Morgunblaðið - 19.11.2002, Blaðsíða 35

UMRÆÐAN
MORGUNBLAÐIÐ ÞRIÐJUDAGUR 19. NÓVEMBER 2002 35
HARALDUR Johannessen
blaðamaður Morgunblaðsins ritar
grein í blað sitt nýlega um tillögu
sem undirritaður hefur lagt fram á
Alþingi. Þar gefur blaðamaður sér
að tillagan sé sett fram í þeim til-
gangi að „stjórnmálamaðurinn“ vilji
láta hampa sér og veiða nokkur at-
kvæði. Blaðamaðurinn gefur sér að
ekkert annað vaki fyrir tillöguflytj-
anda en einhver sýndarmennska og
atkvæðabrask. Það er umhugsunar-
efni að „blaðamanni“ með slík við-
horf til stjórnmála og lýðræðislegr-
ar umræðu sé treyst til frétta-
umfjöllunar á Morgunblaðinu.
Að fara rétt með
Grundvallaratriði í starfi blaða-
manna er að fara rétt með. Það er
rangt hjá blaðamanninum að í um-
ræddri tillögu sé lagt til að virð-
isaukaskattur verði felldur niður af
barnafötum. Það rétta er að í tillög-
unni er lagt til að fjármálaráðherra
verði falið að kanna hvort mögulegt
sé að fella niður eða lækka virð-
isaukaskatt af barnafötum og leggja
mat á afleiðingar þess fyrir rík-
issjóð, verslun í landinu og barna-
fjölskyldur. Blaðamaður kýs svo
einnig að reyna að snúa út úr tillög-
unni þegar hann gerir það að
vandamáli að fullorðnir geti keypt
„barnaföt“ enda 18 ára unglingar
skilgreind börn samkvæmt lögum. Í
greinargerð með tillögunni er skýrt
tekið fram að taka skuli mið af
breskum lögum um sama efni. Seg-
ir orðrétt: „Á Bretlandi er enginn
virðisaukaskattur á fötum og skóm
fyrir börn, sem henta ekki fullorðn-
um.“ Blaðamanninum er bent á að
kynna sér efni bresku laganna, þar
sem orðalagið „not suitable for old-
er persons“ er haft til skilgrein-
ingar á því hvernig flokka skuli
fatnaðinn. Tillaga mín gengur m.a.
út á að kannað verði hvernig þessu
er fyrir komið á Bretlandseyjum.
Þau ummæli blaðamanns að hér sé
um sérhagsmunapot að ræða dæma
sig að öllu leyti sjálf. Verði útkom-
an úr þessari könnun sú að mögu-
legt sé að fella niður virðisauka-
skatt af barnafötum mun það
sannarlega verða til mikilla hags-
bóta fyrir það fólk sem stendur
undir meginhluta tekjuskatts hér á
landi.
Aðferð Thatchers
Um árabil hafa barnaföt og skór
verið undanþegin virðisaukaskatti á
Bretlandseyjum. Þingmaður Sjálf-
stæðisflokksins sagði við mig, þegar
ég hafði mælt fyrir tillögu minni á
Alþingi, að það hefði verið í stjórn-
artíð Margrétar Thatcher sem
þetta fyrirkomulag var tekið upp á
Bretlandi. Ungir hægrimenn á Ís-
landi hafa hingað til talið að stjórn
ríkisfjármála hafa verið til fyrir-
myndar hjá Thatcher. Haraldur Jo-
hannessen tilheyrir greinilega ekki
þeim hópi! Niðurfelling virðisauka-
skatts á barnafötum er leið til að
koma til móts við barnafjölskyldur,
enda flestum ljóst að það er dýrt að
ala upp börn á Íslandi. Kannski á
Haraldur Johannessen engin börn
og þekkir þá hlið mála ekki. Hitt
fer ekki á milli mála að foreldrar á
Íslandi þekkja þetta allt of vel og
taka því fagnandi allri umræðu um
lækkun á þeim gjöldum og álögum
sem sérstaklega er beint að barna-
fólki. Í leiðara DV laugardaginn 9.
nóvember sl. er m.a. fjallað um áð-
urnefnda þingsályktunartillögu og
gæti Haraldi verið gagn að þeirri
lesningu, en þar kemur rækilega
fram afstaða fjölskyldumannsins.
Ósmekkleg skrif
Það er ósmekklegt af Haraldi Jo-
hannessen að gefa í skyn að tillaga
mín hafi verið „kennslustund í sér-
hagsmunapoti og atkvæðaveiðum“.
Hvað hefur blaðamaðurinn fyrir sér
í því? Er það ekki þvert á móti
hreint og beint skylda þingmanna
og þeirra sem taka þátt í stjórn-
málum að leggja sig fram um að
hlusta á raddir fólksins í landinu og
leita leiða til þess að knýja fram úr-
bætur á gildandi lögum og reglum?
