Morgunblaðið - 26.09.2002, Blaðsíða 4
SMÁRI Karlsson flugstjóri byrjaði
að fljúga hjá Flugfélagi Íslands
1944 en fór til Loftleiða 1947 og
fór í fyrsta flug sitt 22. september
sama ár. Hann var þá aðstoð-
arflugmaður í flugi frá Reykjavík
til Kaupmannahafnar og var flug-
vélin af gerðinni Douglas DC-4, en
að sögn Grétars Felixsonar, flug-
áhugamanns og fyrrverandi
starfsmanns Loftleiða, voru 12
slíkar vélar skráðar hér á landi í
rúman áratug frá 1947 og tóku
þær frá 40 til 66 farþega.
Þegar Smári átti 38 ára afmæli,
20. mars 1961, flaug hann
„Fjarka“ í síðasta sinn, frá Kaup-
mannahöfn til Stavanger, en í gær
settist hann í flugstjórasæti vélar
af sömu gerð, meira en 41 ári síð-
ar. Þessar vélar voru þekktar í
stríðinu undir einkennismerkinu
C-54 og oft kallaðar Skymaster, en
tvær þeirra millilentu á Reykja-
víkurflugvelli í fyrradag á leið til
Berlínar. „Það kviknaði á gömlu
perunni,“ sagði Smári eftir að
hafa kannað tækin í flugstjórn-
arklefanum og bætti við að hann
treysti sér vel til að fljúga vélinni
enda mætti líkja því við að hjóla
eftir að hafa ekki hjólað lengi.
„Maður getur verið stirður en þeg-
ar komið er í sætið rifjast þetta
allt saman upp.“ Vélarnar komu
til Reykjavíkur frá Goose Bay í
Kanada og fara væntanlega áleiðis
til Þýskalands í dag, en þangað
fara þær vegna töku á kvikmynd
um loftbrúna til Berlínar.
Morgunblaðið/Árni Sæberg
Kviknaði á gömlu
perunni hjá Smára
FRÉTTIR
4 FIMMTUDAGUR 26. SEPTEMBER 2002 MORGUNBLAÐIÐ
ÞÓRARINN V. Þórarinsson lög-
maður leiðir formlegan samstarfs-
hóp ríkisstjórnarinnar og Lands-
sambands eldri borgara um
breytingar á almannatryggingalög-
um og endurskoðun á lífeyris-
greiðslum er komi til framkvæmda á
næstu árum. Einnig hefur hópurinn
það verkefni að fjalla um uppbygg-
ingu hjúkrunarheimila og þjónustu
við aldraða með það að markmiði að
draga úr biðtíma og bæta þjónustu.
Forsætisráðherra skipaði hópinn í
gær, en ásamt Þórarni eru í honum
tíu manns; fimm tilnefndir af Lands-
sambandi eldri borgara og fimm til-
nefndir af einstökum fagráðuneyt-
um.
Þórarinn segir að hans hlutverk
felist í því að leiða umræðuna innan
hópsins og freista þess að leiða fram
niðurstöðu í umræddum málum.
„Verksvið okkar er að fara yfir líf-
eyristryggingar almannatryggingar
og hjúkrunarrýmismál og leggja
fram tillögur í þessum málum,“ segir
hann. Aðspurður ítrekar hann að
markmið hópsins sé að bæta kjör
aldraðra. „Það er markmið sem lagt
er upp með.“
Haft til hliðsjónar við gerð
fjárlaga á næsta ári
Þórarinn segir að þess sé vænst að
hópurinn geti lagt fram einhverjar
niðurstöður í þessum málum, fyrir
miðjan nóvember nk., þannig að
hægt verði að hafa niðurstöðurnar til
hliðsjónar við gerð fjárlaga fyrir
næsta ár.
Þeir sem tilnefndir eru af stjórn-
völdum eru eftirfarandi: Vilborg
Hauksdóttir, tilnefnd af heilbrigðis-
og tryggingamálaráðherra, Þór. G.
