Morgunblaðið - 26.09.2002, Blaðsíða 12

HÖFUÐBORGARSVÆÐIÐ
12 FIMMTUDAGUR 26. SEPTEMBER 2002 MORGUNBLAÐIÐ
26. sept.- 3. okt. „YKKAR ÆFING - ALLRA ÖRYGGI“
Sjómenn! Alþjóðasiglingadagurinn er í dag!
Setningarathöfn öryggisviku sjómanna verður kl. 11:00 í Sundahöfn í Reykjavík.
SKULDIR Mosfellsbæjar eru rúmir
þrír milljarðar króna eða um hálf
milljón á hvern bæjarbúa samkvæmt
nýrri úttekt endurskoðunarfyrirtæk-
isins KPMG. Ákveðið var að grípa til
aðhaldsaðgerða vegna þessa á bæj-
arráðsfundi í gær sem meðal annars
fela í sér að störf jafnréttisfulltrúa,
staðardagskrárfulltrúa og atvinnu-
fulltrúa verða lögð niður auk þess
sem eignir á borð við bæjarskrifstof-
urnar og vatnsveitur verða seldar og
þjónustugjöld sveitarfélagsins hækk-
uð.
Í fréttatilkynningu, sem bæjaryf-
irvöld sendu frá sér í gær segir að í
upphafi kjörtímabils hafi nýr meiri-
hluti sjálfstæðismanna í bæjarstjórn
falið endurskoðendum bæjarins,
KPMG, að gera úttekt á fjárhags-
stöðu bæjarsjóðs sem hafi leitt í ljós
að hún væri alvarleg. Þannig sé
rekstrarkostnaður bæjarsjóðs rúm-
lega 97 prósent af skatttekjum á fyrri
helmingi ársins 2002 auk fyrrnefndra
skulda. Ef gjaldfærð fjárfesting og
greiðslubyrði lána eru tekin með í
reikninginn hækkar þessi tala, að
sögn bæjarstjóra, hins vegar upp í
120 prósent.
Hafa bæjaryfirvöld ákveðið þrí-
þættar aðgerðir til að bregðast við
þessum vanda og má þar fyrst nefna
hagræðingu og aðhald í rekstri. Segir
í tilkynningunni og bókun meirihluta
bæjarráðs frá í gær að leitast verði
við að hlúa að kjarnastarfsemi á borð
við skólarekstur og samfélagsþjón-
ustu „en verkefni sem ekki eru talin
bráðnauðsynleg verða aflögð eða
þeim slegið á frest.“
Stjórnskipulagið endurskoðað
Þá var ákveðið á fundinum að
leggja niður störf atvinnu- og ferða-
málafulltrúa, staðardagskrárfulltrúa
og jafnréttisfulltrúa. Innt eftir því
hvort bæjarfélagið geti verið án þessa
fólks segir Ragnheiður Ríkharðsdótt-
ir bæjarstjóri að stundum hafi menn
ekkert val og bæjaryfirvöld standi nú
frammi fyrir því að þurfa að leysa
fjárhagsvanda bæjarins. „Við teljum
að við getum sinnt staðardagskránni
og jafnréttisáætlun bæjarins með því
að fela forstöðumönnum sviðanna að
fylgja því eftir. Jafnframt leggjum við
til að stjórnskipulagið verði endur-
skoðað og að rekstrarlega komi allar
stofnanir til með að heyra beint undir
bæjarstjóra og bæjarstjórn. Þannig
ætlum við að reyna með beinum hætti
að nýta fjárhagsáætlanir okkar sem
stjórntæki.“ Aðspurð segir hún lög
ekki kveða á um að jafnréttisfulltrúi
þurfi að vera starfandi hjá bæjar-
félögum.
En þýðir endurskoðun stjórn-
skipulagsins að frekari uppsagnir séu
í vændum? „Við erum að færa frá
rekstrarlega ábyrgð forstöðumanna
sviða. Það þýðir umtalsverðar breyt-
ingar á verksviði þeirra og það verður
að vera ákvörðun þeirra sem þar eiga
hlut að máli hvort þeir vilji vinna með
okkur að þessum breytingum. Í þessu
skipuriti okkar er ekki verið að leggja
niður störf heldur gera forstöðumenn
faglega ábyrga en rekstrarlega koma
stofnanirnar til með að heyra undir
bæjarstjóra og bæjarstjórn.“ Hún
segir því ekki útlit fyrir frekari upp-
sagnir en þær þrjár stöður sem til-
greindar eru í bókun bæjarráðs. Þá
var ákveðið á fundi bæjarráðs að
stjórnar- og nefndarlaun kjörinna
fulltrúa og nefndarfólks verði lækkuð
um 10 prósent.
