Morgunblaðið - 19.11.2002, Blaðsíða 10

FRÉTTIR
10 ÞRIÐJUDAGUR 19. NÓVEMBER 2002 MORGUNBLAÐIÐ
ÞINGFUNDUR hefst kl. 13.30 í dag.
Eftirfarandi mál eru á dagskrá.
1. Kosning aðalmanns í yfirkjör-
stjórn Reykjavíkurkjördæmis
norður í stað Jóns Steinars
Gunnlaugssonar, til fyrsta þings
eftir næstu almennar alþing-
iskosningar.
2. Vísinda- og tækniráð 336. mál,
lagafrumvarp forsrh. Frh. 1. um-
ræðu. (Atkvæðagreiðsla).
3. Opinber stuðningur við vísinda-
rannsóknir (heildarlög) 357. mál,
lagafrumvarp menntmrh. Frh. 1.
umræðu. (Atkvæðagreiðsla).
4. Opinber stuðningur við
tækniþróun og nýsköpun í þágu
atvinnulífsins 345. mál, laga-
frumvarp viðskrh. Frh. 1. um-
ræðu. (Atkvæðagreiðsla).
5. Örnefnastofnun Íslands (afnám
stjórnar) 358. mál, lagafrumvarp
menntmrh. Frh. 1. umræðu. (At-
kvæðagreiðsla).
6. Ábyrgðir vegna lánaflokks í
Norræna fjárfestingarbank-
anum til umhverfismála 356.
mál, lagafrumvarp fjmrh. 1. um-
ræða.
7. Staðgreiðsla skatts á fjármagns-
tekjur 371. mál, lagafrumvarp
fjmrh. 1. umræða.
8. Staðgreiðsla opinberra gjalda
372. mál, lagafrumvarp fjmrh. 1.
umræða.
9. Lífeyrissjóður sjómanna (elli- og
makalífeyrir) 355. mál, laga-
frumvarp fjmrh. 1. umræða.
10. Aukatekjur ríkissjóðs (ýmsar
gjaldtökuheimildir) 322. mál,
lagafrumvarp fjmrh. 1. umræða.
11. Greiðsla kostnaðar við opinbert
eftirlit með fjármálastarfsemi
(gjaldaheimildir) 359. mál, laga-
frumvarp viðskrh. 1. umræða.
12. Fjárhagslegur aðskilnaður út-
gerðar og fiskvinnslu 17. mál,
þingsályktunartillaga GAK. Frh.
fyrri umræðu.
13. Samkeppnisstaða atvinnufyr-
irtækja á landsbyggðinni 18.
mál, þingsályktunartillaga KLM.
Frh. fyrri umræðu.
14. Hvalveiðar 20. mál, laga-
frumvarp GAK. 1. umræða.
15. Stækkun friðlandsins í Þjórs-
árverum 30. mál, þingsályktun-
artillaga KolH. Fyrri umræða.
16. Sjálfbær atvinnustefna 33. mál,
þingsályktunartillaga KolH.
Fyrri umræða.
17. Almenn hegningarlög 39. mál,
lagafrumvarp KolH. 1. umræða
ALLS eru skráðir 2.068 nemendur í nám með fjarkennslusniði á há-
skólastigi, að því er fram kemur í skriflegu svari menntamálaráðherra,
Tómasar Inga Olrich, við fyrirspurn Drífu Hjartardóttur, þingmanns Sjálf-
stæðisflokksins.
Til samanburðar voru 496 nemendur skráðir í slíkt nám á árinu 1999.
Þeim hefur fjölgað um 500 á ári frá því 1999.
Í svarinu kemur einnig fram að 2.001 nemandi er nú skráður í fjarkennslu
á framhaldsskólastigi. Til samanburðar voru nemendur í slíku námi alls 337
árið 1999. Aukningin er því um 500% frá árinu 1999 til ársins 2002.
Nemendum í fjarnámi
fjölgar stöðugt
HELGA Halldórsdóttir, varaþingmaður Sjálfstæðisflokksins í Vesturlands-
kjördæmi, tók sæti á Alþingi í gær í fjarveru Sturlu Böðvarssonar sam-
gönguráðherra. Fyrir eru tveir varaþingmenn á Alþingi, þau Jónas Hall-
grímsson, varaþingmaður Framsóknarflokksins og Vigdís Sveinbjörns-
dóttir, varaþingmaður Framsóknarflokksins.
Þrír varaþingmenn
SJÖTTA rannsóknaáætlun ESB
felur í sér mun fleiri sóknarfæri
fyrir íslenska vísindamenn á sviði
samfélagsrannsókna en hinar
fyrri, að því er fram kemur í máli
Eiríks Bergmanns Einarssonar,
landstengiliðar fyrir undirsvið
áætlunarinnar á sviði samfélags-
rannsókna.