Þórarinsson, tilnefndur af félags-
málaráðherra, Ólafur Hjálmarsson,
tilnefndur af fjármálaráðherra,
Skarphéðinn B. Steinarsson, til-
nefndur af forsætisráðherra, og Þór-
arinn V. Þórarinsson lögmaður sem
leiðir starf hópsins.
Þeir sem tilnefndir eru af Lands-
sambandi eldri borgara eru: Pétur
Guðmundsson, Marías Þ. Guð-
mundsson, Karl Gústaf Ásgrímsson,
Einar Árnason og Benedikt Davíðs-
son.
Samráðshópur ríkisstjórnarinnar og eldri borgara
Niðurstaðna er að
vænta í nóvember HALLDÓR Ásgrímsson utanríkis-
ráðherra segir að íslensk stjórnvöld
styðji stofnun hraðliðs Atlantshafs-
bandalagsins, en Donald Rumsfeld,
varnarmálaráðherra Bandaríkj-
anna, hvatti í fyrradag NATO til að
stofna 21 þúsund manna hraðlið og
varaði við því að brygðist bandalag-
ið ekki við nýrri ógn á borð við
hryðjuverkastarfsemi væri það að
senda heimsbyggðinni „neikvæð
skilaboð“.
„Við styðjum þessa tillögu. Við
teljum að þetta sé liður í því að
færa Atlantshafsbandalagið að þeim
aðstæðum sem eru ríkjandi í örygg-
ismálum í dag. Þessar aðstæður
einkennast ekki síst af baráttunni
gegn hryðjuverkum og til þess að
Atlantshafsbandalagið geti tekið
sem best þátt í því teljum við að hér
sé um nauðsynlega breytingu að
ræða. Þetta muni styrkja stöðu
bandalagsins,“ sagði Halldór að-
spurður um afstöðu Íslands til
þessa máls.
Full samstaða á fundinum
Fundur varnamálaráðherra Atl-
antshafsbandalagsins stendur nú
yfir í Varsjá í Póllandi. Halldór
sagði að sér væri ekki kunnugt um
annað en að full samstaða væri á
fundinum um að styðja þessa til-
lögu.
Halldór sagði að Ísland væri ekki
í aðstöðu til að leggja neitt fram á
þessu sviði, en Ísland myndi hins
vegar halda áfram að efla íslensku
friðargæsluna. Þar gæti Ísland lagt
meira af mörkum til að bæta frið í
heiminum.
Halldór Ásgrímsson utanríkisráðherra
Styður stofnun
hraðliðs NATO
ALÞINGI kemur saman þriðjudag-
inn 1. október næstkomandi. Setn-
ing þessa 128. löggjafarþings fer að
venju fram að lokinni guðsþjónustu
í Dómkirkjunni.
Forseti Íslands, ráðherrar og al-
þingismenn ganga fylktu liði úr Al-
þingishúsinu til kirkju kl. 13.30 þar
sem séra Sigurður Sigurðarson,
vígslubiskup í Skálholti, predikar og
þjónar fyrir altari.
Að guðsþjónustu lokinni verður
gengið til þinghússins þar sem for-
seti Íslands, Ólafur Ragnar Gríms-
son, setur þingið. Að því loknu tek-
ur aldursforseti þingsins, Páll
Pétursson félagsmálaráðherra, við
fundarstjórn og stjórnar kjöri for-
seta Alþingis, sem flytur ávarp. Því
næst verða kjörnir varaforsetar og
kjörið í fastanefndir Alþingis og til
Íslandsdeilda þeirra alþjóðasam-
taka sem Alþingi er aðili að. Að end-
ingu verður hlutað um sæti þing-
manna annarra en ráðherra og
forseta Alþingis.
Stefnt að því að slíta
þinginu um miðjan mars
Þingið sem sett verður 1. október
er hið síðasta á þessu kjörtímabili.
