Morgunblaðið - 26.07.2002, Blaðsíða 10

FRÉTTIR
10 FÖSTUDAGUR 26. JÚLÍ 2002 MORGUNBLAÐIÐ
VALGERÐUR Sverrisdóttir, iðnað-
ar- og viðskiptaráðherra, segir að
sér lítist mjög vel á hvað það er mik-
ill áhugi á Landsbankanum og Bún-
aðarbankanum. Viðbrögð fjárfesta
við auglýsingu framkvæmdanefndar
um einkavæðingu, þar sem leitað var
eftir tilkynningum frá áhugasömum
fjárfestum um hugsanleg kaup á hlut
ríkisins í bönkunum, séu vonum
framar.
Nú taki við vinna við það að fara í
gegnum þau erindi sem borist hafi,
ræða við viðkomandi aðila og fá fram
hvað þeir hafi í huga. Um líkur á
samningum um kaup fjárfesta á hlut
í bönkunum segir hún ekki tímabært
að segja til um á þessu stigi. Farið
hafi verið af stað í þetta ferli með það
í huga að selja hlut ríkisins í bönk-
unum, en ekki sé hægt að fullyrða
hvort af því verður.
Valgerður segir að áður hafi verið
gerð tilraun til að selja erlendum
fjárfestum hlut í bönkunum, sem
ekki hafi borið árangur. Nú hafi hins
vegar fyrst og fremst verið leitað eft-
ir áhugasömum fjárfestum á Íslandi
og því hafi einungis verið auglýst eft-
ir þeim hér.
Valgerður
Sverrisdóttir
Áhugi á
bönkunum
vonum
framar
ÓLAFUR Davíðsson, formaður
framkvæmdanefndar um einkavæð-
ingu, segir að nefndin muni ræða við
þá sem sendu inn tilkynningar um
áhuga á kaupum á hlut í Landsbank-
anum og Búnaðarbankanum strax í
næstu viku. Unnið verði úr því í
framhaldinu og staðan metin. Hann
segist ekki geta sagt til um hve lang-
an tíma þessi vinna muni taka. Það
verði að koma í ljós.
Ólafur Davíðsson
Rætt við
fjárfesta í
næstu viku
FIMM aðilar sendu inn tilkynningu
til framkvæmdanefndar um einka-
væðingu vegna áhuga á mögulegum
kaupum á a.m.k. fjórðungshlut rík-
isins í Landsbankanum og Búnaðar-
bankanum. Lögmaður Björgólfs
Thors Björgólfssonar, Magnúsar
Þorsteinssonar og Björgólfs Guð-
mundssonar staðfesti með bréfi fyrri
áhuga þremenninganna á viðræðum
vegna kjölfestuhluta í Landsbankan-
um og tekið fram að áhugi þeirra
taki einnig til Búnaðarbankans.
Þá sendi Þórður Magnússon inn
tilkynningu fyrir hönd fjárfesta en í
erindi Þórðar var ekki tilgreint nán-
ar hvaða fjárfestar ættu þar í hlut að
öðru leyti en því að þar væru meðal
annars núverandi hluthafar í Bún-
aðarbankanum.
Þriðji aðilinn er Eignarhaldsfélag-
ið Andvaka, Eignarhaldsfélagið
Samvinnutryggingar, Fiskiðjan
Skagfirðingur, Ker hf., Kaupfélag
Skagfirðinga svf., Samskip hf. og
Samvinnulífeyrissjóðurinn. Fjórði
aðilinn er Íslandsbanki og að lokum
Fjárfestingarfélagið Kaldbakur.
Í tilkynningu frá framkvæmda-
nefndinni segir: „Með auglýsingu
framkvæmdanefndar um einkavæð-
ingu 11. júlí sl. óskaði nefndin, f.h.
viðskiptaráðherra, eftir tilkynning-
um frá áhugasömum fjárfestum um
kaup á a.m.k. 25% hlut í Landsbanka
Íslands hf. og Búnaðarbanka Ís-
lands. (–) Framkvæmdanefnd um
einkavæðingu mun á næstu dögum
ræða við þá sem sendu inn tilkynn-
ingu.“
Fyrrverandi eigendur Gild-
ingar á meðal fjárfestanna
Valur Valsson, forstjóri Íslands-
banka, segir að bankinn hafi sent inn
tilkynningu þar sem óskað sé eftir
viðræðum. „Að öðru leyti munum við
gera frekari grein fyrir því á morgun
(í dag) í hverju erindið er fólgið og á
þessu stigi er engu við þetta að
bæta.“
Þórður Magnússon segist að svo
stöddu ekki vilja segja annað en að
hann komi fram fyrir hönd fjárfesta
sem óski eftir að koma að viðræðum
um sölu á eignarhlut ríkisins í Bún-
aðar- og Landsbanka Íslands og að á
meðal hugsanlegra fjárfesta séu m.a.
hluthafar í Búnaðarbanka Íslands
sem eignuðust hlut í bankanum við
sameiningu Gildingar fjárfestingar-
félags og Búnaðarbankans. Spurður
um að hvorum bankanum áhugi fjár-
festanna beinist segir Þórður að
formið á auglýsingunni hafi verið
með þeim hætti að í erindinu sé það
ekki tilgreint. Kristinn Hallgrímsson
hæstaréttarlögmaður sendi inn til-
kynningu fyrir hönd Eignarhalds-
félagsins Andvara, Eignarhalds-
félagsins Samvinnutryggingar,
Fiskiðjunnar Skagfirðings, Kers hf.,
Kaupfélags Skagfirðinga svf., Sam-
skipa hf. og Samvinnulífeyrissjóðs-
ins.