Eiríkur segir að í fyrri rann-
sóknaráætlunum ESB hafi sam-
félagsrannsóknir aðeins verið eins
konar hliðarsvið. Með sjöttu rann-
sóknaáætluninni hafi samfélags-
rannsóknir ekki aðeins verið gerð-
ar að sérstöku undirsviði áætlun-
arinnar heldur hafi verið lögð
áhersla á að litið yrði til samfélags-
legra þátta á hinum undirsviðun-
um sex. Gott dæmi væri að talið
væri eðlilegt að líta til samfélags-
legra þátta í stórum verkefnum á
sviði erfðavísinda.
Tveir flokkar rannsókna
Venja hefur skapast um að tala
um samfélagsáætlun ESB þó svo
að um undirsvið undir aðalrann-
sóknaáætlun ESB sé að ræða.
Samfélagsáætlunin felur í sér
styrki til víðtækra rannsókna á
sviði samfélagsmála í jafnólíkum
greinum og félagsfræði, stjórn-
málafræði, hagfræði, lögfræði,
hugvísinda og áfram mætti telja.
Rannsóknaáætlunin gerir ráð fyr-
ir að rannsóknir innan samfélags-
áætlunarinnar skiptist gróflega í
tvo flokka, þ.e. annars vegar í
rannsóknir á sviði þekkingarsam-
félagsins og hins vegar í rannsókn-
ir á sviði borgararéttinda, lýðræðis
og nýrrar tegunda ákvarðanatöku.
Rannsóknir á sviði þekkingarsam-
félagsins skiptast í þrennt, þ.e.
rannsóknir á dreifingu félags-
legra- og hagrænna upplýsinga,
rannsóknir á þróun upplýsinga-
samfélagsins og rannsóknir á ólík-
um leiðum til að koma á raunveru-
legu upplýsingasamfélagi. Rann-
sóknir á sviði borgararéttinda,
lýðræðis og nýrrar tegundar af
ákvarðanatöku skiptast í fernt,
þ.e. rannsóknir á áhrifum Evrópu-
samrunnans og fyrirhugaðrar
stækkunar ESB á hinn hinn al-
menna borgara, rannsóknir á að-
gengi almennings að rafrænni
stjórnsýslu, rannsóknir á átökum,
friðarumleitunum, dóms- og rétt-
arfari og síðast en ekki síst rann-
sóknir á nýrri tegund þegnréttar
og menningarlegum einkennum.
Vísindamenn á ferð og flugi
„Að auki verður veittur aukinn
styrkur til vísindamanna til að
starfa við rannsóknastofnanir og
háskóla í öðrum löndum,“ segir
Eríkur og tekur fram að ekki sé
aðeins veittur stuðningur vegna
starfa í Evrópulöndum heldur öll-
um heiminum. „Innan rannsókna-
áætlunarinnar auðnast íslenskum
vísindamönnum kjörið tækifæri til
að víkka sjóndeildarhring sinn
með því að starfa erlendis. Með
sama skapi opnast betri mögu-
leikar en áður fyrir innlendar
rannsóknastofnanir til að fá til sín
erlent rannsóknarfólk til starfa
með stuðningi frá ESB.“ Eiríkur
segist eiga von á því að umsóknir
um styrki innan samfélagsáætlun-
arinnar komi aðallega frá háskóla-
samfélaginu þó að vissulega sé bú-
ist við þátttöku einstakra inn-
lendra fyrirtækja.
„Ég efast ekki um að Íslending-
ar eiga eftir að taka þátt í fjöl-
breyttum verkefnum innan sam-
félagsáætlunarinnar, t.d. varðandi
félagsfræðilega og hagfræðilega
þróun. Mest spennandi tel ég þó
vera rannsóknir á beinni þátttöku
almennings í ákvarðanatöku í
tengslum við nýjungar í upplýs-
ingatækni,“ segir Eríkur og nefnir
að í gegnum EES-samninginn
megi hugsa sér að Íslendingar taki
þátt í verkefnum í tengslum við
evrópska samþættingu. „Ekki er
heldur óraunhæft að ætla að Ís-
lendingar gætu komið inn í verk-
efni í tengslum við friðarumleitan-
ir og áfram væri hægt að telja.“
Að lokum lagði Eiríkur áherslu
á að Íslendingar þyrftu að bregð-
ast skjótt við í tengslum við þátt-
töku í áætluninni. Samfélagsáætl-
unin hefði yfir að ráða um 250
milljónum evra og yrði 100 millj-
ónum af upphæðinni úthlutað
strax á næsta ári.
Sjötta rannsóknaáætlun Evrópusambandsins með 250 milljónir evra
Gefur fleiri sóknarfæri á sam-
félagssviðinu en fyrri áætlanir
DAVÍÐ Oddsson forsætisráðherra
kvaðst á Alþingi í gær ekki geta séð
annað en að vel hefði tekist til með
sölu Búnaðarbankans og Landsbank-
ans. Þetta kom m.a. fram í máli ráð-
herra eftir að Steingrímur J. Sigfús-
son, formaður Vinstrihreyfingarinnar
– græns framboðs, hafði beint fyrir-
spurn til hans um sölu Búnaðarbank-
ans til S-hópsins svonefnda. Ráðherra
ítrekaði að engin hlutabréf í Búnaðar-
bankanum yrðu afhent fyrr en
greiðsla hefði átt sér stað. Jafnframt
sagði hann aðspurður um kaupendur
bankans að um kjölfestufjárfesti væri
að ræða. Steingrímur hóf máls á sölu
Búnaðarbankans í svonefndum óund-
irbúnum fyrirspurnartíma á Alþingi.
