Morgunblaðið - 01.09.2002, Side 54
Sjónvarpið
Á vetrardagskrá Sjónvarpsins
verður þráðurinn að sumu leyti tek-
inn upp á ný hvað varðar innlent
dagskrárefni og munu gamlir kunn-
ingjar skjóta upp kollinum á nýjan
leik. At-ið verður aftur á dagskrá en
þó með breyttu sniði, Mósaík verður
á þriðjudagskvöldum í vetur og Jón
Ólafsson gerir 20 nýja þætti í syrp-
unni Af fingrum fram. Gísli Mar-
teinn Baldursson færir sig um set
frá störfum í Kastljósinu og situr við
stjórnvölinn í léttum spjall- og
skemmtiþætti á laugardagskvöldum
áður en fimmmenningarnir í Spaug-
stofunni halda uppteknum hætti að
kitla hláturtaugar landsmanna. Elín
Hirst sér um þáttinn Líf og lækn-
isfræði þar sem fjallað verður um
sex algenga sjúkdóma, auk þess sem
boðið verður upp á kennsluþátt í ís-
lensku fyrir útlendinga. Sigurður H.
Richter sér að vanda um Nýjustu
tækni og vísindi og Heima er best og
Gettu betur verða á sínum stað.
Stundin okkar verður að vanda á
sunnudögum en umsjónarmenn
hennar í vetur verða þau Jóhann G.
Jóhannsson leikari og Þóra Sigurð-
ardóttir, fyrrum starfsmaður
íþróttadeildar Sjónvarpsins. Þau
verða jafnframt kynnar Morgun-
sjónvarps barnanna um helgar.
Af góðkunningjum utan úr heimi
þykir vænlegast að kynna fyrst til
sögunnar nýjar þáttaraðir af Bráða-
vaktinni, Beðmálum í borginni,
Fraiser, Star Treck og Soprano-fjöl-
skyldunni.
Sjónvarpið tekur einnig til sýn-
ingar nýja erlenda sjónvarpsþætti
eins og bresku spennuþættina
Spooks, gamanþáttaröðina Bóka-
búðina, Scrubs hvar gert er grín á
kostnað spítalaþátta og bresku
syrpurnar The Office og Happiness.
Matreiðslumaðurinn Nigella sýnir
réttu handtökin í eldhúsinu og á
miðvikudögum verða sýndir heim-
ildamyndaþættir um listir og menn-
ingu.
Íþróttirnar verða á sínum stað.
Beinar útsendingar frá úrvalsdeild-
inni í Þýskalandi, Markaregn, Ryd-
erkeppnin í golfi og Helgarsportið
er meðal þess sem í boði verður.
Skjár 1
Fjöldi góðkunningja Skjás eins
mun dúkka aftur upp á komandi
vetri en Skjárinn mun einnig kynna
til sögunnar nýtt efni og verður gerð
nokkur grein fyrir því hér.
PoppPunktur er spurningaþáttur
í umsjón Gunna og Felix. Ekki þó
sama tvíeykis og stjórnaði Stundinni
okkar á sínum tíma heldur er sami
Felix Bergsson nú í slagtogi við Dr.
Gunna, Gunnar Lárus Hjálmarsson,
tónlistarmann og höfund rokksög-
unnar Eru ekki allir í stuði? Popp-
Punktur er spurningakeppni þar
sem tónlistarfólk af öllum stærðum
og gerðum etur kappi hvað við ann-
að um hverjir eru best að sér í popp-
sögunni og öllum þeim fræðum er
henni tengjast. 16 lið skipuð liðs-
mönnum þekktustu hljómsveita
landsins síðustu fjörutíu árin eða svo
reyna með sér í riðlakeppni þar til
ein sveit stendur uppi sem sigurveg-
ari. PoppPunktur er á dagskrá á
laugardögum kl. 21 og hefjast sýn-
ingar hinn 14. september næstkom-
andi.
Finnur Vilhjálmsson situr í vetur í
Heita pottinum og fær ofan í til sín
marga góða gesti. Finnur hyggst sjá
til þess að potturinn verði kraum-
andi af spennandi umræðum, gríni
og tónlist. Þættinum verður skipt
upp í hólf og hverju tileinkað ákveð-
ið umræðuefni; fréttum, menningu
og slúðri. Heiti potturinn er á dag-
skrá á föstudögum kl. 19.50 og hefj-
ast sýningar hinn 27. september.
