Morgunblaðið - 30.07.2002, Qupperneq 14

SUÐURNES
14 ÞRIÐJUDAGUR 30. JÚLÍ 2002 MORGUNBLAÐIÐ
Glucosamine (870 mg
Glucosamine í hverjum belg)
ásamt engifer og turmeric
www.islandia.is/~heilsuhorn
Fyrir vöðva og liðamót
Glerártorgi, Akureyri, s. 462 1889
fæst m.a. í Lífsinslind í Hagkaupum,
Árnesaptóteki Selfossi og
Yggdrasil Kárastíg 1.
UPPSAGNARBRÉF voru send til
72 starfsmanna Keflavíkurverktaka
í gær. Róbert Trausti Árnason, for-
stjóri fyrirtækisins, segir starfs-
menn slegna, en vonast til að verk-
efnastaða batni svo hægt verði að
ráða fólk til starfa á ný. Starfs-
mannafundir voru haldnir í fyrir-
tækinu í gær þar sem rætt var um
uppsagnirnar og verkefnastöðu fyr-
irtækisins.
„Ef verkefnastaðan batnar ætla
ég mér að bjóða fólkinu að vinna
áfram hjá félaginu eftir því sem
kostur er,“ sagði Róbert í samtali
við Morgunblaðið í gær. Flestir
þeir sem sagt var upp eru iðn-
aðarmenn.
Róbert sagði það engum tilgangi
þjóna að ræða við Varnarliðið um
verkefni, en hálfrar aldar einokun
Keflavíkurverktaka og Íslenskra
aðalverktaka um framkvæmdir á
vegum Varnarliðsins hefur verið af-
létt í áföngum undanfarin ár og
verður með öllu aflétt um áramótin.
„Það er ekkert sem að mælir
gegn því að verkefnastaða okkar
batni fljótlega,“ sagði Róbert.
„Þetta snýst eingöngu um það
hversu vel okkur gengur í tilboðs-
gerð okkar, því nú er allt boðið út.“
Róbert sagði Keflavíkurverktaka
hafa átt mikilli velgengni að fagna
undanfarin tvö ár, en starfsmenn
væru skiljanlega slegnir vegna
uppsagnanna.
72 starfsmönnum sagt upp hjá Keflavíkurverktökum
„Vonast til að verkefna-
staðan batni fljótlega“
Keflavíkurflugvöllur
AKUREYRI
UNDIRBÚNINGUR að heimkomu víkingaskipsins
Íslendings gengur samkvæmt áætlun, að sögn
Árna Sigfússonar, bæjarstjóra Reykjanesbæjar. Á
sunnudag fór Íslendingur í vel heppnaða prufu-
siglingu með fjölmiðlafólki vestra og forystu-
mönnum í Westbrook, segir í frétt frá Reykja-
nesbæ.
Gunnar Marel skipstjóri og Elías Jensson stýri-
maður eru báðir komnir til Westbrook í Conn-
ecticut, þar sem skipið mun leggja upp til Boston í
dag.
Gunnar Marel segir skipið í mjög góðu ástandi
og hlakkar til fararinnar. Auk þeirra Elíasar og
Gunnars verða sex skipverjar með í för, velunn-
arar Íslendings frá Westbrook.
Íslendingur mun sigla norður til Boston og er
áætlaður komutími föstudagurinn 2. ágúst en Ice-
land Naturally og Íslensk-ameríska versl-
unarráðið hafa skipulagt móttökuathöfn af því til-
efni.
Daginn eftir mun svo siglt áleiðis til Shelburne í
Nova Scotia, með viðkomu í Portsmouth.
Í Shelburne er áætlað að víkingaskipið verði 9.
ágúst en þar verður það tekið um borð í Lagarfoss
Eimskipafélagsins 12. ágúst og siglt heim á leið.
Heimkoma
Íslendings
undirbúin
Morgunblaðið/Brynjar Gauti
Reykjanesbær
AFLAHEIMILDIR á Suðurnesjum
hafa færst til innan svæðisins und-
anfarin tíu ár og í sumum tilfellum
hafa aflaheimildir vaxið hlutfallslega
á þessum tíma, að sögn Kristjáns
Pálssonar, þingmanns Reykjanes-
kjördæmis. Hann segir því ekki rétt
það sem kom fram í máli Ketils Jós-
efssonar, forstöðumanns Svæðis-
vinnumiðlunar Suðurnesja, í Morg-
unblaðinu sl. föstudag, að kvóti hafi
horfið og skip verið seld í burtu án
þess að nokkuð hafi verið að gert.
Kristján segir að árið 1993 hafi
verið komið á laggirnar Eignar-
haldsfélagi Suðurnesja í þeim til-
gangi að ná svæðinu upp úr erfiðri
efnahagslegri lægð. „Ég lít svo á að
það hafi tekist, enda margir sem
lögðu þar hönd á plóginn,“ segir
Kristján.
Eignarhaldsfélagið hefur undan-
farin fjögur ár fengið hátt í tvö
hundruð milljónir króna frá ríkis-
sjóði. Verkefni sem hafa fengið
úhlutað fjármunum úr sjóðum fé-
lagsins eru m.a. tengd ferðaþjón-
ustu, fiskvinnslu og kvótakaupum.
Kristján segir kvótann hafa færst til
Grindavíkur þar sem öflug sjávarút-
vegsfyrirtæki er að finna. „Á sama
tíma hefur kvóti því miður minnkað í
Sandgerði. Ég tel það
tímabundið ástand því
fá pláss liggja betur við
gjöfulum fiskimiðum en
Sandgerði.
