Morgunblaðið - 02.07.2002, Síða 21

VIÐSKIPTI/ATHAFNALÍF
MORGUNBLAÐIÐ ÞRIÐJUDAGUR 2. JÚLÍ 2002 21
EIGENDUR Veritas Capital ehf.,
sem á 80% hlut í Pharmaco Ísland
ehf., eru: Stormtré ehf. með 60%
hlut, Ares ehf. með 20% hlut og
Kaupþing banki hf. með 20% hlut.
Stormtré ehf. er í eigu bræðranna
Hreggviðs og Jóhanns A. Jónssona
og Ares ehf. er fjárfestingarfélag í
eigu Norvik hf. sem er móðurfélag
BYKO hf. Pharmaco hf. verður
áfram eigandi 20% hlutafjár í
Pharmaco Ísland ehf.
Síðasta föstudag var gengið frá
kaupum eignarhaldsfélagsins Ver-
itas Capital ehf. á 80% hlut í
Pharmaco Ísland ehf. Kaupin eru
byggð á kauptilboði frá Hreggviði
Jónssyni sem stjórn Pharmaco hf.
samþykkti 17. maí síðastliðinn.
Hreggviður Jónsson tók við starfi
forstjóra Pharmaco Ísland ehf. í
gær. Hann sagði í samtali við
Morgunblaðið að engar breytingar
væru fyrirhugaðar á rekstri félags-
ins. Það verði áfram rekið eins og
verið hefur, að því undanskildu að
nú standi það á eigin fótum. Hann
sagði að nýkjörna þriggja manna
stjórn félagsins skipi Sindri Sindra-
son, fyrir hönd Pharmaco hf., og
Halla Tómasdóttir og Jón Helgi
Guðmundsson forstjóri BYKO, fyrir
hönd Veritas Capital. Jón Helgi
hefur verið kjörinn stjórnarformað-
ur.
KPMG Endurskoðun hf. og Log-
os Lögmannsþjónusta sf. fram-
kvæmdu áreiðanleikakannanir á
Pharmaco Ísland ehf. fyrir hönd
kaupanda. Íslandsbanki hf. sá um
fjármögnun kaupanna og fór fram
fullnaðaruppgjör á kaupverði sl.
föstudag.
Nýtt félag um
snyrtivörudeild
Stofnað hefur verið sérstakt félag
um rekstur snyrtivörudeildar
Pharmaco Ísland ehf. sem hlotið
hefur nafnið Cosnor ehf., að því er
fram kemur í fréttatilkynningu frá
Pharmaco Ísland ehf.
Hreggviður og Jóhann Jónssynir með 60% í Veritas Capital
Ný stjórn Pharmaco Ísland
STAÐFESTUR hefur verið samn-
ingur Kaupþings banka hf. og JP
Nordiska AB um kaup þess fyrr-
nefnda á 28% hlut í JP Nordiska
AB. Öllum skilyrðum samningsins,
sem undirritaður var hinn 7. júní
sl., hefur nú verið fullnægt, þar
sem hluthafafundur í JP Nordiska
AB samþykkti samhljóða sl. föstu-
dag að gefa út 16.976.461 nýja
hluti í félaginu til Kaupþings
banka hf. sem Kaupþing banki hf.
hefur greitt fyrir með öllum hlut-
um sínum í Aragon Holding AB.
Jafnframt liggur fyrir samþykki
Fjármálaeftirlitsins í Svíþjóð um
eignaraðild að JP Nordiska AB og
dótturfélaga þess eftir viðskiptin,
að því er fram kemur í tilkynningu
til Kauphallar Íslands.
Kaup á 28%
í JP Nordiska
staðfest
ALÞJÓÐLEGA lánshæfimatsfyrir-
tækið FITCH IBCA hefur staðfest
óbreytt lánshæfismat Landsbankans.
Í fréttatilkynningu frá Landsbank-
anum segir að þessi niðurstaða bygg-
ist á sterkri ímynd Landsbankans og
því að tekist hefur að viðhalda og
bæta afkomu bankans á síðasta ári
þrátt fyrir erfiðleika í efnahagslegu
umhverfi bankans og lækkanir á
hlutabréfamörkuðum. „Þykir Fitch
mikilvægt að tekist hefur að auka fjöl-
breytni í tekjustofnum Landsbank-
ans og ljóst er að það hefur átt stóran
þátt í góðri afkomu síðasta árs.
Þá er fjárhagsstaða, þ.m.t. lausa-
fjárstaða, Landsbankans sterk og
gæði útlána viðunandi þrátt fyrir
nokkra aukningu í vanskilum,“ segir í
fréttatilkynningu Landsbankans.
Framtíðarþróun varðandi lánshæfis-
mat bankans mun markast að veru-
legu leyti af áframhaldandi kostnað-
araðhaldi bankans og aukinni hag-
ræðingu. Jafnframt er á það bent að
samþjöppun á fjármálamarkaði muni
geta leitt til almennrar hagræðingar.
Einnig mun áframhaldandi aðhald í
útlánum og viðhald á gæðum útlána
vega þungt í mati FITCH.
FITCH með
óbreytt láns-
hæfismat
á Lands-
bankanum
♦ ♦ ♦
♦ ♦ ♦
KAUPÞING banki hf. og Fjárfest-
ingarfélagið Gaumur ehf. hafa gert
með sér nýja valréttarsamninga
um hlutabréf í Baugi Group hf. en
þeir valréttarsamningar sem gerðir
voru í desember á síðasta ári og
voru í gildi til föstudagins 28. júní
sl. runnu út án þess að samningsað-
ilar nýttu sér rétt sinn, að því er
fram kemur í tilkynningum til
Kauphallar Íslands.
Samkvæmt nýju samningunum
hefur Kaupþing hinn 20. desember
nk. rétt til að selja Gaumi 150 millj-
ónir að nafnvirði af hlutabréfum í
Baugi Group hf. á verðinu 11,00.
Gaumur hefur á sama tíma rétt til
að kaupa af Kaupþingi 150 millj-
ónir að nafnvirði af hlutabréfum í
Baugi Group hf. á verðinu 13,00.
Valréttarsamningarnir sem til-
kynntir voru 28. desember í fyrra
og runnu út á föstudag voru með
sama hætti annars vegar söluréttur
Kaupþings gagnvart Gaumi á 250
milljónum að nafnvirði í Baugi og
hins vegar kaupréttur Gaums
gagnvart Kaupþingi að sömu upp-
hæð.
Kaupþing og
Gaumur gera
nýja valrétt-
arsamninga