Morgunblaðið - 28.11.2002, Blaðsíða 33
LANDIÐ
MORGUNBLAÐIÐ FIMMTUDAGUR 28. NÓVEMBER 2002 33
NÝTT athafnasvæði hestamanna
sem gert var ráð fyrir samkvæmt
aðalskipulagi Austur-Héraðs mun
að öllum líkindum víkja að stórum
hluta eða í heild, þar sem ákveðið
hefur verið að hefja undirbúning að
skipulagi nýs íbúðarhverfis á svæð-
inu. Hestamenn á Egilsstöðum eru
margir uggandi vegna þessa, en
staðið hefur til í nærfellt þrjátíu ár
að finna hesthúsum og athafnasvæði
þeirra nýjan stað. Hesthúsin standa
nú á svokölluðum Truntubökkum á
Egilsstöðum, milli íbúðarbyggðar og
Eyvindarár, en á þeim skika er einn-
ig gert ráð fyrir nýrri íbúðarbyggð í
skipulagi.
Ármann Magnússon var í forsvari
fyrir hóp hestamanna sem gerði til-
lögur að skipulagi svæðisins í Sel-
brekku. Þær tillögur gengu með
breytingum inn í aðalskipulag, en
málið er nú í uppnámi. Hann segir
hesthúsin á Truntubökkum hafa ver-
ið byggð um 1970. „Umræðan um
staðsetningu þeirra er búin að vera
ægileg þrautasaga og hefur staðið í
tæp þrjátíu ár,“ segir Ármann.
„Nefndir á vegum sveitarfélagsins
hafa gegnum tíðina skoðað ýmsa
möguleika og leitað hófanna hjá
landeigendum. Í það minnsta átta
staðsetningar hafa komið til álita en
það var fyrir tveimur árum að byrj-
að var af alvöru að ræða um Sel-
brekku og svæði ofan hennar við
Hálslæk. Í skipulagsferlinu var
landið kannað og þóttust menn sjá
að þarna væri nægt pláss fyrir 160
til 200 hesta.“
Mætti halda að
hestamennskan væri illa séð
„Hestamenn skiluðu inn tillögu að
því hvernig þeir myndu vilja hafa
þetta,“ segir Ármann. „Það gekk
ekki nákvæmlega inn í endanlega
skipulagstillögu en við vorum þokka-
lega sáttir. Við vorum að velta fyrir
okkur byggingu reiðhallar uppi við
Selið, léttum æfingavelli norðan við
það og hesthúsasvæði við Hálslæk.
Þetta gekk í gegnum allan skipu-
lagsferilinn og málið virtist vera í
höfn. Strax eftir að ný bæjarstjórn
tók við kom á daginn að allt var aftur
í upplausn. Rök bæjarstjórnar voru
þau að vegna nýrrar íbúðarbyggðar
og of mikillar nálægðar við útivist-
arsvæði bæjarbúa yrði að setja at-
hafnasvæði hestamanna annað.“
Ármann segir að á fundi sem hald-
inn var nýlega með fulltrúum bæj-
arstjórnar og hestamönnum hafi sú
ástæða verið gefin að svæðið við Sel-
ið væri betur fallið til íbúðarbyggðar
heldur en menn hefðu haldið. Að
hestamönnum forspurðum hafi nú
verið hafnar viðræður milli bæjaryf-
irvalda og landeigenda á Kolstöðum
við Egilsstaði. „Hjá mér er í það
minnsta komið að þeim tímapunkti
að ég bara hætti afskiptum af hesta-
mennsku hér ef snúa á þessu einu
sinni enn við eftir alla þessa vinnu,“
segir Ármann.