Þættirnir Haukur (Sigurðsson) í
horni eru trúlega þeir stystu á vetr-
ardagskránni, en þeir eru einungis
tvær til þrjár mínútur. Þátturinn er
í anda dagskrárliðar í skemmtiþætti
Jay Leno sem kallaður er Jay-Walk,
en þar rabbar Leno, og nú Haukur í
horni, við fólk á förnum vegi og still-
ir því upp við vegg með misjafnlega
erfiðum spurningum. Þátturinn er á
dagskrá daglega.
Egill Helgason verður á sínum
stað með Silfrið sitt á sunnudögum
kl. 12.30, frá og með 22. september.
Þau Valgerður Matthíasdóttir og
Friðrik Weisshappel fá liðsauka í
vetur en í stað Arthúrs Björgvins
Bollasonar verður Kormákur Geir-
harðsson þriðja hjólið undir vagni
Innlits-Útlits. Sýningartíminn er sá
sami og venjulega, kl. 21 á þriðju-
dögum, og hefjast sýningar á honum
3. september.
Sigríður Arnardóttir heldur
áfram að fjalla um Fólk af öllum
stærðum og gerðum á miðvikudög-
um kl. 21.
Djúpa laugin heldur ótrauð áfram
að koma einhleypum Íslendingum á
stefnumót. Þau Hálfdán Steinþórs-
son og Kolbrún Björnsdóttir urðu
hlutskörpust í kosningu um nýja
sundlaugaverði í vor og munu þau
sjá um að koma sem flestum út í vet-
ur. Djúpa laugin verður að vanda á
dagskrá á föstudögum kl. 22 og hefj-
ast sýningar hinn 6. september.
Stöð 2
Jón Gnarr mun bregða sér í hlut-
verk þáttastjórnandans í enn
ónefndum þætti í vetur. Þættir hans
verða fullir af viðtölum, tónlist og
leiknum atriðum þar sem grínið
verður að sjálfsögðu í aðalhlutverki.
Áætlað er að sýningar hefjist í nóv-
ember.
Bryndísi Schram þekkja trúlega
flestir sjónvarpsáhorfendur. Hún
mun í vetur stjórna matreiðslu-
keppninni Einn, tveir og elda af mik-
illi röggsemi. Þátturinn var áður í
umsjón Sigurðar Hall og verður með
svipuðu sniði í ár. Einn, tveir og elda
verður á dagskrá á miðvikudögum.
Sigurður Hall verður þó ekki
fjarri góðu gamni því hann sér um
ferðaþætti frá öllum heimshornum
þar sem matur verður að sjálfsögðu
í aðalhlutverki.
Jón Ársæll verður enn við stjórn-
völinn í Sjálfstæðu fólki þar sem
hann heldur áfram að kynna fyrir
landsmönnum áhugaverða sam-
borgara. Sjálfstætt fólk birtist okk-
ur á sunnudögum.
Vigdís Jóhannsdóttir leiðir áhorf-
endur um heim kvikmyndanna á
mánudögum til fimmtudags í Pano-
rama.
Þorsteinn J. sér um að gefa út
ávísanir til þeirra sem til þeirra
vinna í spurningaþættinum geysi-
vinsæla Viltu vinna milljón? á föstu-
dögum í vetur.
Andrea Róbertsdóttir heldur
áfram að fylgjast með því hvað er
heitast í hönnun, tísku, tónlist og
myndlist og leyfir áhorfendum að
njóta góðs af því á fimmtudögum í
vetur.
Stöð 2 sýnir í vetur þriggja þátta
heimildamyndaröð um eldgosið í
Vestmannaeyjum, eftir sömu höf-
unda og hlutu Eddu-verðlaunin fyrir
þáttaröð um þorskastríðið er nefnd-
ist Síðasti valsinn. Þættirnir greina
frá þessari örlagaríku nótt í janúar
1973, björgunaraðgerðunum, fólks-
flutningunum, lífi í landi eftir gosið
og uppbyggingunni í Eyjum.
Afi skemmtir börnunum um helg-
ar frá kl. 8 til 12 en annað barnaefni
er á dagskrá kl. 16 virka daga.
Stöð 2 mun taka til sýninga fjölda
erlendra þátta í vetur. Sem dæmi
má nefna veruleikasjónvarpsþáttinn
um Osbourne-fjölskylduna, sem er
langt í frá hin venjulega kjarnafjöl-
skylda. Þættirnir, sem farið hafa
sigurför um heiminn, segja frá fjöl-
skyldulífi rokkarans Ozzy
Osbourne … í beinni útsendingu.