Hugsanlegt að fleiri
komi að málinu síðar
Aðspurður segir Kristinn að í er-
indinu komi fram áhugi á báðum
bönkunum. Spurður um erlent fjár-
magn segist Kristinn vísa til þess að
það sé hugsanlegt að fleiri aðilar
komi að þessu seinna. „Menn líta á
þessa banka sem spennandi fjárfest-
ingarkost og vilja gjarna taka þátt í
þeim umbreytingum sem fyrirsjáan-
legar eru á íslenskum fjármálamark-
aði.“
Eins og fram kom í Morgun-
blaðinu veitti stjórn Fjárfestingar-
félagsins Kaldbaks hf., sem er að
mestu í eigu KEA, Samherja á Ak-
ureyri og Lífeyrissjóðs Norðurlands,
framkvæmdastjóra félagsins heimild
til að leggja inn erindi. Eiríkur S. Jó-
hannsson, framkvæmdastjóri Kald-
baks, hefur sagt að engin launung sé
á því að félagið hafi rætt við aðra
fjárfesta, innlenda sem erlenda, um
mögulega þátttöku. Ef af slíku sam-
starfi yrði myndi Kaldbakur þó eftir
sem áður leiða þann hóp.
Áhuginn tekur einnig
til Búnaðarbankans
Í bréfi lögmanns Björgólfs Thors
Björgólfssonar, Magnúsar Þor-
steinssonar og Björgólfs Guðmunds-
sonar sem sent var framkvæmda-
nefndinni segir að með bréfi
umbjóðenda hans frá 27. júní til
Framkvæmdanefndar um einkavæð-
ingu hafi verið óskað eftir viðræðum
við nefndina um kaup á kjölfestuhlut
í Landsbanka Íslands hf. „Umbjóð-
endur mínir telja að ofanritað bréf
feli í sér tilkynningu frá þeim um
áhuga á kaupum á eignarhlut í
Landsbanka Íslands hf. Með bréfi
þessu er staðfest ósk umbjóðenda
minna um viðræður við Fram-
kvæmdanefnd um einkavæðingu á
grundvelli þeirra forsenda sem fram
komu í bréfi þeirra dags. 27. júní
2002. Með vísan til auglýsingar
Framkvæmdanefndar um einkavæð-
ingu lýsa umbjóðendur mínir því yfir
að ofanritað bréf þeirra beri einnig
að skoða sem tilkynningu um áhuga
á kaupum í Búnaðarbanka Íslands
hf. á grundvelli sömu forsenda.“
Morgunblaðið/Arnaldur
Framkvæmdanefnd um einkavæðingu fór yfir bréf þeirra fimm sem lýst hafa áhuga á kaupum á hlut í Búnaðarbanka og Landsbanka.
Fjárfestar lýsa áhuga á
hlut í báðum bönkunum
♦ ♦ ♦
BORGARSTJÓRANUM í
Reykjavík hefur borist bréf frá
Hreggviði Jónssyni, þar sem
skorað er á borgarstjóra að hafa
forgöngu um að borgarlögmanni
verði falið að gera kröfu til fjár-
muna Reykvíkinga sem felist í
SPRON.
Í bréfinu segir að mikil átök
hafi staðið um eignarhald á
SPRON undanfarið og í máli
beggja hópa, sem berjist um yf-
irráðin, hafi komið skýrt fram að
talið sé að um 2,8 milljarðar króna
séu í sérstökum sjóði, sem verja
eigi til menningar- og líknarmála.
Nota á fjármunina
í viðkomandi bæjarfélagi
Samkvæmt nýjum lögum um
sparisjóði jafnt sem eldri er hér
um fjármuni að ræða sem nota á í
viðkomandi bæjarfélagi, segir
ennfremur í bréfinu og í þessu til-
felli er það Reykjavík. Því til
stuðnings er bent á að bæjar-
stjórn og síðar borgarstjórn
Reykjavíkur hafi í fjölda ára skip-
að menn í stjórn SPRON.
Hreggviður fer fram á það, sem
borgari í Reykjavík, að gerð verði
krafa til þessara fjármuna og
einnig verði kannað hvort og hver
réttur Reykvíkinga sé til þess
hluta sem svokallaðir stofnfjár-
festar telji sig eiga.
Hreggviður hefur einnig ritað
skattstjóranum í Reykjavík bréf
þar sem óskað er eftir upplýsing-
um um hvort SPRON hafi sent
skattstjóra lista yfir stofnfjárfesta
SPRON og hvort þeir hafi verið
skattlagðir sem eigendur.
Þá er spurt hvort þessir aðilar
hafi talið þessa eign sína fram til
skatts. Hafi það ekki verið gert
fer Hreggviður fram á að skatt-
stjóri kalli eftir þessum lista svo
skattleggja megi eign þessara að-
ila.
Borgarlögmaður
geri kröfu til
fjármuna Reyk-
víkinga í SPRON
LJÓSMYNDASÝNINGIN World
Press Photo 2002, þekktasta sam-
keppni í heiminum á sviði frétta-
ljósmyndunar, verður formlega
opnuð í Kringlunni í dag.
Í ár bárust tæplega 50.000 mynd-
ir í keppnina frá rúmlega 4.000 ljós-
myndurum frá 124 löndum. Alls eru
nálægt 200 myndir á sýningunni,
þar á meðal allar verðlaunamynd-
irnar. Fréttaljósmynd ársins er eft-
ir danska ljósmyndarann Erik Ref-
ner á Berlingske Tidende.
Samhliða sýningunni verður úrval
ljósmynda ljósmyndara Morgun-
blaðsins frá síðasta ári til sýnis í
Kringlunni. Sýningin stendur til 6.
ágúst.
Morgunblaðið/Sverrir
World Press Photo í Kringlunni