Morgunblaðið - 01.09.2002, Qupperneq 27

LISTIR
MORGUNBLAÐIÐ SUNNUDAGUR 1. SEPTEMBER 2002 27
Miðasölusími: 551 1200
Netfang: midasala@leikhusid.is
Veffang: www.leikhusid.is
Opið kort – þitt val!
Með opnu korti velur þú á hvaða
fimm sýningar þú vilt fara, hvenær
þú vilt fara og hvort þú vilt taka
einhvern með þér. Þú átt ekki
frátekið sæti en nýtur að öðru leyti
sömu fríðinda og með áskriftarkorti.
Fimm leikhúsmiðar á einstökum
kjörum þegar löngunin grípur þig!
Verð: 9.500
Kortagestum, sem ganga frá
kortum sínum fyrir 15. september,
gefst kostur á tveimur miðum á
verði eins á hið vinsæla barnaleikrit
Jón Odd og Jón Bjarna eftir
Guðrúnu Helgadóttur í september
eða á Viktoríu og Georg eftir
Ólaf Hauk Símonarson í október.
Kortasalan er hafin!
Litla sviðið:
Viktoría og Georg
Rakstur
Pabbastrákur
Frá fyrra leikári:
Karíus og Baktus
Stóra sviðið:
• Lífið þrisvar sinnum
• Skakki Billi
• Með fullri reisn - söngleikur
• Rauða spjaldið
• Allir á svið!
Frá fyrra leikári:
Með fulla vasa af grjóti
Jón Oddur og Jón Bjarni
Smíðaverkstæðið:
Laugavegur brennur
Frá fyrra leikári:
Veislan
Áskriftarkort – þitt sæti!
Með áskriftarkorti tryggir þú þér
þitt sæti á fimm sýningar
(•merktar með rauðum punkti).
Kortagestum er að sjálfsögðu
frjálst að skipta út föstum
sýningum á Stóra sviðinu.
Njóttu þess að eiga öruggt,
frátekið sæti og fá verulegan
afslátt. Verð: 9.500
Leikárið
2002-2003
í hverjum dropa
Er meltingin í ólagi?
Er heilsan ekki eins og best verður á kosið?
Vita Biosa er afrakstur 20 ára rannsókna og fólk í yfir 100 löndum sækir
sér heilsubót til þessa fæðubótarefnis nú. Jurtadrykkurinn er blanda
af kryddjurtum og öðrum plöntum sem eru gerjaðar með sérstakri
blöndu af mjólkursýrugerlum. Vita Biosa vinnur ekki eingöngu að
hreinsun líkamans heldur stuðlar drykkurinn einnig að því að jafnvægi
náist í öllum líkamanum.
Eftirfarandi kynningar verða í apótekum Lyfju
milli kl. 14.00 og 17.00
Á morgun 2/9 Lyfja Lágmúla
Þriðjudag 3/9 Lyfja Smáratorgi
Miðvikudag 4/9 Lyfja Laugavegi
Fimmtudag 5/9 Lyfja Smáralind
P
R
E
N
T
S
N
IÐ
E
H
F
.
OPINN fundur Listahátíðar í
Reykjavík sem haldinn var í Hafn-
arhúsinu á föstudag var skipulagður
í því skyni að skapa markvissar um-
ræður um tvö brýn málefni fyrir
menningarlíf í landinu. Var þar ann-
ars vegar efnt til umræðna um
heppilega útfærslu tónlistar- og ráð-
stefnuhúss í samræðu við Joan
Matabosch, óperustjóra í Barcelona,
en þeim hluta fundarins verða gerð
skil í viðtali er Morgunblaðið tók við
Matabosch.
Á síðari hluta fundarins var rætt í
fyrsta sinn opinberlega og í víðum
hópi fag- og listafólks um mögu-
leikann á stofnun myndlistartvíær-
ings á Íslandi, þ.e. að efnt yrði á
tveggja ára fresti til stórsýningar í
myndlist, líklega í Reykjavík, þar
sem þekktum alþjóðlegum og ís-
lenskum listamönnum yrði boðið að
halda hér sýningar undir stjórn
reynds sýningarstjóra.
