Morgunblaðið - 30.07.2002, Blaðsíða 8
FRÉTTIR
8 ÞRIÐJUDAGUR 30. JÚLÍ 2002 MORGUNBLAÐIÐ
Ráðstefna um sögur og samfélög
Markaðstorg
hugmynda
BORGARBYGGÐstendur fyrir al-þjóðlegri ráð-
stefnu, Sagas and Societ-
ies, í Borgarnesi dagana 5.
til 9. september. Ræddi
Morgunblaðið við dr. Ólínu
Þorvarðardóttur, verkefn-
isstjóra ráðstefnunnar.
– Hvernig kviknaði hug-
myndin um ráðstefnuna?
„Frumkvæðið að ráð-
stefnunni kom frá bæjar-
stjórn Borgarbyggðar, þar
sem menn höfðu áhuga á að
efna til ráðstefnu eða rann-
sóknaverkefnis um eitt-
hvað sem tengdist sögu
svæðisins og menningu
þess. Í kjölfarið var haft
samband við Reykjavík-
urAkademíuna, þar sem ég
var þá starfandi, og óskað
eftir samstarfi um gerð styrkum-
sóknar í menningarsjóð Evrópu-
ráðsins, C-2000, vegna ráðstefn-
unnar. Ég tók að mér að vinna
umsóknina og gerast verkefnis-
stjóri í framhaldi af því. Skömmu
síðar breyttust aðstæður hjá mér,
þegar ég varð skólameistari
Menntaskólans á Ísafirði, og þá
var ráðinn framkvæmdastjóri mér
til aðstoðar, Þorvarður Árnason
náttúrufræðingur. Hefur hann
haft veg og vanda af framkvæmda-
hliðinni undanfarna mánuði.“
– Hvernig gekk að vinna um-
sóknina?
„Það gekk ágætlega, en var
mikil vinna. Axel Kristinsson, for-
stöðumaður Safnahúss Borgar-
fjarðar, kastaði fram frumhug-
myndinni að þverfaglegri ráð-
stefnu um sagnamyndun sem
tengdist Borgarfirðinum. Við mót-
uðum þetta í sameiningu og ég fór
svo að leita að samstarfsaðilum. Til
þess að hljóta styrk þurfa fulltrúar
þriggja Evrópulanda að taka þátt í
verkefninu. Við vorum svo stál-
heppin að fá háskólann í Tübingen
í Þýskalandi og eistnesku bók-
menntastofnunina til samstarfs, á
síðustu stundu má segja. Þar með
var skriðunni hrundið af stað. Um-
sóknin var send út, hún týndist á
leiðinni og barst ekki í tæka tíð,
svo að um tíma virtist allt unnið
fyrir gýg. Þetta fór þó vel að lokum
og umsóknin hlaut náð fyrir aug-
um úthlutunarnefndarinnar.“
– Hvernig gekk svo að fá þátt-
takendur?
„Þegar fyrsta þátttökuboð var
sent út vegna ráðstefnunnar
renndum við nokkuð blint í sjóinn
með viðtökurnar. Þær komu okkur
hins vegar skemmtilega á óvart, og
nú hafa á fimmta tug fyrirlesara
skráð sig til þátttöku, hvaðanæva.
Greinilegt er að efnið höfðar til
fræðimanna langt út fyrir land-
steinana.“
– Hvert er þemað?
„Þemað er, eins og nafnið bend-
ir til, sagnaritun og sagnagerð
fyrri tíma. Við viljum ræða viðtök-
ur og veitingu sagnaarfsins, þessa
hringrás bókmennta- og sagna-
geymdar í íslensku samfélagi;
hvernig umhverfið mótaði og var
mótað af sagnagerð,
jafnvel öldum saman.
Þetta er á vissan hátt
ný nálgun í þessum
fræðum, að sumu leyti
þjóðfræðileg en einnig
félagsleg, textafræðileg, sagn-
fræðileg og bókmenntafræðileg.
Ég hef ekki séð mikið fjallað um
fornbókmenntir Íslendinga á þess-
um nótum hingað til. Hins vegar
eru fræðimenn, sérstaklega þeir
yngri, augljóslega móttækilegir
fyrir þverfaglegri nálgun af þessu
tagi.“
– Ráðstefnan er haldin í Borg-
arnesi, ekki satt?
