Morgunblaðið - 22.08.2002, Side 16

AKUREYRI
16 FIMMTUDAGUR 22. ÁGÚST 2002 MORGUNBLAÐIÐ
Ertu
að f
ara
í frí
?
Panta›u
Frífljónustu
Morgunbla›sins
á
e›a í síma 569 1122
SUÐURNES
STJÓRN Fasteigna Akureyrarbæj-
ar fjallaði á fundi sínum nýlega um
viðbyggingu á lóð Dvalar- og hjúkr-
unarheimilisins Hlíðar. Á fundinum
kom fram að nauðsynlegt væri að
fyrir lægi sem allra fyrst hvort
nokkrir annmarkar væru á því, með
tilliti til skipulags, stærðar lóðar og
annarra aðstæðna á svæðinu að þar
yrði byggð álma eða deild fyrir allt
að 60 hjúkrunarrými.
Stjórnin fól framkvæmdastjóra að
láta kanna þennan möguleika með
tilliti til rýmisþarfar slíkrar bygging-
ar, staðsetningar hennar, tengingar
við eldra húsnæði svo og hugsan-
legra breytinga á akstursleiðum á
bílastæðum á lóðinni.
Viðbygging
við Hlíð til
skoðunar
ÁSMUNDUR Valgeirsson, höf-
undur sigurlagsins í keppninni um
Ljósanæturlagið 2002, segist alltaf
hafa haft góða trú á laginu sínu.
Hann gaf sér góðan tíma í að semja
textann en lagið rann nokkuð ljúf-
lega frá nótum píanósins. Sú stað-
reynd að margir þekktir lagahöf-
undar áttu framlag í keppninni
kom honum því ekki úr jafnvægi og
í samtali við Morgunblaðið segist
hann hafa áhuga á að gefa út fleiri
lög sem hann á í fórum sínum. „Vel-
komin á ljósanótt“ verður gefið út á
geisladisk fyrir Ljósanætur í
Reykjanesbæ 5.–8. september,
ásamt hinum lögunum níu sem
kepptu til úrslita.
Ásmundur er enginn nýgræð-
ingur í laga- og textagerð þó efni
hans hafi ekki farið hátt fram að
þessu. Fyrir tæpum tveimur árum
gaf hann út geisladiskinn Mullet
með samnefndri hljómsveit, sem
innihélt bæði „instrumental“ lög og
lög við texta Ásmundar, einkum á
enskri tungu.
„Þessi geisladiskur fékk ágætis
gagnrýni í Morgunblaðinu á sínum
tíma en því miður ekki mikla kynn-
ingu í útvarpi. Ég hafði ætlað að
láta Mullet hreinsa upp efni sem ég
átti, en þegar maður stofnar hljóm-
sveit vill hún taka ákveðna stefnu.
Núna hef ég mikinn áhuga á því að
gefa út eitthvað af þessum venju-
legu lögum sem ég á og hvetur sig-
urinn í keppninni á föstudag mig til
þess að gera það. Ég hef fengið
mjög góð viðbrögð við laginu og
það er mjög gaman að semja fyrir
svona þakkláta hlustendur,“ sagði
Ásmundur.
„Velkomin á ljósanótt“ var frá
upphafi samið sérstaklega fyrir
keppnina. Ásmundur segist hafa
stokkið á píanóið eftir að hann rak
augun í auglýsinguna og að hans
sögn var laglínan nokkuð fljót að
koma, sem og titill lagsins. „Í kjöl-
farið gaf ég mér góðan tíma. Lagið
kláraði ég fljótlega en textanum lá
ég yfir í nokkurn tíma, í raun alveg
þar til fjórir dagar voru í síðasta
skiladag. Ég sem nú ekki marga
texta á ári og gaf mér því allan
þann tíma sem ég hafði til að finna
sniðugar textalínur.“
Ásmundur segist helst setjast við
píanóið til að semja en grípur einn-
ig í gítarinn, allt eftir því hvers eðl-
is lagið er. Hann lærði á píanó í
Tónlistarskólanum í Njarðvík á sín-
um yngri árum en tók sér hlé frá
námi á unglingsárunum, þegar
rokkið átti hug hans allan og hann
stofnaði hljómsveit ásamt fleiri
unglingsstrákum úr Njarðvík. „Ég
tók upp þráðinn að nýju eftir tví-
tugt og hef lokið 6. stigi í píanóleik.