Í inngangserindi sínu að um-
ræðum dagsins benti Þórunn Sig-
urðardóttir, stjórnandi Listahátíðar
í Reykjavík, á að menningarstarf-
semi af ýmsu tagi væri ört vaxandi
atvinnugrein um allan hinn vestræna
heim. „Evrópusambandið spáir því
að árið 2011 muni 22 milljónir Evr-
ópubúa hafa atvinnu af menningar-
starfi. Fjármagnið í þessari menn-
ingarveltu er gríðarlegt og
margföldunaráhrif þess einnig. Hlið-
argreinar eins og menningartengd
ferðaþjónusta, ýmiss konar fram-
leiðslu- og þjónustugreinar eru einn-
ig vaxandi og því er spáð að vaxt-
armöguleikar menningarinnar muni
slá öllum öðrum atvinnugreinum við
í Evrópu á næstu áratugum,“ sagði
Þórunn.
Samstarf
menningarstofnana
Ólafur Kvaran, forstöðumaður
Listasafns Íslands, Eiríkur Þorláks-
son, forstöðumaður Listasafns
Reykjavíkur, og Tumi Magnússon
myndlistarmaður fluttu erindi á
fundinum. Þar velt var upp mögu-
leikum við framkvæmd þess að koma
á fót myndlistartvíæringi hér á landi,
og þeir möguleikar vegnir og metnir
í ljósi stöðu máli í íslensku safna- og
myndistarumhverfi.
Ólafur Kvaran benti á að á höf-
uðborgarsvæðinu væru 6 listasöfn
með eigin sýningaraðstöðu, þ.e.
Listasafn Íslands, Listasafn Reykja-
víkur, Nýlistasafnið, Listasafn
Kópavogs, Listasafn ASÍ og Hafn-
arborg. Forráðamenn þessara stofn-
ana hefðu að undanförnu rætt sín á
milli þann möguleika að efna til sam-
eiginlegra sýninga á alþjóðlegri sam-
tímalist annað hvert ár, sem hæfist
árið 2005, en slíku verkefni væri ekk-
ert safnanna fært um að sinna vegna
þeirra takmarkana sem fjárhagur og
stærð settu þeim. Í tengslum við
hugmyndina um stofnun alþjóðlegs
myndlistartvíærings gæfist færi á að
þróa þessa hugmynd frekar, og væri
í því sambandi heppilegt að setja á
laggirnar sérstaka stofnun, sem í
umboði safnanna bæri ábyrgð á sýn-
ingunni, réði sýningarstjóra og ann-
aðist aðra framkvæmd málsins. Þá
mætti gera ráð fyrir að aðrir legðu
sýningunni lið, s.s. fulltrúar lista-
mannasamtakanna, Listaháskóli Ís-
lands og Háskóli Íslands. „Það sem
skiptir máli er að mynda samstöðu
þeirra aðila sem búa yfir mikilvægri
fagþekkingu til að vinna að fram-
gangi og framkvæmd málsins,“ sagði
Ólafur og ítrekaði að nýtt fjármagn
yrði þó að koma til ætti framkvæmd-
in að geta orðið að veruleika.
Hvað kosti alþjóðlegs myndlist-
artvíærings varðaði, nefndi Ólafur
eflingu ferðamannaiðnaðarins og al-
þjóðavæðingu íslenskrar myndlistar.
Eiríkur Þorláksson taldi stofnun al-
þjóðlegs myndlistartvíærings á Ís-
landi væri eðlilegt framhald af þeim
vaxandi tengslum sem íslenskt lista-
líf hefði skapað sér við alþjóðlegan
myndlistarheim og þá eflingu stofn-
ana og aðstöðu fyrir myndlist sem
orðið hefði á undanförnum áratug-
um.
En til að framkvæmdin gæti orðið
að veruleika yrði sérstakt fjármagn
að koma til, fjármagn sem ekki væri
fyrir hendi hjá þeim listastofnunum
sem hér starfa. Það fjármagn þyrfti
að koma frá ríki og borg, og tryggja
þyrfti skilning og stuðning þessa að-
ila við verkefnið. Tók hann jafnframt
undir orð Ólafs Kvaran að listastofn-
anir á höfðborgarsvæðinu væru
reiðubúnar að leggja fram aðstöðu
og fagþekkingu til verkefnsins.
Tumi Magnússon vék að þeim
kostum sem öflgur alþjóðlegur
myndlistartvíæringur gæti haft í för
með sér, ekki síst með því að efla
tengsl íslenskra listamanna við hinn
alþjóðlega listheim, en minnti á að
lítið gagn væri í slíkri framkvæmd
nema staðið yrði almennilega að
henni. Sagði hann skilningi íslenskra
stjórnvalda á mikilvægi þess að
byggja upp slík tengsl mjög áfátt, og
að miklvægt væri að koma hér á fót
stofnun er starfaði að uppbyggingu
alþjóðlegra tengsla og hefði aðgengi-
legar upplýsingar um íslenskt mynd-
listarlíf.
