Morgunblaðið - 08.11.2002, Blaðsíða 27

LANDIÐ
MORGUNBLAÐIÐ FÖSTUDAGUR 8. NÓVEMBER 2002 27
ÞAÐ er óhætt að segja að listalífið
hafi blómstrað á Djúpavogi í október.
Laugardagskvöldið 26. október
frumsýndi Leikfélag Djúpavogs þrjá
einþáttunga eftir Dario Fo og Franca
Rame í leikstjórn Hallgríms Odds-
sonar. Leikfélagið hefur ekki verið
starfrækt í nær tuttugu ár og fannst
unga fólkinu á staðnum tími til kom-
inn að vekja það af værum blundi.
Hátt í þrjátíu eru skráðir í félagið sem
sýnir þann áhuga sem ríkir. Aðsókn
var góð að sýningunni sem þótti tak-
ast mjög vel. Sérstaka athygli vakti
Árdís Ingvarsdóttir, en hún fór á
kostum í hlutverki eiginkonu sem er
haldið fanginni á heimili sínu.
Árshátíð Grunnskóla Djúpavogs
var svo haldin viku seinna. Nemendur
og kennarar höfðu unnið í hálfan
mánuð að því að setja upp Skilaboða-
skjóðuna eftir Þorvald Þorsteinsson.
Tónlistin í leikritinu er eftir Jóhann
G. Jóhannsson og sáu Berglind Ein-
arsdóttir tónmenntakennari og Snæ-
björn Sigurðsson um tónlistaræfing-
ar.
Nemendurnir tóku allir þátt
Í Grunnskóla Djúpavogs eru 75
nemendur sem allir tóku þátt í sýn-
ingunni á einn eða annan hátt. Nem-
endurnir gátu valið um þrjá hópa;
búningahönnun, sviðsmynd og leik-
muni eða að leika og syngja. Í stærstu
hópatriðunum voru um 50 nemendur
á aldrinum sex til sextán ára saman á
sviðinu. Þetta fyrirkomulag þótti tak-
ast sérstaklega vel og voru bæði nem-
endur og kennarar ánægðir með út-
komuna. Sumir foreldrar voru svo
snortnir af frammistöðu barnanna að
þeir felldu tár.
Kvöldið eftir árshátíð grunnskól-
ans héldu Vísnavinir sína árlegu
Sviðamessu í samvinnu við Hótel
Framtíð. Vísnavinir voru stofnaðir
fyrir fimm árum af hópi fólks á
Djúpavogi sem hefur áhuga á öllu
sem viðkemur menningu. Hópurinn
hefur staðið fyrir ýmsum uppákom-
um á þeim fimm árum sem félagið
hefur verið starfandi. Má þar nefna
Tyrkjakvöld, Suðrænt kvöld, jóla-
skemmtanir, kvöldvökur með menn-
ingarlegu ívafi og Reykjavíkurkvöld
þar sem Ingibjörg Sólrún Gísladóttir
var heiðursgestur.
Yfirskrift Sviðamessunnar í ár var
Margt býr í þokunni sem kom
kannski ekki mörgum á óvart þar sem
þokan var tíður gestur á Djúpavogi
síðastliðið sumar. Lesin voru ljóð og
sögur um þokuna og tónlistarfólkið sá
um að koma þokustemmningunni til
skila. Að lokum var fluttur frumsam-
inn „þokuleikþáttur“ sem endaði á því
að þokuprinsessan losnaði úr álögum
og allir lifðu hamingjusamir til ævi-
loka.
Morgunblaðið/Sólný Pálsdóttir
Hans og Gréta sungu Nammisönginn af mikilli innlifun.
Leikfélagið vakið
af værum blundi
Djúpivogur
VIKUNA 4.–8. nóvember er opin
vika í Barnaskóla Vestmannaeyja.
Foreldrum barna er boðið að koma
í skólann og kynna sér skólastarfið
og taka þátt í því. Opin vika í skól-
anum á sér að baki langa hefð og
mælist einstaklega vel fyrir hjá for-
eldrum barna sem óspart nýta sér
tækifærið og líta við á vinnustað
barna sinna. Í opinni viku er í engu
brugðið frá hefðbundinni kennslu
eða stundaskrá.
Morgunblaðið/Sigurgeir Jónasson
Opin vika í barnaskólanum
Vestmannaeyjar