Einnig tók ég á sínum tíma einn
vetur í gítarleik, svona til að ná
gripunum.“
Ásmundur segist vilja útsetja sín
lög sjálfur og hefur orðið sér úti um
útbúnað til þess. „Þessi árátta mín
að vilja gera þetta sjálfur verður til
þess að tónlistarferlið tekur drjúg-
an tíma hjá mér,“ sagði Ásmundur
að lokum sem þó gefur sér tíma fyr-
ir þetta áhugamál sitt samhliða
framhaldsnámi, en fyrir nokkrum
árum ákvað hann að láta gamlan
draum um háskólanám rætast og
hefur nám í hagfræði í haust.
Ásmundur Valgeirsson er höfundur
Ljósanæturlagsins 2002
Morgunblaðið/Svanhildur Eiríksdóttir
Ásmundur eyðir löngum stundum við píanóið bæði við að semja og spila.
Sigurinn hvatning
til frekari útgáfu
Njarðvík
SAMFYLKINGIN lagði fram fyr-
irspurn á fundi bæjarstjórnar
Reykjanesbæjar á þriðjudag varð-
andi starfslokasamning fram-
kvæmdastjóra Heilbrigðisstofnunar
Suðurnesja, Jóhanns Einvarðsson-
ar. Fyrirspurninni var beint til bæj-
arstjóra sem mun svara henni á
næsta fundi bæjarstjórnar, 3. sept-
ember nk.
Í fréttum undanfarið hefur komið
fram í máli formanns stjórnar
sjúkrahússins að hugmyndafræði-
legur ágreiningur milli Jóhanns og
heilbrigðisráðuneytisins hafi verið
ástæða starfslokanna. Telur Sam-
fylkingin slík ummæli kalla á nánari
skýringar og vill fá svör við því í
hverju sá ágreiningur sé fólginn og
hvort vænta megi breytinga á starf-
semi HSS í kjölfarið. Þá spyr Sam-
fylkingin hvaða skýringar heilbrigð-
isráðuneytið hafi gefið stjórn
sjúkrahússins á brottvikningu fram-
kvæmdastjórans. Einnig er spurt
hvort dregið verði úr hallarekstri
stofnunarinnar með niðurskurði á
þjónustu og hvenær vænta megi
þess að nýting 3. hæðar D-álmu
verði ákveðin og hvenær 2. og 3.
hæð verði teknar í notkun.
Samfylkingin óskar einnig eftir
upplýsingum um fjárhagsstöðu
stofnunarinnar í dag og undanfarin
fimm ár svo og spyr hvort fjárveit-
ingar til hennar séu sambærilegar
við fjárveitingar til hliðstæðra
stofnana í landinu.
Samfylkingin leggur fram fyrirspurn
á fundi bæjarstjórnar varðandi HSS
Vilja betri skýringar á
brottvikningu Jóhanns
Reykjanesbær
SKÁKFÉLAG Akureyrar verður
með hraðskákmót í kvöld, fimmtu-
dag, í Íþróttahöllinni og hefst taflið
kl. 20.00.
Umhugsunartími er fimm mínútur
á keppanda og er öllum heimil þátt-
taka.
Hraðskákmót
♦ ♦ ♦
BJÖRN Björnsson, starfsmaður
Sundlaugar Akureyrar, kom heim
með heldur óvenjulegan feng úr sil-
ungsveiðitúr í Öxnadalsá í vikunni.