Joan Cusack fer með hlutverk kjaft-
fors framhaldsskólakennara í What
About Joan. Í Greg the Bunny er
fylgst með sambýli brúða og manna
sem oft og tíðum er ansi skrautlegt.
The Agency greinir frá málum sem
lenda á borði CIA leyniþjónustunn-
ar. Framleiðandinn er leikstjórinn
Wolfgang Petersen.
Big Bad World er breskur
myndaflokkur sem segir frá fjórum
manneskjum í leit af lífshamingj-
unni einu og sönnu. Mind of the
Married Man hafa verið nefndir
andsvar karlmanna við sjónvarps-
þáttunum Sex & the City þar sem
giftir karlmenn velta fyrir sér kyn-
lífi, framhjáhaldi og konum.
Auk þessa verða margir vel kunn-
ugir þættir á dagskrá svo sem Six
Feet Under, Cold Feet, 24, Just
Shoot Me, 60 minutes og 60 minutes
II.
Popptíví
Þó að sjónvarpsstöðin Popptíví
hafi fyrst og fremst tónlistarmynd-
bönd innan sinna vébanda verða
nokkrir sjónvarpsþættir á dag-
skránni þar í vetur.
Þeir Simmi, Jói og Auðunn
stjórna 70 mínútum, Skjöldur sér
um Lúkkið og Pikk-Tíví og Geim-
Tíví verða á sínum stað. Af erlend-
um þáttum má nefna teiknimynda-
röðina geysivinsælu South Park,
sem sýnd verður á miðvikudögum,
Freaks and Geeks á mánudögum,
Ibiza Uncovered á föstudögum og
Cranks Yankers á miðvikudögum.
Sýn
Sjónvarpsstöðin Sýn mun sem
endranær einblína á íþróttaviðburði.
Fleiri útsendingar frá enska boltan-
um verða í boði, auk þess sem stöðin
mun sýna í auknum mæli frá leikjum
1. deildar þar í landi þar sem all-
nokkir íslenskir leikmenn láta til sín
taka. Beinar útsendingar frá Evr-
ópukeppni félagsliða og Meistara-
deild Evrópu verða einnig á dagskrá
auk beinna útsendinga frá spænska
boltanum og þátta honum tengdum.
En boltinn er ekki eina íþróttagrein-
in sem Sýn sinnir því auk hans verða
í boði hnefaleikar, hreysti, golf,
skotveiði og amerískur ruðningur,
svo eitthvað sé nefnt.
Innlendur íþróttaþáttur birtist
svo fjögur kvöld vikunnar eins og
hefur verið.
Tónleikar og verðlaunaafhending-
ar verða einnig í beinni útsendingu
en aðaláherslan verður sem áður
sagði á íþróttirnar.
Nýtt frá Gísla Marteini, Jóni
Gnarr og Dr. Gunna og Felix
Bryndís Schram stjórnar Einn,
tveir og elda á Stöð 2 í vetur.
Þau Hálfdán Steinþórsson og
Kolbrún Björnsdóttir sjá um að
koma Íslendingum á stefnumót í
Djúpu lauginni á Skjá einum.
Yfir köldustu vetrarmánuðina er fátt notalegra en að koma sér vel fyrir uppi í sófa og
horfa á það sem sjónvarpsstöðvarnar hafa upp á að bjóða. Birta Björnsdóttir kynnti sér
hvað á boðstólum verður fyrir þá sem hugnast sjónvarpsáhorfið í vetur.
birta@mbl.is
Morgunblaðið/Arnaldur
Spaugstofan skemmtir landsmönnum á laugardagskvöldum í Sjónvarpinu.
Fjölbreytt vetrardagskrá sjónvarpsstöðvanna
FÓLK Í FRÉTTUM
54 SUNNUDAGUR 1. SEPTEMBER 2002 MORGUNBLAÐIÐ
Brimborg Reykjav ík Br imborg Akureyr i br imborg. is
Það er margt sem kemur á óvart
Fáðu meira en áður - fyrir minna en áður.
Komdu. Kauptu nýjan Ford Fiesta.
er dæmi um meiri bíl.
Innrarými Fiesta
Ford sendir frá sér tákn um nýjan staðal - nú í hönnun smábíla:
Stærri og betur búinn Ford Fiesta! Glæsilegur Fiesta skartar því
allra besta frá verðlaunabílunum Focus og Mondeo. Keyrðu hann...