Morgunblaðið - 30.07.2002, Blaðsíða 12

HÖFUÐBORGARSVÆÐIÐ
12 ÞRIÐJUDAGUR 30. JÚLÍ 2002 MORGUNBLAÐIÐ
Gasol®
Heimsendingarþjónusta ÍSAGA
nær til Stór-Reykjavíkursvæðisins.
Heimsendingargjald er kr. 500,-
Afgreiðslan Breiðhöfða 11
er opin virka daga frá kl. 8 til 17.
800 5555
Hluti af Linde Gas Group
ÍSAGA ehf. • Breiðhöfða 11
Sími 577 3000 • Fax 577 3001
www.aga.is
IS
A
-2
43
.1
–
ÍD
E
A
UNDANFARIN fjögur ár hefur
markaður með lífrænt ræktað
grænmeti verið starfræktur á
laugardögum í júlí og ágúst við
gróðrarstöðina Mosskóga í Mos-
fellsdal. Markaðurinn lætur ekki
mikið yfir sér þar sem hann
stendur skammt frá Mosfells-
kirkju og hæglega er hægt að
fara á mis við hann viti menn á
annað borð ekki af honum.
Á markaðnum er boðið upp á
ýmsar tegundir grænmetis en
einnig murtu og spriklandi ferska
bleikju úr Þingvallavatni, rósir,
beint frá bóndanum, ólífuolíur og
sinnep frá Frakklandi, pasta frá
Ítalíu og sitthvað annað góðgæti
sem berst inn á markaðinn hverju
sinni.
Að sögn Jóns Jóhannssonar,
glerlistamanns og eins af að-
standendum markaðarins, er
blómkál og brokkolí þegar komið
í sölu en lítið er af því enn sem
komið er. Þá er einnig selt,
spínat, rucola-salat, sellerí, ice-
berg, rófur, næpur, grænkál og
svartkál svo dæmi sé nefnt.
Kartöflur og gulrætur eru ekki
enn komnar á markað, að sögn
Jóns, en von er á þeim á næstu
vikum.
Hann tekur fram að lumi sveit-
ungar á einhverju góðgæti sem
þeir vilji selja á markaðnum sé
það sjálfsagt mál og nefnir sem
dæmi að undanfarnar tvær helg-
ar hafi niðurskorinn rababari
verið til sölu þar.
Þekkir vel til útimarkaða
í Frakklandi
Jón er glerlistamaður, búsettur
í Frakklandi, þar sem hann hefur
dvalið á veturna síðastliðin 11 ár.
Til Íslands kemur hann í byrjun
maí á hverju sumri og dvelur hér
á landi fram í miðjan september.
Hann þekkir vel til útimarkaða
í Frakklandi sem haldnir eru um
helgar og bendir á að þangað
sæki menn ekki síður í félagsskap
hver annars. Í Frakklandi eru
útimarkaðir yfirleitt haldnir á
morgnana en í Mosfellsdal er
reynt að hafa opið milli 12 og 16.
Erlendis er ekki óalgengt að
vinir og kunningjar fari heim og
eldi saman þegar heimsókn á
markaðinn lýkur, að sögn Jóns,
en í Mosfellsdalnum veltur það á
veðri og vindum hversu lengi
menn staldra við. Á staðnum eru
gamlir veðurbarðir bekkir þar
sem hægt er að tylla sér niður og
gæða sér á vörum af markaðnum,
eða fá sér kaffi og hnausþykka
súkkulaðiköku og hlusta á rólega
tóna úr kasettutækinu sem gefa
staðnum erlent yfirbragð.
Sveinbjörn Jóhannesson, bóndi
á Heiðarbæ í Þingvallasveit, selur
silung sem hann veiðir úr Þing-
vallavatni á markaðnum. Á boð-
stólum síðasta laugardag var
reyktur silungur, murta og
spriklandi fersk bleikja sem
Sveinbjörn veiddi í vatninu fyrr
um morguninn.
Sælkeravörur frá Frakklandi
og Ítalíu er að finna þar en einn-
ig pestósósu eftir uppskrift frá
Sigrúnu Hjálmtýsdóttur söng-
konu sem hún lagar sjálf og selur
í litlum krukkum.
Útimarkaður á franska vísu með lífrænt ræktað grænmeti, silung og aðrar kræsingar
Lífrænt ljúf-
meti beint frá
bóndanum
Morgunblaðið/Jim Smart
Gísli rósabóndi afgreiðir rósir til viðskiptavina.
Diddú með sýnishorn af pest-
óinu sem hún selur eftir eigin
uppskrift. Hráefnið, þ.á m. basil-
ika, ræktar hún sjálf.
Margir gera sér ferð úr höfuð-
borginni á markaðinn sem nú
hefur verið starfræktur í fjögur
sumur í Mosfellsdalnum.
