Morgunblaðið - 30.07.2002, Qupperneq 39
FRÉTTIR
MORGUNBLAÐIÐ ÞRIÐJUDAGUR 30. JÚLÍ 2002 39
ÚTSALAN
Enn í fullum gangi!
30-70%
af mörgum tegundum!
Kringlan 8-12, sími 568 6211.
Skóhöllin, Firði, Hf, sími 555 4420.
afsláttur
ÞRETTÁN ökumenn
voru grunaðir um ölvun
við akstur um helgina og
32 um of hraðan akstur.
Þá voru 38 umferðar-
óhöpp tilkynnt til lögreglu.
Skömmu eftir hádegi á laugardag
varð mjög harður árekstur tveggja
bifreiða við mót Suðurgötu og Ein-
arsness. Þarna er aflíðandi beygja á
götunni og virðist sem önnur bifreiðin
hafi ekið úr beygjunni yfir á öfugan
vegarhelming. Beita þurfti klippum
tækjabifreiðarinnar til að ná öku-
manni úr annarri bifreiðinni. Allir
sem voru í bifreiðunum, fimm alls,
voru fluttir á slysadeild með sjúkra-
bifreið. Meiðsli voru ekki talin alvar-
leg. Báðar bifreiðarnar voru fluttar af
vettvangi með kranabifreið.
Þremur farþegum var ofaukið í bif-
reið sem var stöðvuð á laugardags-
kvöld. Bifreiðin er skráð fyrir fjóra
farþega, tveir voru í farangurs-
geymslu, fjórir í aftursæti og einn
frammi í hjá ökumanni. Þá var öku-
maður ekki með ökuskírteini. Þeir
sem svona gera átta sig sennilega
ekki á því að umframfarþegar eru
ótryggðir.
Snemma aðfaranótt sunnudags
hringdi maður og tilkynnti að hann
hefði tekið lykla af 15 ára dreng sem
var að aka bifreið gáleysislega um
Breiðholtshverfið. Maðurinn vildi að
lögregla tæki lyklana. Pilturinn hafði
tekið bifreið bróður síns ófrjálsri
hendi og ekið um Austurbergið.
Um kvöldmatarleytið varð árekst-
ur milli létts bifhjóls og bifreiðar á
Reykjavegi. Piltur sem ók hjólinu
kvartaði yfir verkjum í fótum og ætl-
aði hann með foreldrum sínum á
slysadeild.
Englum stolið
Síðdegis á föstudag fór kona inn í
verslun á Laugavegi, tók þaðan fjóra
kjóla og hljóp með þá út úr verslun-
inni. Konan var elt þar sem hún fór
krókaleiðir og inn í aðra verslun á
Laugavegi, þar sem hún var handtek-
in. Konan var færð á lögreglustöð en í
fórum hennar fannst fatnaður sem
talið er að hafi verið stolið en ekki vit-
að hvaðan.
Þá var tilkynnt innbrot í íbúð við
Reynimel. Gluggi á baðherbergi var
spenntur upp og stolið útvarpsmagn-
ara, myndavél, fartölvu og peningum.
Úr vesturbænum var tilkynnt að
þar hefði verið stolið engli úr plasti og
uglu úr gifsi eða plasti en hlutirnir
stóðu við útidyr hússins. Þetta var
ekki eina tilkynningin um þjófnað á
svona hlutum sem voru utandyra um
helgina.
Á föstudagskvöld sást maður
stökkva út um glugga á veitingastað í
miðborginni og hlaupa á brott. Hann
reyndist hafa farið inn á veitingastað-
inn fyrr um kvöldið og losað krækjur
á glugga á jarðhæð veitingahússins.
Hann fór síðar inn um gluggann og
náði sér í þrjár flöskur af áfengi sem
hann faldi utandyra. Maðurinn var
handtekinn stuttu síðar í bifreið og
vísaði hann á flöskurnar.
Tilkynnt var um þrjá menn á bif-
reið við bílasölu í austurborginni að-
faranótt laugardags. Mennirnir voru
búnir að opna þar bifreið sem stóð við
bílasöluna. Tveir voru handteknir á
staðnum og sá þriðji skömmu síðar. Í
fórum mannanna fundust lyf og ætluð
fíkniefni.
