Morgunblaðið - 28.11.2002, Blaðsíða 55

MINNINGAR
MORGUNBLAÐIÐ FIMMTUDAGUR 28. NÓVEMBER 2002 55
Arinbjörn Kolbeinsson var maður
eigi einhamur. Fjölþætt áhugamál
hans leituðu m.a. útrásar í ábyrgð-
arstörfum, sem hann tókst á hendur
fyrir opinbera aðila og frjáls félaga-
samtök. Í blóma síns tíma var hann
áberandi í félagsstarfi lækna og
hófst þar til æðstu metorða. Fengu
læknar því að njóta lífsorku hans og
félagsþroska umfram aðra. Arin-
björn var formaður Læknafélags Ís-
lands 1967 til 1971 og kjörinn heið-
ursfélagi þess síðar. Honum auðn-
aðist að afla sér vinsælda félaga
sinna án meðvitaðrar fyrirhafnar og
andbyr fylgdi honum ekki. Hann var
markviss og málefnalegur í öllu fé-
lagslífi, en kunni vel að bregða á leik,
ef því var að skipta. Arinbjörn lagði
einnig stund á kennslu læknisefna og
heilbrigðisstétta. Þótti fylgja honum
ferskur blær, þegar hann kom frá
sérnámi sínu í Bandaríkjunum. Gaf
hann sig að kennslunni með öðrum
hætti, en áður hafði tíðkast.
Því hagaði ég orðum mínum svo í
upphafi, að fordæmi hins góða, sem
látinn hefur til leiðar komið, megi
verða okkur, sem eftir lifum, til eft-
irbreytni. Arinbjörn var merkur
fulltrúi hverfandi kynslóðar, sem
einskis krafðist, þegar átaks var þörf
fyrir fjöldann, heldur lagði hann
hönd á plóg stéttar sinnar og leiddi
hana, væri hann til þess kallaður.
Læknafélag Íslands þakkar framlag
hans til menntunar lækna og baráttu
fyrir bættum starfsskilyrðum þeirra
og sendir aðstandendum hans inni-
legar samúðarkveðjur.
Sigurbjörn Sveinsson.
Kveðja frá Félagi íslenskra
bifreiðaeigenda
Arinbjörn Kolbeinsson, fyrrver-
andi formaður FÍB og heiðursfélagi
félagsins, er látinn í Reykjavík.
Hann varð 87 ára gamall.
Arinbjörn hafði alla tíð mikinn
áhuga á samgöngum, umferðarmál-
um og umferðaröryggismálum.
Hann var frumkvöðull á því sviði
enda hafði hann víðtæka þekkingu
og skilning á mikilvægi þessara mála
fyrir samfélagið í heild. Fyrir störf
sín að félagsmálum varð hann heið-
ursfélagi í Læknafélagi Íslands og í
Félagi íslenskra bifreiðaeigenda
1993. En störf Arinbjarnar að um-
ferðar- og umferðaröryggismálum
vöktu athygli út fyrir landsteinana
og þegar samtökin Nordisk Traf-
ikmedicin héldu ársfund sinn á Ís-
landi árið 1998 gerðu þessi merku
frumkvöðlasamtök í umferðarörygg-
ismálum Arinbjörn að heiðursfélaga
sínum.
Arinbjörn Kolbeinsson varð for-
maður Félags íslenskra bifreiðaeig-
enda fyrst árin 1960–1970 og svo aft-
ur 1980–1993.
Í fyrri formannstíð sinni kom
hann fram, fyrstur manna hér á
landi, með hugmynd að ökuferils-
skrá og sérstöku punktakerfi fyrir
ökumenn sem loks varð að veruleika
rúmum þremur áratugum síðar. Þá
var hann einnig ötull talsmaður þess
að hægri umferð yrði tekin upp hér á
landi og átti m.a. sæti í undirbún-
ingsnefnd hægri umferðar. Hægri
umferð var svo tekin upp á vordög-
um 1968.
Í formannstíð sinni í FÍB átti Ar-
inbjörn og samstarfsmenn hans í
stjórn félagsins frumkvæði að stofn-
un Hagtryggingar og innleiddu
þannig samkeppni í staðnað sam-
tryggingarkerfi íslenskra bifreiða-
trygginga. Sú samkeppni skilaði
ekki einungis félagsmönnum FÍB,
heldur öllum bifreiðaeigendum í
landinu umtalsverðum sparnaði.
