Morgunblaðið - 26.07.2002, Blaðsíða 16

AKUREYRI
16 FÖSTUDAGUR 26. JÚLÍ 2002 MORGUNBLAÐIÐ
perlur sem innihalda meira af
Omega fitusýrum en aðrar
fiskiolíur,ásamt EPA og DHA
www.islandia.is/~heilsuhorn
Laxalýsi
Glerártorgi, Akureyri, s. 462 1889
fæst m.a. í Lífsinslind í Hagkaupum,
Árnesaptóteki Selfossi og
Yggdrasil Kárastíg 1.
KVÆÐAKVÖLD þar sem flutt
verða kvæði eftir Halldór Laxnes og
Pablo Neruda verður í Deiglunni í
kvöld og hefst kl. 21. „Á morgun ó og
aska“ er yfirskrift þessa kvæða-
kvölds. Dagskráin er í umsjá Þor-
steins Gylfasonar og Tómasar R.
Einarssonar. Þeir flytja ljóð Nóbels-
skáldanna tveggja og kynna tónlist
sem tengist þeim og verkum þeirra.
Sif Ragnhildardóttir, Michael Jón
Clarke, Richard Simm og Tómas R.
Einarsson annast tónlistarflutning.
Ljóðadagskrá með yfirskriftinni
„Heimur ljóðsins“ hóf göngu sína á
Listasumri á Akureyri 1998. Arthur
Björgvin Bollason hafði umsjón með
fyrsta ljóðakvöldinu en Þorsteinn
Gylfason hefur síðustu ár séð um að
ljúka upp „heimi ljóðsins“. Sif, Mich-
ael og Richard hafa öll árin séð um
tónlistarflutning. Þessi hópur fær nú
Tómas R. til liðs við sig. Hann hefur
dvalið langdvölum í spænskumæl-
andi löndum og þekkir spænskar og
suðuramerískar bókmenntir flestum
betur hér um slóðir, segir í tilkynn-
ingu. Ekki á það hvað síst við um chi-
leska skáldið Pablo Neruda en Tóm-
as hefur þýtt nokkur af ljóðum hans.
Neruda er mörgum kunnur sem
skáldið í kvikmyndinni „Il Postino“
eða „Bréfberinn“ eins og sýningar-
heiti hennar var hér á landi.
Ljóð Laxness
og Neruda á
kvæðakvöldi
LOKIÐ hefur verið við að stika
gönguleiðir í Vaglaskógi en alls er
um fjórar mismunandi leiðir að
ræða. Þær eru allt frá tæpum kíló-
metra að lengd og upp í tæpa fjóra
kílómetra en alls hafa verið stik-
aðir um tíu kílómetrar í sumar.
Sigurður Skúlason, skógar-
vörður í Vaglaskógi, verður leið-
sögumaður í gönguferð eftir svo-
nefndum Beitarhúsahring á
morgun, laugardag, kl. 14. Hring-
urinn er um 3,8 kílómetrar en m.a.
er farið hjá gamla skógarvarðabú-
staðnum að Vöglum þegar þessi
leið er farin. Af öðrum leiðum má
nefna Litla hringinn sem er hring-
ur umhverfis þjónustumiðstöð,
gönguleið meðfram vegi í Vagla-
skóg sem nær eftir endilöngum
skóginum og svonefndan Trjá-
safnshring en göngufólki sem
hann velur gefst kostur á að skoða
fjölbreytt trjásafn skógarins.
Sigurður sagði að síðustu vikur
hefði tiltækur mannskapur verið í
því að stika leiðirnar og laga stíga.
„Fólk var hrætt um að villast ef
það fór inn í skóginn en nú þegar
búið er að stika gönguleiðir ætti
fólk að þora af stað,“ sagði hann.
Ferðafélag Fnjóskdæla hefur
einnig gefið út kort þar sem
merktar eru 15 gönguleiðir í
Fnjóskadal og nágrenni.
Vaglaskógur er um 650 ha. að
stærð og hafa 627 þúsund plöntur
verið gróðursettar þar á árunum
1909 til 2001. Alls hafa 26 trjáteg-
undir verið reyndar í skóginum en
að sögn Sigurður er honum nú
einkum haldið sem birkiskógi.