Í annan stað verða ýmis þjónustu-
gjöld bæjarins hækkuð til samræmis
við það sem gerist í nágrannasveit-
arfélögunum en að sögn Ragnheiðar
hafa þau verið mun lægri í Mos-
fellsbæ en annars staðar á höfuðborg-
arsvæðinu og verið fjármögnuð með
lántökum. „Við höfum ekki efni á því
að hafa lægstu þjónustugjöld á höf-
uðborgarsvæðinu og þurfa að taka
lán til að hafa þau svona lág. Þannig
að við erum að endurskoða öll þjón-
ustugjöld bæjarfélagsins frá A til Ö.“
Hún segir aðspurð að þetta gildi um
gjöld á borð við sorphirðugjöld, dag-
vistargjöld, sundlaugargjöld, heils-
dagsskóla og gatnamálagjöld svo eitt-
hvað sé nefnt.
Loks er ráðgert að selja eignir til
að lækka skuldir og vaxtagreiðslur.
Verður í þessu skyni kannað með sölu
húsnæðis Mosfellsbæjar í Kjarna þar
sem bæjarskrifstofurnar eru meðal
annars til húsa. En þarf bæjarfélagið
ekki á þessu húsnæði að halda? „Við
höfum sáralítið að selja. Við eigum
skólana og ekki seljum við þá en
sveitarfélagið sem slíkt er öruggur
leigjandi. Það er ein hugmynd að
kanna möguleika á sölu Kjarna. Hins
vegar höfum við ekki áhuga á að fara
úr þessu húsi því við erum ágætlega
staðsett í miðbæ Mosfellsbæjar og
vorum frekar að velta fyrir okkur ef
einhver keypti af okkur að við gætum
leigt þetta hús til einhverra ára.“
Ekki selt á spottprís
Þá verður athugað með sölu veitna
í eigu bæjarins. „Við eigum við hita-
veituna og vatnsveituna og erum líka
að velta því fyrir okkur hvort við
þurfum að selja þær. En það er alveg
ljóst að við komum ekki til með að
selja þessar eignir okkar á spottprís,“
segir Ragnheiður.
Hún segir að með þessum aðgerð-
um öllum sé vonast til að hægt verði
að lækka skuldir og ná rekstrar-
kostnaði bæjarfélagsins niður. „Á
fyrstu sex mánuðum ársins fórum við
með rúm 97 prósent af skatttekjum
bæjarins í rekstur og 120 prósent í
rekstur, gjaldfærða fjárfestingu og
greiðslubyrði lána. Með þessu
stefnum við að því á næstu fjárhags-
áætlun að fara úr 97 prósentum niður
í 80 til 85 prósent. Það er markmiðið
sem við setjum okkur.“
Bæjaryfirvöld grípa til víðtækra aðgerða vegna slæmrar fjárhagsstöðu bæjarsjóðs
Veitur seldar og
starf jafnréttis-
fulltrúa aflagt
Morgunblaðið/Arnaldur
Húsnæði bæjarskrifstofanna í Kjarna er meðal þeirra eigna sem bæjar-
yfirvöld hugleiða að selja til að bæta skuldastöðu bæjarsjóðs.
Mosfellsbær
LANDSPÍTALI – háskólasjúkra-
hús hefur óskað eftir því að byggja
við húsnæði Blóðbankans við Bar-
ónsstíg. Áætlað er að nýbyggingin
verði tæplega 1.000 fermetrar að
stærð en forstöðumaður Blóðbank-
ans segir þörfina fyrir stærra hús-
næði vera mjög brýna.
Í umsókn sem send var skipu-
lags- og byggingasviði Reykjavíkur
segir að fyrirhuguð nýbygging verði
á þremur hæðum og tengist eldri
byggingu að norðanverðu með gler-
byggingu. Segir að áferð hússins
verði í anda nágrannabygginga, þ.e.
með steindum útveggjum, en stærð
hússins er áætluð 990 fermetrar.
