Morgunblaðið - 30.07.2002, Blaðsíða 22

Smárabíó, Regnboginn og Borg-
arbíó Akureyri frumsýna á morg-
un The Sweetest Thing með
Cameron Diaz, Christinu Apple-
gate, Thomas Jane og Jason
Bateman.
ÞAÐ er engum blöðum um
það að fletta að Cameron Di-
az er ein af vinsælustu
stjörnum samtímans. Hún er
ekki orðin þrítug (stórafmæl-
ið er 30. ágúst, nk., ef ein-
hver ætlar að kíkja í heim-
sókn), en á að baki fjölda
frægra gangmynda.
Nýja myndin hennar, The
Sweetest Thing, setur Diaz í
nokkuð kunnuglega aðstöðu því
hún leikur Christinu Walters,
stúlku sem jafnan slítur ástarsam-
böndunum og skilur kærastana
eftir í öngum sínum. Christina er
orðin langleið á öllum sínum sam-
bandsslitum þegar hún fer á næt-
urklúbb í San Fransisco ásamt
vinkonum sínum, Jane (Selma
Blair) og Courtney (Christina
Applegate). Þar hittir hún Peter
(Thomas Jane) og nú snúast hlut-
irnir við því hann yfirgefur stað-
inn, hún situr eftir, ástfangin upp
fyrir haus.
Courtney finnst hræðilegt að sjá
bestu vinkonu sína þjást út af Pet-
er og grípur til sinna ráða. Heldur
ásamt Christinu útá þjóðveginn til
að hafa uppá Peter. Þær komast
að því að hann býr í smábæ í Kali-
forníu og þangað er sett stefnan.
Á meðan lendir Jane í höfnun
hjá kærastanum og ætlar sér ekki
að sitja aðgerðalaus. En heimurinn
getur verið undarlega lítill. Stund-
um kemur það sér vel, stundum
illa.
Hlutverk Christinu þykir sem
skrifað fyrir hæfileika og útlit Di-
az en hún þótti sýna góða gam-
anleikhæfileka í There’s Some-
thing About Mary, mynd
Farrellybræðra.
Leikarar: Cameron Diaz (Mask, A Life
Less Ordinary, Being John Malkovich,
Charlies Angels, Vanilla Sky);
Christina Applegate (The Big Hit,
Mars Attacks!, Just Visiting); Thomas
Jane (Boogie Nights, Deep Blue Sea,
Magnolia); Selma Blair (Scream 2,
Cruel Intentions, Legally Blonde).
Leikstjóri: Roger Kumble (Cruel
Intentions I og II).
Cameron Diaz (í miðið) ásamt vinkonum
sínum í kvikmyndinni Sweetest Thing.
Litla sæta
ljúfan góða
LISTIR
22 ÞRIÐJUDAGUR 30. JÚLÍ 2002 MORGUNBLAÐIÐ
meistar inn. is
HÖNNUN LIST
KÓR Flensborgarskóla, sem skip-
aður er nemendum skólans undir
stjórn Hrafnhildar Blomsterberg,
vann fyrstu verðlaun í einum flokki í
alþjóðlegu kórakeppninni Certamen
Internacional de Habaneras y
Polifonía, sem lauk um helgina í
Torrevieja á Spáni. Kórinn hlaut
fyrstu verðlaun í flokki pólífónískra
verka frá eigin landi, fyrir flutning
sinn á íslenska þjóðlaginu Veröld
fláa í útsetningu Hafliða Hallgríms-
sonar. Alls tóku 23 kórar þátt í
mótinu, margir frá Spáni en einnig
voru þar m.a. kórar frá Kína, Arg-
entínu, Venesúela og Rússlandi.
„Fyrir tveimur árum var ég með
Kór Flensborgarskóla á kóramóti
ungmennakóra í Kanada, þar sem
staddur var framkvæmdastjóri
keppninnar hér í Torrevieja. Hann
bauð okkur að koma og taka þátt í
þessari keppni árið eftir, en ég af-
þakkaði. Okkur var þá boðið að
koma árið eftir, sem við þáðum,“
sagði Hrafnhildur Blomsterberg
kórstjóri í samtali við Morgunblaðið.
Kórnum var boðið á mótið, sem
hófst 20. júlí, og var greitt fyrir
hann fæði og upphald af hálfu
keppninnar, en kórfélagar greiddu
ferðakostnað sjálfir.
Keppt var í spænskum þjóðlög-
um, pólífónískum lögum bæði
spænskum og erlendum, og í
pólífónískum lögum þess lands sem
kórarnir eru frá. Síðastnefndi liður-
inn er sá sem Kór Flensborgarskóla
vann til verðlauna í, en allir kórarnir
kepptu í öllum liðum keppninnar.
„Við fluttum Veröld fláa sýnir sig,
íslenska þjóðlagið í útsetningu Haf-
liða Hallgrímssonar, sem framlag
okkar í þeim hluta sem við unnum,“
segir Hrafnhildur. „Ég valdi það lag
þar sem mér finnst útsetningin góð
og kórinn hefur sungið það áður.