Hefur ekkert birkiskóglendi á Ís-
landi verið hirt jafnmarkvisst á
þessari öld. Árangurinn er sá að í
Vaglaskógi er nú jafnbeinvaxnasti
birkiskógur á landinu. Skógar-
högg hefur verið stundað árlega
allt frá árinu 1909 og meðal af-
urða nú er einkum reykingar- og
arinviður, en áður var eldiviður
höggvinn þar og gerðir girð-
ingastaurar.
Á árunum frá 1942 til 1980 var
töluvert um gróðursetningar er-
lendra trjátegunda í Vaglaskógi
en eftir það hefur þeim verið hætt
og áhersla lögð á birkiskóginn.
Gróðrarstöð hefur verið starfrækt
í skóginum frá árinu 1909 og
hefur hún hin síðari ár verið ein af
fjórum aðalstöðvum Skógræktar
ríkisins eða þar til á síðasta ári
þegar framleiðslu var hætt. Tekin
hafa verið í notkun fræræktarhús
í gróðrarstöðinni þar sem hafnar
eru kynbætur og frærækt á lerki.
Hæstu trén í skóginum eru 15
metra há alaskaösp, 14 metra hátt
rússalerki og náttúrulegt birki,
13,75 metrar að hæð.
Gistinætur að meðaltali
um 10 þúsund
Nýting á tjaldstæðum í Vagla-
skógi hefur verið í góðu meðallagi
að sögn Sigurðar. Enn sem komið
er hafa ekki verið mjög fjölmenn-
ar helgar en aðsókn jöfn. „Veðrið
hefur ekki verið neitt sérstakt,
það hefur þó ekki verið kalt en
sólarlítið,“ sagði hann og nefndi
að Íslendingar ferðuðust gjarnan
þangað sem sólar væri von. Að
meðaltali eru gistinætur í Vagla-
skógi um 10 þúsund talsins og fara
upp í um 15 þúsund þegar vel viðr-
ar. Hann sagði umferð fara seint
af stað og að svo virtist sem fólk
væri núorðið almennt í sumarfríi í
júlí. Aðsóknin væri mest þann
mánuð. Vonaðist hann þó til að
ferðatímabilið lengdist meira fram
í ágúst nú þegar flestir væru á
ferð í fellihýsum og tjaldvögnum.
„Það væsir ekki um fólk í þessum
vögnum og ég held að fólk vilji
nýta þá fjárfestingu sem það hefur
lagt út í,“ sagði Sigurður. Stærsta
helgin í Vaglaskógi hefur síðustu
ár verið komandi helgi, þ.e. helgin
á undan verslunarmannahelginni.
Að sögn Sigurðar er gert ráð fyrir
að 30–40 þúsund manns hafi á
hverju sumri viðdvöl í skóginum
án þess að tjalda. Hann sagði það
færast í vöxt að fólk kæmi í fugla-
skoðunar- og gönguferð í Vagla-
skóg og ýmsir ferðahópar stöldr-
uðu þar við.
Búið að stika fjórar gönguleiðir, alls samtals um 10 km, í Vaglaskógi
Morgunblaðið/Skapti Hallgrímsson
Sigurður Skúlason, skógarvörður í Vaglaskógi, býður fólki í gönguferð um skóginn.
Leiðsögn
um Beit-
arhúsa-
hring
BÆJARRÁÐ Akureyrar samþykkti í
gær með fjórum atkvæðum gegn at-
kvæði Oktavíu Jóhannesdóttur, Sam-
fylkingu, að áfrýja til Hæstaréttar
dómi Héraðsdóms Norðurlands
eystra í máli Guðrúnar Sigurðardótt-
ur gegn Akureyrarbæ. Oktavía lét
bóka að hún teldi nauðsynlegt að fá
lögfræðiálit á dómi Héraðsdóms og
forsendum hans áður en ákvörðun um
frekari málarekstur yrði tekin.
Valgerður H. Bjarnadóttir, Vinstri-
hreyfingunni – grænu framboði, tók
ekki þátt í umræðu um málið í bæj-
arráði þar sem hún kom að undirbún-
ingi þess á fyrri stigum þegar hún
gegndi starfi jafnréttis- og fræðslu-
fulltrúa Akureyrarbæjar.