Skipulagsyfirvöld hafa ekki tekið
afstöðu til umsóknarinnar en óska
eftir að bílastæðamál byggingarinn-
ar verði skoðuð og hvort færa megi
húsið lengra frá Eiríksgötu en
fyrstu hugmyndir gera ráð fyrir.
Hönnun nýbyggingarinnar er í
höndum Teiknistofu Halldórs Guð-
mundssonar. Að sögn Sveins Guð-
mundssonar, forstöðumanns Blóð-
bankans, er þörfin fyrir aukið
húsnæði ákaflega aðkallandi. „Blóð-
bankinn var stofnaður árið 1953 í
núverandi húsnæði og á þeim tíma
sem liðinn er hefur margt breyst í
blóðbankastarfsemi. Kröfurnar sem
eru gerðar til hennar eru mjög
miklar og líkjast að mörgu leyti því
sem gerist í lyfjaframleiðslu.“
Athugasemdir frá
Vinnueftirlitinu
Hann bendir á að aðstaða fyrir
blóðgjafa sé ákaflega þröng og erfið
í dag en leggur þó áherslu á að
starfsemi Blóðbankans lúti að mun
fleiru en einungis blóðtöku og nefn-
ir blóðflokkanir, veiruskimun og
fleira. Þannig hafi þörfin fyrir
stærra húsnæði ekki minnkað þrátt
fyrir að gert sé ráð fyrir því að
fjórðungur til þriðjungur blóðsöfn-
unar á næstu árum geti farið fram í
sérstökum blóðbankabíl, sem ný-
lega var tekinn í notkun hjá bank-
anum. Þá kemur fram í umsókninni
að stækkunin muni ekki hafa áhrif á
fjölda starfsmanna þar sem verið sé
að koma til móts við kröfur um nú-
tíma vinnuaðstöðu.
Í umsókninni er þess enn fremur
getið að Vinnueftirlit ríkisins hafi
ítrekað gert athugasemdir við að-
stöðu starfsfólks bankans og Sveinn
staðfestir að það sé rétt. „Þetta er
eitt af því sem við höfum vakið at-
hygli á. Við þetta má bæta að víða
erlendis er ákveðið skipulag á eft-
irliti með svona vinnustöðum eins
og Blóðbankinn er. Slíkt eftirlit er
ekki til staðar hér en við höfum
kallað eftir því og þá eru til svo-
nefndir GMP-staðlar (Good Manu-
facturing Practise) fyrir blóðbanka-
þjónustu. Það er ljóst að ef við
værum yfirfarin af slíku yfirvaldi
myndum við fá fjölda ábendinga um
ýmislegt sem mætti betur fara.“
„Komin upp að vegg“
Hann segir þó allt gert til að inna
starfið innan Blóðbankans sem best
af hendi og í því skyni hafi verið
komið upp gæðakerfi sem sé yf-
irfarið af alþjóðlegum aðilum. „Það
breytir ekki því að við erum eig-
inlega komin upp að vegg í þessum
málum og þurfum brýna úrlausn.
Við erum eina stofnunin sem starf-
ar sérhæft á þessu sviði og það er
mjög mikilvægt að hér rísi bygging
sem stendur undir öllum þeim ör-
yggiskröfum sem eru til staðar
hvað varðar innbrot, bruna og
fleira.“
Í umsóknarbréfinu er bent á að
ekki sé hægt að bíða eftir því að
lokið verði við gerð skipulags lóð-
arinnar þar sem ekki sé útlit fyrir
að því verði lokið í bráð. „Það er
augljóst að Blóðbankinn getur ekki
beðið eftir lausnum svo árum skipt-
ir,“ segir Sveinn um þetta. „Við er-
um í það brýnum vanda að við erum
að leita að lausnum sem geta leyst
okkar vandræði á næsta einu til
tveimur árum. Annars þurfum við
að flytja annars staðar í bæinn og
það er talið mjög óhentugt vegna
annarrar starfsemi spítalans.“
Hann undirstrikar að Blóðbankinn
hafi fengið mjög góðan stuðning yf-
irstjórnar Landspítalans til að
kanna möguleika á stækkun til
þrautar.
Teikning/Teiknistofa Halldórs Guðmundssonar
Fyrstu tillögur að útliti Blóðbankans og nýbyggingarinnar. Rétt er að
undirstrika að ekki er um endanlegt útlit hússins að ræða.
Blóðbankinn óskar
eftir að byggja við
Forstöðumaður
segir þörfina
ákaflega brýna
Austurbær