Fíkniefnaneysla
í iðnaðarhúsnæði
Á laugardagsmorgun var tilkynnt
um fíkniefnaneyslu í tveimur bifreið-
um í Holtunum. Lögreglan fór á stað-
inn og í framhaldi af því í iðnaðarhús-
næði í nágrenninu. Þar var mikið af
fólki inni og virtust margir vera undir
áhrifum fíkniefna. Var kallað eftir
fleiri lögreglubifreiðum og málið
kannað frekar. Fundust áhöld til
neyslu og lítilræði af meintum fíkni-
efnum.
Síðdegis var tilkynnt um þjófnað í
Kolaportinu. Þar hafði kona tekið
talsvert af fiski ófrjálsri hendi. Fisk-
inum var skilað og konan flutt á brott.
Á laugardagskvöld fylgdi lögreglan
500 ungmennum á aldrinum 13–16
ára sem fóru í skrúðgöngu úr Fjöl-
skyldugarðinum í Laugardal að veit-
ingastaðnum Broadway í Ármúla.
Þrjú lögreglubifhjól stýrðu göngunni.
Tilkynnt var að ekið hefði verið á
konu í Húsdýragarðinum. Þarna
hafði starfsmaður ætlað að hafa af-
skipti af ungum dreng á Buggy-tor-
færubíl en varð þá fyrir bílnum. Kon-
an kenndi eymsla í baki og hlaut sár á
fæti. Hún var flutt með sjúkrabifreið
á slysadeild. Bíllinn verður skoðaður
af Vinnueftirlitinu.
Knúði dyra á rangri hæð
Seint á laugardagskvöld hringdi
kona í mikilli geðshræringu vegna
manna sem væru að hamast á úti-
hurðinni hjá henni. Þarna hafði mað-
ur ruglast á hæðum en hann ætlaði að
heimsækja kunningja sinn á þriðju
hæð en knúði dyra á annarri hæð hjá
konunni. Kunningi mannsins vildi
heldur ekki ræða við hann og vísaði
lögregla manninum út úr húsinu.
Á Ingólfstorgi urðu ryskingar milli
tveggja kvenna sem enduðu með hóp-
slagsmálum. Þrír menn voru fluttir á
lögreglustöð. Maður reyndi að hindra
lögreglu við handtöku og var honum
vísað á brott. Skömmu síðar kastaði
hann tómri glerflösku í áttina að lög-
reglumönnum og munaði litlu að
flaskan færi í annan lögreglumann-
inn. Maðurinn var handtekinn og
færður á stöð þar sem hann var vist-
aður.
Á sunnudagsmorgun var tilkynnt
innbrot í fyrirtæki í Mosfellsbæ. Þar
hafði opnanlegt fag verið tekið út og
stolið dýrum skjá, prentara, tölvu og
heimilissíma. Á sunnudag veittu lög-
reglumenn tveimur stúlkum athygli
þar sem þær voru að setja bát á flot á
Rauðavatni. Er lögreglumenn komu
að þeim voru þær komnar út á vatnið
á bátnum. Ekki kunnu þær að róa en
með hjálp lögreglu náðu þær aftur
landi. Rætt var við stúlkurnar um þá
hættu sem þær höfðu komið sér í.
Kona kom á lögreglustöðina og til-
kynnti þjófnað úr bifreið sinni sem
staðið hafði í bifeiðastæði á Lauga-
vegi. Teknar höfðu verið þrjár töskur
með bókum á ýmsum tungumálum,
fatnaður og fleira. Þá var tilkynnt inn-
brot í fyrirtæki í Höfðahverfi en þar
var stolið hljómtækjum, myndavél
o.fl. Snemma aðfaranótt mánudags
var tilkynnt innbrot þar sem hafði
verið farið inn í geymsluskúr á kast-
svæði í Laugardal. Þaðan var saknað
einnar stangarstökksstangar en tvær
aðrar höfðu verið teknar úr pokum og
lágu úti á vellinum. Óvíst er um
skemmdir á þeim.
Úr dagbók lögreglu 26.–29. júlí
Fjórir í aftur-
sætinu og tveir
í skottinu
YFIRLEITT veiðist nú vel, sama
hvert litið er á laxveiðikortinu.
Undantekningar eru þó eins og
gengur, en öll nótt þó hvergi úti
enn. Nýlega var fimmta rúmlega
hundrað laxa hollið í röð að ljúka
veiðum í Norðurá og telja kunn-
ugir að áin gæti rofið 2.000 laxa
múrinn á vertíðinni. Góðar göngur
eru einnig norðan heiða og það sem
vekur athygli þar er að talsvert er
að ganga af 12–13 punda nýrunn-
um hrygnum, einmitt laxinn sem
saknað var hvað mest framan af
sumri er veiði var víðast hvar léleg.