Meðal nýjunga í starfsemi Hag-
tryggingar var bónuskerfi þar sem
góðir og slysalausir ökumenn nutu
lægri iðgjalda en hinir. Bónuskerfi í
bifreiðatryggingum hafði fram til
þess tíma verið óþekkt hér á landi.
Sem formaður FÍB lagði Arin-
björn ávallt ríka áherslu á umferð-
aröryggismál og á góða ökukennslu.
Í formannstíð hans barðist félagið
fyrir því að komið yrði upp æfinga-
akstursbraut fyrir ökunema og
raunar alla ökumenn, þar sem æfa
mætti akstur og rétt viðbrögð við
hverskonar akstursaðstæður án
þess að stefna sjálfum sér og öðrum í
hættu. Ekki var látið þar við sitja að
varpa einungis hugmyndinni fram
heldur lét Arinbjörn og félagar hans
í stjórn FÍB ennfremur hanna slíka
braut og gáfu teikningarnar umferð-
aryfirvöldum auk þess að útvega
jafnframt landsvæði fyrir brautina.
Ekki dugði þetta þó til þess að yf-
irvöld tækju við sér og er brautin
enn ókomin.
Sem formaður FÍB barðist Arin-
björn alla tíð hart gegn ósanngjörn-
um sköttum á bifreiðaeigendur,
þannig að sú barátta félagsins er
bæði gömul og ný saga. Sem dæmi
má nefna að í formannstíð hans var
t.d. þeim bifreiðaeigendum sem
höfðu útvarpsviðtæki í bifreiðum sín-
um gert að greiða sérstakt afnota-
gjald af bíltækinu. Arinbjörn barðist
gegn þessari ósanngjörnu skatt-
heimtu og náði þeim árangri að hún
var afnumin. Þótt þetta virðist etv.
ekki stórvægilegt í augum nútímans,
þá var þetta engu að síður stórmál á
sínum tíma. Afnám gjaldsins var
stórsigur og tímamót, því að um var
að ræða kúvendingu í opinberri
skattastefnu.
Sem formaður samtaka íslenskra
bifreiðaeigenda hafði Arinbjörn víð-
sýni til að bera og vildi ekki að sam-
tökin lokuðust inni í séríslenskum
staðháttum og veruleika heldur
tækju mið af starfi samskonar sam-
taka í öðrum löndum og sæktu sér
ferskar hugmyndir sem víðast. Hann
hélt því ávallt sterku og góðu sam-
bandi við erlend samtök bifreiðaeig-
enda og alþjóðasamtök þeirra og
sótti reglulega fundi þeirra þegar
hann gegndi trúnaðarstörfum fyrir
íslenska bifreiðaeigendur.
FÍB vottar minningu Arinbjarnar
Kolbeinssonar virðingu og aðstand-
endum hans og ástvinum samúð.
Fh. Stjórnar og starfsfólks Félags
íslenskra bifreiðaeigenda;
Árni Sigfússon formaður,
Runólfur Ólafsson
framkvæmdastjóri.
Við samstarfsfólk Arinbjarnar
Kolbeinssonar fyrrum yfirlæknis á
sýklafræðideild Landspítalans
minnumst hans með virðingu og hlý-
hug. Arinbjörn var ljúfur yfirmaður
og afar skemmtilegur í samskiptum.
Okkur er vel ljóst hversu stóran þátt
Arinbjörn átti í því að góður starfs-
andi hefur um árabil verið aðal deild-
arinnar.
Arinbjörn var góður sýklafræð-
ingur og lagði grunn að rannsóknum
í sýklafræði hér á landi eins og þær
hafa síðan þróast. Hann var dósent í
sýklafræði sem undir hans stjórn
varð sjálfstæð fræðigrein innan
læknisfræði og meinatækni. Aug-
ljóslega átti það vel við skapgerð
hans að niðurstöður má fá með
margs konar hætti og álitamál hvaða
þáttur vegur mest við greiningu
hverju sinni. Niðurstöður voru því
túlkaðar út frá ýmsum sjónarmiðum
og flestra möguleika getið í fjörug-
um samræðum. Því var vissara að
vera með það á hreinu hvert tilvikið
var og nýta víðsýni Arinbjarnar til
að læra af.
