Morgunblaðið - 30.07.2002, Page 18

ERLENT
18 ÞRIÐJUDAGUR 30. JÚLÍ 2002 MORGUNBLAÐIÐ
PERLAN Í DJÚPINU
áning á réttri leið
Ferðaþjónustan á Reykjanesi
við Ísafjarðadjúp
Sími 456 4844, fax 456 4845, netfang rnes@rnes.is
þar sem notalegt er að fá sér
bað, borða og gista.
Gott veður, fagurt úti að vera ásamt þjónustu sem gerir
vandláta sátta, það er okkar hjartansmál. Góðar aðstæður
fyrir ráðstefnur, stórar sem smáar, árshátíðir og hverslags
sem til okkar leita.
Um verslunarmannahelgina verður hægt að láta taka
frá fyrir sig stæði fyrir tjald og ganga frá því fyrirfram,
þannig er hægt að tryggja sér gott stæði og vera þátttakandi
í notalegri helgi á kyrrlátum stað.
Allar veitingar eru til staðar, allan daginn á sanngjörnuverði.
TALIÐ er að bilun í stýriskambi hafi
valdið því að rússnesk flugvél af
gerðinni Iljúshín Il-86 hrapaði
skömmu eftir flugtak frá Sheremetj-
evo-flugvelli í Moskvu á sunnudag.
Fjórtán manns fórust í slysinu.
Valerí Tsjernov, formaður nefnd-
ar sem rannsakar slysið, sagði að
stýriskamburinn hefði bilað aðeins
tveimur sekúndum eftir flugtak. Áð-
ur höfðu rússneskir embættismenn
skýrt frá því að vélin hefði ofrisið áð-
ur en hún hrapaði í skóg nálægt
Moskvu.
Engir farþegar voru í vélinni, að-
eins sextán manna áhöfn. Fjórtán
þeirra fórust en tvær flugfreyjur,
sem voru aftast í vélinni, komust lífs
af. Önnur þeirra slasaðist alvarlega
en er ekki í lífshættu. Hin varð fyrir
smávægilegum meiðslum.
Ríkissaksóknari Rússlands hefur
hafið rannsókn á því hvort rekja
megi slysið til brota á flugöryggis-
reglum.
Fyrsta vélin af gerðinni Iljúshín
Il-86 var smíðuð árið 1980 og slíkar
vélar eru algengar í farþegaflugi í
Rússlandi. Vélin sem fórst á sunnu-
dag var smíðuð 1983 og í eigu flug-
félagsins Pulkovo. Henni hafði verið
flogið í 18.300 stundir, að sögn tals-
manns flugfélagsins, sem sagði þetta
tiltölulega stuttan flugtíma.
Talsmaður Pulkovo sagði að flug-
stjóri vélarinnar hefði verið mjög
hæfur og með meira en tuttugu ára
flugreynslu. „Það leikur enginn vafi
á því að áhöfnin gerði allt rétt,“ sagði
hann.
Hrapaði nálægt hraðbraut
Vélin var á leiðinni til Sankti Pét-
ursborgar, heimaborgar áhafnarinn-
ar, eftir að hafa flutt 250 manns til
Moskvu frá ferðamannastað við
Svartahaf. Hún hrapaði um 200 m
frá flugbrautinni og mildi þykir að
vélin skyldi ekki hafa lent á nálægri
hraðbraut þar sem mikil umferð var
þegar slysið átti sér stað.
Líkin fjórtán fundust en voru svo
illa brunnin að ekki var hægt að bera
kennsl á þau. Tekin verða DNA-sýni
úr ættingjum þeirra sem fórust til að
bera kennsl á líkin.
Reuters
Björgunarmaður horfir á hvar flugvél tekur sig á loft frá Sheremetjevo-flugvelli en þar fórst flugvél á sunnudag, með þeim afleiðingum að 14 dóu.
Fjórtán fórust þegar rússnesk flugvél hrapaði nálægt Moskvu
Bilun í stýris-
kambi talin hafa
valdið slysinu
Moskvu. AFP, AP.
BRESKA dagblaðið The Times
skýrði frá því í gær að í bráðabirgða-
skýrslu rannsóknarmanna Samein-
uðu þjóðanna kæmi fram að banda-
rískir hermenn hefðu farið inn í þorp
í afganska héraðinu Uruzgan og fjar-
lægt mikilvæg sönnunargögn
skömmu eftir mannskæða árás
bandarískrar herflugvélar á þorpið
30. júní. Skýrsluhöfundarnir segja
ennfremur að ekkert hafi komið
fram sem staðfesti þá fullyrðingu
Bandaríkjahers að skotið hafi verið á
bandaríska herflugvél með loft-
varnabyssu í þorpinu áður en árásin
var gerð.
Afganskir embættismenn segja að
48 manns hafi beðið bana og 117
særst í árásinni. Margir hinna látnu
voru í brúðkaupsveislu þegar árásin
var gerð.
Bandaríkjaher segir að árásarvél
af gerðinni A-130 hafi gert árásina
eftir að skotið hafi verið á aðra her-
flugvél. The Times sagði að í bráða-
birgðaskýrslu rannsóknarmanna
Sameinuðu þjóðanna kæmi fram að
„misræmis gætti í frásögnum
Bandaríkjamanna af atburðinum“.