Lög þeirrar þjóðar sem við vorum
að heimsækja eru auðvitað mjög ólík
okkar, og ég vildi velja lag sem væri
mjög íslenskt. Það vegur líka þungt
að kórnum þykir gaman að syngja
það. Lagið hafði því allt til að bera
sem ég vildi sýna.“
Keppnin fór fram í gamalli salt-
geymslu í Torrevieja sem breytt
hefur verið í tónleikasal utan dyra.
„Þetta er einstaklega skemmtilegur
staður niðri við höfnina. Þar rúmast
1.000 áheyrendur, og var selt inn á
keppnina. Það er uppselt á keppnina
í hvert skipti sem keppt er og áheyr-
endur mega láta í ljós skoðun sína.
Kórnum var mjög vel fagnað til
dæmis þegar þau sungu spænsku
þjóðlögin, þó að við ynnum ekki þá
keppni,“ segir Hrafnhildur.
Kórinn var valinn til að syngja á
gala-tónleikum síðastliðinn laugar-
dag, þar sem úrslit keppninnar voru
jafnframt kynnt. Einnig hélt kórinn
tvenna tónleika á eigin vegum utan
við Torrevieja, sem báðum var mjög
vel tekið að sögn Hrafnhildar.
Keppninni var útvarpað beint á Net-
inu en hún verður sýnd í spænska
sjónvarpinu eftir viku.
Kór Flensborgarskóla undir stjórn Hrafnhildar Blomsterberg vann fyrstu verðlaun í alþjóðlegri kórakeppni.
Kór Flensborgarskóla hlutskarpastur í keppni á Spáni
Fyrstu verðlaun
fyrir íslenskt þjóðlag
TÓNLIST eftir 20. aldar tón-
skáld verður flutt á næstu
Þriðjudagstónleikum í Lista-
safni Sigurjóns Ólafssonar í
kvöld kl. 20.30. Það er Tríó
Andrésar Gunnlaugssonar
ásamt Kristjönu Stefánsdóttur
djasssöngkonu sem flytja tón-
listina og hefur dagskráin yf-
irskriftina Djassrómantík.
Tríóið skipa, auk Andrésar
sem leikur á gítar, Tómas R.
Einarsson kontrabassaleikari og
Rene Winter trommuleikari. Ís-
lendingarnir hafa víða komið við
á ferli sínum, bæði heima og að
heiman. Þá hefur Hollending-
urinn Rene Winter ekki látið
sitt eftir liggja en hann hefur
m.a. leikið með mörgum helstu
djasstónlistarmönnum Hollands
og er fastur meðlimur í hljóm-
sveitum eins og Bob Wijnen
Trio, West Coast Big Band, og
Kvartett Lils Machintosh, sem
hlaut Edison-verðlaunin árið
2000.
Rene nam djasstrommuleik
við Konunglega tónlistarháskól-
ann undir leiðsögn Clarence
Becton, Erik Ineke og Marcel
Serierse og fleiri. Árið 1999
lauk Rene námi og hóf að starfa
sem atvinnutónlistarmaður.
Djassrómantík í listasafni
ENDURÚTHLUTAÐ hefur verið
úr Kvikmyndasjóði Íslands fyrir
þetta ár og var ákveðið síðdegis í
gær að Stella í framboði, kvik-
mynd Guðnýjar Halldórsdóttur,
hlyti óskipt það fé sem sjóðurinn
hefur til ráðstöfunar nú, alls 35
milljónir króna. Meirihluti stjórn-
ar Kvikmyndasjóðs Íslands stað-
festi ákvörðun úthlutunarnefndar,
sem í eiga sæti Þorfinnur Ómars-
son, Anna G. Magnúsdóttir og
Christof Wehmeier, en formaður
stjórnarinnar, Vilhjálmur Egils-
son, greiddi atkvæði á móti tillög-
unni.
„Valið var erfitt og það voru
nokkur mjög álitleg verkefni sem
komu til greina,“ sagði Þorfinnur
Ómarsson í samtali við Morgun-
blaðið í gærkvöldi.
„Niðurstaða úthlutun-
arnefndar um að veita
Stellu í framboði eftir
Guðnýju Halldórsdótt-
ur það fé sem til ráð-
stöfunar var, var þó
einróma.“
Úthlutað er úr
Kvikmyndasjóði öðru
sinni í ár, vegna þess
að kvikmyndargerðar-
menn, sem hlutu vil-
yrði fyrir styrkjum ár-
ið 2001, reyndust ekki
geta lokið fjármögnun
kvikmynda sinna.
„Skilyrðið er að mynd-
irnar nái að ljúka fjármögnun. Í
þeim tilfellum sem það tókst ekki,
voru fyrirhugaðar
greiðslur felldar niður
og fundin ný verkefni
til að styrkja,“ sagði
Þorfinnur.
Síðast var úthlutað
úr sjóðnum 18. janúar
í ár. Sjóðnum bárust á
þeim tíma 48 umsókn-
ir um framleiðslu á
bíómyndum og 24 um-
sóknir um þróun á bíó-
myndum. Í gær var
valið úr þeim umsókn-
um sem sjóðnum bár-
ust fyrir úthlutun í
janúar og hlutu ekki
styrk, en ekki auglýst
sérstaklega eftir umsóknum fyrir
endurúthlutunina.
Veitt úr Kvikmyndasjóði Íslands öðru sinni í ár
Guðný
Halldórsdóttir
Stella í framboði
hlaut 35 milljónir