alls hlutu 233 íslenskir starfs-
menn og liðsmenn varnarliðsins við-
urkenningar, þar á meðal einn sem
stjórnað hefur slysalausum vinnu-
stað í 35 ár.
Árlega eru viðurkenningar sem
þessar afhentar verkstjórum, bíl-
stjórum og öðrum sem vinna við
störf sem krefjast sérstakrar ár-
vekni svo og starfsmönnum sem
skarað hafa fram úr við eflingu ör-
yggismála. Meðal þeirra sem hlutu
viðurkenningu að þessu sinni voru
46 verkstjórar, en einn þeirra,
Theodór Þorvaldsson, hlaut við-
urkenningu fyrir stjórnun í 35 slysa-
laus ár á sínum vinnustað. Þá hlutu
124 ökumenn viðurkenningar fyrir
öruggan og áfallalausan akstur og
meðhöndlun tækja sinna. Þeirra á
meðal voru nokkrir sem starfað
hafa samfellt í 20-26 ár án óhappa.
Stjórnað slysalaus-
um vinnustað í 35 ár
Halldór Vilhjálmsson, fræðslu- og þjálfunarstjóri slökkviliðsins, tekur
við sérstakri viðurkenningu úr hendi Deans M. Kiyohara kafteins.
Keflavíkurflugvöllur
LÖGREGLAN stöðvaði bíl á Hafn-
argötu í Keflavík á laugardagskvöld
vegna þess að úr honum var verið að
veifa byssu og hnífum.
Í bílnum voru þrjú ungmenni.
Voru þau flutt á lögreglustöð og eftir
að þeim hafði verið gerð grein fyrir
því að þetta mættu þau ekki gera var
þeim sleppt úr haldi. Byssan reynd-
ist vera leikfangabyssa sem leit út
eins og marghleypa. Einnig fundust
tveir hnífar með löngum blöðum sem
báðir voru taldir ólöglegir. Var þessu
vopnasafni haldið eftir þegar eigend-
unum var sleppt.
Veifuðu leik-
fangabyssu
Keflavík