Þessar tilfærslur hafa
þó ekki skapað eins
mikla erfiðleika og bú-
ast hefði mátt við vegna
þess að fiskverkendur á
Suðurnesjum nýta sér
fiskmarkaði, sem eru
mjög öflugir á svæð-
inu,“ segir Kristján. „Til
marks um það kaupa
Suðurnesjamenn um 20
þúsund tonn af þeim 32
þúsund tonnum af fiski
sem keypt eru á fiskmörkuðum af
mörkuðum utan Suðurnesja.“
Samvinna nauðsynleg
Kristján vill meina að verkalýðs-
hreyfingin verði að vera með í þeim
breytinum sem eru að verða á verk-
takamarkaðinum á Keflavíkurflug-
velli. Um áramótin lýkur einokun
Keflavíkurverktaka og Aðalverk-
taka á Keflavíkurflugvelli, en fyrir-
tækin hafa undanfarna hálfa öld set-
ið ein að öllum framkvæmdum á
vellinum.
„Verkalýðshreyfingin hefur vitað í
tíu ár að það hefur staðið til að af-
nema einkaleyfi verk-
takanna og verður að
laga sig að þeirri stað-
reynd. Það eru miklar
breytingar framundan.
Það verður að auðvelda
verktakafyrirtækjunum
sem starfa á Vellinum
að sækja út af svæðinu.
Það verður að gerast í
samvinnu verkalýðs-
félaganna og fyrirtækj-
anna.“
Að sumu leyti segir
Kristján að uppsagnir
hjá Keflavíkurverktök-
um hafi verið fyrirsjáan-
legar, þar sem engum
verkefnum var úthlutað til þeirra á
árinu. „Það kom hins vegar á óvart
að utanríkisráðuneytið og varnar-
málaskrifstofan skyldu ekki úthluta
neinu verkefni til Keflavíkurverk-
taka í ár. Á því hafa ekki verið gefnar
neinar skýringar.
Það er að sjálfsögðu alltaf mjög
erfitt þegar uppsagnir ganga yfir.
Ég vona að þær verði aðeins tíma-
bundnar. Af hálfu þingmanna er full-
ur vilji til að koma að lausn aðsteðj-
andi vandamála, en sem betur fer
hafa þau verið mjög fá á undanförn-
um árum. Enda eru Suðurnesin eitt
sterkasta atvinnusvæði á landinu.“
Kristján Pálsson þingmaður segir engar skýringar
gefnar á verkefnaúthlutun varnarliðsins
Suðurnesin mjög
sterkt atvinnusvæði
Kristján Pálsson
Suðurnes
ÞURR suðvestanátt var í Mývatns-
sveit á föstudag.
Slíkum degi sleppir ekki Sig-
urgeir Jónasson bóndi í Vogum til
að þurrka töðuflekk, allrahelst þeg-
ar þurrkdagar hafa verið fáir svo
sem nú hefur verið um sinn hér í
sveit. Hann er hér kominn á Uni-
versal-dráttarvél frá ungverska al-
þýðulýðveldinu. Sú er af árgerð
1976 og hefur staðið sig vel í Mý-
vatnssveit en var áður í Norðfirði.
Hér er Sigurgeir að snúa á Ytri-
Höfða, sem hann leigir af Reykhlíð-
ungum. Hann lætur ekki deigan
síga þó kominn sé á níunda tuginn
en vinnur myrkra á milli við bú-
skapinn.
Morgunblaðið/BFH
Sigurgeir Jónasson í Vogum sleppir ekki góðum þurrkdegi.
Þurrkdagur hjá
Sigurgeiri í Vogum
ÞRJÚ ungmenni sluppu án teljandi
meiðsla eftir bílveltu á Súluvegi ofan
Akureyrar á laugardagskvöld.
Öll voru þau með bílbeltin spennt
og mun það hafa komið í veg fyrir
mun alvarlegri áverka, samkvæmt
upplýsingum frá Slökkviliði Akur-
eyrar. Bifreiðin fór nokkrar veltur
og er talin gjörónýt. Öll voru ung-
mennin flutt á slysadeild þar sem
gert var að sárum þeirra.
Morgunblaðið/Skapti Hallgrímsson
Beltin
björguðu
DANIEL Breton bandarískur nátt-
úrulífskvikmyndatökumaður segir
60% af öllum álkum í heiminum búa
á Íslandi.
Daniel hefur dvalið síðustu 6 vik-
urnar í Grímsey við rannsóknir og
myndatökur á lifnaðarháttum og
hegðun þessa fallega fugls. Hann
hefur fylgst með álkum og líferni
þeirra í Maine í Bandaríkjunum og
segir að það fyrsta sem hafi vakið
athygli hans, var ólík hreiðurgerð
álkunnar þar og álkunnar hér. Í
Maine eru álkuhreiðrin alltaf í felum
og ósýnileg með öllu en í Grímsey
búa þær um sig í klettum og á
klettasnösum með öðrum bjargfugl-
um.
Daniel hefur gert sérlega upplýs-
andi fræðslumynd um lunda á Seal
Island NWR eða Selaeyju sem er
friðuð og nokkurs konar þjóðgarður.
Myndina kallar hann „Fish out of
water“ sem útleggst fiskur upp úr
vatni en lundinn og álkan eru sjó-
fuglar sem lifa 7 mánuði ársins á sjó
og synda mun betur en þeir fljúga.
Daniel hefur unnið við náttúrulífs-
kvikmyndagerð í 4 ár. Fuglaáhuga-
menn og aðrir geta fræðst nánar um
hans merkilega starf í fuglaheim-
inum á www.ganglionfilms.com.
60% álkustofnsins
lifa á Íslandi
Morgunblaðið/Helga Mattína
Daniel Breton hefur síðustu vikur dvalið í Grímsey og myndað álkur.
Grímsey