Björn veiddi mink á bakka árinnar
og notaði hann heldur sérstaka að-
ferð við að fella dýrið. Hann kastaði
grjóti í minkinn, sem hljóp eftir
bakkanum hinum megin árinnar.
Færið var um 15–20 metrar og
steinlá minkurinn við höggið en
þarna var mjög ungt dýr á ferð.
Björn var ásamt konu sinni Önnu
Bergrós Arnarsdóttur við veiðar á
svæði 5B, rétt sunnan við Jónasar-
lund í Öxnadal. Anna var að veiða á
brú yfir ána en Björn stóð á kletti
þar neðan við. Anna sá minkinn
hlaupa í grjóti á bakkanum og tók
Björn sér þá grjót í hönd og henti
því í áttina að minknum, sem varð
fyrir grjótinu og steinlá. Björn, sem
hefur leikið sem handknattleiks-
markvörður með KA og Þór und-
anfarin ár, er vanur að senda ná-
kvæmar sendingar fram völlinn og
sú æfing hefur vafalaust komið hon-
um til góða við að fella minkinn, því
hann þurfti aðeins eina tilraun.
Björn tók minkinn með sér heim
og einnig grjótið sem hann felldi
dýrið með og ætlar hann að láta
stoppa minkinn upp og halda
grjótinu til haga.
Björn sagði að það væri ekki til
þess að auka veiðimöguleikana að
sjá mink hlaupa eftir árbakkanum.
Þess má þó geta að Björn og Anna
veiddu sinn hvorn silunginn í veiði-
ferðinni.
Óvenjulegur fengur í silungsveiði
Morgunblaðið/Kristján
Björn Björnsson með minkinn sem hann veiddi á bökkum Öxnadalsár.
Minkur veiddur
á árbakkanum
LEIKSKÓLINN Leikhólar er 20
ára um þessar mundir en hann var
tekinn í notkun árið 1982. Af því
tilefni var haldin afmælisveisla í
leikskólanum á laugardag. Svan-
dís Julíusdóttir leikskólastjóri
flutti ávarp, boðið var upp á grill-
aðar pylsur, farið var í skrúð-
göngu kringum Leikhóla og
Skralli trúður mætti á svæðið og
hélt uppi fjöri.
Gestum var boðið að skoða muni
sem börnin á Leikhólum hafa gert
og var þar margt skemmtilegt að
sjá, teikningar, málverk og fleira.
Þá voru sýndar ljósmyndir af
börnum á leikskólanum, bæði nýj-
ar og eldri. Vöktu þær að sjálf-
sögðu mikla kátínu. En eitt er það
sem vekur alltaf lukku en það er
hvað börnin geta verið
orðheppin. Á sýningunni var
sýnishorn af heimspeki barnanna
og hér birtum við nokkur þeirra,
það eru setningar sem leikskóla-
kennararnir heyra í erli dagsins
og festu á blað:
Sagt í hríðinni í maí eftir góða
veðrið í apríl: Það er svolítið langt
síðan gamla sumarið var. Benni er
búinn að missa tönn. Já, og það
eru blóðnasir úr tönninni. Mér líð-
ur illa í höfðinu og hausnum. Af
hverju heitir þú Jakob? Af því að
forsetinn skírði mig það. Menn
vaska ekki upp, bara konur. Hvað
er Guð gamall? Af hverju er sjór-
inn þarna? Við erum að fá okkur
hund, sem heitir Labrador af því
að mamma og pabbi eru búin að
gifta sig. Ég er með glerbrot í
vasanum, það er bara plast. Af
hverju er nammidagur? Af því að
annars fáum við aldrei nammi. Ég
kann að segja Alexía María á út-
lensku: Elexí Meríe.
Morgunblaðið/Helgi Jónsson
Leikskólakennarar brugðu sér í gervi karlakórsmanna og sungu fyrir börnin í afmælisveislunni.
Afmælisveisla með skrúðgöngu
Ólafsfjörður