Morgunblaðið - 18.10.2002, Page 8

FRÉTTIR
8 FÖSTUDAGUR 18. OKTÓBER 2002 MORGUNBLAÐIÐ
Íbúaþing í Garðabæ
Öllum Garðbæ-
ingum er boðið
FRAMUNDAN ersvokallað íbúaþing íGarðabæ þar sem
eitt og annað verður til
umræðu, m.a. skipulags-
mál bæjarfélagsins. Þing
þetta er sagt nýstárlegt
eins og komið verður nán-
ar að hér á eftir. Guðfinna
Kristjánsdóttir er upplýs-
ingafulltrúi Garðabæjar og
svaraði hún nokkrum
spurningum Morgunblaðs-
ins, þessari fyrst:
– Hvar og hvenær verð-
ur umrætt íbúaþing hald-
ið?
„Íbúaþingið verður í
Fjölbrautaskólanum í
Garðabæ á morgun, laug-
ardaginn 19. október, og
stendur milli klukkan 10
og 18. Fólk getur komið
þegar því hentar og dvalið eins
lengi og það vill. Á meðan verður
boðið upp á metnaðarfulla dag-
skrá fyrir börn þátttakenda í Hof-
staðaskóla.“
– Er öllum Garðbæingum boðið
á þingið?
„Öllum Garðbæingum er boðið
og gefst þar með einstakt tæki-
færi til að koma sínum hugmynd-
um á framfæri, tjá sig um það sem
brennur á og hafa áhrif á þróun
bæjarins og stefnu hans í ýmsum
málaflokkum. Aðferðin sem notuð
er á þinginu er þannig að allir hafa
jafna möguleika á að tjá sig. Eng-
inn þarf að halda ræður heldur
skrifar fólk það sem það ætlar að
segja á litla miða sem síðan er
safnað saman og unnið úr þeim.
Þessi aðferð er bæði markviss og
skemmtileg, hún skilar miklum
upplýsingum á stuttum tíma og
tíma fólks er mjög vel varið.“
– Hvert er tilefni og tilgangur
þessa þings?
„Íbúaþingið er haldið í tengsl-
um við endurskoðun aðalskipu-
lags Garðabæjar. Garðabær
stendur frammi fyrir gríðarlegum
breytingum á næstu árum því
samkvæmt svæðaskipulagi höfuð-
borgarsvæðisins mun Garðbæing-
um fjölga um 157% til ársins 2024.
Samkvæmt því verða Garðbæing-
ar 20.300 árið 2024 en í dag eru
þeir um 8.500. Þetta skapar auð-
vitað ýmis sóknarfæri fyrir bæinn
og kallar á miklar breytingar á
bæjarmyndinni. Ekki síst þess
vegna telur bæjarstjórn nauðsyn-
legt að hafa samráð við íbúana
strax í upphafi aðalskipulagsvinn-
unnar. Tilgangurinn er að fá fram
það sem íbúar Garðabæjar vilja
leggja áherslu á í aðalskipulags-
vinnunni og jafnframt að fá fram
skoðanir þeirra á ýmsum öðrum
stórum málaflokkum, t.d. skóla-
málum og þjónustu við aldraða.“
– Sagt er að slíkt þing hafi aldr-
ei verið haldið áður af þessu til-
efni, er það rétt?
„Garðabær er fyrsta sveitarfé-
lag landsins til að boða til íbúa-
þings í tengslum við endurskoðun
aðalskipulags. Íbúaþing hafa verið
haldin í nokkrum sveitarfélögum
og hverfum en þá hafa
afmarkaðri þættir ver-
ið teknir fyrir. Garða-
bær er því fyrstur til að
„leggja allt undir“ á
íbúaþingi.“
– Hvaðan er hugmyndin komin?
„Íbúaþing er í rauninni eðlilegt
framhald af þeirri þróun undan-
farinna ára að auka samráð við
íbúa um ýmis málefni. Það hafa
t.d. verið gerðar skoðanakannanir
meðal foreldra barna í leik- og
grunnskólum um mál eins og vetr-
arfrí og matarmál og eins er leitað
eftir áliti fólks á ýmsum málum í
gegnum vefinn. Allt miðar þetta
að því að auka íbúalýðræði og gera
fólki kleift að hafa meiri áhrif á
umhverfi sitt. Upphaflega var
hugmyndin reyndar að leita eftir
samráði við íbúa eins hverfis í
bænum um staðsetningu nýs
skóla en í umræðunni þróaðist
hugmyndin í að halda svona stórt
og víðtækt íbúaþing. Fyrirtækið
Alta hefur innleitt þessa aðferð
hér á landi og kemur til með að
hafa umsjón með þinginu á morg-
un.“
– Á hvaða hátt breytir þetta
þátttöku íbúa í skipulagsmálum
bæjarins?
„Aðalbreytingin er að samráðið
við íbúa verður miklu fyrr í skipu-
lagsvinnunni en venja er. Venju-
lega er ferlið þannig að skipulags-
tillaga er auglýst eftir að
sérfræðingar hafa unnið hana eða
einhvern tímann í ferlinu og þá
geta íbúar gert athugasemdir.
Núna geta allir Garðbæingar
komið að vinnunni strax í upphafi
og komið sínum hugmyndum á
framfæri. Íbúar þekkja umhverfið
og bæinn auðvitað best og því er
við því að búast að útkoman verði
enn betri en ella þegar þeir og
skipualgssérfræðingarnir leggja
saman krafta sína.“
– Verður fleira á dagskrá þings-
ins?
„Fyrir hádegi verða tveir
vinnuhópar sem fjalla annars veg-
ar um byggðina og umhverfið og
hins vegar um fræðslu- og menn-
ingarmál. Í fyrrnefnda hópnum
verður m.a. fjallað um uppbygg-
ingu nýrra íbúðasvæða,
samgöngur og útivist-
arsvæði. Í þeim seinni
verður fjallað um skóla-
stefnu, skólastarf og
staðsetningu skóla.
Eftir hádegi verða fleiri vinnuhóp-
ar, þar sem t.d. verður rætt um at-
vinnulíf, þjónustu við aldraða og
íþróttamál.
Þá hefst einnig vinna í skipu-
lagshópum en þá er unnið að
skipulagi yfir kortum af bænum í
minni hópum. Sú vinna verður
örugglega mjög skemmtileg enda
á þar að teikna upp mynd af
Garðabæ framtíðarinnar.“
Guðfinna Kristjánsdóttir
 Guðfinna Kristjánsdóttir
fæddist 14. júlí 1968. Stúdent frá
MR 1988. BA-próf í stjórnmála-
fræði frá HÍ 1991 og nam hag-
nýta fjölmiðlun við HÍ 1993. Var
blaðamaður á Tímanum 1993–
96, lausráðinn fréttamaður hjá
RÚV 1997–98, kynningarfulltrúi
í upplýsinga- og kynningardeild
Símans 1999–2000 og upplýs-
ingastjóri Garðabæjar frá sept-
ember 2000. Guðfinna er gift
Gunnari Jónssyni bifvélavirkja
og eiga þau tvo syni, Kristján
Andra og Stefán.
…að útkoman
verði enn
betri en ella
Ég verð að veita þér áminningu fyrir óhlýðni í starfi. Þú áttir að vera búinn að slá þetta lið
„eldsnöggt í hausinn“ fyrir löngu, Guðmundur minn.