Morgunblaðið - 08.11.2002, Blaðsíða 12

FRÉTTIR
12 FÖSTUDAGUR 8. NÓVEMBER 2002 MORGUNBLAÐIÐ
„ÉG ER heppin að hafa fengið
pabba sem kosningastjóra minn,
því hann er einn reyndasti kosn-
ingamaður landsins, hefur verið í
þessu í fimmtíu ár,“ segir Stef-
anía Óskarsdóttir, sem nú er í
prófkjöri fyrir Sjálfstæðisflokkinn
í Reykjavík, en faðir hennar, Ósk-
ar V. Friðriksson, stjórnar kosn-
ingabaráttu hennar. Óskar hefur
stjórnað utankjörstaðaskrifstofu
Sjálfstæðisflokksins í áratugi. Auk
þess hefur hann unnið fyrir
marga frambjóðendur í próf-
kjörum Sjálfstæðisflokksins og
fjölmarga presta sem gáfu kost á
sér í prestkosningum á meðan
þær voru við lýði. Óskar hefur því
ótal ráð í pokahorninu fyrir dótt-
ur sína. „Það er heilmikil aðgerð
að fara af stað í kosningabaráttu
ef maður ætlar að gera þetta af
alvöru og í því er fólgin mikil
skipulagsvinna,“ segir Stefanía og
nefnir sem dæmi að finna hús-
næði, safna saman fólki til að að-
stoða í baráttunni og útdeila verk-
efnum. „Þetta er skipulagsvinna
sem frambjóðandinn sjálfur er
ekki alltaf bestur til að stjórna,“
segir Stefanía sem hefur verið
varaþingmaður fyrir Sjálfstæð-
isflokkinn frá árinu 2000, en var
m.a. framkvæmdastjóri þingflokks
Samtaka um kvennalista áður.
Hún segist vel muna þegar hún
var lítil og faðir hennar var að
vinna að kosningabaráttu þjóð-
þekktra stjórnmálamanna, sem
hún segir marga hverja eiga hon-
um m.a. gott gengi að þakka. Hún
þekkti því kosningaslaginn vel
sem áhorfandi og þessi reynsla
ýtti undir áhuga hennar á stjórn-
málum. Nú er hún sjálf frambjóð-
andi. „Ég býð mig fram á eigin
forsendum og legg til grundvallar
menntun mína og reynslu. En það
er auðvitað alveg ómissandi að
hafa hann pabba sér við hlið í
þessu,“ segir Stefanía.
Morgunblaðið/Ómar
Pabbinn stjórnar baráttunni
HAFNARFJÖRÐUR er verst setta
sveitarfélagið fjárhagslega á höfuð-
borgarsvæðinu, en peningaleg staða
þess var neikvæð um 446 þúsund
krónur á hvern íbúa eða 199% af
skatttekjum í árslok 2001. Ef tekið
er tillit til einkaframkvæmdarsamn-
inga hækkar þessi tala í 619 þúsund
krónur.
Þetta kemur fram í nýrri skýrslu
um mat á fjárhagsstöðu og fram-
kvæmdagetu Hafnarfjarðarbæjar,
sem lögð var fram í bæjarráði í
gærmorgun. Skýrslan var unnin af
PricewaterhouseCoopers/IBM.
Útlit fyrir að bærinn nái
ekki lágmarkseinkunn
Meðal niðurstaðna í skýrslunni er
að áhrif þess að halda einkafram-
kvæmdarsamningum utan efna-
hagsreiknings skila sér í lægri
framlegð og minni skuldsetningu.
Núvirði einkaframkvæmdarsamn-
inga er um 3,5 til 4,1 milljarður
króna miðað við október 2002. Ár-
leg greiðsla vegna samninganna er
um 315 milljónir króna.
Komist er að þeirri niðurstöðu að
útlit sé fyrir að einkunnagjöf Hafn-
arfjarðarbæjar hjá eftirlitsnefnd
um fjármál sveitarfélaga nái ekki
lágmarkseinkunn fyrir árið 2002, en
bærinn er undir viðmiðunarmörk-
um eftirlitsnefndarinnar árin 1999–
2002 og er undir meðaltali sam-
anburðarsveitarfélaganna til ársins
2003.
Peningaleg staða Hafnarfjarðar
er neikvæð um 446 þúsund krónur
á hvern íbúa, en til samanburðar er
staðan neikvæð um 214 þúsund
krónur í Reykjavík, eða 91% af
skatttekjum.
Í Kópavogi er staðan neikvæð um
232 þúsund krónur eða 103% af
skatttekjum og í Reykjanesbæ 395
þúsund krónur eða 177% af skatt-
tekjum.