„Jú, hún verður haldin á Hótel
Borgarnesi, og er nú unnið að und-
irbúningi hennar þar. Þorvarður
Árnason hefur staðið í ströngu.
Sömuleiðis fagráðið, ekki síst Ást-
hildur Magnúsdóttir fulltrúi Borg-
arbyggðar og forstöðumennirnir
Axel Kristinsson í Safnahúsi Borg-
arfjarðar og Bergur Þorgeirsson í
Snorrastofu, sem hafa haft í ýmis
horn að líta.“
– Er von á fræðimönnum af
ýmsum sviðum?
„Já, við eigum von á fræðimönn-
um af margvíslegu þjóðerni og
ýmsum fræðasviðum hug- og fé-
lagsvísinda, enda á umfjöllunin að
verða þverfagleg.“
– Ráðstefna af þessu tagi hlýtur
að vera lyftistöng fyrir fræðasam-
félagið hér.
„Já, ef vel tekst til verður hún
það. Þó að margt sé vel gert hér-
lendis á þessu sviði þurfa fræðin sí-
fellt á nýju sjónarhorni að halda.
Fjölþjóðleg og þverfagleg ráð-
stefna á borð við þessa er líkleg til
þess að leiða fram nýjar hugmynd-
ir og ferskan blæ inn á borð fræð-
anna. Hún er nokkurs konar
markaðstorg hugmynda og rann-
sókna, vettvangur þar sem skipst
er á skoðunum, skeggrætt og rök-
stutt. Það er von okkar
að ráðstefnan verði
kveikjan að nýju sam-
starfi og rannsóknum.
Þá væri tilganginum
náð.“
– Er ráðstefnan öllum opin?
„Já, hún er öllum opin, og hægt
er að skrá þátttöku til 15. ágúst, en
einnig er almenningur velkominn í
Borgarnes að hlusta á erindi
fræðimanna og umræður á ráð-
stefnunni. Það er tilvalinn bíltúr
frá Reykjavík á fögrum haust-
degi.“ Nánari upplýsingar um ráð-
stefnuna má finna á www.borgar-
nes.is/sagas/.
Ólína Þorvarðardóttir
Ólína Þorvarðardóttir fæddist
í Reykjavík árið 1958. Hún lauk
stúdentsprófi frá Mennta-
skólanum á Ísafirði 1979, BA-
prófi í íslensku og heimspeki frá
Háskóla Íslands 1985, cand. mag.
í íslenskum bókmenntum og
þjóðfræðum 1992 og dr. phil. ár-
ið 2000. Ólína var fréttamaður
hjá RÚV 1986–90 og borg-
arfulltrúi í Reykjavík 1990–94.
Hún veitti forstöðu þjóðhátta-
deild Þjóðminjasafns árið 1999–
2000 og var kynningar- og út-
gáfustjóri safnsins árið 2000.
Ólína var einn af stofnendum
ReykjavíkurAkademíunnar og
sjálfstætt starfandi fræðimaður
þar til 2001, er hún var ráðin
rektor Menntaskólans á Ísafirði.
Hún er gift Sigurði Péturssyni
sagnfræðingi. Eiga þau fimm
börn.
Ferskur blær
á borð fræð-
anna
Jú, jú, við erum með fullt af áhugaverðum fyrirtækjum í viðskiptum. Hvers konar
fyrirtæki hefur herrann áhuga á að komast yfir?
UMSÓKNARFRESTUR um starf
forstjóra Norræna hússins í Reykja-
vík rann út í vikunni og skipta um-
sóknirnar tugum.
Geir Waage, varaformaður stjórn-
ar Norræna hússins, segir að und-
irtektirnar hafi verið framar vonum.
Stjórnin kemur saman um miðjan
ágúst og verður þá farið yfir um-
sóknirnar sem bárust frá öllum
Norðurlöndunum. Geir segir að það
verði ekki létt verk að velja næsta
forstjóra. Umsækjendurnir séu efni-
legir, hafi góð meðmæli og í hópnum
séu margir mjög spennandi kostir.