Þó ýmsar stundir úr dagsins önn
séu minnisstæðar frá samstarfinu
við Arinbjörn eru þær stundir sem
starfsfólkið átti saman ekki síður
minnisstæðar og kærar. Til að
mynda eru þau heimsins vandamál
óteljandi sem voru leyst í laugar-
dagskaffinu og var sama hvar var
drepið niður. Sviðamessur voru
haldnar haust hvert þannig að æta-
gerðin var ekki einvörðungu bundin
við bakteríur heldur gerðum við okk-
ur einnig glaðan dag þegar svo bar
undir. Sú minning sem við höfum
hvað skýrasta af Arinbirni er af hon-
um við háborðið á sviðamessu dill-
andi af kátínu að halda ræðu, gott ef
ekki um eðli sauðkindarinnar eða
eitthvað ámóta mikilvægt efni.
Við þökkum einlæglega fyrir að
hafa átt samleið með Arinbirni og
vottum Sigþrúði og börnunum inni-
lega samúð okkar.
Samstarfsfólk á
sýklafræðideild LSH.
Arinbjörn Kolbeinsson var ötull
sjálfboðaliði Rauða krossins sem
vann ómælt starf í þágu félagsins,
einkum innan Reykjavíkurdeildar
þar sem hann var formaður frá 1979
til 1993. Hann starfaði meðal annars
af kappi að öldrunarmálum og átti
stóran þátt í að koma á fót Múlabæ,
sem er dagvist fyrir aldraða og ör-
yrkja, og Hlíðabæ, sem er dagvist
fyrir aldraða með minnissjúkdóma.
Hann var formaður stjórna beggja
stofnana um árabil.
Arinbjörn var hógvær maður,
duglegur og fylginn sér. Hann fylgdi
málefnum eftir af einurð og þegar
hann tók að sér að koma einhverju í
verk þá hætti hann ekki fyrr en af
því var orðið. Þessa naut Rauði
krossinn í ríkum mæli.
Starfskraftar Arnibjarnar nýttust
líka á landsvísu því hann sat í stjórn
Rauða kross Íslands frá 1973 til
1990, þar af varaformaður 1975 til
1977.
Starfsfólk og sjálfboðaliðar Rauða
krossins syrgja látinn félaga og
senda aðstandendum hans innilegar
samúðarkveðjur.
Rauði kross Íslands og
Reykjavíkurdeild Rauða
kross Íslands.
Kveðja frá Árnesingafélaginu
í Reykjavík
Látinn er heiðursfélagi Árnes-
ingafélagsins Arinbjörn Kolbeinsson
læknir. Arinbjörn starfaði innan
raða félagsins í áratugi og sat lengst
af í stjórn þess. Hann var formaður
félagsins frá 1974 til ’92 og vann öt-
ullega að ýmsum málefnum sem fé-
lagið varðaði, þar á meðal að reisa
minnisvarða um ýmsa merka Árnes-
inga: Sigríði Tómasdóttur frá Bratt-
holti við Gullfoss 1978, Ásgrím Jóns-
son listmálara í Flóanum 1982 og
Tómas Guðmundsson skáld í Gríms-
nesinu „Við sundin blá“ 1991. Einnig
var Arinbjörn aðalhvatamaður
ásamt fleirum að því að styrkja út-
gáfu á ýmsum verkum þ.á m. útgáfu
á sýslu- og sóknarlýsingum Árnes-
sýslu og útgáfu á tónverkum Pálm-
ars Þ. Eyjólfssonar tónskálds frá
Stokkseyri.
Skógrækt hefur lengi verið aðals-
merki Árnesingafélagsins og þar
starfaði Arinbjörn af heilum hug við
að viðhalda og efla lundi félagsins á
Þingvöllum og að Áshildarmýri á
Skeiðum. Við viljum þakka Arinbirni
Kolbeinssyni hans fórnfúsa starf í
þágu félagsins og minnumst þessa
merka manns með þakklæti og virð-
ingu. Við sendum eftirlifandi eigin-
konu hans frú Sigþrúði Friðriksdótt-
ur og öðrum aðstandendum
innilegustu samúðarkveðjur okkar.
F.h. félaganna í Árnesingafélag-
inu í Reykjavík.
Hjördís Geirsdóttir
formaður.