Hvernig ímyndar blaðamaðurinn
sér að löggjafarvaldið eigi að
starfa? Hverjum telur hann að
þingmenn á Alþingi Íslendinga eigi
að þjóna, ef ekki fólkinu í landinu?
Það er rétt hjá Haraldi Johann-
essen að tillagan hefur hlotið ótrú-
leg viðbrögð. Kannski skýrir það
einmitt þá miklu sálarangist, sem
tillagan virðist valda blaðamannin-
um og raunar ýmsum fleiri hægri-
mönnum. En það hefur enginn ver-
ið plataður. Kjósendur eru nefni-
lega ekki fífl, sem láta plata sig,
eins og Haraldur Johannessen virð-
ist álíta. Ritstjórn Morgunblaðsins
bendi ég á að blaðamaður þess hef-
ur gert sig sekan um grundvall-
armistök í starfi sínu með því að
fara rangt með. Hann fer ranglega
með efni þingsályktunartillögu og
gerir höfundi hennar upp annarleg-
an ásetning. Slíkt getur varla talist
til fyrirmyndar.
Barnalegur blaðamaður
Eftir Pál
Magnússon
Höfundur er varaþingmaður Fram-
sóknarflokksins.
„Kjósendur
eru nefni-
lega ekki
fífl, sem láta
plata sig.“
Stuðningsmenn
Við hvetjum til þess að Katrín Fjeldsted
verði kjörin í 4. sæti listans í Reykjavík.
Kosningaskrifstofa hennar er í Pósthússtræti 13.
Opið frá kl. 16-19 virka daga og 13-18 laugardag.
Sími 594 7694.
Netfang: katrinf@althingi.is
Heimasíða: www.althingi.is/katrinf
Katrín Fjeldsted
4.
sæti
fylgir sannfæringu sinni
Rödd hins hófsama
sjálfstæðismanns
• Katrín hefur víðtæka þekkingu á heilbrigðismálum.
Hún vill aukið frelsi í rekstri heilsugæslunnar.
Hún er nú eini læknirinn á Alþingi.
• Hefur varað við of miklum ríkisafskiptum í virkjanamálum.
• Vill lækka skatta.
• Hefur lagt umhverfisvernd mikið lið.
• Hún vill efla sveitarstjórnarstigið.
RANNÍS stendur fyrir kynningarráðstefnu um 6. rannsóknaáætlun ESB
á Hótel Loftleiðum, föstudaginn 22. nóvember kl. 9:00-15:00,
þar sem fulltrúar framkvæmdastjórnar Evrópusambandsins kynna
forgangssvið áætlunarinnar og nýtt fyrirkomulag á verkefnum.
Dagskrá ráðstefnunnar verður sem hér segir:
09:00-09:10 Setning formanns Rannsóknarráðs Íslands, Hafliði P. Gíslason, prófessor.
09:10-09:30 Ávarp menntamálaráðherra, Tómas Ingi Olrich.
09:30-09:50 Þátttaka Íslands í 5. rannsóknaáætlun ESB,
Hjördís Hendriksdóttir, Rannsóknarráð Íslands.
09:50-10:30 Um 6. rannsóknaáætlun ESB. Martin Bohle-Carbonell,
Head of Unit, Environment directorate, DG Research.
10:30-10:45 Kaffihlé.
10:45-11:20 Styrkir til þjálfunar vísindamanna, Nicholas Newman, Head of Unit,
Human resources directorate, DG Research.
11:20-12:00 Ný verkefnaform í 6. rannsóknaáætlun ESB, Peter Fisch, Scientific Officer,
Socio-eco directorate, DG Research.
12:00-13:00 Hádegisverður.
Samhliða kynningarfundir
13:00-14:00 Lífvísindi, Indriði Benediktsson, Scientific Officer,
Health directorate, DG Research
Upplýsingatækniáætlun ESB.
Sjálfbær þróun og hnattrænar breytingar, Martin Bohle-Carbonell,
Head of Unit, Environment directorate, DG Research.
Samhliða kynningarfundir
14:00-15:00 Samfélagsáætlun. Peter Fisch, Scientific Officer,
Socio-eco directorate, DG Research.
Fiskveiðar, afurðir og landbúnaður, Sigurður Bogason, Expert, DG Fisheries.
Efnis-, framleiðslu- og örtækni. Nicholas Hartley, Head of Unit,
Industrial directorate, DG Research.
6. rannsóknaáætlun ESB
ráðstefna 22. nóvember
Skráning á ráðstefnuna skal send á
rannis@rannis.is fyrir 20. nóv.
Klapparstíg, sími 552 2522
Jólatilboð á völdum
kerrum og vögnum
Dæmi:
Simo Elegance
Fullt verð 59.900
Nú 39.900