Morgunblaðið - 18.10.2002, Qupperneq 57

FRÉTTIR
MORGUNBLAÐIÐ FÖSTUDAGUR 18. OKTÓBER 2002 57
„MIÐSTJÓRN ASÍ gagnrýnir harð-
lega það óréttlæti og þá auknu mis-
skiptingu sem einkennir tekjuhlið
fjárlagafrumvarps ríkisstjórnarinn-
ar fyrir árið 2003. Á meðan skattar á
almennt launafólk eru hækkaðir og
vegið er að undirstöðum verferðar-
kerfisins, eru skattar á hátekju- og
stóreignafólk og fyrirtæki lækkaðir
sem nemur mörgum milljörðum
króna. Miðstjórn ASÍ telur mikil-
vægt að pólitísk umræða næstu
mánaða komi til með að snúast um
stefnu stjórnvalda í skattamálum og
velferðarmálum.“ Þetta kemur m.a.
fram í ályktun sem samþykkt var á
fundi miðstjórnar ASÍ.
„Samkvæmt fjárlagafrumvarpinu
fyrir árið 2003 á að auka skattaálög-
ur á almennt launafólk um 7.100
milljónir króna með hækkun tekju-
skatta einstaklinga og hækkun
tryggingargjalds umfram almennar
tekjubreytingar. Á sama tíma eru
skattar á hátekju- og stóreignafólk
og fyrirtæki lækkaðir um 4.700
milljónir króna. Miðstjórn ASÍ mót-
mælir þessu óréttlæti harðlega og
ítrekar gagnrýni sína á skattastefnu
ríkisstjórnarinnar sem samþykkt
var á Alþingi í lok síðasta árs. Aug-
ljóst er, að þau varnaðarorð sem þá
voru viðhöfð áttu fullan rétt á sér.
Afleiðingarnar eru nú að líta dagsins
ljós.
Ef ekki hefði komið til breytinga á
lögum um tekju- og eignarskatt í lok
síðasta árs má færa rök að því, að
tekjur ríkisins hefðu orðið um 8.500
milljónum krónum meiri en sam-
kvæmt þessu fjárlagafrumvarpi. Á
sama tíma og ríkisstjórnin skenkir
tilteknum þröngum hópi hátekju- og
stóreignamanna þessa stórkostlegu
skattalækkun, hefur kröfum miklu
stærri hóps öryrkja, eldra fólks,
sjúklinga, fólks án atvinnu og lág-
tekjufólks verið vísað frá vegna „gíf-
urlegs kostnaðarauka fyrir ríkissjóð.
Miðstjórn ASÍ fullyrðir að með
óbreyttri skattastefnu hefði verið
hægt að koma verulega til móts við
réttmætar kröfur þessara hópa.
Miðstjórn ASÍ hvetur til þess að
tekin verði upp alvarleg umræða um
stefnuna í skattamálum og getu rík-
issjóðs til þess að standa undir vel-
ferðarkerfi sem leiðir til aukins jöfn-
uðar og tryggir fólki viðunandi lág-
marksframfærslu.“
Miðstjórn ASÍ ályktar um skattastefnu stjórnvalda
Skattar hækkaðir á lág-
launafólk að mati ASÍ
KÓPAVOGSDEILD Rauða kross
Íslands afhenti Fjölsmiðjunni 2,3
milljóna króna styrk nýverið. Féð
verður notað til þess að byggja upp
tækja- og vélakost trésmíðadeildar
Fjölsmiðjunnar. Fjölsmiðjan er
mennta- og þjálfunarsetur fyrir
fólk á aldrinum 16-24 ára sem
flosnað hefur upp úr hinu almenna
skólakerfi og hefur ekki náð að
fóta sig á vinnumarkaði. Nemendur
eru ríflega 30 um þessar mundir en
tugir eru á biðlista. Trésmíðadeild
er ein af fimm deildum sem starf-
ræktar eru í Fjölsmiðjunni. Hinar
eru hússtjórnardeild, bílaþvotta-
deild, garðyrkjudeild og prent- og
tölvudeild. Rauði kross Íslands átti
frumkvæði að því að Fjölsmiðjan
var stofnuð í Kópavogi vorið 2001
og var meðal stofnenda. Deildir
Rauða krossins á höfuðborgar-
svæðinu sjá um að greiða laun
nema á aldrinum 16-18 ára. Stuðn-
ingur við rekstur Fjölsmiðjunnar
er eitt af áhersluverkefnum Kópa-
vogsdeildar. Meðal annarra verk-
efna má nefna rekstur Dvalar, at-
hvarfs fyrir geðfatlaða, heim-
sóknarþjónustu, neyðarvarnir,
alþjóðlegt hjálparstarf, kennslu í
skyndihjálp, fataflokkun og aðstoð
við einstaklinga og fjölskyldur í
vanda, segir í fréttatilkynningu.