Háir hestamennskunni
Gunnar Jónsson, formaður Hesta-
mannafélagsins Freyfaxa, segir
þetta ófremdarástand. „Það er
hvergi hægt að koma þessum ágætu
mönnum fyrir og þetta háir hesta-
mennsku hér,“ segir Gunnar. „Það
er eins og hún sé bara illa séð og að
það land sem sett er undir hesthúsa-
byggð sé mönnum glatað. Við skul-
um ekki gera lítið úr því hvað hesta-
mennska getur verið mikið for-
varnarstarf fyrir t.d. unglinga, því
þeir sem eru á kafi í hestum eru ekki
í einhverju rugli á meðan. Það er
sveitarfélaginu til vansa að ekki
skuli vera búið að útvega svæði fyrir
löngu síðan, þannig að hægt sé að
byggja upp nútímahesthús með
góðri og snyrtilegri aðstöðu. Sú að-
staða sem hestamenn hafa í dag er
alls ekki til fyrirmyndar, m.a. vegna
þess að hún er öll til bráðabirgða.
Þetta er ekki málefni Freyfaxa og
ég ætla ekki að blanda mér inn í deil-
ur um staðsetningu. Hins vegar er
það skýlaust að sveitarfélaginu ber
að sinna þessu og það fyrr en
seinna.“
Eiríkur B. Björgvinsson, bæjar-
stjóri Austur-Héraðs, segir að það
séu einkum tvö íbúðarbyggðarsvæði
sem nú sé lögð áhersla á innan þétt-
býlisins á Egilsstöðum. Það séu
svæðin á Truntubökkum og í Sel-
brekku. Því þurfi að finna aðra lausn
fyrir hestamenn. „Þó er alls ekki bú-
ið að útiloka neitt ennþá. Í mörgum
sveitarfélögum er hesthúsabyggð
mjög nálægt íbúðarbyggð, það er
bara spurning um hvernig slíkt er
skipulagt. Verið er að skoða aðra
möguleika í stöðunni, einkum svæði
sem er hér enn sunnar við bæinn,
uppi hjá Kolstaðagerði. Ákveðinn
hópur hestamanna vill fara þangað
en aðrir vilja vera hér upp frá og
spurningin er bara hvað hentar bet-
ur þegar öll kurl koma til grafar.“
Hestamenn á Egilsstöðum orðnir langþreyttir á þrjátíu ára bráðabirgðalausnum
Morgunblaðið/Steinunn Ásmundsdóttir
Hesthúsin á Truntubökkum á Egilsstöðum. Búið er að skipuleggja íbúðarbyggð þar sem þau eru.
Truntubakkar
teknir undir
íbúðarbyggð
Egilsstaðir
ÞAÐ hefur lítið gerst á miðbæj-
arreit Akurnesinga sem skipulagð-
ur var fyrir um tveimur áratugum
og aðeins matvöruverslunin Skaga-
ver hefur prýtt nýja miðbæjarreit-
inn á þessum tíma. Nú hillir hins
vegar undir það að fleiri verslanir
og þjónustuaðilar flytjist á svæðið
því verktakafyrirtækið Gnógur
ehf., hefur hug á því að byggja á
öllum lóðunum sem í boði eru.
Bæjarráð Akraness samþykkti að
úthluta lóðum á miðbæjarreit til
Gnógs efh. í samræmi við umsókn
fyrirtækisins, en um er að ræða
samtals 15 lóðir á svæði sem í dag-
legu tali bæjarbúa er kallað
„Skagaverstúnið“. Sveinbjörn Sig-
urðsson ehf., sótti einnig um sömu
lóðir en fékk ekki.
Morgunblaðið/Sigurður Elvar
Miðbæjar-
reitur vakn-
ar af dvala
Akranes
FYRSTA skóflustungan að nýrri
Þjórsárbrú var tekin laugardaginn
16. nóvember af Guðna Ágústssyni
landbúnaðarráðherra og markar
upphaf framkvæmda við sjálfa
brúna.
Það er vélsmiðjan Normi í Vog-
um á Vatnsleysuströnd sem smíðar
brúna og er gert ráð fyrir að hún
kosti 320 milljónir króna en þá er
vegalagning að brúnni ekki innifal-
in. Brúarboginn undir brúnni sem
liggur milli bakka verður 78 metra
langur með 15 metra rishæð. Um
100 metrar af mannvirkinu verða á
föstu landi. Gert er ráð fyrir jarð-
skjálftalegum undir brúnni til að
verja hana komi til hamfara á borð
við jarðskjálfta.