Í bókun sem Valgerður lagði fram
á fundinum segir: „Nú hafa dómstólar
úrskurðað í þremur málum gegn Ak-
ureyrarbæ þar sem staðfest hefur
verið að konur í stjórnunarstöðum fá
lægri laun en karlar í sambærilegum
stöðum. Það er sjálfsögð krafa að
tryggt verði að slík staða komi ekki
upp aftur, að þess sé vandlega gætt
að konum og körlum sé aldrei mis-
munað í launum hjá Akureyrarbæ.“
Dómur í máli
deildarstjóra vegna
jafnréttisbrota
Áfrýjað til
Hæstaréttar
♦ ♦ ♦
FÁTT bendir til að afkoma Fjórð-
ungssjúkrahússins á Akureyri lag-
ist en á fyrstu fimm mánuðum árs-
ins nam kostnaður umfram
fjárheimildir um 70 milljónum
króna.
Allra leiða verður leitað til að
halda kostnaði niðri og útgjöldum
frestað svo sem hægt er.
Þetta kemur fram í skýrslu
Vignis Sveinssonar, framkvæmda-
stjóra fjármála og reksturs FSA,
sem birt er á vef sjúkrahússins.
Fram kemur í rekstraryfirliti
fyrir tímabilið janúar til maí að
gert hafi verið ráð fyrir að halli á
árinu yrði um 107 milljónir króna
án áætlaðra viðbótarfjárveitinga
sem nema 81,5 milljónum króna.
Laun og launatengd gjöld hafa
hækkað um 18% á milli ára og í
skýrslu Vignis segir að nýir kjara-
samningar lækna hafi veruleg
áhrif. Kostnaðarhækkun vegna
þeirra nemur um 10,7 milljónum
króna í apríl og maí. Samtals hafa
laun hækkað um 24,4 milljónir
króna.
Töluverð hækkun hefur einnig
orðið á almennum rekstrargjöldum
frá síðasta ári, eða um rúm 13%,
og munar þar mestu um hækkun á
lyfjum og tengdum efnum sem
samtals hafa hækkað um nær 25
milljónir króna milli ára.
Sértekjur sjúkrahússins hafa
hækkað mikið milli ára, einkum
vegna kerfisbreytingar sem gerð
var vegna almennra rannsókna og
hækkunar á taxta vegna mynd-
greininga.
Engar niðurstöður liggja fyrir
um viðbótarfjárveitingar til rekst-
urs sjúkrahússins og segir Vignir í
skýrslu sinni að þeirra sé vart að
vænta fyrr en við afgreiðslu fjár-
laga. Hann dregur í efa að í fjár-
lögum þessa árs hafi nægilegt tillit
verið tekið til áhrifa af breytingum
á kjarasamningum. „Eigi að síður
eru það nokkur vonbrigði að ekki
skuli hafa tekist að halda rekstr-
inum innan þeirrar áætlunar sem
gerð var í upphafi ársins en hafa
verður í huga að nokkur aukning
hefur orðið í flestum þáttum starf-
seminnar,“ segir í skýrslu fram-
kvæmdastjóra fjármála og rekst-
urs FSA.
Lausafjárstaðan
fer versnandi
Hann segir fátt benda til að af-
koman lagist á árinu og að allra
leiða verði leitað til að halda niðri
kostnaði og fresta útgjöldum.
Lausafjárstaða sjúkrahússins fer
ört versnandi eins og að líkum læt-
ur miðað við aukinn hallarekstur
þessa árs og uppsafnaðan halla í
lok síðasta árs. Við það bætist að
Akureyrarbær hefur enn ekki
greitt framlag vegna stofnkostn-
aðar, 4,4 milljónir króna frá árinu
1998 og vegna viðhalds áranna
2001 og 2002 5,2 milljónir króna
eða samtals tæpar 10 milljónir
króna.
Kostnaði haldið
niðri og út-
gjöldum frestað
Kostnaður umfram heimildir í
rekstri FSA nemur um 70 milljónum
Víða leynist hæfileikafólk á ýmsum
sviðum. Þessi ungi piltur, sem sagð-
ist vera tveggja ára, sýndi
skemmtileg tilþrif þar sem hann lék
sér í körfubolta á gæsluvellinum
Eyrarvelli á horni Norðurgötu og
Eiðsvallagötu í gær. Ef til vill fram-
tíðarmaður í íþróttinni – hver veit?
Morgunblaðið/Skapti Hallgrímsson
Æfingin skapar
meistarann