Í Garðabæ er staðan neikvæð um
176 þúsund krónur á íbúa eða 73%
af skatttekjum og í Mosfellsbæ 388
þúsund krónur eða 183% af skatt-
tekjum.
Samanburðarsveitarfélögin hafa
ekki fjármagnað framkvæmdir sín-
ar með einkaframkvæmdarsamn-
ingum á sambærilegan hátt og
Hafnarfjarðarbær, heldur með af-
gangi frá rekstri og lántöku. Pen-
ingaleg staða í Hafnarfirði að teknu
tilliti til einkaframkvæmdarsamn-
inga er 57% verri en í Reykjanesbæ
og 152% verri en í Garðabæ.
Ekki óbreytt
framkvæmdastig
Skuldfærsla einkaframkvæmdar-
samninga leiðir til skuldsetningar
umfram skuldaþak árin 2001–2002.
Skýrsluhöfundar segja að ef ein-
göngu sé litið til skuldaþaksins sé
ljóst að bærinn geti ekki haldið
óbreyttu framkvæmdastigi miðað
við áætlaða afkomu ársins 2002.
Ný skýrsla um fjárhagsstöðu Hafnarfjarðar kynnt
Skuld á hvern íbúa
446 þúsund krónur
Vígslubiskupskjör
í Hólastifti
Séra Jón A.
Baldvinsson
gefur kost
á sér
SÉRA Jón A. Baldvinsson, sem hef-
ur verið sendiráðsprestur í London í
rúm 19 ár, hefur gefið kost á sér til
vígslubiskupskjörs í Hólastifti sem
fram fer eftir áramót. Jón tilkynnti
þetta formlega á aðalfundi Presta-
félags Hólastiftis um síðustu helgi.
Hann flutti þar ræðu ásamt sr.
Kristjáni Val Ingólfssyni, sem einnig
hefur gefið kost á sér í kjörinu.
Auk Jóns og Kristjáns hafa sr.
Guðni Þór Ólafsson og sr. Dalla
Þórðardóttir einnig verið nefnd lík-
legir kandídatar, eins og fram hefur
komið í Morgunblaðinu, en þau áttu
ekki heimangengt á fund presta-
félagsins.
Jón sagðist í samtali við Morgun-
blaðið hafa fengið mikla hvatningu
víða að úr stiftinu til að bjóða sig
fram. Hann sagðist hafa verið að
bíða eftir tækifæri til að takast á við
nýtt embætti á Íslandi eftir langa
fjarveru erlendis. Jón hefur síðustu
mánuði verið í námsleyfi frá störfum
í London en þegar Morgunblaðið
náði tali af honum var hann á ferð um
Austurland til að kynna sig fyrir
prestum svæðisins og þeim sem rétt
eiga á að kjósa í vígslubiskupskjör-
inu.
Yfirlýsing frá VSÓ Ráðgjöf ehf. vegna skýrslu um mat á umhverfisáhrifum
Farið að reglum í einu og öllu
MORGUNBLAÐINU hefur borist
eftirfarandi yfirlýsing frá VSÓ
Ráðgjöf ehf.:
Í tilefni af mjög villandi frétta-
flutningi síðustu daga um málefni
VSÓ Ráðgjafar ehf. sem tengist
skýrslu fyrirtækisins um mat á um-
hverfisáhrifum Norðlingaöldu-
veitu, vill fyrirtækið koma eftirfar-
andi upplýsingum á framfæri:
1. Enginn starfsmaður fyrirtæk-
isins hefur reynt að hafa áhrif á nið-
urstöður vísindarannsókna á um-
hverfisáhrifum
Norðlingaölduveitu.
2. Skipulagsstofnun hefur verið
upplýst um öll ágreiningsefni sem
upp hafa komið í matsferlinu.
3. Dr. Ragnhildur Sigurðardótt-
ir, vistfræðingur, var ráðin af VSÓ
Ráðgjöf til þess að vinna samantekt
á rannsóknum sem unnar hafa ver-
ið á svæði Norðlingaölduveitu.
Henni hefur ekki verið falið að
vinna að sjálfstæðum rannsóknum
á fyrirhuguðu framkvæmdarsvæði.
VSÓ Ráðgjöf og starfsmenn fyr-
irtækisins hafa kappkostað að
vinna faglega og heiðarlega að mati
á umhverfisáhrifum Norðlinga-
ölduveitu. Fyrirtækið hefur í einu
og öllu fylgt þeim lögum og reglum
sem gilda um mat á umhverfisáhrif-
um. Allar yfirlýsingar um annað
eru rangar.