127 laxa holl
Norðurá er afgerandi besta áin
það sem af er þótt meðalveiði á
stöng sé mögulega betri í Laxá á
Ásum eins og oftast er. Síðasta holl
í Norðurá var með 127 laxa og var
það fimmta hollið í röð sem fer yfir
100 laxa og öll hafa farið vel yfir þá
tölu, í allt að 170 stykki raunar.
Um helgina voru komnir um 1.300
laxar úr ánni og hollið sem lýkur
veiði í dag var í myljandi málum og
stefndi í þriggja stafa tölu síðast er
fréttist.
Líflegt á Snæfellsnesi
Hörkugöngur hafa verið í ár á
Snæfellsnesi og veiðin í takt við
það. Einar Sigfússon, annar eig-
enda Haffjarðarár, sagði ána við
það að fara yfir 500 laxa, mikill lax
væri í ánni og gott vatn. Laxinn er
af öllum stærðum, 4–5 punda og
upp í 14–16 pund og það stefndi í
hreint toppsumar.
Holl í Hítará 24.–27. júlí var t.d.
með 50 laxa sem er með því besta
sem þar þekkist, mest 4 til 6 punda
lax, en fiskar með allt að 13 pund.
Laxatorfur eru í flestum hyljum að
sögn Guðrúnar G. Bergmann sem
var í umræddu holli. Ástþór Jó-
hannsson, leigutaki Straumfjarðar-
ár, hefur sömu sögu að segja. Þar
hafa nú veiðst um 130 laxar sem er
„með allra besta móti miðað við
síðasta áratug. Það þarf raunar að
fara í áttunda áratuginn til að finna
samsvarandi tölur. Síðasta holl var
með 44 laxa, en það var fjögurra
stanga veiði á þremur dögum. Nú
vonum við bara að göngur verði
áfram drjúgar og það rigni af og
til, þá stefnir í eftirminnilegt sum-
ar,“ sagði Ástþór.
Gott fyrir
norðan
Ragnar bóndi á Bakka í Víðidal
sagði Víðidalsá komna á góða sigl-
ingu. „Maður sér það best í svipum
leiðsögumannanna hversu lífleg áin
er orðin. Það eru komnir um 280
laxar úr ánni, en samanlagt í júní
og júlí í fyrra var svipuð tala og var
þó júní þá ekki eins slakur og
núna,“ sagði Ragnar.
Orri Vigfússon sagði í samtali að
það væri hörkuveiði í Laxá í Að-
aldal, síðustu tveir dagar hefðu t.d.
gefið 65 laxa og er aðeins leyfð
fluguveiði. Þá væri meðalveiði á
stöng á dag í Selá um 4 laxar um
þessar mundir og 16 til 19 punda
laxar að veiðast á nánast hverjum
degi í bland við smærri fiska.
Um helgina voru komnir 252 lax-
ar úr Laxá á Ásum, samkvæmt
uppfærðri heimasíðu Jóns Guð-
manns veiðivarðar. 23 laxar veidd-
ust á tvær stangir 26. júlí, en dags-
veiðin fer varla undir 6–8 laxa.
Víða hörkugangur
í veiðiskapnum
Morgunblaðið/Guðrún G. Bergmann
Veiðimaður kastar flugunni í
Brúarfossi í Hítará. Fylgist sam-
hliða með laxi stökkva fossinn.
ERU
ÞEIR AÐ
FÁ’ANN?
Í KVÖLD, þriðjudagskvöld, verður
farin Elliðaárdalsganga undir leið-
sögn Einars Gunnlaugssonar jarð-
fræðings og Kristins H. Þorsteins-
sonar garðyrkjustjóra. Genginn
verður Fræðslustígurinn svokallaði,
sérmerkt leið um dalinn með
fræðsluskiltum á völdum stöðum.
Þeir Einar og Kristinn munu
fræða göngufólk um jarðfræði dals-
ins og gróðurfar, hugað verður að
hinu fjölbreytta dýralífi sem þrífst
þar. Ánni verður gefinn sérstakur
gaumur svo og örnefnum. Lagt verð-
ur upp í gönguna frá Minjasafninu í
Elliðaárdal klukkan 19.30.
Fræðsluganga
í Elliðaárdal