„Nú er það svo að fram hefur komið
að S-hópurinn svonefndi virðist ekki
eiga neina peninga,“ sagði Steingrím-
ur, „og það er ekki ljóst og liggur ekki
fyrir hvenær hann fer að borga eitt-
hvað, nema það verður ekki strax; það
verður ekki við undirskrift samnings.
Hann fær þar bara afhenta lyklana. Í
öðru lagi liggur ekki fyrir hvort greitt
verður fyrir bankann í íslenskum
gjaldmiðli eða erlendri mynt. Í þriðja
lagi liggur ekki fyrir hve stóran hlut
hver og einn í þessum hópi mun
kaupa. Í fjórða lagi hvílir leynd yfir
því hver hinn væntanlegi erlendi sam-
starfsaðili S-hópsins um kaupin er.
Og í fimmta lagi liggur það fyrir og
þykir fréttnæmt að á sama tíma og
hópurinn er að kaupa Búnaðarbank-
ann geisar heiftúðug valdabarátta
bak við tjöldin innan hópsins.“
Ráðherra svaraði því m.a. til eins
og áður sagði að engin hlutabréf í
Búnaðarbankanum yrðu afhent fyrr
en greiðsla hefði átt sér stað. „Ákveð-
in skilyrði eru einnig sett um að það
liggi fyrir þátttaka hins erlenda aðila,
bankastofnunar, áður en frá þessu er
gengið,“ sagði hann.
Steingrímur var ekki ánægður með
þessi svör ráðherra og sagði að það
eina sem væri vitað um þann aðila
sem fengi að kaupa Búnaðarbankann
væri það að hann væri nátengdur
Framsóknarflokknum og gamla Sam-
bandinu. „Að öðru leyti veit enginn
hver kemur til með að eiga hvað, hve-
nær þeir eiga peninga til að borga fyr-
ir þetta og þar fram eftir götunum.
Samt er gengið fram hjá aðila eins og
Kaldbakshópnum sem sannanlega
hefði þó getað reitt fram peninga og
borgað strax.“ Spurði Steingrímur
því næst hvort þetta væri trúverðugt.
Þingmenn geti verið ánægðir
Davíð Oddsson kom aftur í pontu
og sagði: „Ég get alveg sannfært
háttvirtan þingmann um það að þegar
frá þessum hlutum verður gengið, þá
liggja allir þessir hlutir klárir fyrir.
Það er nákvæmlega með sama hætti
og gert var við Landsbankann. Það er
undirrituð ákveðin viljayfirlýsing og
menn hafa náð saman um alla meg-
inþætti en síðan þurfa aðrir hlutir að
liggja klárir fyrir þegar endanlega er
frá kaupum gengið og ég sé ekkert
rangt við það. Ég hef fulla trú á því að
þessir aðilar sem þarna eru að kaupa
muni koma vel að verki og vilji reka
þennan banka vel. Ég sé ekki annað
en það hafi gengið mjög vel með söl-
una á báðum þessum bönkum og að
við getum verið ánægð með það hér,
alþingismenn.“
Forsætisráðherra segir vel hafa tekist með sölu á Búnaðarbankanum
Morgunblaðið/Þorkell
Davíð Oddsson svaraði spurningum um sölu Búnaðarbankans í gær.
Hlutabréf
afhent við
greiðslu
NÆSTKOMANDI fimmtu-
dagskvöld, 21. nóvember, kl.
20 efna nokkrir landsþekktir
listamenn til svonefndra Vina-
tónleika í Íslenzku óperunni.
Eru tónleikarnir haldnir til
stuðnings Láru Margréti
Ragnarsdóttur alþingismanni
sem er einn af frambjóðendum
í prófkjöri Sjálfstæðisflokksins
í Reykjavík sem fram fer á föstudag og laug-
ardag. Á tónleikunum koma m.a. fram þau
Ólöf Kolbrún Harðardóttir, Kristín Sædal Sig-
tryggsdóttir, Garðar Cortes, Bergþór Pálsson,
Valgeir Guðjónsson, Clive Pollard og Kór
óperusöngvara undir stjórn Garðars Cortes.
Tónleikarnir eru öllum opnir svo lengi sem
húsrúm leyfir.
Kristín Sædal
Sigtryggsdóttir
Lára Margrét
Ragnarsdóttir
Valgeir
Guðjónsson
Clive
Pollard
Ólöf Kolbrún
Harðardóttir
Vinatónleikar
í óperunni
Bergþór
Pálsson
Garðar
Cortes