Mosfellsdalur
HÚSBÆNDUR og hjú í Árbæ
notuðu góða veðrið á sunnudag og
slógu með orfi og ljá á túnum Ár-
bæjarsafns, rökuðu og rifjuðu,
tóku saman og bundu í bagga.
Húsfreyjan í Árbæ bauð gestum
og gangandi upp á nýbakaðar
lummur en fjölbreytt dagskrá var
einnig á boðstólum fyrir yngstu
kynslóðina. Við Kornhúsið hafði
verið komið fyrir leikföngum;
stultum, húlahringjum, sippu-
böndum o.fl. Einnig var börnum,
og raunar fullorðnum líka, boðið
að fara í búleik með leggjum,
skeljum og öðrum tilheyrandi
leikföngum. Þá var einnig sýning
á sjónleiknum Spekúlerað á
stórum skala þar sem Þorlákur Ó.
Johnson bauð gestum upp á
skemmtidagskrá sem ætlað var að
varpa ljósi á lífið í Reykjavík á 19.
öld.
Að sögn Gerðar Róbertsdóttur,
deildarstjóra fræðsludeildar hjá
Árbæjarsafni, var mjög góð að-
sókn að safninu á sunnudag og
mikill fjöldi gesta sem fékk að
spreyta sig í sláttu- og raksturs-
vinnu undir handleiðslu leiðbein-
enda. Fólksins beið þó ekki ein-
tómt erfiðið og á meðan
mannskapurinn beitti verkfærun-
um í góða veðrinu bárust ljúfir
tónar úr harmónikku Karls Jón-
atanssonar harmónikkuleikara
um svæðið.
Gestum safnsins gafst kostur á að spreyta sig í sláttu- og raksturs-
vinnu undir handleiðslu fólks sem var vel að sér á því sviði.
Húsbændur og hjú slá með
orfi og ljá í höfuðborginni
Heyjað í Árbæ
Morgunblaðið/Jim Smart
Ljúfir harmónikkutónar bár-
ust um svæðið á meðan á hey-
vinnu stóð.
Reykjavík
KYNNINGARFUNDUR vegna
deiliskipulags fyrir miðsvæði Valla,
sem nú er til auglýsingar og kynn-
ingar, var haldinn í Haukahúsinu á
Ásvöllum í síðustu viku.
Steve Christer arkitekt kynnti til-
löguna fyrir hönd skipulagshöfunda,
Studíós Granda, en ráðgert er að á
svæðinu rísi alls 40 til 50 þúsund fer-
metrar af skrifstofu- og þjónustu-
húsnæði sem verði tveggja til sex
hæða byggingar. Að sögn skipulags-
höfunda höfðar svæðið afar vel til
fyrirtækja sem þurfa mikið rými, t.d.
húsgagnaverslana og bílaumboða, en
einnig getur það nýst undir höfuð-
stöðvar stórra fyrirtækja. Frestur til
að skila inn athugasemdum rennur
út 2. ágúst nk. en að því loknu tekur
skipulags- og byggingarráð tillöguna
til athugunar og fer yfir þær athuga-
semdir sem borist hafa.
Athugasemdir vegna miðsvæðis Valla
Frestur rennur
út 2. ágúst
Hafnarfjörður
BÆJARRÁÐ Hafnarfjarðar hefur
samþykkt með þremur atkvæðum að
leita eftir samningum við arkitekta-
stofuna Batteríið ehf. vegna arki-
tektahönnunar, endurbóta og stækk-
unar Víðistaðaskóla. Málinu hefur
verið vísað til úrvinnslu og samn-
ingsgerðar hjá byggingarnefnd
skólamannvirkja, forstöðumanns
byggingadeildar og bæjarverkfræð-
ings. Fulltrúar Sjálfstæðisflokks
sátu hjá og kváðu rétt að láta bjóða
hönnunarvinnuna út.
Í bókun Sjálfstæðisflokks segir:
„Útboð hönnunar og framkvæmda
við Víðistaðaskóla á ekki að þurfa að
tefjast þó ákvörðun um útboð hönn-
unar verði tekin í bæjarráði.“
Fulltrúar Samfylkingar óskuðu
bókað að ljóst væri að ákvörðun bæj-
arráðs um að leita eftir samningum
um hönnun skólans væri til þess fall-
in að hraða framkvæmdum við skól-
ann.
Morgunblaðið/Kristinn
Víðistaðaskóli í Hafnarfirði. Foreldrar barna í Víðistaðaskóla hafa í
nokkurn tíma verið ósáttir við aðstöðu nemenda við skólann.
Leitað eftir samn-
ingum um hönnun
Hafnarfjörður
Víðistaðaskóli