Morgunblaðið - 30.07.2002, Qupperneq 15

LANDIÐ
MORGUNBLAÐIÐ ÞRIÐJUDAGUR 30. JÚLÍ 2002 15
KOMIN er hefð á bæjarhátíð á Fáskrúðsfirði
undir nafninu franskir dagar. Í þetta sinn
hófst hátíðin á fimmtudegi, en formleg setn-
ing var að venju á föstudag. Hátíðina setti
Steinþór Pétursson sveitarstjóri við athöfn í
franska grafreitnum við Krossa. Þórey Guð-
mundsdóttir sóknarprestur flutti bæn og
kirkjukór Fáskrúðsfjarðarkirkju söng. Því
næst var lagður blómsveigur að minning-
arkrossi um franska sjómenn. Það gerðu
Guðmundur Þorgrímsson, oddviti Búða-
hrepps, og Sylvie Defruit, fulltrúi bæjar-
stjórnar Gravelines, en auk hennar var við-
stödd Claudine Barbier. Því næst var komið
að minnisvarða um Carl A. Tulinius og lagð-
ur að honum blómvöndur, en það gerði Þóra
Magnea Helgadóttir Tulinius, og kirkjukór-
inn söng. Carl var fæddur 1864 og lést 1901,
var hann franskur konsúll á Fáskrúðsfirði.
Vinir hans reistu honum minnisvarða 1902.
Dorgveiði var að venju, en fiskur var mjög
tregur að þessu sinni. Tónleikar voru í Fá-
skrúðsfjarðarkirkju, þar sungu Ólafur Kjart-
an Sigurðarson og Bergþór Pálsson við und-
irleik Jónasar Ingimundarsonar. Húsfyllir
var og urðu margir frá að hverfa.
Varðeldur var á Búðagrund og brekku-
söngur undir stjórn Bjartmars Guðlaugs-
sonar og skyldmenna. Skemmti fólk sér hið
besta fram eftir kvöldi. Mikið fjölmenni var
þarna samankomið og var það mál manna að
þetta væri fjölmennasta samkoman til þessa.
Talið er að íbúafjöldinn í bænum hafi fjór-
faldast yfir helgina.
Dagskráin á laugardag var afar fjölbreytt.
Austurlandsmót 6. flokks drengja í knatt-
spyrnu, golfkennsla, minningarhlaup um
Berg Hallgrímsson, lifandi tónlist í kirkj-
unni, hjólreiðakeppnin „Tour de Fáskrúðs-
fjörður“, útimarkaðir, götuleikhús og leik-
tæki.
Harmonikkudansleikur var í leikskól-
anum, unglingadansleikur í hátíðartjaldi,
flugeldasýning var um kvöldið ásamt eldspú-
urum, dansleikir voru í Skrúð og á hótelinu
og fóru þeir vel fram. Á sunnudag voru verð-
launaafhendingar fyrir hinar ýmsu keppnir.
Veitt voru verðlaun fyrir snyrtilegustu lóðir
hjá fyrirtækjum og einstaklingum og að
þessu sinni urðu lóðir RARIK og hjónanna
Ólafs Gunnarssonar og Jónu Jónsdóttur á
Túngötu 9 fyrir valinu. Þrjár málverkasýn-
ingar voru í grunnskólanum, en þar sýndu
þrír brottfluttir Fáskrúðsfirðingar verk sín,
Jóhanna Lilja Eiríksdóttir, Bjartmar Guð-
laugsson og Hreinn Þorvaldsson. Hreinn
sýndi þarna fjörutíu olíumálverk, flest frá
Fáskrúðsfirði. Var þar að finna röð mynda
frá franska tímanum á Fáskrúðsfirði, sem nú
eru í eigu sveitarfélagsins. Í lok sýningar af-
henti Hreinn oddvita Búðahrepps mynd til
varðveislu, en myndina málaði hann 1948 og
er það götumynd frá Fáskrúðsfirði. Lét hann
þess jafnframt getið að vænta mætti fleiri
slíkra mynda síðar. Nýtt kaffihús var opnað,
en það er í eigu systranna Kristínar og Mar-
grétar Albertsdætra. Hvorug þeirra býr á
staðnum en þær ætla að reka húsið yfir sum-
artímann. Staðurinn heitir Caffe Sumarlína.