Kosið verður til Alþingis 10. maí
næsta vor og segir Halldór Blöndal,
forseti Alþingis, að sú venja hafi
skapast að reynt sé að miða við að
slíta þinginu tveimur mánuðum fyr-
ir kosningar eða um miðjan mars
þannig að þetta þing standi með
stysta móti. „Þetta er gert til þess
að gefa mönnum svigrúm til þess að
fara í kosningahríðina. Það má hins
vegar búast við því að þingið verði
kallað saman aftur á vordögum.“
Þingið nú markar þáttaskil því
við upphaf þess verður tekið í notk-
un nýtt þjónustuhús Alþingis, sem
hefur verið í byggingu undanfarin
misseri.
Alþingi
verður
sett 1.
október
FLUTNINGADEILD Bandaríkja-
hers hefur framlengt samning sinn
við Atlantsskip og systurfélag þess í
Bandaríkjunum, TransAtlantic
Lines, um eitt ár.
Félögin hafa séð um flutninga fyr-
ir varnarliðið á Keflavíkurflugvelli
frá 1998 og var upphaflega gerður
samningur um flutningana til fimm
ára, bundinn til tveggja ára en með
ákvæði um þrjár framlengingar,
hver til eins árs í senn. Framleng-
ingin nú er sú þriðja í röðinni frá því
samningur milli aðilanna var fyrst
gerður.
Fram kemur í fréttatilkynningu
frá Atlantsskipum að auk samnings-
ins um flutninga fyrir varnarliðið
hafi systurfélag Atlantsskipa í
Bandaríkjunum gert samning á síð-
asta ári um flutninga fyrir Banda-
ríkjaher á milli Guantanamo-flóa á
Kúbu og Jacksonville á Flórída. Sá
samningur er til þriggja ára og
hljóðar upp á flutninga á 5.000 gáma-
einingum á ári. Samtals nemi flutn-
ingar Atlantsskipa og systurfélags
þess fyrir Bandaríkjaher því um
8.300 gámaeiningum.
Eimskip mun taka þátt í útboði
samningsins á næsta ári
Einskipafélagið gerir ekki athuga-
semdir við þessa framlengingu
samningsins samkvæmt upplýsing-
um Guðmundar Þorbjörnssonar
framkvæmdastjóra hjá Eimskip.
,,Hún rúmast innan ramma þessa
samnings sem var gerður á sínum
tíma. Hins vegar göngum við út frá
því að þessir samningar verði boðnir
út að nýju á næsta ári. Við munum
örugglega taka þátt í því,“ segir
hann.
Eimskip annaðist þessa flutninga
áður en Atlantsskip tók við
Atlantsskip sjá
áfram um varnar-
liðsflutninga
HAFNARFJARÐARBÆR
mun greiða Íslensku mennta-
samtökunum, ÍMS, 45 millj-
ónir króna vegna yfirtöku
bæjarins á rekstri Áslands-
skóla.
Verður upphæðin greidd
þegar samningurinn fæst sam-
þykktur, en bæjarráð Hafn-
arfjarðar vísaði honum til af-
greiðslu bæjarstjórnar á fundi
sínum í fyrradag.
Guðmundur Benediktsson
bæjarlögmaður segir að þar
sem bókhald ÍMS sé ekki í
lagi væri útlagður kostnaður
samtakanna vegna skólahalds-
ins ekki sundurliðaður ná-
kvæmlega í samningnum. Guð-
mundur segir að greiðslan til
ÍMS sé vegna fjármuna, þekk-
ingar og tíma sem samtökin
hafi lagt í skólastarfið.
Fræðsluráð Hafnarfjarðar
mun einnig fjalla um samning-
inn á fundi sínum næstkom-
andi mánudag, en næsti fund-
ur bæjarstjórnar er á
þriðjudag.
ÍMS fær 45
milljónir