Skýrsluhöfundarnir segja að her-
menn hafi farið á staðinn skömmu
eftir loftárásina, „hreinsað svæðið“
og fjarlægt „sprengjubrot, byssu-
kúlur og ummerki um blóð“, að sögn
The Times. Í skýrslunni er haft eftir
ónafngreindum embættismanni
Sameinuðu þjóðanna að þetta bendi
til „yfirhylmingar af hálfu Banda-
ríkjamanna“. Þá segir í skýrslunni
að konur hafi fundist í þorpinu með
hendur bundnar fyrir aftan bak.
Roger King, talsmaður Banda-
ríkjahers, neitaði því að bandarískir
hermenn hefðu fjarlægt sönnunar-
gögn af staðnum skömmu eftir
árásina. Hann bætti við að
bandarísk rannsóknarnefnd, sem
skoðaði þorpið nokkrum dögum síð-
ar, hefði tekið með sér nokkur
sprengjubrot, byssukúlur og blóð-
sýni sem fundust á staðnum. Greint
hefði verið frá þessu og ekki væri
um neina yfirhylmingu að ræða.
King neitaði því einnig að banda-
rískir hermenn hefðu bundið eða
handjárnað konur í þorpinu.
„Ályktanir sem ekki hafa verið
færðar nægar sönnur á“
Heimildarmenn The Times sögðu
að skýrsluhöfundarnir væru „reynd-
ir og virtir starfsmenn Sameinuðu
þjóðanna sem hafa verið lengi á
svæðinu og þekkja það vel“.
Skrifstofa Sameinuðu þjóðanna í
Kabúl gaf út yfirlýsingu eftir að
fréttin var birt og sagði að samtökin
hefðu ekki hafið formlega rannsókn
á blóðsúthellingum, enda hefðu þau
ekki umboð til þess.
Í yfirlýsingunni sagði að í bráða-
birgðaskýrslunni væru dregnar
„ályktanir sem ekki hafa verið færð-
ar nægar sönnur á“. Niðurstöður
bráðabirgðaskýrslunnar sýndu hins
vegar að rannsaka þyrfti málið „ofan
í kjölinn til að tryggja að slíkir at-
burðir gerist ekki aftur“.
Bandaríkjaher og afgönsk yfirvöld
hafa hafið sameiginlega rannsókn á
blóðsúthellingunum.
Skýrsla um mannskæða árás á þorp í Afganistan
Hermenn sagðir hafa
fjarlægt sönnunargögn
Bandaríkjaher
neitar ásökunum
um yfirhylmingu
London. AFP, AP.
SAMEINUÐU þjóðirnar
ákváðu í gær að hætta hjálp-
arstarfi í Tsjetsníu um óákveð-
inn tíma. Var sú ákvörðun tek-
in í kjölfar þess að rússneskum
hjálparstarfsmanni var rænt í
lýðveldinu þar sem skæruliðar
berjast fyrir sjálfstæði frá
Rússlandi.
Talsmaður SÞ í Moskvu
sagði að Nínu Davídovítsj, for-
manni rússnesku hjálparsam-
takanna Drúshba, hefði verið
rænt í liðinni viku og hefði því
verið ákveðið að hætta hjálp-
arstarfi þar sem ljóst væri að
það fólk, sem því sinnti, væri í
mikilli hættu í Tsjetsníu. Sagði
talsmaðurinn þetta „mjög erf-
iða ákvörðun“ þar sem hún
myndi gera íbúum Tsjetsníu
lífið enn erfiðara en ella. Kom
fram í máli hans að öllu hjálp-
arstarfi yrði hætt utan að
áfram yrði komið fersku vatni
til íbúa í höfuðborginni, Grosní.
Yrði Davídovítsj sleppt yrði
hjálparstarf að líkindum hafið
á ný en samtök hennar starfa
með Barnahjálp SÞ í Tsjetsn-
íu.
Að sögn rússneskra fjöl-
miðla var Nínu Davidovítsj
rænt á þriðjudag er óþekktir
vopnaðir menn stöðvuðu bif-
reið hennar. Ekki er vitað
hverjir voru að verki. Krafa
um lausnargjald hefur ekki
komið fram en ekki er óal-
gengt að mikilla fjárhæða sé
krafist Í Tsjetsníu. Mannrán
voru þar tíð á árunum 1994–
1996 en þeim hefur heldur
fækkað á undanliðnum árum
eftir að Rússar sendu herlið á
ný inn í lýðveldið haustið 1999.
Stofnanir á vegum SÞ og
hjálparsamtök komu matvæl-
um til 130.000 þurfandi íbúa
Tsjetsníu í júlímánuði. Að auki
hefur verið haldið uppi þar
margvíslegu hjálparstarfi af
öðrum toga, t.a.m. á sviði
menntunar og heilsugæslu.
Hætta
hjálpar-
starfi í
Tsjetsníu
Moskvu. AP.
NÍU námamönnum, sem verið
höfðu innilokaðir í námu í Penn-
sylvaníu í Bandaríkjunum í þrjá
sólarhringa, var bjargað heilum á
húfi snemma á sunnudag. Voru
mennirnir við þokkalega heilsu.
Björgunarmenn boruðu gat á
steinhelluna fyrir ofan mennina og
komust þá í samband við námu-
mennina um símasnúru. Mennirnir
voru síðan hífðir upp úr holunni og
tók það um 15 mínútur að ná
hverjum þeirra upp á yfirborðið.
Námumennirnir voru innilok-
aðir á um 70 metra dýpi. Þeir lok-
uðust inni í námunni á miðvikudag.
Námamönnum bjargað
Somerset í Pennsylvaníu. AFP.