Þær eru með hugmyndir um að hægt verði
að fá húsið leigt fyrir ýmsar uppákomur á
öðrum árstímum. Húsið er á tveimur hæðum
og rúmar fimmtíu manns. Húsið og umhverfi
þess er allt hið smekklegasta. Er það álit
manna að þetta sé góð viðbót í menning-
arflóru Fáskrúðsfjarðar.
Undirbúningur og vinna að hátíðahöld-
unum var í höndum ungrar heimadömu, Est-
erar Aspar Gunnarsdóttur, sem ráðin var
framkvæmdastjóri franskra daga, en að
sjálfsögðu fékk hún marga í lið með sér.
Franskir dagar
hafa unnið sér hefð
Guðmundur Þorgrímsson, oddviti Búða-
hrepps, og Sylvie Defruit, fulltrúi bæjar-
stjórnar Gravelines, lögðu blómsveig að
minningarkross um franska sjómenn.
Morgunblaðið/Albert Kemp
Fjölmenni var á frönskum dögum um helgina sem hafa unnið sér sess sem bæjarhátíð.
Fáskrúðsfjörður
ÞRÁTT fyrir fremur óhagstætt
veður fékkst allgóður afli á hinu
árlega opna móti Sjóstanga-
veiðifélags Snæfellsness sem hald-
ið var fyrir skömmu. Keppendur
voru 58 og veiddu þeir rúmlega 21
tonn. Róið var á 18 bátum. Mestur
meðalafli á stöng, 596 kg, var á
bátnum Gísla en á honum var
Hilmar Sigurðsson skipstjóri.
Stærsti fiskurinn
13 kg þorskur
Aflahæst kvenna og jafnframt
fisknust allra á mótinu varð Sig-
urbjörg Kristjánsdóttir SJÓSNÆ
og veiddi hún 689 kg. Hún reri á
bátnum Olla undir skipstjórn
Torfa Sigurðssonar. Aflahæstur
karla varð Hafþór Gunnarsson frá
SJÓAK og veiddi hann 649 kg.
Stærsta fisk mótsins veiddi Þor-
steinn Jóhannesson frá Siglufirði
og var það 13 kg þorskur.
Sveitakeppnin þykir líka spenn-
andi. Voru sjö sveitir í karlakeppn-
inni en fimm sveitir kvenna.
Aflahæsta kvennasveitin varð,
þriðja árið í röð, sveit SJÓSNÆ
(Sigurbjörg Kristjánsdóttir, Sonja
Guðlaugsdóttir, Björg Guðlaugs-
dóttir og Berglind Hallmarsdóttir)
og veiddu þær samtals 1787 kg.
Í flokki karla sigraði sveit Sjó-
stangaveiðifélags Akureyrar
(SJÓAK) en hana skipuðu Hafþór
Gunnarsson, Kristján Freyr Pét-
ursson, Árni Halldórsson og Pétur
Sigurðsson. Veiddi þessi sveit
samtals 1866 kg. Hefur sveit
SJÓAK verið sigursæl á mótunum
hér.
Framkvæmd mótsins var í góð-
um höndum Lárusar R. Einars-
sonar en hann er formaður Sjó-
stangaveiðifélags Snæfellsness.
Ljósmynd/Helgi Kristjánsson
Ekið til skips í eðalvagni kl. tæplega sex að morgni, frá vinstri: Sibba,
Berglind, Sonja og Björg. Þeim tókst að verja bikarinn.
Velheppnað
sjóstangaveiði-
mót í Ólafsvík
Ólafsvík