Garðar Guðjónsson, formaður Kópavogsdeildar Rauða krossins, afhendir
Þorbirni Jenssyni forstöðumanni gjöf deildarinnar að viðstöddum nem-
endum og fulltrúum Rauða krossins.
Rauði krossinn styrkir
Fjölsmiðjuna
Vilja ekki
að hvalveiðar
hefjist
MORGUNBLAÐINU hefur
borist eftirfarandi ályktun
stjórnar Samtaka ferðaþjón-
ustunnar um hvalveiðar:
„Samtök ferðaþjónustunnar
fagna því að Ísland skuli á ný
eiga aðild að Alþjóðahvalveiði-
ráðinu og minna á fyrri álykt-
anir sínar um að á helstu mark-
aðssvæðum íslenskrar ferða-
þjónustu ríkir almenn andstaða
við hvalveiðar og að þarlend
stjórnvöld viðurkenna ekki rétt
Íslands til að hefja hvalveiðar
án þess að fyrir liggi samþykkt
Alþjóðahvalveiðiráðsins þar
um. Það er því að mati SAF
mikilvægt að veiðar hefjist ekki
nema í sátt við hið alþjóðlega
umhverfi svo að meiri hags-
munum sé ekki fórnað fyrir
minni.
Samtök ferðaþjónustunnar
beina því til stjórnvalda að
hvalveiðar verði ekki hafnar,
hvorki í atvinnu- eða svokölluðu
vísindaskyni, án samráðs við
hagsmunaaðila, þ.m.t. ferða-
þjónustuna.“
Jörð víða
ófreðin og
viðkvæm
ÞESSA dagana leita margir til fjalla
til skotveiða og útiveru til að njóta
þess besta sem íslensk náttúra hefur
að bjóða. Landvernd vill vekja at-
hygli á því að hlýtt hefur verið í veðri
að undanförnu og því er jörð víðast
hvorki freðin né snæviþakin. Vélknú-
in ökutæki sem fara af vegum og
slóðum geta því valdið miklum skaða.
Undanfarin ár hafa á þessum árs-
tíma borist fréttir af fjöllum um mik-
inn akstur utan vega. Þegar ekið er
um landið má víða sjá vegaslóða sem
virðast ekki þjóna neinum tilgangi.
Svo virðist sem of margir sem um
óbyggðir fara átti sig illa á hversu
megnug tæknin er í höndum manns-
ins. Akstur utan vega skilur eftir sár
sem eru lýti í landinu auk þess sem
þau geta komið af stað jarðvegsrofi.
Landgæði eru rýrð og náttúrunni og
komandi kynslóðum er sýnd ótrúleg
lítilsvirðing með þessum hætti.
Í 17 gr. náttúruverndarlaga segir:
„Bannað er að aka vélknúnum öku-
tækjum utan vega. Þó er heimilt að
aka slíkum tækjum á jöklum, svo og
á snjó utan vega utan þéttbýlis svo
fremi sem jörð er snæviþakin og
frosin.“ Það er sem sagt bannað að
aka utan vega nema jörð sé bæði
freðin og snæviþakin, segir í frétta-
tilkynningu frá Landvernd.
MÆÐRASTYRKSNEFND Reykja-
víkur barst nýlega gjöf frá Ás-
birni Ólafssyni hf. Nefndinni var
fært mikið magn af Maizena-
vöffludeigi og pönnukökudeigi,
Knorr-hrísgrjónaréttir, súpur og
sósur. Þá fékk nefndin Maryland-
súkkulaðibitakex. Það var Sverrir
Ögmundsson, sölustjóri Knorr á
Íslandi, sem afhenti varninginn.
Ásgerður Jóna Flosadóttir, for-
maður nefndarinnar, tók á móti
gjöfinni ásamt nefndarkonunum
Unni Jónasdóttur, Guðrúnu
Magnúsdóttur og Önnu Auð-
unsdóttur.
Morgunblaðið/Þorkell
Mæðrastyrksnefnd
fær matargjöf
ATVINNA mbl.is