Móðir okkar, tengdamóðir og amma,
SIGRÍÐUR ÁRNADÓTTIR,
Grýtubakka 14,
Reykjavík,
áður húsmóðir á Kluftum,
lést á Landspítala Landakoti fimmtudaginn
21. nóvember.
Kveðjuathöfn verður í Breiðholtskirkju, Reykja-
vík, föstudaginn 29. nóvember kl. 13.30.
Útför hennar verður gerð frá Hrunakirkju, Hrunamannahreppi, laugar-
daginn 30. nóvember kl. 14.00.
Helga Guðmundsdóttir, Ingvar Hallgrímsson,
Margrét Erna Guðmundsdóttir, Marinó Þ. Guðmundsson,
Marteinn Steinþórsson, Anna Stefánsdóttir
og barnabörn.
Ástkær eiginkona mín, móðir, tengdamóðir og
amma,
VALGERÐUR HANNA GUÐMUNDSDÓTTIR,
lést á Heilbrigðisstofnun Suðurlands,
miðvikudaginn 20. nóvember.
Útförin fer fram frá Eyrarbakkakirkju laugar-
daginn 30. nóvember kl. 14.00.
Þeim, sem vilja minnast hennar, er bent á
Krabbameinsfélag Árnessýslu.
Böðvar Sigurjónsson,
Anna Lára Böðvarsdóttir, Einar Magnússon,
Lilja Böðvarsdóttir, Einar Helgi Haraldsson,
Íris Böðvarsdóttir, Karl Þór Hreggviðsson
og ömmubörn.
Elskuleg eiginkona mín, móðir okkar og
tengdamóðir,
KRISTRÚN KARLSDÓTTIR,
Litlahvammi 2,
Húsavík,
lést á Sjúkrahúsinu á Húsavík þriðjudaginn
26. nóvember.
Jarðarförin auglýst síðar.
Ásmundur Bjarnason,
Karl Ásmundsson, Bergþóra Guðbjörnsdóttir,
Bergþóra Ásmundsdóttir, Arnar Guðlaugsson,
Bjarni Ásmundsson,
Jóhanna Ásmundsdóttir, Erling Ó. Aðalsteinsson,
Anna Ásmundsdóttir, Sigurður Ingi Jóhannsson,
Sigrún Ásmundsdóttir, Kjartan Ásmundsson.
Elskulegur sonur okkar, sambýlismaður, faðir
okkar og barnabarn,
KÁRI ÞÓRIR KÁRASON
múrari,
lést á Landspítala háskólasjúkrahúsi, Foss-
vogi, sunnudaginn 24. nóvember.
Jarðaförin fer fram frá Garðakirkju, Garðaholti,
þriðjudaginn 3. desember kl. 15.00.
Þórunn Káradóttir Hvasshovd, Stein Hvasshovd,
Snædís Róbertsdóttir,
Alexander Máni, Alexander,
Sigursteinn Snær, Aþena Sól,
Anna J. Eiríksdóttir, Kári Þórir Kárason.
Elskulegur eiginmaður minn, faðir okkar,
tengdafaðir og afi,
EDWARD W. KRUCZEK,
lést á sjúkrahúsi í New Jersey aðfaranótt
sunnudagsins 24. nóvember.
Jarðarförin hefur farið fram.
Soffía Guðbjörg Ásgrímsdóttir Kruczek,
Andrew Ásgrímur Kruczek, Margrét Íris Sigtryggsdóttir,
Kathrine L. Kruczek,
Edward W. Kruczek,
Kristina E. Kruczek,
Daði Þór Ásgrímsson Kruczek.
Elskulegur eiginmaður minn, faðir okkar, stjúp-
faðir, tengdafaðir, afi og langafi,
STEINAR FRIÐJÓNSSON
bifreiðasmiður,
Funafold 71,
lést á líknardeild Landspítalans í Kópavogi
þriðjudaginn 26. nóvember.
Áslaug Aðalsteinsdóttir,
Hrafnhildur Steinarsdóttir, Karl Hinrik Jósafatsson,
Friðjón Gunnar Steinarsson, Jadwiga Margrét Jónsdóttir,
Ólafur Steinarsson, Regína Inga Steingrímsdóttir,
Aðalsteinn Emilsson,
barnabörn og barnabarnabörn.