„Það er svo einkennilegt á Íslandi
að stjórnvöld hér hafa ekki séð það
sem stjórnvöld flestra annarra þjóða
og þá ekki síst Norðurlandanna hafa
séð, að myndlist er alvara og skiptir
máli bæði í beinhörðum peningum og
í menningarlegu tilliti,“ sagði Tumi.
Myndlistartvíæring sagði Tumi
þarft skref í þá átt að snúa m.a. við
þeirri einangrun sem íslenskt listalíf
býr við. Þá sagði Tumi það mögulegt
að hafa stórsýninguna með öðru
millibili en á tveggja ára fresti, sagði
nauðsynlegt að fá inn fjármagn frá
ríki, borg og styrktaraðilum, að kom-
ið yrði á fót sjálfstæðri stofnun um
verkefnið og að nauðsynlegt væri að
ráða reyndan erlendan sýningar-
stjóra, að þátttaka Íslendinga færi
eftir vali hvers sýningarstjóra og að
staðið yrði vel að allri aðstöðu og
gerð kynningarefnis.
Líflegar umræður
Í þeim öflugu umræðum sem fram
fóru meðal fundargesta undir stjórn
Fríðu Bjarkar Ingvarsdóttur blaða-
manns var komið að fjölmörgum
þáttum sem mikilvægt er að huga að
áður en ráðist yrði í slíka fram-
kvæmd. Ræddu menn ekki síst um
þau heildaráhrif á íslenskt menning-
arlíf og myndlistarheim sem metn-
aðarfullt verkefni af þessu tagi
myndu hafa, ekki síst við að efla inn-
lendan listamarkað ekki síður en er-
lend tengsl.
Hvað framkvæmd verkefnisins
varðar var komið að mikilvægi þess
að stjórnvöldum yrði gerð grein fyrir
þeim jákvæðu áhrifum á sem fram-
kvæmdin hefði.
Tveir fulltrúar Reykjavíkurborg-
ar stigu á stokk í umræðum. Signý
Pálsdóttir, menningarmálastjóri
Reykjavíkurborgar, lýsti yfir áhuga
fyrir hönd embættis síns á um-
ræðum um stofnun myndlistartvíær-
ings í Reykjavík, og sagði það sam-
ræmast vel menningarmálastefnu
Reykjavíkurborgar sem sett hefði
verið fram á árinu. Benti hún á að
mikilvægt væri að almenningur upp-
lifði slíkan menningarviðburð á já-
kvæðan hátt og fyndist hann varða
hagsmuni borgarlífsins í heild.
Stefán Jón Hafstein, formaður
menningarmálanefndar Reykjavík-
urborgar, sagði verkefni á borð við
þetta samræmanst vel þeirri stefnu
að Reykjavíkur að verða heimsborg í
norðri, þ.e. að skapa sér ímynd
menningarlegrar miðstöðvar líkt og
margar borgir á Norðurlöndum
hefðu gert á undanförnum áratug-
um. Varpaði hann jafnframt fram
þeirri spurningu hvort myndlistar-
tvíæringur væri sú leið sem endilega
þyrfti að fara í þeim efnum, hvort
ekki væru aðrir kostir í stöðunni, líkt
og að bjóða hingað nokkrum þekkt-
um áhrifamiklum myndlistarmönn-
um til gestadvalar og sýningarhalds.
Tumi Magnússon sagðist telja að
ekki væri nauðsynlegt að velja á milli
slíkra kosta, meta yrði heildarverð-
mæti þess að efla íslenskt listalíf
með margvíslegum leiðum. Ólafur
Kvaran tók undir þau orð, sagði
nauðsynlegt að hafa menningarleg-
og viðskiptaleg heildaráhrif mynd-
listartvíærings að leiðarljósi þegar
lagt yrði í slíka framkvæmd.
Halldór Guðmundsson, formaður
stjórnar Listahátíðar, tók undir
þessi orð í lokaorðum sínum að dag-
skrá dagsins og ítrekaði orð Tuma
Magnússonar um að mikilvægt væri
að nægilega sómasamlega yrði stað-
ið að stofnun myndlistartvíærings á
Íslandi. Sleit hann jafnframt fundi
og þakkaði þátttöku.
Stóru skrefin metin
Listahátíð í Reykjavík efndi á föstudag til
opins fundar þar sem m.a. var rætt um
stofnun myndlistartvíærings á Íslandi.
Heiða Jóhannsdóttir var á staðnum.
Morgunblaðið/Þorkell
Ólafur Kvaran var meðal þeirra
sem fluttu erindi á fundinum.
heida@mbl.is