„Það verður erfitt að gera upp á
milli,“ segir hann.
Fráfarandi forstjóri Norræna
hússins er Riita Heinämaa en hún
hefur stýrt húsinu frá 1. janúar 1998.
„Riita hefur reynst húsinu afskap-
lega vel. Hún hefur verið mjög fær,
gjöfull og góður framkvæmdastjóri
og þess vegna verður erfitt að fara í
fötin hennar,“ segir Geir. Að öðrum
stjórnendum hússins ólöstuðum hafi
hún staðið sig framúrskarandi vel.
Norræna húsið
Tugir um-
sókna um
starf
forstjóra
EINN var með fimm tölur rétt-
ar í Lottóinu um síðustu helgi
og hlaut tæpar 18,7 milljónir
króna í vinning. Vinningsmið-
inn var seldur í Staðarskála í
Hrútafirði. Þrír voru með fjór-
ar tölur réttar og bónustölu að
auki og fengu fyrir það 215 þús-
und krónur. Tveir bónusvinn-
ingsmiðanna voru seldir á
Akranesi; annar í Olís Nesti og
hinn í Akranesti. Sá þriðji var
seldur í Vogaturninum í
Reykjavík.
Einn með
tæpar 19
milljónir í
Lottói
16 UNGIR Vestur-Íslendingar,
sem dvöldu hér á landi um sex
vikna skeið og kynntust landi og
þjóð, héldu aftur heim til Kanada
um síðustu helgi, en meðan á dvöl
þeirra stóð tóku þau þátt í fjöl-
breyttri dagskrá sem hafði að
markmiði að treysta bönd þeirra
við Ísland. Má þar nefna námskeið
í íslensku, sögu vesturfaranna og
sögu og menningu Íslands og
heimsóknir til forseta Íslands, ut-
anríkisráðherra, forsætisráðherra
og sendiherra Kanada á Íslandi.
Að lokinni dvöl í Reykjavík fóru
ungmennin út á landsbyggðina
þar sem þau dvöldu hjá ættingjum
sínum, sem flest hver höfðu ekki
hitt áður, tóku þátt í starfsþjálfun
og að lokum fóru þau í ævintýra-
ferð um landið.
Ásta Sól Kristjánsdóttir, verk-
efnisstjóri Snorraverkefnisins,
segir að vel hafi tekist til með
verkefnið í ár, sem og fyrri ár, og
hafi þátttakendur verið ánægðir
með veruna hér. Hér hafi þau
kynnst nýrri menningu og öðlast
nýja reynslu og þau hafi lært mik-
ið á Íslandsferðinni.
Ungmennin héldu af landi brott
um helgina, en á föstudag í síðustu
viku fór fram útskriftarathöfn í
Hafnarborg í Hafnarfirði þar sem
þau fengu viðurkenningarskjal
fyrir þátttökuna í verkefninu.
Þeir sem veittu viðurkenn-
inguna voru, auk Ástu Sólar,
Markús Örn Antonsson, formaður
Þjóðræknisfélags Íslendinga á Ís-
landi, Almar Grímsson, formaður
Snorrasjóðs sem hefur verið stofn-
aður í kringum verkefnið og
fulltrúi í stjórn ÞFÍ, og Úlfur Sig-
urmundsson, en hann situr í stjórn
Snorrasjóðs og var fulltrúi Nor-
ræna félagsins. Snorraverkefnið
er samstarfsverkefni Norræna fé-
lagsins á Íslandi og Þjóðræknis-
félags Íslendinga.
Ungmennin 16 voru fjórði hóp-
urinn sem kemur hingað en alls
hafa 60 ungmenni nú tekið þátt í
Snorraverkefninu.
Sextán vestur-íslensk ungmenni tóku
þátt í Snorraverkefninu á þessu ári
Morgunblaðið/Kristinn
Sextán ungmenni tóku þátt í Snorraverkefninu árið 2002. Þau eru á
myndinni ásamt verkefnisstjóra og fulltrúum aðstandenda verkefnisins.
Ánægð með
veruna á Íslandi