Framkvæmdir hófust fyrir
nokkru við vegarlagningu að
brúnni.
Bygging nýrrar
Þjórsárbrúar hafin
Selfoss
Á DÖGUNUM var stofnað
á Húsavík nýtt félag undir
heitinu Markaðsráð Húsa-
víkur og nágrennis (Mark-
Hús). Meginmarkmið fé-
lagsins er „að gera
Húsavík og nágrenni eftir-
sóknarverðan valkost í at-
vinnu- og byggðarlegu til-
liti“.
Upphaf þessa máls má
rekja til frumkvæðis
Ferðamálafélags Húsavík-
ur að athuga með að leggja
niður félagið í núverandi mynd og
efna um leið til víðtækari samstöðu
undir nýjum merkjum. Atvinnuþró-
unarfélag Þingeyinga var fengið til
að skoða hugmyndina og í framhaldi
af því var ákveðið að kanna þetta
betur og undirbúa stofnun markaðs-
ráðsins. Gunnar Jóhannesson var
fenginn til að sinna þessu starfi sem
verkefnisstjóri.
Um tilgang svona félags segir
Gunnar að þetta sé eins og hvert
annað verkefni þar sem aðilar setja
sér ákveðin markmið í upphafi. Í
þessu tilfelli fólst það m.a. í undir-
búningi á stofnun félagsins því vilji
var til þess að láta reyna á hvort ekki
væri hægt að búa til eins konar sam-
nefnara fyrirtækja, stofnana og fé-
lagasamtaka á Húsavík og nágrenni í
markaðs- og kynningarmálum. Að
gera enn betur en hingað til.
„Það má kannski orða þetta þann-
ig að megintilgangur með þessu
verkefni er að hagnýta með mark-
vissari og betri hætti en nú þau tæki-
færi sem felast hér á svæðinu, til
uppbyggingar og eflingar á byggð og
samfélagi. Nefnum sem dæmi þrjá
þætti. Með MarkHús er m.a. verið að
samhæfa og treysta starf sem stund-
um er unnið af nokkrum aðilum í hjá-
verkum sem mun án efa skila sér í
betri árangri. Í öðru lagi er verið að
stuðla að eigin drifkrafti og fram-
kvæmd aðila hér á svæðinu sem
grundvallast af skýrum markmiðum
og framtíðarsýn hóps fyrirtækja,
stofnana og einstaklinga á tiltölulega
afmörkuðu svæði. Í þriðja lagi má
nefna að með sameiginlegu átaki
gefast ýmis tækifæri til að nýta bet-
ur það takmarkaða fjármagn sem er
tiltækt í auglýsinga- og kynningar-
mál.
Sterk ferðaþjónusta
Tæplega þrjátíu fyrirtæki og
stofnanir voru komnir á stofnfélaga-
lista MarkHús á stofnfundinum en
ákveðið var jafnframt að halda stofn-
skránni opinni fram að áramótum.
Eðli málsins samkvæmt hefur nálg-
un ferðaþjónustuaðila að verkefninu
verið nokkuð áberandi, að sögn
Gunnars. „Eins og allir vita hefur
orðið mikil þróun á því sviði hér á
Húsavík á undanförnum árum En
við segjum að ferðaþjónustufyrir-
tækin séu einungis mikilvægur hluti
af enn mikilvægari heild, eins konar
neti viðskipta- og þjónustuaðila.
Hver hlekkur skiptir máli þegar upp
er staðið og þessir tæplega þrjátíu
aðilar sem nú eru með eru eiginlega
þverskurður af húsvísku atvinnulífi,
og við væntum þess að hópurinn
stækki um helmin,“ sagði Gunnar.
Markaðsráð
Húsavíkur og ná-
grennis stofnað
Morgunblaðið/Hafþór Hreiðarsson
Frá stofnfundi Markaðsráðs Húsavíkur og ná-
grennis, f.h. Friðrik Sigurðsson, Tryggvi
Finnsson, Auður Gunnarsdóttir og Gunnar
Jóhannesson, sem stendur við ræðupúltið.
Húsavík