Sú skýrsla sem VSÓ Ráðgjöf
skilaði til framkvæmdaraðila inni-
heldur upplýsingar um öll þau at-
riði sem þarf að taka tillit til þegar
umhverfisáhrif Norðlingaölduveitu
eru metin. Athugasemdir sem bár-
ust í matsferlinu hafa ekki leitt til
þess að breyta þurfi í neinu meg-
inniðurstöðu matsins.
Einar Oddur Kristjánsson þingmaður
Smábátarnir eru
eina vörn sjávar-
byggðanna
„Uppbygging smábátaflotans er
eina vörn sjávarbyggðanna og það
smáræði sem smábátarnir hafa ver-
ið að fiska hefur þó bjargað því sem
bjargað hefur verið í sjávarbyggð-
um,“ segir Einar Oddur Kristjáns-
son þingmaður Sjálfstæðisflokksins
á Vestfjörðum sem mótmælir því að
uppbygging flotans sé sóun á fé
eins og Friðrik J. Arngrímsson
framkvæmdastjóri LÍÚ lýsti sem
skoðun sinni á aðalfundi LÍÚ í síð-
ustu viku.
Einar Oddur segir veiðitakmark-
anir aðalvandamálið en ekki upp-
bygging smábátaflotans og gagn-
rýnir harðlega „ímyndaða friðun á
þorski“. „Stjórnvöld hefðu aldrei
komist upp með að fylgja því sem
ég kalla herstefnu gagnvart þorsk-
veiðunum, nema með stuðningi
LÍU,“ segir hann. „Þetta hefur
fyrst og fremst orsakað vannýtingu
á íslenskum fiskiskipaflota, en ekki
uppbygging smábátaflotans. Gallinn
á fiskveiðistjórnunarkerfinu er sá
að það virðir ekki á nokkurn hátt
hagsmuni sjávarbyggða.“
„Ég skil ósköp vel árekstrana
sem verða þegar verið er að skerða
aflamarksbátana vegna smábát-
anna, en það er algjör óþarfi. Loks-
ins, eftir þrjá áratugi, eru menn að
opna augu sín fyrir því að þessi rík-
isvísindi hafa fullyrt miklu meira en
þau geta staðið við. Þessar friðunar-
aðgerðir á smáfiski hafa fært okkur
afturábak en ekki áfram og það er
kominn tími til þess að þessari ein-
okun í að rannsaka hafið kringum
Ísland, linni og vísindamenn fái
frjálsan aðgang að rannsóknum.
Það mun færa okkur til þess tíma
að Íslandsmið bera sannarlega 350
til 400 þúsund tonn af þorskveiði
eins og þau gerðu áratugum saman.
Með því getum við fengið nýtingu á
smábátaflotann og það er hörmu-
legt að útvegsmenn skuli vera
komnir í hár saman rétt einu sinni.“
RÚMLEGA tvítugur karlmaður
hefur verið dæmdur í 15 mánaða
óskilorðsbundið fangelsi og missir
ökuréttindi sín í þrjú ár fyrir að aka
á tvo pilta á göngustíg í Mosfellsbæ
í maí 2001. Málinu var á sínum tíma
lokið með sátt hjá lögreglustjóran-
um í Reykjavík þar sem manninum
var gert að greiða sekt og sviptur
ökuréttindum í 10 mánuði. Þessa
ákvörðun felldi ríkissaksóknari úr
gildi og höfðaði mál gegn mann-
inum fyrir sérstaklega hættulega
líkamsárás og umferðarlagabrot.
Útilokað að refsingin
yrði skilorðsbundin
Maðurinn var verulega ölvaður
þegar atvikið átti sér stað. Hann
játaði að hafa ekið bílnum eftir
göngustígnum á nokkurri ferð,
hann hafi á hinn bóginn eingöngu
ætlað að hræða piltana en ekki náð
að hemla í tæka tíð. Þessi fullyrðing
fékk nokkurn stuðning af fremur
óskýrum framburði þeirra tveggja
sem voru með honum í bílnum.
Komst dómurinn að þeirri niður-
stöðu að maðurinn hefði ekki ætlað
sér að aka á piltana og því væri um
gáleysisbrot að ræða. Með því að
aka á piltana rauf maðurinn skilorð
vegna tveggja ára fangelsisdóms
sem hann hlaut fyrir líkamsárás. Þá
var hann dæmdur til að sæta sex
mánaða fangelsi, skilorðsbundið í
tvör ár. Þar sem brotið væri alvar-
legt og hann hefði áður verið sak-
felldur fyrir líkamsárás væri skil-
orðsbinding útilokuð.
Jón Finnbjörnsson kvað upp
dóminn. Sigríður J. Friðjónsdóttir
saksóknari flutti málið f.h. ákæru-
valdsins en Örn Clausen hrl. var til
varnar.
Dæmdur í 15
mánaða fangelsi
og sátt úr gildi
♦ ♦ ♦